Ŋwed Jacob
eyen eka Nephi

1 Koro sese, edikem ke isua aba ye efut ama ebe tɔŋɔ ke ini emi Lehi ɔkɔkpɔŋde Jerusalem; ke ntre, Nephi ama ɔnɔ mi, Jacob, ibet abaŋa mme mkpri usan, emi ekemiŋde mme ŋkpɔ emi.

2 Ndien enye ɔnɔ mi, Jacob, ibet ete yak ami ŋwet ke mme usan emi ŋkpɔ ifaŋ emi ami ŋkerede ke enyene akpan ufɔn; ete yak ami ŋkutuk, ibɔhɔke ekpri ekpri, kabaŋa mbuk eset mme owo emi emi ekotde mbon Nephi.

3 Koro enye ɔkɔdɔhɔ ete ke mbuk eset ikɔt esie ke ana ewet ke mme usan esie eken, ndien yak ami ntim mme usan emi nnim nyuŋ nyak nnɔ ubon mi, tɔŋɔ ke emana ye emana.

4 Ndien edieke ukwɔrɔ ikɔ okodude emi ekedide edisana, mme eriyarare emi okokponde, mme nditiŋ nte prophet, yak ami mmiŋ mme ibuot mmɔ ke mme usan emi, nyuŋ ŋwet mmɔ nte nkemede, ke ntak Christ, ye ke ntak ikɔt nnyin.

5 Koro ke ntak mbuɔtidem ye akwa ekikere, ke akpanikɔ ke ekeyarare enye enɔ nnyin kabaŋa ikɔt nnyin, mme ŋkpɔ emi anade etibe ɔnɔ mmɔ.

6 Ndien nnyin ŋko ima inyene ediwak eriyarare, ye spirit ediwak prophecy, ke ntre, nnyin ima idiɔŋɔ ibaŋa Christ ye obio ubɔŋ esie, emi anade nte edi.

7 Ke ntre nnyin itiŋ enyin inam utom ke ufɔt ikɔt nnyin, man nnyin ikpak mmɔ ndidi ntiene Christ, nyuŋ mbuana ke ima Abasi, man mmɔ ekpekeme ndiduk ke nduɔk odudu esie, man enye ke usuŋ ndomo kiet iditomo ke iyaresit esie ete mmɔ ekuduk, nte ekedide ke mme usen idomo ke ini nditɔ Israel ekedude ke wilderness.

8 Ke ntre, nnyin iyiyom Abasi man nnyin ikpak kpukpru owo ekusɔŋ ibuot ye Abasi, ke ndinam enye ayaresit, edi ete kpukpru owo ebuɔtidem ke Christ, enyuŋ ekut mkpa esie, enyuŋ ebɔ ndutuhɔ esie enyuŋ eyɔ but ererimbot; ke ntre, ami, Jacob, menyime ndinam ibet eyen eka mi Nephi.

9 Idahaemi Nephi ɔtɔŋɔ ndisɔŋ, ndien enye okut ke enye ɔyɔsɔp akpa; ke ntre, enye eyet owo aran ndidi edidem ye andikara ikɔt esie idahaemi, nte asaŋade ye mme ukara ndidem.

10 Mme owo ema ema Nephi ata eti-eti, enye ekedide akwa andikpeme ɔnɔ mmɔ, ke ntak emi enye okofuŋde ofut Laban ke ndikpeme mmɔ, ye ke ntak emi enye akanamde utom ke ofuri uwem esie ke ndiŋwam mmɔ—

11 Ke ntre, mme owo ema enyene udɔŋ nditi enyiŋ esie. Ndien owo ekededi emi edikarade ke itie esie mme owo edikot mmɔ, udiana Nephi, ɔyɔhɔ Nephi ita, ye ntre ŋko, nte asaŋade ye mme ukara ndidem; ndien ntem ke mme owo ekekot mmɔ, mmɔ ekpeyeyene enyiŋ ekededi.

12 Ndien edikem ete Nephi akpa.

13 Ndien mme owo emi mikedige mme Lamanite ekedi mme Nephite; edi, ekekot mmɔ mme Nephite, mme Jacobite, mme Josephite, mme Zoramite, mme Lamanite, ye mme Ishmaelite.

14 Edi ami, Jacob, ke ini emi ama ebe ndibahakere mmɔ ke mme enyiŋ emi, edi ami nyokot mmɔ mme Lamanite emi eyomde ndiwot ikɔt Nephi, ndien mbon emi edide ufan ye Nephi ami nyokot mme Nephite, mme ikɔt Nephi, nte asaŋade ye mme ukara ndidem.

15 Ndien idahaemi edikem ete ikɔt Nephi, ke idak ukara ɔyɔhɔ edidem iba, etɔŋɔ ndisɔŋ esit mmɔ, enyuŋ esin idem mmɔ mkpri mkpri ke mme idiɔk edinam, ukem ukem nte David ke eset ekenyenede udɔŋ ɔnɔ ediwak iban ye iban esa, ŋko ye Solomon, eyen esie.

16 Iŋ, ndien mmɔ ŋko etɔŋɔ ndiyom ediwak gold ye silver, enyuŋ etɔŋɔ ndimenere mkpri mkpri ke ntaŋidem.

17 Ke ntre ami, Jacob, mma nnɔ mmɔ mme ikɔ emi nte ami nkekpepde mmɔ ke temple, ke ini nkebemde iso mbɔ ikɔ mi nto Jehovah.

18 Koro ami, Jacob, ye eyen eka mi Joseph ke eke esio nnyin enim nte mme oku ye mme andikpep mbon emi, ke ubɔk Nephi.

19 Ndien nnyin ima imenere itie utom nnyin ke Jehovah, ke ndida nnɔ idem nnyin ubiɔŋ utom, ibɔrɔ mme idiɔk ŋkpɔ mme owo ke ibuot nnyin edieke nnyin mikikpepke mmɔ ikɔ Abasi ye ofuri ifik; ke ntre, ke ndinam utom ye odudu nnyin iyip mmɔ ukuyere ke ɔfɔŋ nnyin; midige ntre iyip mmɔ eyeyere ke ɔfɔŋ nnyin, ndien nnyin idinanake ntɔi ke akpatre usen.