1 Ndien idahaemi, edidem Benjamin ekere ke ama ɔfɔn, ke ini enye ama okokure nditiŋ ikɔ nnɔ mme owo, ete enye ewet enyiŋ kpukpru mbon emi ekedukde ke ediomi ye Abasi ke ndinim mme ibet esie.

2 Ndien edikem ete ke ukpɔŋ ndomo kiet ikiduhe, ibɔhɔke mkpri nditɔ, edi mmɔ emi ekedukde ediomi enyuŋ edade enɔ idem mmɔ enyiŋ Christ.

3 Ndien ŋko, edikem ete ke ini edidem Benjamin ama eketre kpukpru mme ŋkpɔ emi, onyuŋ osio eyen esie Mosiah enim nte andikara ye edidem ikɔt esie, onyuŋ ɔnɔ enye kpukpru item kabaŋa ukara esie, ŋko onyuŋ emek mme oku ete ekpep mme owo, man otodo mmɔ ekop enyuŋ efiɔk mme ibet Abasi, ye ndidemere mmɔ ke nditi uŋwɔŋɔ emi mmɔ ekenamde, enye asuan otu owo, ndien mmɔ efiak edem, kpukpru owo, ke mme ufɔk emana mmɔ kiet kiet, enyɔŋ ufɔk mmɔ.

4 Ndien Mosiah ɔtɔŋɔ ndikara ke itie ete esie. Ndien enye ɔkɔtɔŋɔ ndikara ke isua edip ye duop esie, anamde ke ofuri, ŋkpɔ nte isua ikie inaŋ ye ata ye efutekiet tɔŋɔ ke ini emi Lehi ɔkɔkpɔŋde Jerusalem.

5 Ndien edidem Benjamin odu uwem ke isua ita ndien enye akpa.

6 Ndien edikem ete edidem Mosiah ama asaŋa ke mme usuŋ Jehovah, onyuŋ enim mme ubiere ikpe esie ye mme ewuhɔ esie, onyuŋ enim mme ibet esie ke kpukpru ŋkpɔ emi enye ɔnɔde enye uyo.

7 Ndien edidem Mosiah ama anam ikɔt esie ete mmɔ etibi isɔŋ. Ndien enye ŋko, ke idem esie, ama etibi isɔŋ, man otodo enye okudi mbiomo unɔ ikɔt esie, man enye anam nte asaŋade ye se ete esie akanamde ke kpukpru ŋkpɔ. Ndien eneni ikiduhe ke ufɔt ikɔt esie ke ufaŋ isua ita.