អែលឌើរ អិល ថម ភែរី, “ពួកយើងជាជំនាន់ដ៏អស្ចារ្យបំផុត,” Mar 2011
ការប្រជុំ ស៊ី.អ៊ី.អែស សម្រាប់មជ្ឈិមវ័យវ័យក្មេង ថ្ងៃទី 6 ខែមិនា ឆ្នាំ 2011 សាកលវិទ្យាព្រឹកហាំ យ៉ង
ពេលខ្ញុំឈរនៅលើវេទិកាចំពោះមុខអ្នក ហើយមើលទៅអ្នករាល់គ្នាដែលជាមជ្ឈឹមវ័យវ័យក្មេងដ៏ស្រស់ស្អាត ខ្ញុំតែងតែមានអារម្មណ៍អស្ចារ្យ ។ វាកាន់តែញាប់ញ័រ ពេលដឹងថាមានអ្នករាល់គ្នារាប់ពាន់នាក់ បានប្រមូលផ្តុំគ្នានៅក្នុងក្រុមជំនុំនៅទូទាំងពិភពលោក ។
អ្នករាល់គ្នាគឺជាអនាគតនៃសាសនាចក្រ
នៅក្នុងរយៈពេលជាច្រើនឆ្នាំកន្លងផុតទៅយ៉ាងរហ័ស អ្នកនឹងក្រឡេកមើលមកគ្រានេះក្នុងជីវិតរបស់អ្នក គឺជាគ្រាដ៏រំភើបចិត្តក្រៃលែងមួយ ។ ខ្ញុំទុកចិត្ត និង ជឿជាក់ដ៏ធំទៅលើមជ្ឈឹមវ័យវ័យ ក្មេងនៃសាសនា ចក្រ ។ វិវរណៈដ៏ច្បាស់បំផុតមួយ ដែលខ្ញុំមិនធ្លាប់បានទទួល បានផ្តល់ដល់ខ្ញុំ នៅពេលខ្ញុំរៀបចំដើម្បីធ្វើជាអធិបតីនៅតំបន់អឺរ៉ុបកណ្តាល ។
អំឡុងពេលយប់មួយ ខ្ញុំគេងមិនលក់ ខ្ញុំបានទទួលនូវអារម្មណ៍មួយ ថា មជ្ឈឹមវ័យវ័យក្មេងនៅលីវ គឺជាអនាគតនៃសាសនាចក្រ នៅទ្វីបអឺរ៉ុប ហើយ ខ្ញុំចាំបាច់ត្រូវផ្តោតយកចិត្តទុកដាក់ទៅលើពួកគេ ។ វាបានក្លាយទៅជាគ្រាដ៏ជារង្វាន់ធំបំផុតនៃការបម្រើ់ដ៏យូរអង្វែងរបស់ខ្ញុំ ។ លទ្ធផលដ៏ពេញចិត្តមួយចំនួន បានកើតឡើង ក្នុងអំឡុងពេលពីរបីឆ្នាំកន្លងទៅ ។ យើងបានស្តាប់ឮអំពីគំនិត និង កង្វល់របស់អ្នក ។
យើងទាំងអស់គ្នា បានរៀនអំពីរបៀបដើម្បីជួយអ្នក ដើម្បីនាំមិត្តភក្តិយ៉ាងច្រើន មកថ្វាយបង្គុំជាមួយនឹងអ្នក ។ ខ្ញុំបានឃើញអំណាចខាងវិញ្ញាណរបស់មជ្ឈិមវ័យវ័យក្មេងនៅក្នុងសាសនា ចក្រនេះជាញឹកញាប់ ។ ខ្ញុំស្គាល់សមត្ថភាពរបស់អ្នក ។ ខ្ញុំបានឃើញរបៀបដែលអ្នកពង្រឹងដល់គ្នាទៅវិញទៅមក ហើយ នាំមិត្តភក្តិមកកាន់ចំណេះដឹងនៃដំណឹងល្អរបស់ព្រះយេស៊ូវគ្រីស្ទ ដែលបានស្តារឡើងវិញ ។
អ្នករាល់គ្នានៅក្មេង ។ ខ្ញុំចាស់ហើយ ។ រវាងអ្នក និង ខ្ញុំយើងមានគំលាតអាយុពីគ្នាជាច្រើនឆ្នាំ ។ កាលពី ខ្ញុំនៅអាយុស្របាលអ្នក ខ្ញុំប្រើការគិតបញ្ចុះ ដើម្បីគណនាលេខ នៅក្នុងថ្នាក់គណនេយ្យរបស់ខ្ញុំ ។ ខ្ញុំសូមឲ្យឧទាហរណ៍មួយដល់អ្នកអំពីវា ។ ខ្ញុំនិយាយក្នុងកម្រិត 140 ពាក្យក្នុងមួយនាទី នៅពេលខ្ញុំនិយាយសុន្ទរកថា។ បើខ្ញុំគិតអំពីចំនួនពាក្យដែលខ្ញុំនិយាយ ដោយការចែកចំនួននោះជាមួយនឹងពាក្យទាំងអស់ ដឹងថាការនិយាយនឹងមានរយៈពេលប៉ុន្មាន ។ ចំពោះខ្ញុំ ការគិតដូច្នេះវាលឿនជាងឧបករណ៍គណនាសម័យទំនើប ។ ប៉ុន្តែដើម្បីមានតំរិះទាន់គំនិតដ៏ឈ្លាសវៃទំនើបរបស់អ្នក ការគណនារបស់ខ្ញុំស្ទើរតែទាំងអស់ខ្ញុំត្រូវរៀនដឹងឧបករណ៍ទំនើបនៅជំនាន់របស់អ្នករាល់គ្នា ។
ដើម្បីរក្សាដំរិះរបស់ខ្ញុំឲ្យទន្ទឹមនឹងអ្នក នោះវាតម្រូវឲ្យខ្ញុំធ្វើការផ្លាស់ប្តូរជាច្រើន ដើម្បីអាចប្រើប្រាស់បច្ចេកវិទ្យាទំនើបបំផុតបាន។ ខ្ញុំត្រូវរៀនប្រើ comptometer ជាកាតដែក 1401 និង កុំព្យូទ័រស្តុកឌីស 360 ឌីស កុំព្យូទ័រ យួរដៃ palm pilot, ទូរស័ព្ទដៃ blackberry, iPod, iPhone ហើយឥឡូវខ្ញុំមាន iPad។ បន្ថែម ពីលើនោះ មាន Facebook, Twitter, blogs, និង YouTube ទាំងនោះ។ ចូរគិតទៅមើលថាវាមានសភាពដូចម្តេច សម្រាប់មនុស្ស ចាស់អាយុ 88 ឆ្នាំនោះ !
អ្នករាល់គ្នាបានដាក់ការសាកល្បងយ៉ាងធំមួយ សម្រាប់ជំនាន់របស់ខ្ញុំ ដើម្បីព្យាយាមចេះដឹងអោយទាន់សម័យដូចជាអ្នករាល់គ្នា ។ ប៉ុន្តែយើងមានអត្ថប្រយោជន៍មួយ លើអ្នករាល់គ្នា ។ យើងបានដើរឆ្លងកាត់រាល់ការផ្លាស់ប្តូរទាំងអស់ ។ យើងបានកើនបទពិសោធន៍តាមរយៈចំណេះដឹងជាមូលដ្ឋានគ្រឹះមួយ ចំនួន ដែលនៅតែមានតម្លៃដ៏មហិមា ជាគ្រឹះដែលត្រូវសង់នៅពីលើ ។ អ្នកអាចគ្រាន់តែបានអានអំពី វា ប៉ុណ្ណោះ។ ខ្ញុំចង់និយាយអំពីមូលដ្ឋានគ្រឹះមួយចំនួននោះ ដែលត្រូវតែយកចិត្តទុកដាក់ កុំគ្រវែងចោលឡើយ ។
ធ្វើឲ្យជំនាន់របស់អ្នកជាជំនាន់ដ៏អស្ចារ្យ
កាលពីប៉ុន្មានឆ្នាំកន្លងទៅ អ្នកនិពន្ធដ៏ល្បីឈ្មោះមួយរូប បានពិពណ៌នាអំពីបុរសស្ត្រីមួយចំនួន នៅជំនាន់របស់ខ្ញុំថាជា «ជំនាន់ដ៏អស្ចារ្យបំផុត» ។ អ្នកនិពន្ធឈ្មោះ Tom Brokaw បានពន្យល់ថា៖
« បុរសស្ត្រីទាំងនេះ បានធំឡើងនៅក្នុងវិបត្តិដ៏មហិមា នៅក្នុងវិបត្តិសេដ្ឋកិច្ចសំកាំងនៅពីលើដែនដីដូចជាគ្រោះចង្រៃមួយ ។ ពួកគេ… បានមើលឃើញឪពុកម្តាយរបស់ពួកគេបាត់បង់អាជីវកម្ម ចំការ ការងារ និង សេចក្តីសង្ឃឹមរបស់ពួកគេ ។ ពួកគេបានរៀនទទួលយកអនាគត ដែលបានកើតឡើងមួយថ្ងៃម្តង ៗ ។ បន្ទាប់មក សេដ្ឋកិច្ចបានត្រឡប់មកមានពន្លឺដូចដើមវិញ សង្គ្រាមបានផ្ទុះឡើងនៅទូទាំងទ្វីបអឺរ៉ុប និង ទ្វីបអាស៊ី។ …ជំនាន់នេះ ត្រូវបានដាស់តឿនឲ្យទៅបរិវេណក្បួន ហើយប្រាប់ឲ្យហ្វឹកហ្វឺនសម្រាប់ សង្គ្រាម ។ ពួកគេបានចាកចោលចំការរបស់ពួកគេ … ការងាររបស់ពួកគេនៅលើវិថីដ៏ចំបង … ពួកគេ បានលះបង់កន្លែងរបស់ពួកគេ នៅក្នុងការប្រជុំ… និងនៅកន្លែងការងារនៅក្រុមហ៊ុនវ៉លស្ទ្រីត ពួកគេ បានឈប់រៀន ឬមិន បានបញ្ចប់ការសិក្សា ទៅកាន់ឯកសណ្ឋានដោយផ្ទាល់ ។ …
« ពួកគេបានប្រឈមមុខនឹងរឿងដ៏ប្លែក និងចូលប្រលូកក្នុងមហា សង្គ្រាមក្រោយគេប៉ុន្តែ ពួកគេមិនតវ៉ា ឡើយ ។ ជួនកាលនៅក្នុងជីវិតរបស់ពួកគេ នៅពេលថ្ងៃ និងពេលយប់របស់ ពួកគេ ត្រូវបានបំពេញទៅ ដោយការផ្សងព្រេងនិរទោស សេចក្តីស្រឡាញ់ និងមេរៀន អំពី ការងារដើម្បីរស់នៅក្នុងពិភពលោក ជាញឹកញាប់ ពួកគេប្រយុទ្ធយ៉ាងស្វិតស្វាញ នៅក្នុង ស្ថានភាពដ៏បុរាណបំផុត ។ … ដែលអាចធ្វើបាន។ ពួកគេស្ថិតនៅក្នុងអាកាសជារៀងរាល់ថ្ងៃ នៅលើមេឃពោរពេញ ទៅដោយភាពតក់ស្លុត ហើយពួកគេ បានទៅកាន់សមុទ្រដ៏ គ្រោះថ្នាក់ ឆ្ងាយពីច្រាំងនៃទឹកដី កំណើតរបស់ពួកគេ ។ …
« នៅពេលបញ្ចប់សង្គ្រាម បុរសស្ត្រីដែលបានចូលរួមនៅក្នុងសង្គ្រាម… បានចូលរួមនៅក្នុងការប្រារព្ធ ពិធីដ៏ខ្លី ប្រកបដោយក្តីរីករាយ បន្ទាប់មកចាប់ផ្តើមកិច្ចការ ដើម្បីស្ថាននាជីវិតរស់នៅរបស់ពួកគេសារជា ថ្មី និងពិភពលោកដែលពួកគេចង់បានវិញភ្លាម ។ ពួកគេមានបទពិសោធន៍ច្រើនជាងអាយុរបស់ពួកគេ លត់ដំដោយអ្វីដែលពួកគេបានឆ្លងកាត់ បានលត់ដំខ្លួន … ដោយការហ្វឹកហ្វឺន និងពលិកម្មរបស់ពួកគេ ។ ពួកគេបានរៀបការយ៉ាងច្រើន ហើយបានផ្តល់កំណើតឲ្យជំនាន់ថ្មី …។ …ពួកគេនៅស្មោះត្រង់ចំពោះ តម្លៃ នៃការទទួលខុសត្រូវ កាតព្វកិច្ច កិត្តិយស និងសេចក្តីជំនឿផ្ទាល់ខ្លួនរបស់ពួកគេ» ។1
ពេលខ្ញុំនៅក្មេង យើងទន្ទឹងរង់ចាំរឿងដូចគ្នា ដែលអ្នកចង់បាននៅសព្វថ្ងៃនេះ ។ យើងបានទន្ទឹងរង់ចាំ ភាពផ្អែមល្ហែម ការសិក្សា វិជ្ជាជីវៈ និងអាពាហ៍ពិពាហ៍ ។ ផ្ទុយទៅវិញ យើងត្រូវ បានហៅឲ្យបម្រើ ហើយបញ្ជូនទៅកាន់ជ្រុងទាំងបួន នៃផែនដី ដើម្បីចូលរួម ក្នុងសង្គ្រាម ដ៏អាក្រក់ ក្នុងការការពារសិទ្ធិ មូលដ្ឋានរបស់យើង ដើម្បីរីករាយនឹងសេរីភាពក្នុងការគិត សកម្មភាព ការប្រមូលផ្តុំ និងការគ្រប់គ្រង ដែលបានការពារដោយច្បាប់។ ការបម្រើរបស់ យើង មិនគ្រាន់តែសម្រាប់ខ្លួនយើងនោះទេ—គឺ សម្រាប់ការបរិច្ចាគរបស់យើងដល់ជំនាន់ ទាំងឡាយ ដែលនឹងមកតាមក្រោយយើង ។ យើងបានឆ្ពោះ ទៅមុខដោយស្មគ្រ័ចិត្ត ។ វាតម្រូវ អោយមានចិត្តក្លាហានយ៉ាងខ្លាំង ។
ថ្វីបើ ខ្ញុំមិនបានអះអាងសម្រាប់ខ្លួនខ្ញុំនោះទេ ខ្ញុំគឺជាអ្នករស់នៅម្នាក់ពីជំនាន់ ដែល ត្រូវបាន ហៅថា «ជំនាន់ដ៏អស្ចារ្យបំផុត» ។ នៅពេលខ្ញុំមើលទៅអនាគតកាល—ហើយនៅពេលខ្ញុំមើលទៅ អនាគត របស់អ្នក—ខ្ញុំអធិស្ឋានសុំឲ្យអ្នកបោះជំហានទៅមុខ ហើយទទួលយក ការទទួល ខុសត្រូវរបស់អ្នក ក្នុងការរក្សាកេរ្តិ៍ដំណែលដ៏ថ្លៃថ្នូរកាលពីអតីតកាល ។ ខ្ញុំអធិស្ឋានសុំឲ្យអ្នក នឹងត្រូវបានស្គាល់ នៅពេល អនាគតថា ជា «ជំនាន់ដ៏អស្ចារ្យបំផុត» ។
សង្គ្រាមរបស់អ្នក គឺពិតជាខុស គ្នាពីយើង។ ខ្ញុំបានដឹងជាមុនយ៉ាងពេញលេញថា ឧបសគ្គរបស់អ្នក នឹងមានច្រើនជាង ពួក យើង ។ យើងបានស្គាល់សត្រូវ នៅក្នុងសមរភូមិរបស់យើង ។ ពួកគេ កំពុង តែវាយប្រហារ មក លើយើង ! សត្រូវសព្វថ្ងៃនេះគឺគួរឲ្យខ្លាចក្រៃលែង ។ វាមិនមកប្រទល់មុខនឹងយើង នៅក្នុងសមរភូមិជានិច្ចនោះទេ ។ ផ្ទុយទៅវិញ វាលាក់ខ្លួននៅក្នុងឧបករណ៍ដែលមនុស្សស្គាល់ សើ្ទរតែ ទាំងអស់ ។ ផែនការរបស់វា គឺដើម្បីដាក់គំនិតអាក្រក់នៅទីនេះ ឬគំនិតអាក្រក់នៅទីនោះ ដើម្បីទាញយើង ចេញពី គុណធម៌ ដែលបានបង្រៀនយើងដោយប្រវត្តិសាស្រ្តដ៏រុងរឿងរបស់យើង ។ ដោយ ផែនការដ៏វាងវៃរបស់ វា វាបានរៀបចំផ្លូវ ដើម្បីធ្វើឲ្យសេចក្តីជំនឿរបស់ពួកគ្រីស្ទានទន់ខ្សោយ ។
នៅយប់នេះ ខ្ញុំចង់និយាយទៅកាន់អ្នកអំពី កម្សោយគ្រឹះនៃសេចក្តីជំនឿរបស់ពួកគ្រីស្ទាន នៅទូទាំង ពិភពលោក ។
ពង្រឹងសេចក្តីជំនឿនៅលើព្រះសង្គ្រោះ
អ្នកមានតួនាទីជួយដល់កូនចៅរបស់ព្រះវរបិតាសួគ៌ របស់យើង ឲ្យត្រឡប់មកកាន់សេចក្តី ជំនឿនៃពួក គ្រីស្ទានរបស់ពួកគេវិញ តាមរយៈការអភិវឌ្ឍន៍សេចក្តីជំនឿ ទៅលើព្រះអង្គសង្គ្រោះ និងផ្លូវរបស់ទ្រង់ ។
« Pope Benedict XVI បានទួញសោកចំពោះភាពទន់ខ្សោយរបស់ព្រះវិហារ នៅទ្វីបអឺរ៉ុប ប្រទេស អូស្ត្រាលី និង [សហរដ្ឋ ។ គាត់បានមានប្រសាសន៍ថា៖] «គ្មានភស្តុតាងអំពីតម្រូវការដើម្បីមានព្រះ និងព្រះគ្រីស្ទ ទៀត ទេ ។ …ព្រះវិហារពីដើម មើលទៅដូចជាវាកំពុងតែជិតផុតរលត់ទៅហើយ» ។’»2
យើងបានងាកចេញពីការថ្វាយបង្គំតាមទំនៀមទំលាប់ ។ មនុស្សជាច្រើននិយាយថា វាជារឿង ខាង វិញ្ញាណច្រើនជាងរឿងសាសនា— បើសិនជាការបង្រៀនត្រូវនឹងរបៀបនឹងការរស់នៅរបស់ពួកគេ ពួកគេនឹងទទួលយក ហើយវានឹងក្លាយជាចំណែកមួយ នៃសេចក្តីជំនឿរបស់ពួកគេ ។ បើសិនជាមិន ដូច្នោះ វាអភិវឌ្ឍជាសេចក្តីជំនឿ ដែលមនុស្សបង្កើតឡើងដោយផ្ទាល់ ។ សេចក្តីជំនឿ និងជីវភាពខាង វិញ្ញាណ ឥឡូវនេះ ត្រូវបានគិតថាជាអ្នកប្រើប្រាស់ផលិតផល ។ ទ្រព្យសម្បត្តិរបស់លោកីយត្រូវបានយកមកជំនួសព្រះ ។ សម្លេងរបស់យើង ត្រូវតែបន្លឺឡើង ផ្ទុយនឹងនិន្នាការដ៏គ្រោះថ្នាក់ទាំងនោះ ដែល ត្រូវបានរចនាឡើង ដើម្បីបំផ្លាញសេចក្តីជំនឿ របស់មនុស្ស ។
ព្រះគម្ពីរមរមន ព្រមានម្តងហើយម្តងទៀត អំពីការដាក់របស់របរដែលពុំនៅស្ថិតស្ថេរជំនួស ការទុកចិត្ត ទៅលើព្រះ ។ មានការពិពណ៌នាអំពីគ្រាមួយ ដែលប្រជាជននីហ្វៃជាច្រើន បានងាកចេញពីសេចក្តី ជំនឿរបស់ពួកគេ ព្រះគម្ពីរមរមន បានថ្លែងថា «ពួកគេបានទៅជាឆ្មើងឆ្មៃទៅវិញ ដោយលើកខ្លួនឡើង ក្នុងចិត្តរបស់គេ ដោយព្រោះទ្រព្យដ៏ច្រើនលើសលប់របស់គេ ហេតុដូច្នេះហើយ ពួកគេបានទៅជាអ្នក មាន នៅចំពោះភ្នែករបស់គេផ្ទាល់ ហើយពុំស្តាប់បង្គាប់ តាមពាក្យ ពេចន៍របស់ [ពួកព្យាការី] ដើម្បីដើរ ដោយត្រង់នៅចំពោះព្រះឡើយ » (អាលម៉ា 45:24) ។
យុវមិត្តរបស់ខ្ញុំ នៅពេលអ្នកមើលឃើញភាពទន់ខ្សោយ នៃសេចក្តីជំនឿរបស់ពួកគ្រីស្ទាន នៅក្នុងសង្គម នោះសេចក្តី ជំនឿផ្ទាល់ខ្លួនរបស់អ្នក ត្រូវតែមានភាពកាន់តែរឹងមាំ និងពិតប្រាកដ ។ ហេលេមិន បានប្រកាស ថា៖ « ចូរចងចាំចុះ ចូរចងចាំចុះថា គឺនៅលើសិលានៃព្រះដ៏ប្រោសលោះនៃយើង គឺព្រះគ្រីស្ទជា ព្រះរាជ បុត្រានៃព្រះ ដែលកូនត្រូវសង់គ្រឹះរបស់កូន ដើម្បីកាលណាអារក្សបញ្ចេញខ្យល់ដ៏ ខ្លាំងក្លារបស់វាមក មែនហើយ ព្រួញរបស់វានៅក្នុងខ្យល់គួច មែនហើយ កាលណាព្រិល និង ខ្យល់ព្យុះកំណាចទាំងអស់ របស់វា បោកបក់មកលើកូន នោះវា នឹងគ្មានអំណាចមកលើកូន ឡើយ ដើម្បីទាញកូនចុះទៅក្នុងជង្ហុក នៃសេចក្តីវេទនា និងទុក្ខលំបាក ដ៏មិនចេះចប់មិនចេះ ហើយ ពីព្រោះមកពីសិលាដែលកូនបានសង់ នៅលើនោះ ដែលជាគ្រឹះដ៏ខ្ជាប់ខ្ជួនមួយជាគ្រឹះ មួយ បើសិនណាមនុស្សសង់នៅលើនោះ នោះពួកគេ មិនអាចរលំបានឡើយ » (ហេលេមិន 5:12)។
នីហ្វៃបានរំលឹកយើងថា៖ « យើងនិយាយអំពីព្រះគ្រីស្ទ យើងអររីករាយក្នុងព្រះគ្រីស្ទ យើងផ្សាយអំពី ព្រះគ្រីស្ទ យើងព្យាករអំពីព្រះគ្រីស្ទ ហើយយើងសរសេរ ស្របតាមពាក្យព្យាករណ៍ ទាំងឡាយរបស់ យើង ដើម្បីឲ្យកូនចៅយើងអាចដឹងថា តើត្រូវស្វែងរកប្រភពណាមួយ ដើម្បីឲ្យ បានផ្តាច់បាបរបស់ពួកគេ [និង] ជីវិតដែលនៅក្នុងព្រះគ្រីស្ទ ។ …ព្រោះផ្លូវត្រឹមត្រូវ គឺជឿដល់ព្រះ គ្រីស្ទ» (នីហ្វៃទី– 2 25:26–28)។
តើយើងមានគ្រឹះដើម្បីគាំទ្រនូវការអះអាងដូច្នេះទេ?
និមិត្តរូបនៃពលិកម្មរបស់ព្រះគ្រីស្ទបានទ្រាំឋិតថេរពាសពេញសម័យទាំងអស់
កត្តាពិតដែលបានកត់ត្រាល្អបំផុត នៅក្នុងប្រវត្តិសាស្ត្រ គឺដំណើររឿងអំពីបេសកកម្ម របស់ ព្រះអម្ចាស់ និងព្រះអង្គសង្គ្រោះរបស់យើងនៅលើផែនដី ។ បេសកកម្មរបស់ទ្រង់ គឺត្រូវបាន ព្យាករចាប់តាំងពីប្រវត្តិ សាស្ត្រមនុស្សនៅលើផែនដី ។
ចូរយើងប្រើឧទាហរណ៍មួយ។ នៅក្នុងម៉ូសេជំពូកទី 5 យើងអានថា៖
« ហើយហេតុការណ៍ បានកើតឡើងថា បន្ទាប់ពីយើងជាព្រះអម្ចាស់ដ៏ជាព្រះ បានបណ្តេញគេចេញទៅ នោះអ័ដាមបានចាប់ផ្តើមភ្ជួររាស់ដី ហើយមានអំណាចត្រួតត្រាលើគ្រប់ទាំងសត្វស្រុកសត្វព្រៃ ហើយ បរិភោគអាហារ ដោយសារការបែកញើស ដូចដែលយើងជាព្រះអម្ចាស់ បានបញ្ជាដល់គាត់ ។ ហើយព្រមទាំងនាងអេវ៉ា ជាប្រពន្ធគាត់ ក៏បានធ្វើការជាមួយគាត់ដែរ ។ …
« ហើយអ័ដាម និងនាងអេវ៉ា ជាប្រពន្ធគាត់ បានអំពាវនាវដល់ព្រះនាមនៃព្រះអម្ចាស់ ហើយពួកគេបាន ឮសម្លេងនៃព្រះអម្ចាស់ ចេញពីផ្លូវ ឆ្ពោះទៅសួនច្បារអេដែន មានបន្ទូលមកពួកគេ ហើយពួកគេមើល មិនឃើញទ្រង់សោះ ត្បិតពួកគេត្រូវបានបិទចេញពីវត្តមានរបស់ទ្រង់ ។
«ហើយទ្រង់បានប្រទានដល់ពួកគេ នូវព្រះបញ្ញត្តិទាំងឡាយថា ពួកគេគប្បីថ្វាយបង្គំ ព្រះ អម្ចាស់ជាព្រះ របស់ពួកគេ ហើយគប្បីយកកូនសត្វច្បងនៃហ្វូងចៀមរបស់គេ មកថ្វាយជាយញ្ញ បូជាទាំងឡាយ របស់ ព្រះអម្ចាស់ ។ ហើយអ័ដាមបានគោរពតាមព្រះបញ្ញត្តិទាំងឡាយ នៃព្រះ អម្ចាស់ ។
« ហើយជាច្រើនថ្ងៃកន្លងមក នោះមានទេវតាមួយពីព្រះអម្ចាស់បានលេចមកឲ្យអ័ដាមឃើញ ដោយសួរ ថា៖ ហេតុអ្វីបានជាអ្នកថ្វាយយញ្ញបូជាទាំងឡាយដល់ព្រះអម្ចាស់ ? ហើយអ័ដាមបានទូលតបទៅ លោកថា៖ ខ្ញុំមិនដឹងទេ លើកលែងតែព្រះអម្ចាស់ទ្រង់បញ្ជាខ្ញុំប៉ុណ្ណោះ ។
« ហើយខណៈនោះ ទេវតាប្រាប់ថា៖ ការណ៍នេះ គឺជានិមិត្តរូបអំពីការបូជានៃព្រះរាជបុត្រាបង្កើតតែមួយ នៃព្រះវរបិតា ដែលពោរពេញទៅដោយព្រះគុណ និង សេចក្តីពិត ។
« ហេតុដូច្នោះហើយ អ្នកនឹងត្រូវធ្វើអ្វី ៗ ទាំងអស់ ដែលអ្នកធ្វើដោយនូវព្រះនាម នៃព្រះរាជបុត្រា ហើយ អ្នកត្រូវប្រែចិត្ត ហើយអំពាវនាវដល់ព្រះ ដោយនូវព្រះនាមនៃព្រះរាជបុត្រាជារៀង ដរាបរហូតតទៅ » (ខទី1, 4--8) ។
ហេតុដូច្នេះ ពលិកម្មត្រូវបានបង្កើតឡើងនៅលើផែនដី ជាពិធីបរិសុទ្ធដំណឹងល្អមួយ ដើម្បីអនុវត្តនិងធ្វើ ឡើង ដោយសិទ្ធិអំណាចនៃបព្វជិតភាព ជាតួយ៉ាងអំពីការពលិកម្មនៃកូន មនុស្ស ដែលនឹងប្រទានជីវិត របស់ទ្រង់ សម្រាប់អំពើបាបនៃពិភពលោក ។
ទម្រង់នៃពិធីបរិសុទ្ធ តែងតែត្រូវបានរៀបចំដើម្បីធ្វើចំនុចជាក់លាក់ នៃការពលិកម្មរបស់ព្រះ អម្ចាស់ នៅពេលទ្រង់នឹងយាងមកនៅក្នុងកាលដ៏ខ្ពង់ខ្ពស់បំផុត ។ ឧទាហរណ៍ ការថ្វាយនៃបុណ្យរំលងត្រូវ បានរៀបចំឡើង ដើម្បីឲ្យកូនចៀមឈ្មោល នៃឆ្នាំដំបូង ដែលគ្មានស្លាកស្នាម ត្រូវបានជ្រើសរើស ធ្វើ ជាយញ្ញបូជា ។ លោហិតត្រូវបានបង្ហូរ ហើយមើលថែកុំឲ្យបាក់ឆ្អឹងអ្វីៗ ទាំងអស់ ជានិមិត្តរូបនៃការសុគត របស់ព្រះអង្គសង្គ្រោះ ។
វាគឺជារឿងអស្ចារ្យចំពោះខ្ញុំ ដែលការថ្វាយយញ្ញបូជានៅបន្តមាន គ្រប់សម័យកាល ចាប់តាំងពី អ័ដាម រហូតដល់ជំនាន់របស់ព្រះអង្គសង្គ្រោះ ។ ទោះជាមានការក្បត់សាសនា ជាច្រើនគ្រាក្តី ក៏មានសេចក្តី សង្ឃឹមថា ព្រះអម្ចាស់ នឹងធ្វើអោយធួនចំពោះអំពើបាបនៃមនុស្សលោក តាម រយៈ ព្រះរាជបុត្រាសំណប់ តែមួយគត់របស់ទ្រង់ ហើយសង្ឃឹមថា ព្រះលោហិតដង្វាយធួន របស់ទ្រង់ នឹងធ្វើឲ្យអមតភាពកើតមាន ស្ថិតនៅក្នុងចិត្តគំនិតរបស់ពួកគេយ៉ាងច្បាស់ ។
ជាទូទៅ ការថ្វាយយញ្ញបូជាត្រូវបានបញ្ចប់នៅពេលព្រះអង្គសង្គ្រោះ បានយាងមកលើ ផែនដី ។ សាក្រាម៉ង់ ត្រូវបានបង្កើតឡើងថ្មី ដើម្បីរំលឹកដល់អ្នកដើរតាមទ្រង់ ថាទ្រង់បានយាង មកលើផែនដី ហើយ បានធ្វើការបម្រើលើផែនដី ។ យើងអាននៅក្នុង លូកា 22:19–20៖
« រួចទ្រង់ក៏យកនំប៉័ងមកអរព្រះគុណ ហើយកាច់ប្រទានទៅគេ ដោយបន្ទូលថា នេះហើយជា រូបកាយខ្ញុំ ដែលបានប្រទានមកសម្រាប់អ្នករាល់គ្នា ចូរធ្វើបុណ្យនេះ ដើម្បីរំឭកពីខ្ញុំចុះ ។
« ក្រោយដែលបានបរិភោគហើយ នោះទ្រង់យកពែងមកធ្វើបែបបដូច្នោះដែរ ដោយបន្ទូលថា ពែងនេះ ជាសញ្ញាថ្មី ដែលតាំងដោយនូវឈាមខ្ញុំ » ។
ជាថ្មីម្តងទៀត ខ្ញុំមានភាពអស្ចារ្យដែលការរំឮកនេះ ទោះជានៅក្នុងគ្រាដ៏ងងឹតនៃការក្បត់ សាសនា ត្រូវ បានអនុវត្តតាមទម្រង់ និងវិធីជាច្រើនប្រភេទ នៅគ្រប់ជំនាន់រហូតមកដល់ការ ស្តារឡើងវិញនៃដំណឹង ល្អ នៅពេលអំណាចបព្វជិតភាព ត្រូវបានមានស្តារជាថ្មីនៅលើផែនដី ដើម្បីធ្វើពិធីបរិសុទ្ធដ៏សង្រ្គោះ ។
នៅគ្រប់គ្រានៃប្រវត្តិសាស្ត្រ ដែលបានកត់ត្រា យើងរកឃើញនូវការរំឮកយ៉ាងខ្ជាប់ខ្ជួន អំពី បេសកកម្មរបស់ព្រះអង្គសង្គ្រោះរបស់យើង ។ ទ្រង់បានយាងមកលើផែនដី ក្នុងនាមជា មនុស្សម្នាក់ ដែលមានសញ្ជាតិពីរ —មួយមកពីព្រះ ហើយមួយមកពីមនុស្ស ។ រួចហើយទ្រង់ អាចធ្វើពលិកម្មដ៏ថ្លៃថ្នូមហិមារបស់ទ្រង់ សម្រាប់យើងទាំងអស់គ្នា តាមរយៈដង្វាយធួន របស់ទ្រង់ ។ តើមានភស្តុតាងណាដែលមុតមាំជាង ការសិក្សាអំពីគោលលទ្ធិនៅគ្រប់ជំនាន់ ថាទ្រង់គឺជា ព្រះយេស៊ូវគ្រីស្ទ ជាព្រះអង្គសង្គ្រោះនៃពិភពលោកដែរឬទេ? ទ្រង់បានប្រទានដំណឹងល្អរបស់ទ្រង់ ដើម្បី ដឹកនាំ និងណែនាំផ្លូវយើង អំឡុងពេលការឈប់ សម្រាក ខាងផែនដីរបស់យើង ។
បង្ហាញដល់លោកីយនូវភាពពិតនៃដំណឹងល្អរបស់ព្រះយេស៊ូវគ្រីស្ទ
ប្រធាន ដេវីឌ អូ ម៉ាក់ឃេ បាននិយាយមកកាន់យើងថា៖
« ការទទួលខុសត្រូវក្នុងការបង្ហាញដល់ពិភពលោក ថាដំណឹងល្អនៃព្រះយេស៊ូវគ្រីស្ទ នឹងដោះស្រាយ បញ្ហា ដែលមនុស្សអះអាងថាមាន ។ …ខ្ញុំជឿ…ថារាល់ បញ្ហារបស់លោកិយ អាចនឹងត្រូវដោះស្រាយ តាម រយៈការគោរពប្រតិបត្តិចំពោះគោលការណ៍ នៃដំណឹងល្អរបស់ព្រះយេស៊ូវ គ្រីស្ទ ។ …
«ដំណោះស្រាយចំពោះបញ្ហាដ៏ធំរបស់លោកិយ គឺមាននៅទីនេះ ក្នុងសាសនាចក្រនៃព្រះយេស៊ូវ គ្រីស្ទ ។ ការឧបត្ថម្ភដ៏ច្រើន ត្រូវបានធ្វើឡើង មិនគ្រាន់តែសម្រាប់សេចក្តីត្រូវការរបស់បុគ្គលម្នាក់ ៗ ប៉ុណ្ណោះនោះទេ ប៉ុន្តែក៏សម្រាប់ជាតិសាសន៍ និងក្រុមនៃជាតិសាសន៍ទាំងឡាយផងដែរ ។ …ខ្ញុំព្រម ទទួលស្គាល់ថា យើងហាក់ដូចជាក្អេងក្អាយដោយយកមកដាក់ ខ្លួនយើងនូវប្រាជ្ញាដ៏អស្ចារ្យ ប៉ុន្តែយើង មិនធ្វើដូច្នោះទេ ។ វាគ្រាន់តែជាការប្រើប្រាស់ផែនការ របស់ព្រះ ដើម្បីដោះស្រាយបញ្ហារបស់ពិភព លោកប៉ុណ្ណោះ ។ អ្នកដែលកាន់បព្វជិតភាព មានការទទួល ខុសត្រូវដ៏មហិមាជាង នៅសព្វថ្ងៃនេះ ក្នុងពេលនេះដែលអ្នករស់នៅក្នុងគ្រាដែល មានការឆ្នៃ ប្រឌិតខ្ពស់ ក្នុងប្រវត្តិសាស្ត្រពិភពលោកនេះ ជាងដែលសាសនាចក្រធ្លាប់មាន ពីមុនមក ។ ខ្ញុំសូមនិយាយឡើងវិញ ។ បើសិនជាយើងប្រកាស ថាកាន់តាមសេចក្តីពិត នោះវាគឺជាកាតព្វកិច្ច របស់ពួកបរិសុទ្ធ ថ្ងៃចុងក្រោយគ្រប់រូប ដើម្បីអនុវត្តតាម នៅពេលមនុស្សខាងលោកិយ ចូលមក ក្នុងការឆ្លើយតបចំពោះការហៅ ដើម្បីភ្លក់ផ្លែឈើ នោះពួកគេ នឹងឃើញថាវាមានរស់ជាតិល្អ» ។3
សារលិខិតដ៏មហិមា ដែលយើងមានសម្រាប់ពិភពលោក គឺថា ដំណឹងល្អរបស់ព្រះអម្ចាស់ និង ព្រះអង្គ សង្គ្រោះនៃយើង ត្រូវបានស្តារជាថ្មីឡើងវិញមកកាន់ផែនដី ។ សាសនាចក្ររបស់ទ្រង់ មាននៅលើផែន ដីសារជាថ្មីទៀត ព្រមជាមួយនឹងអំណាច និង សិរីល្អនៃបព្វជិតភាពដ៏បរិសុទ្ធ ។
ចំពោះអស់អ្នកទាំងឡាយ ដែលបានតែងតាំង គឺត្រូវបានផ្តល់អំណាច ដើម្បីធ្វើកិច្ចការជំនួសទ្រង់ ក្នុងនាមជា ភ្នាក់ងាររបស់ទ្រង់ ដើម្បីនាំគោលលទ្ធិ ពិធីបរិសុទ្ធ គោលការណ៍ និងអំណាច ដើម្បីចងទុកនៅលើផែនដី ក៏ដូចជានៅលើស្ថានសួគ៌ ។ នេះគឺជាសាសនាចក្ររបស់ព្រះអង្គ សង្គ្រោះ ។ ហើយទ្រង់ដឹកនាំកិច្ចការនៃ សាសនាចក្ររបស់ទ្រង់ តាមរយៈពួកព្យាការីជម្រើស របស់ទ្រង់ ។ ពួកព្យាការីបង្រៀនដំណឹងល្អដល់ អ្នកដទៃ ហើយថ្លែងទីបន្ទាល់អំពីព្រះយេស៊ូវ គ្រីស្ទថាជាព្រះអង្គសង្គ្រោះ និង ព្រះប្រោសលោះរបស់ យើង ។ យុគសម័យនេះ គឺជាគ្រាកាន់ កាប់ត្រួត ត្រានៃពេលពេញកំណត់ ដែលត្រូវបាននិយាយដោយ ពួកព្យាការី ចាប់តាំងពីដំបូង មក ។ វាគឺជាគ្រានៃភាពពេញលេញ ដែលបានកត់ត្រាទុកថានឹងមកដល់ ដូចដែលបាន និយាយ ដោយពួកព្យាការីរបស់ព្រះអម្ចាស់ ហើយបានកត់ត្រានៅក្នុងព្រះគម្ពីរបរិសុទ្ធ ។ វាមិនមែន ជាសាសនាចក្រថ្មីទេ ប៉ុន្តែជាសាសនាចក្រដែលបានស្តារឡើងវិញមកកាន់ពិភពលោក នៅក្នុងយុគសម័យនេះ ។
អ្នករាល់គ្នាជាជំនាន់ ដែលព្រះអម្ចាស់ បានសង្គ្រោះសម្រាប់ថ្ងៃនេះ ។ អ្នកបានចេញមកពី ទឹកនៃពិធី បុណ្យជ្រមុជទឹក ជាមួយនឹងសេចក្តីសញ្ញា និងការសន្យាមួយ ចំពោះព្រះអម្ចាស់ របស់អ្នក ដើម្បីធ្វើជា តំណាងរបស់ទ្រង់ ក្នុងការជួយដល់មនុស្សឲ្យបោះបង់ផ្លូវខាងលោកិយ របស់ពួកគេ ហើយត្រឡប់មក រកពរជ័យទាំងឡាយ ដែលបានសន្យាសម្រាប់យើង បើសិនជា យើងនឹងធ្វើតាមទ្រង់ ហើយរស់នៅតាម ដំណឹងល្អរបស់ទ្រង់ ។ អ្នកអាចជួយដល់កូនចៅរបស់ ព្រះវរបិតាសួគ៌របស់អ្នក ឲ្យត្រឡប់មករកសេចក្តី ជំនឿជាពួកគ្រីស្ទានរបស់គេវិញ ហើយ អភិវឌ្ឍសេចក្តីជំនឿទៅលើទ្រង់ និងត្រឡប់ទៅផ្លូវរបស់ទ្រង់ ។
តើអ្នកអាចធ្វើអ្វីខ្លះ
អ្នកអាចសួរថា «តើខ្ញុំអាចធ្វើអ្វីខ្លះ ? » កាលពីប៉ុន្មានខែកន្លងទៅ ប្រធានស្តេករបស់យើង បាន និយាយនៅក្នុងការប្រជុំសាក្រាម៉ង់ ផ្តល់ជាយោបល់នូវរឿងបួនយ៉ាង ដើម្បីអោយយើងអាចអនុវត្តនឹង នាំអ្នកដទៃមកឯយើងវិញ ៖
ទីមួយ ការអធិស្ឋានជារៀងរាល់ថ្ងៃ ។ ខ្ញុំចូលចិត្តសេចក្តីថ្លែងនេះនៅក្នុង « ដរាបណាយើងរៀនអំពីទំនាក់ទំនងពិត ដែលយើងឈរឆ្ពោះទៅរកព្រះ (ដូចជាព្រះគឺជាព្រះវរបិតា របស់យើង ហើយយើងគឺជាកូនចៅរបស់ទ្រង់) នោះការអធិស្ឋាន នឹងមានលក្ខណៈ ធម្មតាហើយ ដោយមិនចាំបាច់បង្ខំនៅក្នុងផ្នែករបស់យើង ( ម៉ាថាយ 7:7-11) ។ ការលំបាកជា ច្រើនអំពី ការអធិស្ឋាន កើតមកពីការភ្លេចអំពីទំនាក់ទំនងនេះ ។ ការអធិស្ឋានគឺ ជាទង្វើមួយ ដែលព្រះ ទ័យរបស់ព្រះវរបិតា និងឆន្ទៈរបស់កូន ត្រូវបានធ្វើការឆ្លើយឆ្លងគ្នាទៅវិញទៅមក ។ គោលបំណងនៃការអធិស្ឋាន គឺមិន មែនដើម្បីផ្លាស់ប្តូរព្រះទ័យរបស់ព្រះទេ ប៉ុន្តែ ដើម្បីទទួល បានពរជ័យរបស់យើង និងអ្នកដទៃដែល ព្រះមានព្រះទ័យនឹងប្រទានឲ្យរួចជាស្រេចហើយ នោះ ប៉ុន្តែនោះគឺជាការសុំពរជ័យដែលមាន លក្ខខណ្ឌរបស់យើងសម្រាប់ពួកគេ ។ ពរជ័យទាំងឡាយតម្រូវឲ្យ យើងមានការអនុវត្តន៍ ឬ ការខិតខំប្រឹងប្រែង ខ្លះ ៗ មុនពេលយើងទទួលបាន ។ ការអធិស្ឋាន គឺជាទម្រង់នៃការអនុវត្តន៍ ហើយវាគឺជាមធ្យោបាយ ដែលបានតាំងឡើង សម្រាប់ទទួលនូវពរ ជ័យដែលខ្ពស់បំផុតទាំងអស់ » ។4
ប្រធាន ថូម៉ាស អេស ម៉នសុន បានមានប្រសាសន៍ថា៖
« អស់អ្នកទាំងឡាយណា ដែលស្តាប់ឮពាក្យខ្ញុំ ដែលកំពុងតែពុះពារនឹងឧបសគ្គ និងបញ្ហាលំបាកទាំង តូចទាំងធំ ការអធិស្ឋានគឺជាអ្នកផ្តល់ នូវកម្លាំងខាងវិញ្ញាណ ។ …ការអធិស្ឋានគឺជាមធ្យោបាយ ដែល យើងទៅរកព្រះវរបិតា ដែល គង់នៅស្ថានសួគ៌របស់យើង ដែលស្រឡាញ់យើង ។ សូមទូលទៅកាន់ ទ្រង់នៅក្នុងការអធិស្ឋានហើយស្តាប់ចម្លើយ ។ អព្ភូតហេតុជាច្រើន កើតមានតាមរយៈការអធិស្ឋាន ។ …
«សូមចងចាំអធិស្ឋានជាញឹកញាប់ » ។ 5
សូមធ្វើការអធិស្ឋាន ជារៀងរាល់ថ្ងៃ រួចហើយជួយអ្នកដទៃឲ្យត្រឡប់មករក សេចក្តីជំនឿរបស់ជាពួក គ្រីស្ទាន តាមរយៈការលើកទឹកចិត្តឲ្យពួកគេអោយលត់ជង្គង់ហើយអធិស្ឋានដល់ព្រះ ។
ទីពីរ ការសិក្សាព្រះគម្ពីរជារៀងរាល់ថ្ងៃ ។ តើមានសាក្សីអំពីព្រះយេស៊ូវគ្រីស្ទណាខ្លាំងជាង ទីបន្ទាល់ ទាំងឡាយដែលយើងរកឃើញមាននៅក្នុងព្រះគម្ពីរមរមនឬទេ ? ក្នុងចំណោមជំពូកចំនួន 239 មាន ជំពូកចំនួន 233 បានប្រាប់អំពីព្រះអង្គសង្គ្រោះ ។ តើវាអស្ចារ្យទេ?
ធ្វើយ៉ាងណាសិក្សាព្រះគម្ពីរផ្ទាល់ខ្លួនជារៀងរាល់ថ្ងៃ។ រួចហើយជួយអ្នកដទៃឲ្យត្រឡប់ មករក សេចក្តីជំនឿ ជាពួកគ្រីស្ទានរបស់គេ តាមរយៈការលើកទឹកចិត្តឲ្យពួកគេសិក្សាព្រះគម្ពីរជារៀង រាល់ថ្ងៃ ។
ទីបី ភាពស័ក្តិសមចូលព្រះវិហារបរិសុទ្ធ ។ អ្នករាល់គ្នាមួយចំនួនបានទៅព្រះវិហារបរិសុទ្ធរួចហើយ ហើយអ្នកខ្លះទៀត មិនទាន់បានទៅទេ។ ។ វាជាការល្អ ដើម្បីយល់នូវអ្វីដែលតម្រូវឲ្យមាន ដើម្បីទទួល បានប័ណ្ណចូលព្រះវិហារបរិសុទ្ធ ។ យើងបានយល់យ៉ាងច្បាស់អំពីដំណើរការ ដែលយើងទៅជួបនឹង ចៅក្រមនៃអ៊ីស្រាអែលរបស់យើង ហើយបញ្ជាក់ប្រាប់ពួកគេ អំពី ភាពស័ក្តិសម របស់យើង ក្នុងការកាន់ ប័ណ្ណចូលព្រះវិហារបរិសុទ្ធដែលមានសុពលភាព រួចហើយរស់នៅ តាមបទដ្ឋានទាំងឡាយ ដែលតម្រូវ ឲ្យមានដើម្បីកាន់ប័ណ្ណនោះ ។
រស់នៅតាមរបៀបមួយ ដែលគំរូសុចរិតរបស់អ្នក នឹងបង្ហាញអំពីរបៀបដើម្បីរស់នៅដោយ ភាពស័ក្តិសម ក្នុងការទទួលបានពរជ័យនៃព្រះវិហារបរិសុទ្ធ ។
ទីបួន ការធ្វើការបម្រើជារៀងរាល់ថ្ងៃ ។ សូមចងចាំនូវពាក្យរបស់ស្តេចបេនយ៉ាមីន៖ «ហើយ មើលចុះ យើងសុំប្រាប់អ្នកនូវការណ៍ទាំងនេះ ដើម្បីឲ្យអ្នករាល់គ្នាអាចមានប្រាជ្ញា ដើម្បីឲ្យអ្នក រាល់គ្នា អាច បានដឹងថា កាលណាអ្នករាល់គ្នានៅក្នុងការបម្រើដល់មនុស្សទូទៅ នោះអ្នករាល់ គ្នាគ្រាន់តែនៅក្នុង ការបម្រើដល់ព្រះរបស់អ្នកតែប៉ុណ្ណោះ » (ម៉ូសាយ 2:17) ។ ព្រះអម្ចាស់ពិត ជាឆ្លើយតបការអធិស្ឋាន របស់យើង តាមរយៈការបម្រើដែលយើងផ្តល់ដល់អ្នកដទៃ ។
សូមធ្វើជាគំរូនៃការបម្រើដូចជាព្រះគ្រីស្ទ ហើយជួយអ្នកដទៃឲ្យត្រឡប់មករកសេចក្តីជំនឿ ជាពួក គ្រីស្ទានរបស់គេ តាមរយៈការលើកទឹកចិត្តឲ្យពួកគេចេញទៅបម្រើដល់បងប្អូនរបស់ពួកគេ ។
«ចូរទៅមុខ កងទ័ព្ធគ្រីស្ទានទាំងឡាយ»
កាលពីខ្ញុំនៅក្មេងដូចអ្នករាល់គ្នា ខ្ញុំមានបទពិសោធន៍មួយ ដែលបានជួយខ្ញុំឲ្យយល់អំពីសារៈ សំខាន់នៃ ការបម្រើ ។ កាលពីដប់ឆ្នាំមុន ខ្ញុំបានប្រាប់អំពីបទពិសោធន៍នេះ នៅក្នុងវីដេអូ Special Witnesses of Christ ។ខ្ញុំចែករំលែកជាមួយអ្នករាល់គ្នាមើលម្តងទៀតយប់នេះ ៖
« នោះគឺជាបទពិសោធន៍មួយ នៅក្នុងជីវិតរបស់ខ្ញុំ ដែលបានរំលឹកខ្ញុំជាញឹកញាប់ អំពីលទ្ធផលដ៏រីករាយ មកពីការសួរសំណួរថា ‘តើព្រះអង្គសង្គ្រោះនឹងធ្វើអ្វី បើទ្រង់ស្ថិតនៅក្នុងស្ថានភាព នេះ ? ’
« ខ្ញុំស្ថិតនៅក្នុងកងទ័ពជើងទឹកក្រុមទីមួយ ដើម្បីទៅកាន់ប្រទេសជប៉ុន បន្ទាប់ពីការចុះហត្ថលេខាកិច្ចព្រម ព្រៀងសន្តិភាព បន្ទាប់ពីសង្គ្រាមលោកលើកទីពីរ ។ ពេលចូលទៅដល់ទីក្រុងណាហ្គាសាគី ឃើញទីក្រុង ហិនហោចអស់ នោះគឺជាបទពិសោធន៍ដ៏សោកសៅបំផុតក្នុងជីវិតរបស់ខ្ញុំ ។ មួយផ្នែកធំនៃទីក្រុងត្រូវ បានបំផ្លាញស្ទើរតែទាំងស្រុង ។ សាកសពមួយ ចំនួនមិនទាន់បានបញ្ចុះនៅឡើយ ។ ក្នុងនាមជា ទាហានជំនាញ យើងបានរៀបចំទីស្នាក់ការ ហើយចេញទៅធ្វើការ ។
«ស្ថានភាពនោះងងឹតអាប់អួរណាស់ ហើយពួកយើងមួយចំនួនចង់ធ្វើការ ឲ្យបានច្រើនជាងនោះ ។ យើង បានទៅកាន់បព្វជិតក្រុមរបស់យើង ហើយបានសុំការអនុញ្ញាត ដើម្បីជួយសង់ព្រះវិហារគ្រីស្ទានសារ ឡើងវិញ ។ ដោយសារការដាក់កំហិត របស់រដ្ឋាភិបាលតឹងរឹងអំឡុងពេលសង្គ្រាម នោះព្រះវិហារទាំង នេះស្ទើរតែឈប់ដំណើរការ ។ អគារមួយចំនួនរបស់ពួកគេ ត្រូវខូចខាតច្រើនក្រៃលែង ។ ក្រុមរបស់ យើង បានស្មគ្រ័ចិត្តដើម្បីជួសជុល ហើយបូកកំបោរ សាលា ប្រជុំទាំងនោះឡើងវិញ អំឡុងពេលទំនេរ ពីកាតព្វកិច្ចរបស់យើង ដើម្បីឲ្យមានអគារ នោះ សម្រាប់ធ្វើពិធីសម្រាប់ពួកគ្រីស្ទានម្តងទៀត ។
«ពួកយើងមិនចេះនិយាយភាសានោះទេ ។ អ្វីដែលយើងអាចធ្វើបានសម្រេច គឺកម្លាំងខាងរាងកាយក្នុង ការជួសជុលអគារ ។ យើងបានរកឃើញពួកគ្រូគង្វាល ដែលមិនបានធ្វើការបម្រើ អំឡុងពេលសង្គ្រាម ហើយបានលើកទឹកចិត្តដល់ពួកគេ ឲ្យត្រឡប់ទៅកាន់ការបម្រើរបស់ ពួកគេវិញ ។ យើងមានបទ ពិសោធន៍ដ៏អស្ចារ្យ ជាមួយនឹងប្រជាជនទាំងនេះ នៅពេលពួកគេ បានទទួលបទពិសោធន៍សេរីភាព ដើម្បីអនុវត្តជំនឿពួកគ្រីស្ទានរបស់ពួកគេម្តងទៀត ។
«ព្រឹត្តការណ៍មួយ បានកើតឡើង នៅពេលយើងចាកចេញពីណាហ្គាសាគី ត្រឡប់មកផ្ទះវិញ ដែលខ្ញុំនៅ តែចងចាំជានិច្ច ។ នៅពេលយើងឡើងជិះរថភ្លើង ដែលនឹងនាំយើងមកកាន់កប៉ាល់ ដើម្បីត្រឡប់មកផ្ទះ វិញ ពួកយើងត្រូវបានពួកនាវិកដទៃទៀត ជាច្រើនចំអន់លេង ។ ពួកគេមាន មិត្តស្រីនៅជាមួយ មក និយាយលាពួកគេ ។ ពួកគេសើចចំអកដល់យើង ហើយនិយាយថា យើងមិនបានជួបនឹងរឿងសប្បាយ ៗ ពេលនៅក្នុងប្រទេសជប៉ុនទេ ។ យើងបានចំណាយ ពេល ឥតប្រយោជន៍ទៅធ្វើការ បូកកំបោរជញ្ជាំង ទៅវិញ ។
« ពេលពួកគេកំពុងតែចំអន់លេងកាន់តែខ្លាំង រថភ្លើងធ្វើដំណើរឡើងទួលទៅជិតនឹងស្ថានីយ៍រថភ្លើង នោះ ស្រាប់តែមានពួកគ្រីស្ទានជនជាតិជប៉ុនដ៏ល្អ ប្រហែលជា 200 នាក់ មកពីព្រះវិហារ ដែលពួកយើងបាន ជួសជុលឲ្យ ច្រៀងបទ ‘ចូរទៅមុខ កងទ័ព្ធគ្រីស្ទាន’ ឲ្យយើង ។ ពួកគេ បានចុះមក ហើយឲ្យអំណោយ ដល់ពួកយើងយ៉ាងច្រើន ។ បន្ទាប់មកពួកគេឈរជាជួរតាមផ្លូវ រថភ្លើង ។ ហើយនៅពេលរថភ្លើងចេញដំណើរទៅ យើងបានហុចដៃទៅប៉ះនឹងម្រាមដៃរបស់ពួកគេ ។ យើងមិនអាចនិយាយបានសោះ ព្រោះ តែអួលដើមក ។ប៉ុន្តែយើងមានអំណរគុណ ដែលយើងអាចជួយតាមរបៀបដ៏តូចមួយ នៅក្នុងការស្ថាប នាសាសនាគ្រីស្ទឲ្យជាតិសាសន៍ មួយឡើងវិញ បន្ទាប់ពីសង្គ្រាម » ។6
ក្រោកឈរឡើងចំពោះអារម្មណ៍ថ្មីនៃការប្តេជ្ញាចិត្ត
ខ្ញុំដឹងថា ព្រះមានព្រះជន្មរស់ ។ ខ្ញុំដឹងថា យើងទាំងអស់គ្នាគឺជាកូនចៅរបស់ទ្រង់ ហើយទ្រង់ស្រឡាញ់យើង ។ ខ្ញុំដឹងថាទ្រង់បានបញ្ជូនព្រះរាជបុត្រារបស់ទ្រង់ មកកាន់ពិភពលោក ដើម្បីធ្វើពលិកម្មដង្វាយ ធួនសម្រាប់មនុស្សលោកទាំងអស់ និងអ្នកទាំងឡាយដែលឱបក្រសោបយកដំណឹងល្អរបស់ទ្រង់ ហើយ ធ្វើតាមទ្រង់នឹងរីករាយចំពោះជីវិតដ៏នៅអស់កល្បជានិច្ច គឺជា អំណោយដ៏មហិមាបំផុតនូវគ្រប់អំណោយ ទានទាំងឡាយនៃព្រះ ។ ខ្ញុំដឹងថា ទ្រង់បានដឹកនាំ ការស្តារឡើងវិញនៃដំណឹងល្អម្តងទៀត នៅលើផែន ដីនេះ តាមរយៈការបម្រើរបស់ព្យាការី យ៉ូសែប ស្ម៊ីធ ។ ខ្ញុំដឹងថាសេចក្តីអំណរ និងសុភមង្គលយូរអង្វែង ដែលយើងនឹងរកឃើញនៅ ក្នុងបទពិសោធន៍ នៃជីវិតរមែងស្លាប់នេះ នឹងមកតែតាមរយៈការធ្វើតាមព្រះ អង្គសង្គ្រោះ គោរពតាមច្បាប់របស់ទ្រង់ និងរក្សាបទបញ្ញត្តិរបស់ទ្រង់តែប៉ុណ្ណោះ ។
យប់នេះ យុវមិត្តរបស់ខ្ញុំអើយ ខ្ញុំសូមសំណូមពរដល់អ្នក ឲ្យងើបទៅរកអារម្មណ៍នៃការតាំងចិត្តថ្មីមួយ ។ ខ្ញុំសំណូមពរដល់អ្នក ឲ្យប្រែក្លាយជា «ជំនាន់ដ៏អស្ចារ្យបំផុត» តាមរយៈការជួយដល់កូនចៅរបស់ព្រះវរបិតាសួគ៌របស់យើង ឲ្យត្រឡប់មកកាន់សេចក្តីជំនឿជាពួកគ្រីស្ទានរបស់ពួកគេ និង មកកាន់គ្រឹះខាងសាសនាដ៏រឹងមាំ ដែលចាំបាច់ ដើម្បីរីករាយនឹងសេចក្តីសុខសាន្ត នៅក្នុងគំនិត និង សុភមង្គល ពិត នៅក្នុងគ្រានៃការសាកល្បងក្នុងជីវិតរមែងស្លាប់នេះ ។
សូមឲ្យព្រះអម្ចាស់ ប្រទានពរដល់អ្នកនូវភាពក្លាហាន ភាពអង់អាច និងបំណងប្រាថ្នា ដើម្បីស្តារ សេចក្តីជំនឿឡើងវិញ តាមរយៈដំណឹងល្អនៃព្រះអម្ចាស់និងព្រះអង្គសង្រ្គោះរបស់យើង ។ ទ្រង់មានព្រះជន្មរស់នៅ! នេះគឺជាសាក្សីរបស់ខ្ញុំចំពោះអ្នកនៅក្នុងព្រះនាមដ៏បរិសុទ្ធរបស់ទ្រង់ ។ នៅក្នុងព្រះនាមនៃព្រះយេស៊ូវគ្រីស្ទ អាម៉ែន។
© 2010 ដោយ Intellectual Reserve, Inc.។ រក្សាសិទ្ធិគ្រប់យ៉ាង។ អនុមតិជាភាសាអង់គ្លេស៖ 6/10។ អនុមតិការបកប្រែ៖ 6/10។ ការបកប្រែនៃ We Were the Greatest Generation ។ Cambodian។ PD50029874 258
Notes
2. Noelle Knox, «Religion Takes a Back Seat in Western Europe» USA Today ថ្ងៃទី 11 ខែ សីហា ឆ្នាំ 2005 http://www.usatoday.com/news/world/2005-08-10-europe-religion-cover_x.htm.។
5. ថូម៉ាស អេស ម៉នសុន នៅក្នុង in Conference Report ខែ មេសា ឆ្នាំ 2009 ទំព័រ 68–69 ឬ ខែ ឧសភា 2009 ទំព័រ 68–69 ។