Meʻa Tukú Palesiteni Gordon B. Hinckley Kuo tataki fakalaumālie hake kitautolu ki ha loto fakafetaʻi lahi ange koeʻuhí ko e ongoongolelei fakaofó ni. ʻE hoku ngaahi tokoua mo e tuofāfine ʻofeina, ʻoku tau aʻu mai ki he aofangatuku ʻo e konifelenisi maʻongoʻongá ni. Kuo langaki moʻui mo fakatupulekina kitautolu. Kuo tataki fakalaumālie hake kitautolu ki ha loto fakafetaʻi lahi ange koeʻuhí ko e ongoongolelei fakaofó ni. Kuo fakaʻofoʻofa ʻa e hivá pea mo e folofola kuo leaʻakí. Te tau foki atu he taimí ni ki hotau ngaahi ʻapí. Tau tokanga muʻa ʻo kapau ʻoku tau fakaʻuli. ʻOua naʻa tuku ke hanga ʻe ha meʻa fakamamahi ʻo maumauʻi ʻa e ongo kuo tau aʻusiá. Ko e meʻa kotoa pē kuo fai he konifelenisí ni ʻe hā atu ia ʻi he paaki hono hoko ʻo e Ensign mo e Liahoná. ʻOku mau toe poupouʻi atu kimoutolu ke mou lau ʻa e ngaahi leá ʻi hoʻomou efiafi fakafāmilí pea mou aleaʻi fakafāmili kinautolu. Ko ha ola kinautolu ʻo ha lotu mo e fakalaulauloto lahi pea ʻoku taau ke tau fakakaukauʻi lelei ʻa kinautolu. ʻOku toloi ʻa e konifelenisí ni ʻi ha mahina ʻe ono. ʻOku mau ʻamanaki fiefia atu ke tau toe femātaaki ʻi ʻEpeleli ʻo e taʻu foʻoú. Ko hoku taʻu 97 ʻeni pea ʻoku ou fakaʻamu ke u moʻui fuoloa ange. ʻOku mau lotua ke ʻiate kimoutolu e ngaahi tāpuaki ʻo e langí he taimí ni, ʻi he loto fakatōkilalo moʻoni pea ʻi he huafa ʻo hotau Huhuʻí, ʻa e ʻEiki ko Sīsū Kalaisí, ʻēmeni.