|
Maʻuʻanga Fakahinohino maʻá e Lakanga Taulaʻeiki Faka-ʻĒloné mo e Kau Finemuí ki he 2010
 Kuo fili ʻa e ngaahi maʻuʻanga tokoni ko ʻení ke tokoni ki he kau takí ʻi hono ʻai ke mahuʻinga mālie ʻa e tokāteline mo e ngaahi tefitoʻi moʻoni ʻi he Tohi Lēsoni ʻa e Lakanga Taulaʻeiki Faka-ʻĒloné, Fika 2 pea mo e Tohi Lēsoni Fika 2 ʻa e Kau Finemuí, ʻi heʻene fekauʻaki mo e ngaahi kaveinga ʻoku fehangahangai mo e toʻu tupú, ngaahi akonaki fakapalōfita ʻi he lolotongá pea pehē ki heʻene fekauʻaki mo e moʻui ʻa e kau maʻu Lakanga Taulaʻeiki Faka-ʻĒlone mo e kau finemui kotoa pē. Kuo faʻufaʻu ʻa e ngaahi maʻuʻanga tokoni ko ʻení ke fakaʻaongaʻi fakataha mo e ngaahi lēsoní. Fili ʻi he faʻa lotu ʻa e ngaahi maʻuʻanga tokoni te ne tohoakiʻi mai e loto fie ako ʻa e talavou mo e finemui takitaha pea mo tokoni foki ke fakamālohia ʻa e tuí mo e ngaahi fakamoʻoní.
ʻE lava ke akoʻi ha niʻihi ʻo e ngaahi lēsoní ʻo laka hake he uike ʻe taha pe toe fakamālohia ia ʻi he ngaahi ʻekitivitī lolotonga ʻo e uiké ke tokangaekina ai ʻa e ngaahi fie maʻu makehe ʻa e toʻu tupú. ʻOku hoko e ngaahi feituʻu faiʻanga ʻekitivitií ko ha founga lelei ia ke fakaʻaongaʻi mo ʻahiʻahi fakahoko ai ʻa hono moʻuiʻaki ʻo e ngaahi tefitoʻi moʻoni ʻo e ongoongoleleí.
|
Previous