Peba in Mālim ko n̄an Deļo̧n̄e Tampel

Ritōl ro an priesthood ro kar kōmālim n̄an bōk bok in mālim n̄an deļo̧n̄e tampeļ eo reaikuj in lukkuun kōjparoki. Ejjeļo̧k bar juon armej eaikuj in bōkki. N̄e Kabun̄ in ej kōkāāl bok in mālim n̄an deļo̧n̄e tampeļ eo, ritōl ro rej kakkure bok eo em̧ōr.

Ritōl ro an priesthood eo rej barāinwōt kanooj lale bwe kajjojo ro kar jab kōmālim ren jab deļo̧n̄e meļeļe ko an peba in mālim an tampeļ ilo LCR.

Bisop eo ej kajjitōk ippān membōr ro n̄an karon̄ e ilo iien eo em̧ōkajtata n̄e peba in mālim rejako ak reko̧o̧ti. E ak juon rikakpilōklōk eo kar jitōn̄e ak kūļōk ej kōjerbal LCR n̄an kāānjōļe peba in mālim eo ilo iien eo em̧ōkajtata. N̄e jejtōm̧ in ejjab pād, bisop eo ej kūrļo̧k tampeļ opiij bwe ren kāānjōļe peba in mālim n̄an deļo̧n̄e tampeļ.

Bisop eo ak rikakpilōklōk eo em̧ōj jitōn̄e ej kōm̧m̧ane intōpiu in peba in mālim n̄an deļōn̄e tampeļ ippān membōr eo. Eļan̄n̄e membōr eo ej erreo, bisop eo ak rikakpilōklōk eo em̧ōj jitōn̄e ej bar print peba in mālim eo ak leļo̧k juon kāāl.

Eļan̄n̄e bisop eo ej kile bwe juon membōr eo ewōr ippān juon peba in mālim n̄an deļo̧n̄e tampeļ ejjab erreo, ej m̧ōkaj im kajjitōk peba in mālim n̄an deļo̧n̄e tampeļ eo jān membōr eo (lale 26.3), ej kajjitōk mālim jen membōr ro. Ej kōjerbal LCR n̄an kāānjōļe peba in mālim eo n̄an deļo̧n̄e tampeļ. N̄e jejtōm̧ in ejjab pād, bisop eo ej kūrļo̧k tampeļ opiij bwe ren kāānjōļe peba in mālim n̄an deļo̧n̄e tampeļ.

Ilo juon ward, bisop eo ak juon rikakpilōklōk eo kar jitōn̄e ej kōm̧m̧ane intōrpiu n̄an peba in mālim n̄an deļo̧n̄e tampel im leļo̧k peba in mālim n̄an deļo̧n̄e tampeļ n̄an ro rej erreeo. Ilo juon branch, branch būreejtōn eo wōt ej kōm̧m̧ane intōrpiu in peba in mālim n̄an deļo̧n̄e tampeļ im leļo̧k peba in mālim n̄an deļo̧n̄e tampeļ eo.

Ilo juon ward, bisop eo ej make intōrpiuik membōr ro rej:

• Ālkin bōkki menin letok kwojarjar eo aer make (lale 27.1 im 27.2).

• N̄e raar liāp n̄an ļeo ak lieo pālele (lale 27.3).

Ilo iien ekairiir ko n̄e bisop eo ejjab maron̄ pād, e emaron̄ kōmālim juon iaan rikakpilōklōk ro an n̄an kōm̧m̧an intōrpiu ko.

Ilo juon ward eļap an ro rūm̧m̧an ded, bisop eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.

M̧okta jen leļo̧k juon peba in mālim ilo jekjek kein ilōn̄, bisop eo ej etale rekoot eo an membōr eo n̄an kam̧ool bwe ejjeļo̧k juon naan kōn mo ko an membōr an Kabun̄ in. N̄an membōr rej bō make menin letok kwojarjar eo aer make ak kar liāp n̄an ļeo ak lieo pālele, ej bar lale n̄e:

• Rekoot in peptaij im kapene eo an armej eo ekar rekoot ilo rekoot membōr eo an armej eo.

• Raan im Iien eo Iaar bōk Priesthood eo an Melkesidek:

Jet iien, allōn̄/raan/iiō in an kar armej eo peptaij im kapene ak ekkapit n̄an Melkisedek Priesthood kar jab rekoote. Ilo jekjek kein, kain̄i ko reaikuj in kam̧ool im rekoot, kalikkar, ak kōm̧m̧an bar juon alen (lale 38.2.6).

Ālkin intōpiu eo jen juon membōr in bisoprik eo ak branch būreejtōn eo, juon membōr in stake būreejtōnji eo ej intōrpiuik membōr eo ej jokwe ilo stake eo. Ej jaini peba in mālim n̄an deļo̧n̄e tampeļ eo an eo ej erreeo. Juon membōr in mijen būreejtōnji eo ej kōm̧m̧ane intōrpiu eo kein karuo n̄an membōr eo ej jokwe ilo district eo. Ej bar jaini peba in mālim n̄an deļo̧n̄e tampeļ eo an ro rej erreeo. Juon district būreejtōn ejjab kōm̧m̧an intōrpiu an peba in mālim n̄an deļo̧n̄e tampeļ m̧ae iien ej kōmālim jen Būreejtōnji eo Kein Kajuon.

Stake ak mijen būreejtōn eo ej make intōrpiu membōr ro me:

• Rej bōk menin letok kwojarjar eo aer make

• Ālkin liāp an ļeo im lieo pālele.

N̄e stake būreejtōn eo ejjab pād, e maron̄ kōmālim rikakpilōklōk ro an n̄an kōm̧m̧ane intōrpiu kein.

Juon mijen būreejtōn emaron̄ kōmālim rikakpilōklōk ro an n̄an kōm̧m̧ane intōrpiu kein n̄e ekkar.

Ilo juon stake eļap an ro rūm̧m̧an ded, stake būreejtōn eo eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.

Jet membōr rej jokwe ilo jikin ko me eļap wōnāān ito-itak ak epen n̄an an ioon membōr in stake ak mijen būreejtōnji. Ilo jekjek kein, juon tampeļ būreejtōn emaron̄ intōrpiui armej eo im jaini peba in mālim n̄an deļo̧n̄e tampeļ eo. Mokta jen kōm̧m̧ane intōrpiu eo, ej lale ippān stake ak mijen būreejtōn eo. Ilo wāween rōt in, bisop eo, juon rikōkapilōklōk eo emōj kamālim, ak būreejtōn eo an juon branch rej aikūj kadede intōrpiuik membōr ro im je peba in mālim n̄an deļo̧n̄e tampeļ ko.

Kakien in ej bar jerbal n̄an membōr ro ilo jikin tariņae ro rej pād ilo jikin ko rettoļo̧k. Rej aikuj m̧okta intōrpiu jen bisop eo an ward eo aer ak iunit eo ej jipan̄ er ilo jikin jerbal eo aer.

Pija

jodikdik ro rej pād nam̧ōj in tampeļ eo

Tampeļ eo ej m̧weo im̧ōn Irooj. Deļo̧n̄e tampeļ eo im bōk koņaan ilo kain̄i ko ewōr juon jim̧we ekwojarjar. Jim̧we in ej jerbal n̄an ro me rej pojak ilo jetōb im kajjieon̄ n̄an mour kōn jon̄ak ko an Irooj, āinwōt kar kōmlet jān ritōl ro an priesthood rōmālim.

N̄an kōm̧m̧ani jokāālet in, ritōl ro an priesthood rej intōrpuik membōr eo ilo an kōjerbale kajjitōk kein ilaļ. Ritōl ro rej aikuj jab kobaik ak kōm̧akūt jabdewōt men ko aikuji. Ijoke, remaron̄ ukukōt kajjitōk ko n̄an dettan iiō eo im jekjek ko an membōr eo.

Jet iien membōr ro ewōr aer kajjitōk ilo iien intōrpiu n̄an peba in mālim n̄an deļo̧n̄e tampeļ. Ritōl priesthood ro remaron̄ kōmeļeļeik pedped in katak ko an gospel in. E emaron̄ bar jipan̄ membōr ro meļeļe kajjitōk ko ilo peba in mālim n̄an deļo̧n̄e tampeļ eo n̄e ekkar. Ijoke, e ejjjab aikuj bōk jikin tōmak eo an make, jipan̄ ko, ak ukook ko āinwōt katak an Kabun̄ ak kakien.

Intōrpiu ko n̄an peba in mālim n̄an deļo̧n̄e tampeļ eaikuj in jab m̧ōkaj. Rej aikuj in ittiņo. Ijoke, armej eo intōrpiuk maron̄ karuwaineneik tok eo pāleen, jemān ak jinen, ak bar juon rūtto n̄an an pād.

Ilo juon ward, bisop eo ak juon rikakpilōklōk eo kar jitōn̄e ej intōrpiuik membōr ro rejjan̄in bōk menin letok kwojarjar n̄an peba in mālim n̄an deļ̧o̧n̄e tampel. Ilo juon branch, branch būreejtōn eo wōt ej kōm̧m̧ane intōrpiu ko n̄an peba in mālim n̄an deļo̧n̄e tampeļ. Ritōl in ej ļoor unin tōl ko ilo 26.3. Ej leļo̧k juon peba in mālim n̄e armej eo erreeo.

Peba in mālim n̄an deļo̧n̄e tampeļ rej liļo̧k n̄an membōr ro rejjan̄in kar bōk menin letok kwojarjar eo āinwōt in ilaļ:

• N̄an membōr ro rej 11 aer iiō im rūttoļo̧k im rej tōn peptaij im kapen n̄an eo remej. (Leddik ro im likao ro em̧ōj aer ekkapit renaaj ekkar n̄an peba in mālim n̄an deļo̧n̄e tampeļ jino ilo Jānwōde in iiō eo rej oktak im 12 aer iiō.)

• N̄an membōr ro dettāer 8 n̄an 20 rej tōn liāp n̄an ro jineer im jemāer. Ajri ro ilaļin 8 iiō dettaer rejjab aikui juon peba in mālim in deļo̧n̄e tampeļ n̄an liāp n̄an ro jineer im jemāer (lale 26.4.4).

• N̄an membōr ro dettāer 8 n̄an 20 rej tōn lale liāp eo an ro jeier im jatier remour, ro naaj jeier im jatier (stepsibling ro), ak ro jeier ak jatier (half sibling) n̄an eo jinier ak jemāer.

Membōr ro rekar bōk menin letok kwojarjar m̧oktaļo̧k rejjab bar ebbōk peba in mālim āinwōt kōmeļeļeiki ilo jekjen in.

Juon em̧m̧aan membōr in Kabun̄ in ekekemooj n̄an kabwijer priesthood eo eaikuj in ekkapit n̄an opiij eo an priesthood m̧okta jen an bōk peba in mālim n̄an deļo̧n̄e tampeļ.

N̄e kwoj leļo̧k juon peba in mālim n̄an deļo̧n̄e tampeļ, juon membōr in bisoprik eo ak branch būreejtōn eo ej intōrpiu armej eo make iaan. Ijoke, armej eo ej intōrpiuk emaron̄ kūr bar juon rūtto n̄an pād.

Bisop eo ej intōrpiuik membōr ro rekāāl ro iiō ko aer rekkar n̄an bōk peba in mālim n̄an deļo̧n̄e tampeļ n̄an bōk jikin ilo peptaij im kapene ko wōt. Ej kōm̧ane intōrpiu in ālkin wōt an membōr eo kapene, ekkā juon wiik (lale 26.4.1). N̄an em̧m̧aan ro rekāāl, intōrpiu in emaron̄ in m̧ōttanme n̄an bōk Priesthood eo an Aron. Em̧m̧aan membōr ro an Kabun̄ in raikuj ekkapit n̄an opiij eo an priesthood m̧okta jen aer bōk peba in mālim n̄an deļo̧n̄e tampeļ.

Membōr ro rerūtto me remaron̄ bōk menin letok kwojarjar eo aer make n̄e em̧ōj aer juon iiō in membōr ālkin kapen āinwōt juon membōr in Kabun̄ in (lale 27.2.1.1).

Peba in mālim n̄an deļo̧n̄e tampeļ n̄an bōk jikin ilo peptaij im kapene emaron̄ in wōt kōn jibadbad in. Peba in mālim kein maron̄ būriini kōjerbal ilo LCR. Ej aikuji wōt eļtan pein membōr eo im juon iaan membōr in bisoprik eo ak branch būreejtōnji eo.

N̄an meļeļe ko kōn jikejuuļ in peptaij ko im kapene ko kōn ro remej, lale 28.2.1.

Membōr ro rejjan̄in bōk menin letok kwojarjar eo dettāer 8 n̄an 20 rej bōk mālim n̄an deļo̧n̄e tampeļ n̄an bōk kuņaer ilo liāp ko āinwōt in ilaļ:

• N̄an liāp n̄an ro jineer im jemeer

• N̄an lale liāp n̄an ro jeier im jatier remour, nej ro jeier im jatier, ak jeier im jatier n̄an ro jineer im jemeer.

Ro rej leļo̧k peba in mālim n̄an deļo̧n̄e tampeļ n̄an bōk kuņaan ilo liāp an ro jeier im jatier rej intōrpiu jen juon membōr in bisoprik eo ak branch būreejtōn eo. Rej bar intōrpiu jen juon membōr in stake ak mijen būreejtōnji eo.

Juon membōr bisoprik eo ak branch būreejtōn eo ej būriini peba in mālim n̄an deļo̧n̄e tampeļ kōjerbal LCR. Peba in mālim n̄an deļo̧n̄e tampeļ ko remaron̄ kōm̧m̧an n̄an kajjojo ajri ak juon kurup in ajri ro ilo ejja baam̧le eo wōt. Ejja peba in mālim eo n̄an deļo̧n̄e tampeļ kar maron̄ kōjerbal n̄an laajrak in ajri ro rej itōn liāp im ajri ro me rej itōn alooj liāp kein.

Ajri ro ilaļin 8 iiō dettaer rejjab aikui juon peba in mālim in deļo̧n̄e tampeļ n̄an liāp n̄an ro jinen im jemen. Ak rejjab aikuji juon peba in mālim in deļo̧n̄e tampeļ n̄an lale liāp an ro jeier im jatier, nej ro jeier im jatier (stepsibling), ak jidik jeier ak jatier (half sibling) n̄an ro jineer ak jemāer.

Membōr ro rej 21 ak rūttoļo̧k remaron̄ liāp n̄an ro jineer im jemāer ak lale juon liāp wōt eļan̄n̄e raar (1) bōk menin letok kwojarjar eo im (2) wōr juon aer peba in mālim ekāāl n̄an deļo̧n̄e tampeļ.

Lale 27.4.4 im 38.4.2 n̄an kakkobaba in kakien ko n̄an lale liāp ko im liāp n̄an ro jineer im jemāer.

Pija

jodikdik ro rej jibwi peba in mālim in deļo̧n̄e tampeļ inabōj in tampeļ eo

Kōmeļeļe ko n̄an leļok mālim ko an juōn armej im ej bōk kaiñi ko an rej pād ilo bok in peba in mālim ko n̄an deļo̧n̄e tampel bok 2. Membōr ro rerreeo remaron̄ kāālet n̄an bōk menin letok kwojarjar eo aer make n̄e rej pād ilo jekjek kein rej elaajrak:

• Er rej 18 iiō dettaer.

• Em̧ōj aer kar kadedeļo̧k ak rejjab pād ilo high school, college, ak GED.

• Juon iiō emootļo̧k jen ke rekar kapen.

• Rej en̄jake juon ikdeleel n̄an bōk im kautiej bujen tampeļ ko rekwojarjar ilo aolep mour ko aer.

Juon armej ej aikūj in kabwijer Melkisedek Priesthood eo ippān ñan bōk menin letok kwojarjar eo an. N̄an eļapļo̧k meļeļe kōn an membōr ro keppopo n̄an bōk make menin letok kwojarjar eo aer make, lale 25.2.8. N̄an eļapļo̧k meļeļe kōn an membōr ro maron̄ bōk menin letok kwojarjar eo, lale 27.2.1.

Membōr ro rerūtto me remaron̄ bōk menin letok kwojarjar eo aer make n̄e em̧ōj aer juon iiō in membōr ālkin kapen āinwōt juon membōr in Kabun̄ in (lale 27.2.1.1). Priesthood ritōl ro ren lale bwe raan/allōn̄/iiō membōr eo enaaj bōk menin letok kwojarjar naaj diktata juon iiō ālkin an raan/allōn̄/iiō in an kapene, ejjab raan/allōn̄/iiō in an peptaij. Būreejtōnji eo Kein Kajuon wōt emaron̄ kōm̧m̧an oktak ko.

Membōr ro rekāāl ro rereeo reaikuj bōk juon peba in mālim n̄an deļo̧n̄e tampeļ n̄an wōt bōk jikin peptaij im kapene ko n̄an ro remej (lale 26.4.2).

Mokta jen a juon mijenede ro̧o̧ltok jen jerbal ettoļo̧k ededeļo̧k jerbal eo an, mijen būreejtōn eo ej kōm̧m̧ane intōrpiu an peba in mālim n̄an deļo̧n̄e tampeļ. N̄e mijenede eo erreeo, ej leļo̧k peba in mālim n̄an deļo̧n̄e tampeļ in. Mijen būreejtōn eo ej kōkāāl peba in mālim in deļo̧n̄e tampeļ eo bwe en jem̧ļo̧k kitien jilu allōn̄ jān iien eo mijenede eo jepļaak n̄an kapijuknen.

Bisop eo ej intōrpiuik mijenede ro rej ro̧o̧ltok n̄an leļo̧k peba in mālim n̄an deļo̧n̄e tampeļ epaake jem̧ļo̧kin jilu allōn̄ an jem̧ļo̧k kitien. Ilo iien ekairiir ko n̄e bisop eo ejjab maron̄ pād, e emaron̄ kōmālim juon iaan rikakpilōklōk ro an n̄an kōm̧m̧an intōrpiu ko.

Ilo juon ward eļap an ro rūm̧m̧an ded, bisop eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.

Mijenede ro rej ro̧o̧ltok rej ioon juon iaan membōr in stake būreejtōnji eo n̄an juon intōrpiu n̄an peba in mālim n̄an deļo̧n̄e tampeļ.

Ilo intōrpiu in n̄an peba in mālim in deļo̧n̄e tampeļ kein, bisop eo im membōr in stake būreejtōnji eo rej bar lale naan in kapilōk eo kar leļo̧k ilo intōrpiu in kōtļo̧k e an mijenede eo (lale 24.8.2). Rej kōnono kōn eddōkļo̧k eo an mijenede eo, mour eo an, im kūr eo an ilo Kabun̄ in. Rej bar rōjan̄ e n̄an wōnm̧aanļo̧k ilo iaļin n̄an eddōkļo̧k ilo jetōb im jerbal in jipan̄.

N̄e mijenede eo ej ro̧o̧lok ejjeļo̧k an kūr ilo Kabun̄ in, bisop eo im srtake būreejtōņ eo ren kōm̧m̧an bwe en wōr. Mijenede ro rej ro̧o̧ltok remaron̄ kōmālim n̄an jerbal āinwōt rijerbal in kain̄i in tampeļ ak baļentier n̄e epaak tampeļ eo (lale 25.5).

N̄e membōr eo ejjab jokwe ilo ejja ward eo ilowaan juon iiō, bisop eo ej etal rekoot eo an membōr ro n̄an kam̧ool bwe en ejjeļo̧k notaan im m̧o ilo rekoot eo an membōr eo.

Bisop eo ak rikakpilōklōk eo kar jitōn̄e ej kūrļo̧k bisop eo m̧okta an armej eo n̄an kōm̧m̧an intōrpiu in peba in mālim n̄an deļo̧n̄e tampeļ eo. N̄e juon rikakpilōklōk ejeļā bwe ewōr meļeļe ko renojak, ej kōjem̧ļo̧k bwebwenato eo. Ej karon̄ bisop eo an n̄an kūrļo̧k bisop eo m̧okta jen juon intōrpiu.

Bisop ak stake būreejtōn eo emaron̄ en̄jake n̄an intōrpiuik juon membōr eo ekar jepel ak jab jokwe ippān doon ak kipel jen jikin ekajet ej bōk juon peba in mālim n̄an deļo̧n̄e tampeļ eo. Ilo intōrpiu eo, rej jipan̄ kōkajoorļo̧k jetōb eo an membōr eo. Rej bar kam̧ool erreeo eo an membōr eo.

Bisop im rikakpilōklōk ro an reaikuj jeļā n̄an leļo̧k peba in mālim ko n̄an deļo̧n̄e tampeļ ro repaak me rej jum̧ae Kabun̄ ak pād ilo kurup in rorekar bun̄ jen tōmak. Membōr ro ilo jekjek kein reaikuj jab kōm̧m̧an n̄an en̄jake ke reban bōk juon peba in mālim n̄an deļo̧n̄e tampeļ kōn iaio̧ ko an baam̧le ko aer. Raikuj dāpij wōt jemdoon in iakwe n̄an ro nukuier. Remaron̄ bōk juon peba in mālim n̄an deļo̧n̄e tampeļ eo n̄e rej uwaake aolep kajjitōk ko an peba in mālim n̄an deļo̧n̄e tampeļ eo ekkar im m̧ool.

Membōr ro rerreeo me watōk er kipeen ak dambboy ro me rejjab kōttōpar n̄an ukōt m̧ōraer ilo aer kōjerbal uno ko, m̧wijm̧wij, ak iiaio ippān ro me rej wātōk er āinwōt er ņae lukkuun jekjekier ke rekar ļotak tok (“sex reassignment”) remaron̄ bōk juon peba in mālim n̄an deļo̧n̄e tampeļ im kain̄i ko an tampeļ.

Kain̄i ko an tampeļ rej būki ekkar n̄an lukkuun ro jinen im jemen. Kōn un in, membōr ro rein rejjab maron̄ bōk juon peba in mālim n̄an deļo̧n̄e tampeļ, ekoba peba in mālim n̄an bōk jikin peptaij im kapene ko:

• Membōr ro rekar bōk kālet n̄an uno ko me rej kōjerbal jarom ak m̧wijm̧wij n̄an kajjjieon̄ ukōt m̧ōrāer.

• Membōr ro rekar ukōt m̧ōrear ilo wāween aer iiaio ņae lukkun jekjekier ker rekar ļotak tok.

Stake būreejtōn eo eaikuj kōnono ippān Eria Būreejtōnji eo n̄an kōnono kōn jekjek ko an kajjojo armej ilo jejjet im iakwe an Kraist (lale 38.6.23 im 38.7.7).

A member who has committed a serious sin may not receive a temple recommend until he or she has repented (see 32.6). Iien kōtar eo kōn jerawiwi eo armej eo ar kōm̧m̧ane im leļok in mālim ko ej bed um̧win kālet im tōl eo an bisop eo. Ej aikuj in bwe iien n̄an lukkuun lale bwe armej eo ekar lukkuun ukweļo̧k jān bōd eo an.