Ko Hono Fokotuʻu ʻo e Kau ʻŌfisa ʻo e Siasí Palesiteni Thomas S. Monson Tokoni ʻUluaki ʻi he Kau Palesitenisī ʻUluakí Ko ha hiva fakaʻofoʻofa ia. ʻOku ou ʻamanaki pē naʻa mou fakatokangaʻi ʻa e pine faifekau ʻoku tui ʻe he tokotaha kotoa pē, ʻa ia ʻe vavé ni pē haʻanau mavahe atu mei he Senitā Akoʻanga Faifekaú ke fakahoko ʻenau ngāué ʻi he funga ʻo e māmaní. Siʻoku ngaahi tokoua mo e tuofāfine, kuo kole mai ʻa Palesiteni Hingikelī ke u fokotuʻu atu ʻa e Kau Taki Māʻolungá, Fitungofulu Fakaʻēliá mo e kau palesitenisī lahi ʻo e ngaahi houalotú ʻo e Siasí ke mou hikinimaʻi. ʻOku fokotuʻu atu ke tau poupouʻi ʻa Gordon Bitner Hinckley ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní: Thomas Spencer Monson ko e Tokoni ʻUluaki ʻi he Kau Palesitenisī ʻUluakí pea mo James Esdras Faust ko e Tokoni Ua ʻi he Kau Palesitenisī ʻUluakí. Ko kimoutolu ʻoku loto ki aí pea fakahā mai. Ka ʻoku ʻi ai ha taʻe loto pea fakahā mai ʻi he founga tatau. ʻOku fokotuʻu atu ke tau poupouʻi ʻa Thomas Spencer Monson ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá; Boyd Kenneth Packer ko e Palesiteni Leʻoleʻo ʻo e Kōlomu ʻo e Kau ʻAposetolo ʻe Toko Hongofulu Mā Uá; pea ko e kau mēmipa ʻeni ʻo e kōlomú: Boyd K. Packer, L. Tom Perry, Russell M. Nelson, Dallin H. Oaks, M. Russell Ballard, Joseph B. Wirthlin, Richard G. Scott, Robert D. Hales, Jeffrey R. Holland, Henry B. Eyring, Dieter F. Uchtdorf, pea mo David A. Bednar. Ko kimoutolu ʻoku loto ki aí pea fakahā mai. Ka ʻoku ʻi ai ha taʻe loto pea fakahā mai. ʻOku fokotuʻu atu ke tau poupouʻi e ongo tokoni ʻi he Kau Palesitenisī ʻUluakí mo e Kau ʻAposetolo ʻe Toko Hongofulu Mā Uá ko e kau palōfita, kau tangata kikite mo e kau tangata maʻu fakahā. Ko kimoutolu ʻoku loto ki aí pea fakahā mai. Ka ʻoku ʻi ai ha taʻe loto pea fakahā mai he founga tatau pē. ʻOku mau tukuange heni ʻa e niʻihi ko ʻení mei he Kōlomu Hono Ua ʻo e Kau Fitungofulú ʻEletā Ronald T. Halverson, Dale E. Miller, H. Bryan Richards, Donald L. Staheli, David R. Stone, H. Bruce Stucki, Robert J. Whetten, pea mo Richard H. Winkel. Ko kimoutolu ʻoku fie kau fakataha mo kimautolu ʻi hono fakahaaʻi ki he kau tangatá ni ʻetau houngaʻiá pea kātaki ʻo fakahā mai. ʻOku mau fokotuʻu atu toki ke tau tukuange e niʻihi ko ʻení ʻi he loto houngaʻia moʻoni mei heʻenau hoko ko e Kau Fitungofulu Fakaʻēlia, César A. S. Milder, Hyae-Kee Min, pea mo Masayuki Nakano. Ko kimoutolu ʻoku fie kau fakataha mai ki hono fakahoko iá, pea fakahā mai. ʻOku fokotuʻu atu ke tau poupouʻi ʻa Erich W. Kopischke ko ha Fitungofulu Fakaʻēlia foʻou. Ko kimoutolu ʻoku loto ki aí kātaki fakahā mai. Ka ʻoku ʻi ai ha taʻe loto pea fakahā mai ʻi he founga tatau. ʻOku fokotuʻu atu ke tau poupouʻi e toenga ʻo e Kau Taki Māʻolungá, Fitungofulu Fakaʻēliá mo e kau palesitenisī lahi ʻo e ngaahi houalotú, ʻo hangē ko ʻenau tuʻu ʻi he lolotonga ní. Ko kimoutolu ʻoku loto ki aí, pea fakahā mai. Ka ʻoku ʻi ai ha taʻe loto pea fakahā mai. ʻE Palesiteni Hingikelī, ʻoku hā mai kuo loto taha e kāingalotú. Siʻi ngaahi tokoua mo e tuofāfine, ʻoku mau fakamālō atu ʻi hoʻomou tuí mo hoʻomou ngaahi lotú.