Mataupu 15
Ua faailoa mai Iesu ua faataunuuina ia te ia le tulafono a Mose—O tagata sa Nifaē o isi mamoe ia na ia fetalai atu ai i Ierusalema—O le amioletonu ua le iloa ai e tagata o le Alii i Ierusalema e uiga i mamoe o Isaraelu ua faasalalauina. E tusa o le 34 T.A.
1 Ma o lenei ina ua uma ona faaiuina e Iesu o nei upu sa ia silasila solo atu ona fofoga i le motu o tagata, ma fetalai mai ia te i latou: Faauta, ua outou faalogo i mea sa ou aoao atu ae ou te lei alu ae i lou Tamā; o lea, soo se tasi na te manatuaina au upu nei ma afaia e ia, o ia lea o le a ou efaatu mai i le aso gataaga.
2 Ma sa oo ina ua uma ona fetalai atu e Iesu o nei upu sa ia silafia e i ai ni isi i totonu ia te i latou ua ofo, ma manatunatu ifo po o le a lona finagalo e uiga i le atulafono a Mose; ona sa latou le malamalama i upu ua mavae atu mea tuai, ma ua faafouina mea uma.
3 Ma sa ia fetalai atu ia te i latou: Aua tou te ofo ona ua ou fai atu ia te outou ua mavae atu mea tuai, ma ua faafouina mea uma.
4 Faauta, ou te fai atu ia te outou, ua faataunuuina le atulafono lea na tuuina mai ia Mose.
5 Faauta, ao au o le na tuuina maia le tulafono, ma o au o le na osifeagaiga ma lou nuu o Isaraelu; o lea, ua faataunuuina le tulafono ia te au, ona ua ou sau e efaataunuu le tulafono; o lea ua iu le tulafono.
6 Faauta, ou te ale faaleaogaina perofeta, ona o le tele o valoaga e lei faataunuuina ia te au, e moni ou te fai atu ia te outou, o le a faataunuuina uma lava.
7 Ma ona ua ou fai atu ia te outou ua mavae atu mea tuai, ou te le faaleaogaina ai mea ia ua fetalaia e uiga i mea o le a oo mai.
8 Aua faauta, e lei faataunuuina atoatoa le afeagaiga lea na ou faia faatasi ma lou nuu; ae o le tulafono na tuuina mai ia Mose, ua faaiuina ia te au.
9 Faauta, o au o le atulafono, ma le emalamalama. Ia outou vaavaai mai ia te au, ma tumau e oo i le iuga, ma o le a outou iola ai; aua o ia o le e otumau e oo i le iuga o le a ou tuuina atu i ai le ola faavavau.
10 Faauta, ua ou tuu atu ia te outou apoloaiga; o lea ia outou tausi au poloaiga. Ma o le tulafono lea ma perofeta, aua ua latou emolimau faamaoni ia te au.
11 Ma o lenei sa oo ina ua uma ona fetalai atu Iesu o nei upu, sa fetalai atu ia i le toasefululua o e na ia filifilia:
12 O outou o ou soo; ma o outou o se malamalama i lenei nuu, o e o toe tagata o le aiga o aIosefa.
13 Ma faauta, o le alaueleele lenei o lo outou tofi; ma ua tuuina mai e le Tamā ia te outou.
14 Ma e lei i ai lava se taimi na tuuina mai ai e le Tamā se poloaiga ia te au ia ou atau atu lenei mea i o outou uso i Ierusalema.
15 Pe e i ai foi se taimi na tuuina mai ai e le Tamā se poloaiga ia te au ia ou tau atu ia te i latou e uiga i aisi ituaiga o le aiga o Isaraelu, o e ua taitai ese i fafo e le Tamā mai le laueleele.
16 O le tele lenei o le mea na poloaiina ai au e le Tamā, e tatau ona ou tau atu ia te i latou:
17 Ua i ai ia te au ni isi mamoe ua le o i lenei lotoa; e ao foi ona ou aumai i latou; ma o le a latou faalogo i lou leo; ma o le a tasi le lafu, ma tasi le aleoleo mamoe.
18 Ma o lenei, ona o le ua maaa ma le le talitonu ua latou ale malamalama ai i au upu; o lea na poloaiina ai au e le Tamā ia aua nei ou toe fai atu se upu ia te i latou e uiga i lenei mea.
19 Peitai, e moni, ou te fai atu ia te outou, ua poloaiina au e le Tamā, ma ou tau atu ia te outou, na vavae ese outou mai totonu ia te i latou ona o lo latou amioletonu; o lea ona o lo latou amioletonu ua latou le iloa ai e uiga ia te outou.
20 Ma e moni, ou te toe fai atu ia te outou ua vavae ese e le Tamā isi ituaiga mai ia te i latou; ma ona o lo latou amioletonu ua latou le iloa ai e uiga ia te i latou.
21 Ma e moni ou te fai atu ia te outou, o outou ia o i latou ia na ou fai atu ai: Ua ia te au ni aisi mamoe e le o i lenei lotoa; e ao foi ona ou aumai i latou, ma o le a latou faalogo i lou leo; ma o le a tasi le lafu, ma tasi le leoleo mamoe.
22 Ma sa latou le malamalama ia te au, ona sa latou manatu o i latou ia o aNuuese; ona sa latou le malamalama o le a efaaliliuina Nuuese e ala i la latou talaiga.
23 Ma sa latou le malamalama ia te au ina ua ou fai atu o le a faalogo i latou i lou leo; ma sa latou le malamalama mai ia te au o le a leai lava se taimi e faalogo ai aNuuese i lou leo—o le a ou le faaalia atu au lava ia te i latou vagana ai e ala i le eAgaga Paia.
24 Ae faauta, ua outou faalogo uma mai i alou leo, ma vaai mai ia te au; ma o outou o au mamoe, ma ua faitauina outou faatasi ma i latou o e ua etuuina mai e le Tamā ia te au.
