O Le Tusi Muamua a Nifae

 1 Ma sa oo ina ou tautala atu i oʼu uso, ua ou fai atu: Inā tatou toe o aʼe ia i Ierusalema, ma ia tatou ^afaamaoni i le tausiga o poloaiga a le Alii; aua faauta ua silisili atu lona malosi i le lalolagi atoa, ona lē ^esili ai lea i se a ona malosi atu nai lo o Lapana ma lana toalimagafulu, ioe, po o ana sefulu o afe?

 2 O lea ia tatou o aʼe; ia tatou ^afaamalolosi e pei o ^eMose; ona e moni sa fetalai atu o ia i vai o le ⁱSami Ulaula ona vaeluaina ai lea i le tasi itu ma le isi itu, ma o mai ai o tatou tamā i fafo, mai le faatagataotauaina, i le ilititai matutu, ma mulimuli atu ai ʼau a Farao, ma malelemo ai i vai o le Sami Ulaula.

 3 O lenei faauta ua oulua iloa ua moni lenei mea; ma ua oulua iloa foi na fetalai mai se ^aagelu ia te oulua; o le mea lea e mafai ea faapefea ona oulua masalosalo? Inā tatou o aʼe ia; e mafai e le Alii ona laveai i tatou, e pei lava o o tatou tamā, ma faaumatia Lapana, e pei lava o tagata Aikupito.

 4 O lenei ina ua uma ona ou tautala atu o nei upu, sa laua feitai pea, ma sa muimui pea; e ui i lea sa laua mulimuli mai ia te aʼu sei oo ina matou taunuu i tuapa o Ierusalema.

 5 Ma o le po na faia ai; ma sa ou faatonu atu ia latou lalafi i tuapa. Ma ina ua uma ona latou lalafi, o aʼu, o Nifae, sa ou tolotolo atu i le aai ma ou alu atu agai i le fale o Lapana.

 6 Ma sa ^ataitai aʼu e le Agaga, ona sa ou lē muaʼi ^eiloa muamua mea e tatau ona ou faia.

 7 E ui i lea sa ou alu atu, ma ina ua ou latalata atu i le fale o Lapana sa ou vaaia se tagata, ma ua paʼū o ia i le eleele i oʼu luma, ona ua ʼonā o ia i le uaina.

 8 Ma ina ua ou oo atu ia te ia sa ou iloaina o ia o Lapana.

 9 Ma sa ou vaai atu i lana ^apelu, ma sa ou seʼia i fafo mai lona faamoega; ma o lona ʼau sa faia i le auro maoʼi, ma o lona gaosiga sa matua lelei lava; ma sa ou vaai o lona lau o le sila ua sili ona lelei.

 10 Ma sa oo ina ^auunai aʼu e le Agaga ia ou fasioti ia Lapana; ae sa ou fai ifo i loʼu loto: E lei i ai lava se taimi na ou faamasaaina ai le toto o se tagata. Ma sa ou meʼimeʼi ma manao ia ou lē fasioti ia te ia.

 11 Ma sa toe fetalai mai le Agaga ia te aʼu: Faauta ua tuu mai o ia e le ^aAlii i ou lima. Ioe, ma sa ou iloa foi sa taumafai o ia e aveese loʼu lava ola; ioe, ma sa lē fia faalogo o ia i poloaiga a le Alii; ma sa ^eave foi e ia a matou meatotino.

 12 Ma sa oo ina toe fetalai mai le Agaga ia te aʼu: Fasioti ia te ia, ona ua tuu mai o ia e le Alii i ou lima;

 13 Faauta e ^afasioti e le Alii ^ee amioleaga e faataunuu ai ona faamoemoega amiotonu. E ⁱsili le fano o le tagata e toatasi nai lo le faaitiitia ma le fano o se atunuu i le lē talitonu.

 14 Ma o lenei, ina ua uma ona faalogo atu o aʼu, o Nifae, i nei upu, sa ou manatua fetalaiga a le Alii na fetalai mai ai o ia ia te aʼu i le vao, na fetalai mai e faapea: ^aO le tulaga e oo i ai le tausiga a au fanau o aʼu ^epoloaiga, o le a latou ⁱmanuia i le ^olaueleele o le folafolaga.

 15 Ioe, ma sa ou manatu foi e le mafai ona latou tausia poloaiga a le Alii e tusa ma le tulafono a Mose, vagana ua ia te i latou le tulafono.

 16 Ma sa ou iloa foi ua togitogia le ^atulafono i luga o papatusi apamemea.

 17 Ma o lenei foi, sa ou iloa ua tuu mai e le Alii Lapana i oʼu lima mo le pogai lenei—ina ia ou maua talafaamaumau e tusa ma ana poloaiga.

 18 O lea na ou usiusitai ai i le siufofoga o le Agaga, ma tago atu ia Lapana i lauulu o le ulu, ma ou vavae ese lona ulu i lana lava ^apelu.

 19 Ma ina ua uma ona ou vavae ese o lona ulu i lana lava pelu, sa ou ave ofu o Lapana ma ou ofuina i loʼu lava tino; ioe, i ofu uma lava; ma sa ou fusi lona ofutau i oʼu sulugatiti.

 20 Ma ina ua uma ona ou faia o lenei mea, sa ou alu atu i luma i le mea sa teu ai ʼoa a Lapana. Ma aʼo ou alu atu i luma agai i le mea sa teu ai ʼoa a Lapana, faauta, sa ou vaai atu i le ^aauauna a Lapana o lē sa i ai ki o le mea sa teu ai ʼoa. Ma sa ou faatonuina o ia i le leo o Lapana, e tatau ona alu o ia faatasi ma aʼu i le mea ua teu ai ʼoa.

 21 Ma sa manatu o ia o aʼu o lona matai, o Lapana, ona sa vaai mai o ia i ofu ma le pelu foi sa fusi i oʼu sulugatiti.

 22 Ma sa talanoa mai o ia ia te aʼu e uiga i toeaina o Iutaia, i lona iloa o lona matai, o Lapana, sa i ai i fafo faatasi ma i latou i le po.

 23 Ma sa ou tautala atu ia te ia e peiseai o Lapana.

 24 Ma sa ou fai atu foi ia te ia e tatau ona ou ave togitogiga sa i luga o ^apapatusi apamemea, i oʼu uso matutua, o e sa i tuāpā.

 25 Ma sa ou faatonuina foi o ia ia mulimuli mai ia te aʼu.

 26 Ma o ia, i le manatu ua ou tautala atu e uiga i uso o le ekalesia, ma o aʼu moni o Lapana lena o lē ua ou fasiotia, o le mea lea na mulimuli mai ai o ia ia te aʼu.

 27 Ma sa talanoa mai o ia ia te aʼu i taimi e tele e uiga i toeaina o Iutaia, aʼo ou alu atu i oʼu uso, o e sa i tuapa.

 28 Ma sa oo ina ua vaai mai Lamana ia te aʼu sa fefe tele o ia, ma Lemuelu foi ma Sama. Ma sa latou sosola mai oʼu luma; ona sa latou manatu o Lapana, ma ua ia fasiotia aʼu ma ua saili foi e aveese o latou ola.

 29 Ma sa oo ina ou valaau atu ia te i latou, ma sa latou lagona mai aʼu; o le mea lea na latou lē toe sosola ai mai oʼu luma.

 30 Ma sa oo ina ua vaai atu le auauna a Lapana i oʼu uso sa amata ona gatete o ia, ma sa fai o le a sola ese mai oʼu luma ma foi atu i le aai o Ierusalema.

 31 Ma o lenei, o aʼu, o Nifae, ona o aʼu o se tagata tino ese, ma sa ou maua foi le ^amalosi tele mai le Alii, o lea na ou tago atu ai i le auauna a Lapana, ma taofi o ia, ina ia le sola o ia.

 32 Ma sa oo ina ou fai atu ia te ia, afai e faalogo mai o ia i aʼu upu, e pei ona soifua le Alii, ma e pei foi ona ou ola, e faapea lava pe afai e faalogo mai o ia ia matou upu, matou te faasaoina lona ola.

 33 Ma sa ou fai atu ia te ia, i se ^atautoga lava, e le tatau ona fefe o ia; e avea o ia ma tagata saoloto e pei o i matou pe afai e alu ifo o ia i le vao faatasi ma i matou.

 34 Ma sa ou fai atu foi ia te ia, ua faapea atu: E moni lava na ^apoloaiina i matou e le Alii e fai lenei mea; ma pe le tatau ea ona matou filiga i le tausiga o poloaiga a le Alii? O lea, afai e te alu ifo i le vao i loʼu tamā o le a maua sou nofoaga faatasi ma i matou.

 35 Ma sa oo ina lototele ^aSorama i upu na ou fai atu. O lenei o Sorama o le igoa lea o le auauna; ma sa folafola mai o ia o le a alu ifo o ia i lalo i le vao i lo matou tamā. Ioe, sa fai mai foi e ia se tautoga ia te i matou o le a nofo o ia faatasi ma i matou mai le taimi lena i luma.

 36 O lenei sa matou mananao ia nofo o ia faatasi ma i matou mo le pogai lenei, ina ia lē iloa e tagata Iutaia e uiga i la matou solaaga i le vao, neʼi latou tuliloa mai i matou ma faaumatia i matou.

 37 Ma sa oo ina ua uma ona fai mai e Sorama se ^atautoga ia te i matou, sa uma lo matou popole e uiga ia te ia.

 38 Ma sa ao ina matou ave papatusi apamemea ma le auauna a Lapana, ma matou o atu i le vao, ma malaga atu i le faleie o lo matou tamā.