1 Ang paagi sa ilang mga anciano ug mga pari sa pagpangalagad sa lawas ug dugo ni Kristo ngadto sa simbahan; ug sila nangalagad niini sumala sa mga sugo ni Kristo; tungod niini kita nasayud nga ang paagi tinuod; ug ang anciano o pari nangalagad niini—

2 Ug sila miluhod uban sa simbahan, ug nag-ampo ngadto sa Amahan pinaagi sa ngalan ni Kristo, nag-ingon:

3 O Dios, ang Amahan sa Kahangturan, kami mangayo kanimo pinaagi sa ngalan sa imong Anak, si Jesukristo, sa pagpanalangin ug pagbalaan niining pan ngadto sa mga kalag sa tanan niadto kinsa moambit niini; nga sila unta mokaon agi og handumanan sa lawas sa imong Anak, ug mosaksi nganha kanimo, O Dios, ang Amahan sa Kahangturan, nga sila andam sa pagdala nganha kanila sa ngalan sa imong Anak, ug sa kanunay mahinumdom kaniya, ug maghupot sa iyang mga sugo diin siya mihatag kanila, nga sila unta sa kanunay makabaton sa iyang Espiritu uban kanila. Amen.