Mataupu 24
O le a saunia e le avefeau a le Alii le ala mo le Afio Mai Faalua—O le a afio Keriso e faamasino—Ua poloaiina Isaraelu ia totogi sefuluai ma taulaga—Ua tausia se tusi faamanatu—Faatusatusa i le Malaki 3. E tusa o le 34 T.A.
1 Ma sa oo ina ia poloai mai ia te i latou e tatau ona latou tusia upu ia na tuuina mai e le Tamā ia Malaki, ia o le a ia tau atu ia te atu. Ma sa oo ina ua uma ona tusia o i latou sa ia faamalamalamaina i latou. Ma o upu nei na ia tau mai ia te i latou, ua fetalai mai: Sa faapea ona fofoga mai o le Tamā ia Malaki—Faauta, o le a ou auina atu lau aavefeau, ma o le a saunia e ia le ala i ou luma, ma o le a faafuasei ona afio mai i lona malumalu le Alii, o le ua outou sailia, le avefeau lea o le feagaiga, o le ua outou fiafia i ai; faauta, o le a afio mai o ia, ua fetalai mai ai le Alii o Au.
2 Ae o ai se e mafai ona alavatia le aso o lona afio mai, ma o ai se e tulai pe a faaali mai o ia? Aua e pei o ia o se eafi a le tunu auro, ma e pei o le moli a le taofu.
3 Ma o le a nofo o ia e pei o se tunu auro ma se faamama ario, ma o le a ia faamamaina aatalii o Levi, ma faamama i latou e pei o le auro ma le ario, ina ia mafai ona latou eosi atu i le Alii se taulaga i le amiotonu.
4 Ona malie ai lea o le taulaga a Iuta ma Ierusalema i le Alii, e pei o aso anamua, ma e pei o tausaga ua mavae.
5 Ma o le a ou faalatalata atu ia te outou i le faamasinoga; ma o le a avea au ma molimau vave e faatuiese i faataulaitu, ma faatuiese i e e mulilulua, ma faatuiese i e e tauto pepelo, ma faatuiese ia i latou o e e pulesaua i le ua galue totogi i ona totogi, i le fafine ua oti lana tane ma le ua amatuaoti, ma i latou o e ua latou liliu ese le tagata ese, ma ua le matatau mai ia te au, ua fetalai mai ai le Alii o Au.
6 Aua o au o le Alii, ou te le liliu lava; o lea ua le mu ai outou atalii o Iakopo.
7 Mai lava i aso o o outou tamā o outou ao ese mai au sauniga, ma outou le tausia i latou. eFoi mai ia te au ona ou foi atu ai lea ia te outou, ua fetalai mai ai le Alii o Au. Ae ua outou fai mai: E faapefea ona matou foi atu?
8 Pe faoa ea e le tagata mai i le Atua? Ae o outou, ua outou faoa mai ia te aʼu. Ae ua outou fai mai: Ua faapefea ona matou faoa mai ia te oe? O asefuluai ma etaulaga.
9 Ua fetuuina outou i se fetuu, e oo lava i lenei atunuu uma, ona ua outou faoa mai ia te aʼu.
10 Ina outou aumaia ia asefuluai uma i le faleteuoloa, ina ia i ai ni meaai i lou fale; ma ia outou tofotofo mai nei ia te au i lenei mea, ua fetalai mai ai le Alii o Au, pe ou te le tatala atu ia te outou pupuni o le lagi, ma sasaa atu ia te outou se emanuia o le a leai se avanoa e lava e teu ai.
11 Ma o le a ou aoaiina le na te aina mea ona o outou, ma o le a ia le faaumatiaina fua o lo outou eleele; pe o le a malili foi le fua o o outou vine i fanua ae lei oo i le taimi, ua fetalai mai ai le Alii o Au.
12 Ma o le a faaamuia ia te outou atunuu uma, ona o le a avea outou ma laueleele moomia, ua fetalai mai ai le Alii o Au.
13 Sa malolosi a outou upu ia te au, ua fetalai mai ai le Alii. Ae ua outou fai mai: O a upu na matou tautatala ai e faatuiese ia te oe?
14 Sa outou fai mai: Ua le aoga ona auauna atu i le Atua, ma o le a se aoga na tatou tausia ai ana sauniga ma na tatou savavali faanoanoa ai i luma o le Alii o Au?
15 Ma o lenei ua tatou tau fiafia le ua faamaualuga; ioe, o e ua faia galuega o le amioleaga ua faamautuina; ioe, e oo ia i latou o e ua tofotofo i le Atua ua laveaiina.
16 Ona afetautalatalaai soo lea o i latou o e na matatau i le Alii ma le tasi, ma sa faafofoga mai le Alii ma ua faafofoga mai; ma sa tusia se etusi faamanatu i ona luma mo i latou o e na matatau i le Alii, ma e na manatunatu i lona suafa.
17 Ma o le a avea i latou mou, ua fetalai mai ai le Alii o Au, i lena aso pe a ou afaaputuputu au maa taua; ma o le a ou faasaoina i latou e pei ona faasaoina e se tagata lona atalii o le ua auauna ia te ia.
18 Ona outou foi mai lea ma ailoa le eseesega o le amiotonu ma le amioleaga, i le va o le ua auauna i le Atua ma ia o le ua le auauna atu ia te ia.
