Seksyon 80

Revelasyon Joseph Smith, Pwofèt la te resevwa nan Hiram, Ohio, Mas 1832 (History of the Church, 1:257).

1–5, Stephen Burnett ak Eden Smith aple pou yo preche nenpòt kote yo chwazi.

  1 AN verite, Senyè a di nou, sèvitè m nan, Stephen Burnett: Ale, ale nan mond lan epi preche levanjil la pou chak kreyati ki vini anba son vwa ou.

  2 Epi toutotan ou vle yon konpayon, m ap ba ou sèvitè m nan, Eden Smith.

  3 Se poutèt sa, ale epi preche levanjil mwen an, menm si se nan nò oubyen nan sid, nan lès oubyen nan lwès, sa pa fè diferans, paske nou pa kapab pèdi.

  4 Se poutèt sa, deklare bagay nou te tande yo, epi an verite kwè, epi konnen yo se verite.

  5 Gade, se volonte moun ki te aple nou an, Redanmtè nou an, Jezikri menm. Amèn.