« Nāhea e nehenehe ai ia ’oe ’ia pe’e ia Iesu ? » Fa’ahotura’a i te ta’ata iho : Buka arata’i nā te mau tamari’i (2019)
« Nāhea e nehenehe ai ia ’oe ’ia pe’e ia Iesu ? » Fa’ahotura’a i te ta’ata iho : Buka arata’i nā te mau tamari’i
Nāhea e nehenehe ai ia ’oe ’ia pe’e ia Iesu ?
I tō Iesu orara’a i tō ’oe fāito matahiti, ’ua ha’api’i mai ’oia ’e ’ua tupu i te rahi. Tē ’apo mai nei ’e tē tupu ato’a nei ’oe i te rahi. Tē na ’ō ra te mau pāpa’ira’a mo’a ē :
Pae vārua
« Herehia mai e te Atua »
’A fa’a’ite i te Metua i te ao ra ē, tē here nei ’oe iāna. E nehenehe ’oe e ha’api’i mai nō ni’a iāna, e pure, e tai’o i te mau pāpa’ira’a mo’a, ’e e mā’iti i te maita’i.
Tōtiare
« Herehia e… te ta’ata »
’A tauturu i te mau ta’ata ati a’e ia ’oe. E nehenehe ’oe e here i tō ’oe ’utuāfare, e ha’api’i mai ’ia here ’e ’ia tāvini ia vetahi ’ē, ’e ’ia fa’ahoa.
Pae tino
« I te rahi »
’Atu’atu i tō ’oe tino ’e i te mau ’ohipa ati a’e ia ’oe. E nehenehe ’oe e ’amu i te mā’a maita’i, e rave i te ’ohipa ’e e ha’uti, ’e e ’atu’atu i tō ’oe fare.
Pae ferurira’a
« Pa’ari »
Ha’api’i i te mau ’ohipa ’āpī, ’e ’a fa’a’ohipa i te mea tā ’oe i ’apo mai nō te tauturu ia vetahi ’ē. E nehenehe ’oe e tuatāpapa i te fare, i te fare purera’a, ’e i te fare ha’api’ira’a.