Եկեղեցու Աուդիտի Բաժանմունքի Հաշվետվությունը, 2006թ. Ներկայացրեց Ռոբերտ Վ. Քանթվելը Եկեղեցու Աուդիտի Բաժանմունքի Ղեկավար Տնօրեն Ուղղված է Հիսուս Քրիստոսի Վերջին Օրերի Սրբերի Եկեղեցու Առաջին Նախագահությանը Հարգելի Եղբայրնե՛ր, Ինչպես ասվում է Վարդապետություն և Ուխտերի 120-րդ բաժնում տրված հայտնության մեջ, Տասանորդների Տնօրինման Խորհուրդն է թույլատրում Եկեղեցու ֆոնդերի ծախսերը: Այս խորհուրդը կազմված է Առաջին Նախագահությունից, Տասներկու Առաքյալների Քվորումից և Նախագահող Եպիսկոպոսությունից: Այս խորհուրդը հաստատում է Եկեղեցու բաժանմունքների և գործունեության բյուջեները: Ստանալով խորհրդի թույլտվությունը, Եկեղեցու բաժանմունքները պետք է ծախսեն ֆոնդերը ըստ հաստատված բյուջեների և համաձայն Եկեղեցու քաղաքականության ու ընթացակարգերի: Եկեղեցու Աուդիտի Բաժանմունքին թույլատրվել է օգտագործել այն բոլոր տվյալներն ու համակարգերը, որոնք անհրաժեշտ են ֆոնդերի անդորագրերի, ծախսերի, ինչպես նաև եկեղեցու ունեցվածքի պահպանման ուղղությամբ համապատասխան վերահսկողությունը գնահատելու համար: Եկեղեցու Աուդիտի Բաժանմունքը գործում է Եկեղեցու այլ բաժանմունքներից և գործունեությունից անկախ, որի աշխատակազմը բաղկացած է երաշխավորված հաշվապահներից, երաշխավորված ներքին աուդիտորներից, երաշխավորված տեղեկակատու համակարգերի աուդիտորներից և որակավորում ունեցող ու փորձառու այլ մասնագետներից: Հիմնվելով աուդիտների կատարման արդյունքների վրա, Եկեղեցու Աուդիտի Բաժանմունքը այն կարծիքին է, որ 2006թ. նյութական առումով մուտքերը, ստացված նվիրատվությունները, արված ծախսերը և Եկեղեցու ակտիվները գրանցվել և տնօրինվել են համապատասխան հաշվապահական գործառնություններով, հաստատված բյուջեի, Եկեղեցու քաղաքականության և ընթացակարգերի համաձայն: Հարգանքով ներկայացնում է` Եկեղեցու Աուդիտի Բաժանմունքը Ռոբերտ Վ. Քանթվել Ղեկավար Տնօրեն