44. kafli

Opinberun gefin spámanninum Joseph Smith og Sidney Rigdon í Kirtland, Ohio, síðari hluta febrúar 1831 (History of the Church, 1:157). Í samræmi við þá nauðsyn, sem hér er greint frá, ákvað kirkjan að ráðstefna skyldi haldin snemma í júnímánuði næstkomandi.

1–3, Öldungarnir skulu koma saman til ráðstefnu; 4–6, Þeir skulu skipuleggja sig í samræmi við lög landsins og annast hina fátæku.

  1 SJÁ, svo segir Drottinn til yðar þjóna sinna: Mér þykir nauðsynlegt, að öldungar kirkju minnar verði kallaðir saman með bréfi eða á annan hátt, frá austri og vestri, frá norðri og suðri.

  2 Og svo ber við, að sem þeir eru staðfastir og iðka trú á mig, svo mun ég úthella anda mínum yfir þá þann dag, sem þeir koma saman.

  3 Og svo ber við, að þeir skulu fara til nærliggjandi landsvæða og prédika fólkinu iðrun.

  4 Og svo margir munu snúast til trúar, að þér fáið kraft til að skipuleggja yður í samræmi við lög manna—

  5 Svo að óvinir yðar fái ekkert vald yfir yður og þér verðið verndaðir í öllu, og yður verði fært að halda lögmál mín, og rjúfa megi sérhvert það haft, sem óvinurinn leitast við að tortíma fólki mínu með.

  6 Sjá, ég segi yður, að þér verðið að vitja hinna fátæku og þurfandi og veita þeim líkn, svo að þeir hljóti stuðning uns allt verður gjört í samræmi við lögmál mitt, sem þér hafið meðtekið. Amen.