O Le Tusi e Lua a Nifae

 1 Ma o lenei, oʼu uso pele e, ua ou faitau atu nei mea ina ia outou iloa e uiga i ^afeagaiga a le Alii na osifeagaiga ai o ia ma le aiga uma o Isaraelu—

 2 Ia na fetalai atu e ia i tagata Iutaia, e ala i fofoga o ana perofeta paia, mai lava i le amataga e oo mai i lalo, mai lea tupulaga i lea tupulaga, seia oo i le taimi e ^atoefuatai ai i latou i le ekalesia ma le lafu moni a le Atua; pe a ^efaapotopotoina i latou i ⁱlaueleele o o latou tofi, ma faatutumauina i o latou laueleele uma o le folafolaga.

 3 Faauta, oʼu uso pele e, ua ou tautala atu nei mea ia te outou ina ia outou olioli, ma ^afaaea i luga o outou ulu e faavavau, ona o faamanuiaga o le a faaee mai e le Alii le Atua i luga o a outou fanau.

 4 Ona ua ou iloa ua outou suesue tele, le toatele o outou, ia outou iloa e uiga i mea o le a oo mai; o le mea lea ua ou iloa ai ua outou iloa, e iu ina vaivai o tatou tino ma oti; e ui i lea, o le a tatou vaai i le Atua i o tatou ^atino.

 5 Ioe, ua ou iloa ua outou iloa o le a faaali atu e ia o ia lava i le tino i e o i Ierusalema, le mea na tatou o mai ai; ona e tatau ona faia lena mea i totonu o i latou, ona e tatau i le ^aFoafoa Silisiliese ona ia tuuina atu o ia lava ia pule i ai tagata i la le tino, ma maliu mo ^etagata uma, ina ia mafai ona pule o ia i tagata uma.

 6 Ona e pei ona oo mai le oti i tagata uma, e faataunuu ai le ^afuafuaga alofa mutimutivale a le Foafoa Silisiliese, e tatau ona i ai o se mana o le ^etoetutu, ma e tatau ona oo mai le toetu i le tagata ona o le ⁱpaʼū; ma na oo mai le paʼū ona o le solitulafono; ma talu ai ona ua pauu tagata o lea ua ^ovavae ese ai i latou mai luma o le Alii.

 7 O le mea lea, e ao ina i ai se ^atogiola ^eaoao lē gata—vagana o se togiola aoao lē gata e lē mafai e lenei tino pala ona ofu i le tino lē pala. O le mea lea, o le faasalaga ⁱmuamua na oo mai i le tagata o le a tatau ona ^otumau pea i se umi e lē gata. Ma afai e faapea, po ua taoto i lalo lenei tino ia pala ma nuti i lona tinā o le eleele, e lē toetu mai.

 8 E, le ^apoto e o le Atua, lona ^ealofa mutimutivale ma lona ⁱalofa tunoa! Aua faauta, afai e lē toetu mai le ^otino, o le a pulea o tatou agaga e lena agelu na ^upaʼū ifo mai luma o le Atua Faavavau, ma avea ma ^ftiapolo, e lē toe tutu mai.

 9 Ma po ua avea o tatou agaga e pei o ia, ma avea i tatou ma ni tiapolo, o ^aagelu a le tiapolo, ua ^etapunia i fafo mai luma o lo tatou Atua, ma mau faatasi ma le tamā o ⁱpepelo, i le pagatia, e pei o ia lava; ioe, i lena tagata o lē na ^ofaaseseina o tatou uluai matua, o lē na ^uliua o ia lava ia foliga mai o se ^fagelu o le malamalama, ma faaoso le fanauga a tagata i faapotopotoga ^gfaalilolilo o le fasioti tagata ma galuega faalilolilo eseese uma o le pouliuli.

 10 E, le silisiliese naʼuā e o le agalelei o lo tatou Atua, o lē ua ia saunia se ala mo lo tatou sosola ese mai le ʼuʼu a lenei sauʼai leaga matautia; ioe, lena sauʼai, o le ^aoti ma ^eseoli, lea ou te taʼua o le oti o le tino, ma le oti foi o le agaga.

 11 Ma ona o le ala ^alaveai a lo tatou Atua, le Paia e Toatasi o Isaraelu, o lenei ^eoti, lea ua ou tautala atu ai, o le oti faaletino lea, o le a tatala mai e ia ana tagata oti; o le oti lea o le tuugamau.

 12 Ma o lenei ^aoti ua ou tautala atu ai, o le oti faaleagaga lea, o le a tatala mai e ia ana tagata oti; o le oti faaleagaga lea o ^eseoli; o le mea lea, e ao i le oti ma seoli ona tatala mai a laua tagata oti, ma e ao ia seoli ona tatala mai ana agaga faatagataotauaina, ma e ao i le tuugamau ona tatala mai ana tino faatagataotauaina, ma o tino ma ⁱagaga o tagata o le a ^otoefuataia o le tasi i le isi; ma e faia lenei mea i le mana o le toetu mai o le Paia e Toatasi o Isaraelu.

 13 E, le silisiliese naʼuā o le ^afuafuaga a lo tatou Atua! Aua i le tasi itu, e ao i le ^eparataiso a le Atua ona tatala mai agaga o e amiotonu, ma tatala mai e le tuugamau tino o e amiotonu; ma ⁱtoefuatai le agaga ma le tino ia te ia lava, ma avea ai tagata uma ma tagata tinolēpala, ma ^otino ola pea, ma o i latou o ni tagata ola, ua i ai le ^umalamalama ^fatoatoa e pei o i tatou i la le tino, vagana ai o le a atoatoa lo tatou malamalama.

 14 O le mea lea, o le a tatou maua se ^amalamalama atoatoa o lo tatou ^esala atoa, ma lo tatou eleelea, ma lo tatou lē ⁱlavalavā; ma o le a maua e e amiotonu se malamalama atoatoa o lo latou olioli, ma lo latou ^oamiotonu, ua ^ufaaoofuina i le ^fmamā, ioe, i le ^gʼofu talaloa lava o le amiotonu.

 15 Ma o le a oo mai a mavae ona solo atu o tagata uma mai lenei oti muamua i le ola, ona ua avea i latou ma tagata tino ola pea, e ao ina latou o atu i luma o le ^anofoa-faamasino o le Paia e Toatasi o Isaraelu; ma ona oo mai ai lea o le ^efaamasinoga, ma ona faamasino ai lea o i latou e tusa ma le faamasinoga paia a le Atua.

 16 Ma e moni lava, e pei ona soifua le Alii, ona oo lea, ua fetalai mai ai le Alii le Atua, ma o lana ^afetalaiga lea e faavavau, e lē mafai lava ona ^emavae atu, o i latou o e amiotonu o le a amiotonu pea, ma o i latou o e ua ⁱeleelea o le a ^oeleelea pea; o le mea lea, o i latou o e ua eleelea o le ^utiapolo lea ma ana agelu; ma o le a latou o ese atu i le afi ^ftumau-faavavau, ua saunia mo i latou; ma o lo latou mafatia e pei o se ^glepa afi ma le teiō, o lona apeafi mumu e alu aʼe pea i luga e faavavau faavavau lava ma ua leai sona iuga.

 17 E, le silisiliese ma le ^afaamasinotonu o lo tatou Atua! Ona e faataunuu e ia ana fetalaiga uma, ma ua o atu i latou i fafo mai lona fofoga, ma o le a faataunuuina lava lana tulafono.

 18 Ae, faauta, o e amiotonu, o le ^aau paia lea a le Paia e Toatasi o Isaraelu, o i latou ia o e sa talitonu i le Paia e Toatasi o Isaraelu, i latou ia o e na onosaia ^esatauro o le lalolagi, ma inoino i lona maasiasi, o le a fai mo o latou ⁱtofi le ^omalo o le Atua, na saunia mo i latou ^umai le faavaega o le lalolagi, ma o lo latou olioli o le a atoatoa e ^ffaavavau.

 19 E, le silisiliese o le alofa mutimutivale o lo tatou Atua, le Paia e Toatasi o Isaraelu! Ona e ^alaveai e ia lana au paia mai lena sauʼai ^eleaga mataʼutia o le tiapolo, ma le oti, ma ⁱseoli, ma lena lepa afi ma le teio, o le mafatia lea e lē gata.

 20 E, le silisiliese naʼuā o le ^apaia o lo tatou Atua! Ona ua ^esilafia e ia mea uma, ma ua leai se mea ua lē silafia e ia.

 21 Ma e afio mai o ia i le lalolagi ina ia mafai ona ^afaaolaina e ia tagata uma pe afai latou te faalogologo i lona siufofoga; aua faauta, e mafatia o ia i tiga o tagata uma, ioe, ^etiga o tagata ola uma, o tane, o fafine, ma tamaiti, o e ua i ai i le aiga o ⁱAtamu.

 22 Ma e mafatia o ia i lenei mea ina ia mafai ona oo mai le toetu i tagata uma, ina ia mafai e tagata uma ona tutu i ona luma i lena aso tele o le faamasinoga tele.

 23 Ma ua ia poloaiina tagata uma e ao ina latou ^asalamo, ma ^epapatiso i lona suafa, i le faatuatua atoatoa i le Paia e Toatasi o Isaraelu, po o le a lē mafai ona faaolaina i latou i le malo o le Atua.

 24 Ma afai latou te lē salamo ma talitonu i lona ^asuafa, ma papatiso i lona suafa, ma ^etumau e oo i le iuga, o le a ⁱtaʼusalaina i latou; ona o le Alii le Atua, le Paia e Toatasi o Isaraelu, ua fetalai mai ai.

 25 O le mea lea, ua tuu mai ai e ia se ^atulafono; ma o le mea ua ^eleai se tulafono ua tuu mai ai ua leai se faasalaga o i ai; ma o le mea ua leai se faasalaga o i ai ua leai se taʼusalaga e i ai; ma o le mea ua leai se taʼusalaga o i ai, ua i ai i le alofa mutimutivale o le Paia e Toatasi o Isaraelu le aiā i luga o i latou, ona o le togiola; ona ua laveaiina i latou e lona mana.

 26 Ona ua faamalie e le ^atogiola manaoga o lona ^efaamasinotonu i luga o i latou uma o e sa lei ⁱtuuina atu ia te i latou le ^otulafono, ua laveaiina ai i latou mai lena sauʼai leaga matautia, o le oti ma seoli, ma le tiapolo, ma le lepa afi ma le teio, o le mafatia lea e lē gata; ma ua toefuatai ai i latou i lena Atua o lē na ia tuuina mai le ^umanava ia te i latou, o le Paia e Toatasi lea o Isaraelu.

 27 Ae oi talofa ia te ia o lē ua tuuina atu i ai le ^atulafono, ioe, o lē ua i ai poloaiga uma a le Atua, e pei o i tatou, ma soli e ia, ma ia faamaʼumau aso o lona vaavaaiga, ona ua leaga lava lona tulaga!

 28 E, lena ^afuafuaga faatogafiti e a lē ua leaga! E, le ^efiatagata e, ma vaivaiga, ma le valelea o tagata! Pe a ⁱaoaoina i latou ua latou manatu ua ^opopoto i latou, ma latou lē faalogologo ai i le ^ufautuaga a le Atua, ona ua latou tuueseina, i le manatu ua latou iloa mo i latou lava, o le mea lea, o lo latou poto o le valea lea, ma o le a lē aoga ia te i latou. Ma o le a fano i latou.

 29 Peitai e lelei le aoaoina pe afai latou te ^afaalogologo i ^efautuaga a le Atua.

 30 Ae oi talofa i e ^amauoa, o e e mauoa i mea o le lalolagi. Auā ona ua latou mauoa ua latou inoino ai i e ^ematitiva, ma ua latou sauaina e ua agamalu, ma o o latou loto ua i luga o a latou ʼoa; o le mea lea, o a latou ʼoa o lo latou atua lea. Ma faauta, o a latou ʼoa o le a fano faatasi ma i latou.

 31 Ma oi talofa i e ua tutuli e lē fia ^afaalogo; ona o le a fano i latou.

 32 Oi talofa i e ua tauaso e lē fia vaai; ona o le a fano foi i latou.

 33 Oi talofa i e e lei peritomeina i le loto, ona o le a taia i latou i le aso gataaga i se malamalama ia latou amioletonu.

 34 Oi talofa i lē e ^apepelo, ona o le a lafo o ia i ^eseoli.

 35 Oi talofa i lē e ^afasioti tagata ma le loto i ai, ona o le a ^eoti o ia.

 36 Oi talofa ia te i latou o e e ^afaitaaga, ona o le a lafo i latou i seoli.

 37 Ioe, oi talofa ia te i latou o e e ^aifo i tupua, ona o le a fiafia le tiapolo o tiapolo uma ia te i latou.

 38 Ma, mulimuli lava, oi talofa ia te i latou uma o e e oti ia latou agasala; ona o le a toe ^afoi atu i le Atua, ma vaai i ona fofoga, ma tumau ia latou agasala.

 39 E, oʼu uso pele e, ia manatua le leaga tele o le solitulafono faasaga i le Atua Paia; ma le leaga tele foi o le gauaʼi atu i faatosinaga a lena ^afaitogafiti poto. Ia manatua, o le ^emafaufau-faaletino o le ⁱoti lea, ae o le mafaufau-faaleagaga o le ^oola lea e ^ufaavavau.

 40 E, oʼu uso pele e, ia uaʼi mai o outou taliga i aʼu upu. Ia outou manatua le silisiliese o le Paia e Toatasi o Isaraelu. Aua tou te fai mai ua ou tautala atu mea faigata e faasaga ia te outou; aua afai tou te fai mai faapena, o le a outou faifai e faasaga i le ^aupumoni; ona ua ou tautala atu afioga a lo outou Tufuga. Ua ou iloa ua ^efaigata upu moni e faasaga i mea lē mamā uma; ae o e e amiotonu e lē matataʼu i ai, ona ua latou fiafia i le upumoni ma lē gatete ai.

 41 O lea la, oʼu uso pele e, inā ^ao mai ia i le Alii, le Paia e Toatasi. Ia outou manatua ua amiotonu ona ala. Faauta, o le ^eala mo le tagata ua ⁱvaapiapi, ae ua taatia tonu i se ala saʼo i ona luma, ma o le leoleo o le ^ofaitotoa o le Paia e Toatasi o Isaraelu; ma na te lē faaaogaina se auauna iina; ma ua leai se isi lava auala vagana ai i le faitotoa; ona e lē mafai ona faaseseina o ia, ona o le Alii le Atua o lona suafa lea.

 42 Ma ai se e tuitui atu, o ia e tatala mai i ai e ia; ma o e ua ^apopoto, ma e ua aoaoina, ma i latou o e ua mauoa, o e ua ^efaafefeteina ona o lo latou aoaoina, ma lo latou popoto, ma a latou ʼoa—ioe, o i latou ia o i latou o e ua inosia e ia; ma vagana ai ua latou lafoai ese ia mea, ma manatu o i latou o ni ⁱvale i luma o le Atua, ma o ifo i lalo i le loloto o le ^olotomaualalo, e lē tatala mai e ia ia te i latou.

 43 Ae o mea a e popoto ma e faautauta o le a ^anatia mai ia te i latou e faavavau—ioe, le fiafia lena ua saunia mo le au paia.

 44 E, oʼu uso pele e, ia outou manatua aʼu upu. Faauta, ou te tatala ese oʼu ofu, ma ou luluina i latou i o outou luma; ou te tatalo i le Atua o loʼu olataga ia silasila mai ia te aʼu i lona ^afofoga-ati i mea uma; o le mea lea, o le a outou iloa i le aso gataaga, pe a faamasinoina tagata uma ia latou galuega, sa molimauina e le Atua o Isaraelu sa ou ^elulu ese a outou amioletonu mai loʼu agaga, ma ou tu ma le susulu i ona luma, ua ou ⁱmamā mai i o outou toto.

 45 E, oʼu uso pele e, liliu ese ia mai ia outou agasala; lulu ese ^afilifili a ia o lē na te vave saisai ia te outou; o mai i le Atua lena o lē o le ^epapa o lo outou olataga.

 46 Ia saunia o outou agaga mo lena aso mamalu pe a tuu mai le ^afaamasinotonu i e amiotonu, le aso lava lea o le ^efaamasinoga, ina ia outou lē māʼeʼeʼe i le fefefe matauʼtia; ina ia outou lē manatua ma le atoatoa lo outou ⁱsala leaga mataʼutia, ma uunaia ai e alalaga atu: Ua paia, ua paia lava au faamasinoga, E, le Alii e le Atua ^oMalosi Aoao—peitai ua ou iloa loʼu sala; sa ou solia lau tulafono, ma o aʼu solitulafono o a aʼu lava; ma ua maua aʼu e le tiapolo, ua maua ai aʼu o se vete i lona pagatia leaga mataʼutia.

 47 Ae faauta, oʼu uso e, pe tatau ea ona ou fagua outou i le leaga mataʼutia moni o nei mea? Pe ou te lāgā ea faaatuatuvale o outou agaga pe a na o mamā o outou mafaufau? Pe ou te tautala manino atu ea ia te outou e tusa ma le manino o le upumoni pe a na o outou sao mai i le agasala?

 48 Faauta, a na ua outou paia po ua ou tautala atu ia te outou e uiga i le paia; ae ona ua outou lē paia, ma ua outou vaai mai ia te aʼu o se aoao, o lea ua tatau ai ona ou ^aaoao atu ia te outou e uiga i iuga o le ^eagasala.

 49 Faauta, ua inoino loʼu agaga i le agasala, ma ua fiafia loʼu loto i le amiotonu; ma o le a ou ^aviia le suafa paia o loʼu Atua.

 50 O mai ia, oʼu uso e, outou uma o e ua fia feinu, ia outou o mai ia i le ^avai; ma o ia o lē ua leai se tupe, inā sau ia e faatau ma ʼai; ioe, o mai ia e faatau atu le uaina ma le susu e aunoa ma se ^etupe ma aunoa ma se tau.

 51 O le mea lea, aua le faaaluina tupe mo mea ua leai se aoga, po o a outou ^agaluega mo mea e lē maʼona ai. Faalogo mai ia te aʼu ma le filiga, ma ia manatua upu ua ou tautala atu ai; ma o mai i le Paia e Toatasi o Isaraelu, ma ^etaumamafa fiafia i mea e lē faaleagaina, pe mafai ona pala, ma tuu mai o outou agaga e fiafia i le lololo.

 52 Faauta, oʼu uso pele e, ia outou manatua fetalaiga a lo outou Atua; ia outou tatalo atu ia te ia e lē aunoa i le ao, ma avatu le ^afaafetai i lona suafa paia i le po. Ia olioli o outou loto.

 53 Ma faauta i le silisiliese naʼuā o ^afeagaiga a le Alii, ma le silisiliese naʼuā o lona faamaualalo i le fanauga a tagata; ma ona o lona silisiliese, ma lona alofa tunoa ma lona ^ealofa mutimutivale, ua ia folafola mai ai ia te i tatou o le a lē faaumatiaina atoa a tatou fanau, e tusa ma la le tino, ae o le a ia faasaoina i latou; ma o le a avea i latou ma se ⁱlala amiotonu i le aiga o Isaraelu i tupulaga o le lumanai.

 54 Ma o lenei, oʼu uso e, ou te fia tautala atili atu ia te outou; ae o le aso a taeao o le a ou taʼu atu ai ia te outou le toega o aʼu upu. Amene.