Afo ke Osuk Enyenyime?

Ke Sunday kiet, ke ini nkebengede idem ndidia sacrament ke mme ediwak udua edi-nam mme ubiong-utom mbono stake okurude, inem ye enyene odudu ekikere kiet oduk esit mi.

Nte priest otongode ndino edidiong eke bread, mme iko emi ama mma nkokop ke ediwak ini mbemiso enye efik oduk mi ke esit. “Ndien etie ntiense nno fi, O Abasi, Nsi-Nsi Ete, nte ke mmo enyime ke ndida nno idem mmo enying Eyen fo, ndien eti enye kpukpru ini enyung enim ibet esie emi enye onode mmo; mman mmo ekeme ndinyene Spirit esie ye mmɔ.”¹ Ikafang ke nnyin idi ntiense ino Abasi ite ke nnyin imenyime?

Nte ami nkekerede mbanga ufon mme edisana iko oro, iko ndinyime enem mi nte akanam inemke akpa. Udiong eke edinem ye edisana mbufiok oyoho ekikere ye esit mi ye ima ye ekom kabanga uwa usio isop eke Andinyanga akwa ubiong Esie ke uduak edidemere Ete kabangade ufokemana mi ye ami. Ntre ami nkop nnyung nkop nte iko akam eke mmong: “Man mmo ekpedi ntiense eno fi … man mmo ekeme nditi enye ke kpukpru ini.”² Ami ma mofiok ofon ke ini oro nte ke ndinim ediomi mi ke ana ofon akan nti ekikere.

Ndidia sacrament idige mfefere edinam eke edu ukpono odude ke mbufiok nnyin. Edi enyene odudu editi kabanga ata ye osongo akpaniko kabanga Uwa usio isop eke Andinyanga ye ntak ke nditi Enye ke kpukpru ini nnyung nim ibet Esie. Unyime ke nditing enyin nse Andinyaŋa enehede edi akpan ke etop eke mme nwed Abasi iba emi esitingde ebaŋa ediwak ini ke Ufok Abasi: mme akam udiaobong. Ndifiok akpaniko kabanga se Ete eke Heaven enehede ono nnyin kiet kiet otode Ikpong Ikpong Eyen Esie enyene ndidemede ata odudu nnyin ke ndinyime ndifiak mbine nyong.

Edi itiat idakisong eke spirit ebopde ke Jesus Christ?

Adieke itiat idakisong eke spirit edide mfefere mme ofonde, nnyin imekeme ndiyire unyime nnyin ke ekom urua nkpo use nkpo mme eke ndutime eke idem. Nko adieke nnyin imumde mme utingiko emi Ufokabasi esinede edikde akpan ke nkpo emi owo miyomke aba mme ke ndaha ndioi idak ukara, mme unana unen eke idem owo emi mifonke, ye edino ini, ntre ubiere nnyin kabanga rdinyime eyedi idiok. Inaha nte nnyin ikere ke ndutim eke edinyime eke ndimen nti nkpo ye mme enyene utenge mbon ebuana eke ofim mme mbon emade TikTok. Ndaha mbon owo isisopke isanga ye edisana akpaniko.

Ufokabasi edi eboho ono mme ndedehe owo emi emade Abasi ye emi enyenede udong nditiene Obong Jesus Christ. Unyime oro oto ke eti ete ke Jesus edi Christ, Eyen Abasi uwem. Edisana akpaniko emi ekeme ndifiok kpot otode ke odudu Edisana Spirit. Ke ntre, unyime nnyin edi nenen ye awa ini emi inode ke ndidu ke mme edisana ebiet emi utenge Edisana Spirit odude.

Nnyin iyenam ofon ke ndibiat ediwak ini ke enyene ibuot neme enyene ibuot neme ke nditing mbanga mbubehe nnyin ye edima Ete eke Heaven ye ekpri ini ke ndiyom mme ekikere eke me uyo efen. Nnyin nko imikeme ndimek ndikpuhore mme mbuk usen nnyin ikabare isin ke mme iko Christ emi edude ke ndisana nwedabasi nko ye mme iko odu uwem prophets Esie.

Akpan ufon emi nnyin inode ke ndinim usen Sabbath, ndikpe nenen tithe nnyin, ndikama obufa temple recommend, ndika temple, ye ndikpono edisana ediomi nnyin ikinamde ke temple edi mme enyene odudu menwut eke edinyime nnyin ye uwutnkpo eke nwaidem nnyin. Ndi nnyin imebenge idem ndinam okpon akan akwa odudu nnyin ke ndisongo mbuotidem nnyin ke Christ.

Ete eke Heaven ama nnyin enehede ofon, edi ima oro edi ye akamba idorenyin. Enye oyom nnyin ndinyime ke idem ndinim Andinyanga ke ufot uwem nnyin. Andinyanŋa edi eti uwutnkpo nnyin ke ndinyime ndiyak idem nno Ete ke kpukpru nkpo. Enye edi “usuŋ, ye akpanikɔ, ye uwem.”³ Enye ekenyime ndiduok iyip ono mme idiok nkpo nnyin. Enye ama enyime ndinam mbiomo nnyin efere, osuhore ndik nnyin, ono nnyin odudu, ndien emen emem ye edinyime osok esit nnyin ke ini mfina ye ntuanga.

Edi mbuotidemmkeJesus Christ edi edimek. “Edieke [nnyin] iminyeneke udong aba ke ndinim”⁴ ke iko Esie, nnyin imenyene ebiet emi itongode mme ke ndifiak nnam isang nnyin ke mbuotidem. Iko Esie, edieke etode ke esit nnyin nte mkpasip ndien ebok ye akamba ukpeme, eyenyene oruŋ, nko mbuotidem nnyin eyekori osim osongo onyung akabare ndutim eke edinam ye odudu. Nwed Mormon edi nkponkan nkpo ke ndinam mbuotidem okori ye ke ndifiak men mbuotidem ndi. Edinyime edi nkpo usop eke mbuotidem.

Uwem isong, ke ata ndaha esie, isimemke nko ke ndusuk ndaha esinyene utenge. Ke misehe, “[nnyin] idi, emi man “[nnyin] idinyene idara”!⁵ Ndiwuk enyen nse Andinyaŋa ye mme ediomi nnyin emen nsinsi inemesit edi! Ufon obukidem edi ndinam nwut edinyime nnyin. “Akwa ubiong utom ke uwem [ye ekom urua eke anditiene] edi ndikpep mbanga uduak Abasi ye ndinam enye.”⁶ Eti mbet adad aka oyoho inemesit. Ndi nnyin imenyime ndipke ekom uruak eke mbet?

Usung ediomi idihe memm-mmem ŋkpɔ; edi unam ŋkpɔ nkori eke spirit ye ndinehede nam nwaidem nno Obong Jesus Christ. Akpan ntak ke kpukpru mbet, ndutim, ye edinam edi man inam mbuotidem okori ye idorenyin ke Christ. Ubiere nnyin ke ndinam uwem nnyin okongo ke Christ, ke ntre, ana nte edi ukem ukem—idighe ye nkpo eke dedi, inyeneke ini, mme ndikpon. Nnyin ikemeke ndiyom nduok odudu mme ini eke idem nnyin nsio ke unyime nnyin ke “ndida nte ntiense nno Abasi ke ofuri ini ye ke ofuri nkpo, ye ke ofuri ebiet.”⁷ Ndidi mbet imemke, koro nsanga Edisana Spirit inyeneke ekom urua.

Ke ntre Abasi ama ekere abanga usen nnyin nte Enye ekekpepde abanga nke iban doup. Kabanga ition emi ekedide mme ofiok nkpo, Enye odoho mmo “ema enyene Edisana Spirit ke ndausung mmo, ndien ikibiangake mmo,”⁸ kini ikang mme ndisime “ekenimede” ke ntak unana aran ikang.⁹ Kakpan mme iko Nephi enehede eting abanga mme mbon-mbuotidem eke Ufok Abasi: “Ye mbon emi enye edi made, nnyung nuk mmo nsin ke ebiet ukpeme, mman mmo ekpedoho: ke kpukpru ofon ama ke Zion.”¹⁰

Eti ukpeme ke eyom eno ye edinim ke mme nkpo erembot utu ke nkpo Christ—ke mme iko efen, ndise ke enyen eke ererimbot utu ke enyen eke spirit. Edisana Spirit ono nnyin ukeme ndise“mme nkpo nte mmo edide, ye Nwed Abasi ekpeb ete, “Akpaniko edi ndifiok nte nkpo edide, ye …nte mmo edidide.”¹¹ Oto “ke odudu Edisana Spirit kpɔt ke [nnyin ikeme] ndifiok akpaniko kpukpru nkpo”¹² ndien owo ibiangake. Nnyin inim Christ ke ufot uwem nnyin ye enwongo nnyin ndinyime ndinam ibet Esie idighe koro nnyin idi nnan edi koro nnyin imikeme ndikut usung.¹³

Nso ke eting ebanga mme ndisime iban? Ntak mmo miki inyeneke udong ndimen abang aran ikang spirit? Ndi nte mmo ekesik ini? Mmo kakpan iketingke enyen ke ntak ekedide mfina mme ikedighe akpan nkpo. Ke suto ntak, eke babianga mmo kabanga akwa ubiong utom eke Christ. Emi edi ndaha abianga eke Satan ye ntak aran ikang mmo eke iko ntiense ekenimede ke unana aran ikang spirit. Nke emi edi nkpo menwut eke eyo nnyin. Ediwak ekpong Andinyaŋa ye mme ediomi mmo anyan ini mbemiso mmo ekpong Ufok Abasi Esie.

Nnyin iminyene ke mme ini emi mme nkani prophet ema eketeting ibanga, usen emi iyaresit Satan “ke esit idito owo, ndien [anam] mmo esop eyat esit ye mbon oro efonde.”¹⁴ Ata ediwak nnyin edu ke ofim oyohode ye nkpo inem ye idiok etop kabanga ndaha ye ndinim Christ ke akpaniko.

Ata akamba enyene utenge nkpo ke uwem eyen-owong edi uwutnkpo edinen ido eke mme ndima ete ye eka ye mme ete-ete ye eka-eka emi enimde mme ediomi mmo ke mbuotidem. Mme ofiok nkpo ete ekpep ndito mmo mbuotidem ke Obong Jesus Christ mman do mmo nko “ekeme ndifiok ebiet emi mmo ekemede ndiyom erifen nno ke mme idiok nkpo mmo.”¹⁵ Ndida didie didie ye unana ndinam ediomi kpukpru ini ada aka mfina eke spirit. Mbiara eke spirit osop ndikpon ke ndito ye ndito ndito nnyin. Mme ete ye mme ete ete, nte nnyin isuk inyene udong?

President Russell M. Nelson akakpan ete “ke mme usen edidide, idimemke ke ndidu uwem ke spirit ke ndausung miduhe, ndiwut, nno ndong-esit ye ndien-ndien utenge eke Edisana Spirit.”¹⁶ Emi edi anwaga ye eti ikpan man isuhɔde ikang nnyin inim ye ndinam aran ikang spirit nnyin osuho. Ndi nnyin isuk inyene udong ke nditiene odu uwem prophet? Nso idi ndaha aran ikan spirit ke utuen ikang fo. Nsuto ukpuhore eke idem fo ekeme ndinam fi enyene utenge eke Edisana Spirit kpukpru ini?

Mfin, nte ekedide ke ini Jesus, eyedu mbon emi edifiakde edem, inyimeke ndibo ekom urau eke anditiene. Nte nsɔŋ-ido ye idiɔk nsua-nnɔ-iko okoride kabanga Ufok Abasi Andinyaŋa ye mbon oro etienede Enye, nnyin ndidi mbet oyom akamba unyime ke ndinam nenen ye ndisongo nkoi eke spirit nnyin ye ndikop mmo.¹⁷

Edieke ebopde itiat idank isong nnyin osong ke Jesus Christ, nnyin ididuɔhɔ nko inaha nte nnyin ikop ndik.

“Sese, Abasi oyom esit ye ekikere eke enyimede; koro mme andinyime ye andinam item eyedia ufon isong eke Zion ke akpatre usen emi.”¹⁸

Yak nnyin inyime kpukpru ini. Ke edisana enying Obong Jesus Chrst, amen.