-
O ni upu mai le faaliliuga o le Tusi Paia e pei ona faaalia ia Iosefa Samita le Perofeta, Iuni 1830–Fepuari 1831.
-
Mataupu 1
Ua faaali e le Atua o ia lava ia Mose—Ua liua Mose—Ua faafetaiaʼi o ia e Satani—Ua vaai Mose i lalolagi ʼainā e tele—Ua lē mafaitaulia lalolagi na foafoaina e le Alo—O le galuega ma le mamalu o le Atua o le aumaia o le ola pea ma le ola faavavau o tagata.
-
Mataupu 2
Ua foafoa e le Atua le lagi ma le lalolagi—Ua foafoaina ituaiga o meaola uma—Ua faia e le Atua le tagata ma tuu atu ia te ia le pule i luga o mea uma.
-
Mataupu 3
Sa foafoa e le Atua mea uma i le faaleagaga ae lei i ai faaletino i luga o le lalolagi—Sa foafoa e ia le tagata, le tino aano muamua, i luga o le lalolagi—O le fafine o le fesoasoani tatau mo le tane.
-
Mataupu 4
O le ala na avea ai Satani ma tiapolo—Ua faaosooso e ia Eva—Ua pauu Atamu ma Eva, ma ua oo mai le oti i le lalolagi.
-
Mataupu 5
Ua fanauina e Atamu ma Eva o fanau—Ua osi e Atamu taulaga ma auauna atu i le Atua—Ua fananau mai Kaino ma Apelu—Ua fouvale Kaino, ua sili lona alofa ia Satani nai lo le Atua, ma ua avea ma Malaia—Ua sosolo le fasioti tagata ma le amioleaga—Ua talai le talalelei mai le amataga.
-
Mataupu 6
Ua tausia e fanau a Atamu se tusi faamanatu—Ua talai atu e ana fanau amiotonu le salamo—Na faaali mai le Atua o ia lava ia Enoka—Ua talai atu e Enoka le talalelei—Sa faaalia ia Atamu le fuafuaga o le faaolataga—Sa maua e Atamu le papatisoga ma le perisitua.
-
Mataupu 7
Ua aoao atu Enoka, ma taitai le nuu, ma aveese mauga—Ua faatu le aai o Siona—Ua muaivaaia e Enoka le afio mai o le Atalii o le Tagata, lana taulaga togiola, ma le toetutu mai o le Au Paia—Ua muaivaaia e ia i le Toefuataiga, le Faapotopotoina, le Afio Mai Faalua, ma le toe foi mai o Siona.
-
Mataupu 8
Ua vavalo Metusela—Ua talai atu e Noa ma ona atalii le talalelei—Ua manumalo le amioleaga tele—Ua lē utagia le valaau atu ia salamo—Ua faatonu e le Atua le faaumatiaga o mea tino aano uma i le Lolo.
