Israel, Israel, Anij ej Kūr

Elder Jeffrey R. Holland

Jen Doulul eo an Jon̄oulruo Rijilōk ro


 
Membōr in Doulul eo an Jon̄oulruo eo

Karuwaineneik kom̧ n̄an kadiwōjļo̧k in an nokon in, jabdewōt jikin ko kom̧ij pād ie ilo Kabun̄ in em̧m̧an, ekilep, debakbak. Kom̧ aolep em̧ool kōn tiljek eo ebwe n̄an ami maron̄ pād, ekoba kom̧ ro rej pād ijin ilo Dixie State College kampōj ilo ļāmoran in aō.

Eaar Lōn̄ ro Raar Kūr n̄an Em̧m̧akūt jen Babļoon

N̄an karuwaineneik tok Jetōb eo an Irooj n̄an ippād, iaar kajjitōk kōn al eo jaar jino kweilo̧k in ad: “Israel, Israel, Anij ej Kūr.” E juon iaan al ko rem̧m̧an an Jepļaaktok eo im ej letok kōmeļeļe eo kōn ta eo ikōņaan ba n̄an kom̧ jotenin. Jemaron in kar kobaik tok “Ye Elders of Israel”n̄an ejja jibadbad in wōt. Em̧m̧an ippa ron̄jake an mijedede ro peļaakin laļ in lim̧otak in al “O Babylon, O Babylon, we bid thee farewell; we’re going to the mountains of Ephraim to dwell.”1 Ennaan eo an al kein ruo raorōk reier wōt juon—bwe Anij ej iien otemjejkūr ajri ro nejin Israel n̄an juon jikin ijo, eļap, aolep renaaj em̧m̧an ņae ie.

Israel, Israel, Anij ej kūr,
Kūr eok jen āne ko rejorrāān.
Babļoon eo eļap ej wōtlo̧k;
Anij enaaj kakkure aolep an kajoor. …
Itok n̄an Zaion, itok n̄an Zaion,
Im ilowaan oror ko an lem̧ōņōņō. …
Itok n̄an Zaion, itok n̄an Zaion!
Oror ko an Zaion renaaj jan̄ kon nebar.2

Menin ekka an kar waļo̧k ilo bwebwenato in Israel ilo tōre ko. Ke men otemjej raar kanooj jerawiwi ak eaar kanooj in ļap wujwaan an mour in ilo jukjukinpād ak ilo mour ippān Riaelōn̄ ro raar kakkure jon̄ok an mour, im kien ko an Anij eaar liļo̧k, ro nejin bujen eo raar jilkinļo̧k er n̄an āne jem̧aden n̄an kajutak Zaion im bar jino jen jinoin.

Ilo Kallim̧ur M̧okta tōre ko an Abraham, eo jemen kain bujen in, eaar aikuj ko n̄an kōjparok mour eo an jān Chaldea—lukkuun in Babylonia—ilo jibadbad eo an n̄an juon mour ekwojarjar ilo Cannan (jikin eo jej maron̄ ņa etan Āne Kwojarjar).3 Eaar jab lōn̄ epepen ko m̧okta jān ro ineen Abraham (innām im Isaac im Jacob)—ilo tōre eo ekar kanooj jeļā kajien āinwōt RiIsrael—kar jerwaane Zaion eo aer, im raar pād ilo kōm̧akoko ilo jikin eo ettoļo̧k ejjab jikier Egypt.4Kōn menin, Moses eaar aikuj in lelōn̄tak n̄an tōl ro nejin kallim̧ur n̄an bar juon alen n̄an āne jem̧aden—iien in ilo lukōn bon̄ōn em̧ool ejjeļo̧k iien n̄an pilawe ko kijier n̄an aer pojak! “Israel, Israel, Anij ej kōnono,” Raar ilo m̧ool al in ilo iaļ eo aer. “Ron̄jake ainikien Rikadiwōjļo̧k eo ami eļap!”5

Ejjab etto epepen ko tokālik, juon bwebwenato ekaitoktoklimo n̄an kōj eaar waļo̧k ke juon iaan baam̧le in Riisrael ro, kar tōl er jān juon rikanaan kar etan Liai, kar kakien e n̄an ko em̧ool jān jikin ejitōnbōro Jerusalem kōnke, ejerata, Babļoon eaar bar juon alen bōk jikin.6 Bar juon alen! Eaar dik aer jeļā bwe renaaj kar etal n̄an juon laļ ekāāl n̄an kajutak juon ļōmņak ekāāl kōn Zaion,7bōtaab āindein eaar, im edik aer jeļā bwe em̧ōj an kar waļo̧k kadede ejja āinwōt kar m̧okta ippān juon kumi in ro jemeer kar ņae etaer RiJared ro.8

Āinwōt jeļā kake, menin ej juon kadiwōjļo̧k n̄an laļ in n̄an juon Kabun̄ eo ipeļaakin laļ in erakrak, bōtaab ekaitoktoklimo n̄an aolep ro me rej kememe Jepļaaktok eo me pedped eo an Amedka eaar ļotak jān juon kumi eaar ko jān kapijuknen eo aer m̧okta n̄an maron̄ kabun̄-jar āinwōt aer kōņaan. Juon rimeletlet eo ebun̄bun̄ in Puritan eaar jokwe ilo Amedka eaar kōmeļeļeik en̄jake in āinwōt “mijen n̄an āne jem̧aden,” an Rikūrijin ro, jibadbad eo an RiIsrael ro rainin n̄an kanemkwoj er make jān nana eo Laļ eo M̧okta im bar juon alen pukōt iaļ ko an lan̄ ilo juon āne ekāāl.9

N̄an jibadbad eo an joten in ij kakememej kom̧ kōn juon em̧m̧akūt eo āliktata, em̧m̧akūt eo me al eo ad joten in eaar jeje n̄an e. Eaar kōn Kabun̄ in ad make, kar tōl jān rikanaan ro ad make, tōl rūtto ro ad ilo kabun̄. Kōn kar kaen̄taan Joseph Smith ilo jikin kweilo̧k ko an New York, Pennsylvania, Ohio, Missouri, im āliktata kar m̧ane ilo Illinois, jej iten lo bar ejaake eo ilo raan ko āliktata an ro nejin Israel bar juon alen pukōt juon jikin eienem̧m̧an. Brigham Young, rikanaan in Amedka eo āinwōt Moses, āinwōt kar kūri ilo nōbare, kar tōl Armej ro Rekwojarjar n̄an kom̧laļ ko an toļ ko āinwōt an ro Rekwojarjar em̧ōk neer kar al:

Anij ear kapojak jikid
Ettolok irālik
Jo ejelok renaj kakure kij
Jenaj bōk jerammōn.10

Zaion. Ānen kallimūr eo. Jerusalem eo Ekāāl. Epād ia? Ekwe, jejjab kanooj jeļā, bōtaab jenaaj lo e. Elōn̄ ļo̧k 4,000 iiō ko in bwebwenato in bujen eo, en̄in eaar jon̄ok eo in: Ko im pukōt. Ilo̧k im jokwe. Ko jān Babylon. Kajutak oror ko reinem̧m̧an an Zaion.

N̄an kiiō. N̄an jotenin, M̧ae rainin ad.

Kūr eo Ad Ej n̄an Kalōk Zaion Ijo Jej Pād ie

Juon iaan m̧wil ko rejej uwaaer rellōn̄ an tōre in bōk eddo in ad, eddo in an tarlep in iien ko—āliktata im eļaptata iaan aolep tōre in bōk eddo ko—ijin ej oktak in piktok eo an ekōjkan ad ejaake aelōn̄ in kiin̄ eo an Anij ioon laļ in. Komij lo, juon iaan men ko em̧ool rekaitoktoklimo kōn iien bōk eddo in ej bwe ej juon iien eo an kajoor pōtata, oktak em̧ōkaj. Im juon men me eaar oktak ej bwe Kabun̄ eo an Anij ej jamin bar ko, ej jamin bar jidik ilo̧k jān Ur, n̄an maron̄ ilo̧k jān Haran, n̄an maron̄ ilo̧k jān Cannan, n̄an maron̄ ilo̧k jān Jerusalem, n̄an maron̄ ilo̧k jān England, n̄an maron̄ ilo̧k jān Kirtland, n̄an maron̄ ilo̧k jān Nauvoo, n̄an maron̄ ilo̧k wōn ejeļā ia. Jaab, āinwōt Brigham Young kar ba n̄an kōj aolep, “Em̧ōj luko̧rko̧r kōj juon jekjek an kauwōtata im en̄taan n̄an bar juon jekjek an kauwōtata im en̄taan.”11

Aaet, ennaan jab in eaar jab juon naan kōn Salt Lake Valley ak em̧ool Wasatch Front ilo m̧ool; eaar erom juon ennaan n̄an membōr ro an Kabun̄ in aolepen laļ in. Ilo raan kein āliktata, ilo iien bōk eddo in ad, enaaj bwe ad erom ekeke n̄an jab ko. Enaaj bwe ad erom ekeke n̄an katōk nee ko need im baam̧le ko ad im pedped ko ad ilo aolep laļ, bwij, lo, im armej ro indeeo. Zaion enaaj pād aolep jikin—jabdewōt jikin Kabun̄ in ej pād ie. Im kōn oktak jab in—juon iaan oktak ko ekajoor an raan ko āliktata—ejako ad bar ļōmņak kōn Zaion āinwōt ia eo jenaaj jokwe ie; jej ļōmņak kōn ekōjkan ad naaj mour.

Jilu M̧akūtkūt ko Me rej Tōlļo̧k n̄an Jilu Katak ko

N̄an kōmeļeļeik jerbal in ekāāl jidik, ikōņaan kōnono jotenin kōn jilu m̧akūtkūt ko Sister Holland im n̄a kar iooni jet iien jem̧aan ļo̧k. Eļan̄n̄e ej bwe wōt iien imaron̄ ekōnono kōn elōn̄ļo̧k im kōn menin kom̧ maron̄ ke.

Nōmba juon: Jet iiō remootļo̧k juon eo m̧ōtta edik—juon mijenede ej kab rool—eaar pād ilo juon iaan kumi in basketball eo an college eo ilo state. Eaar juon likao eo em̧m̧an im juon rikkure eo eļap an jeļā, bōtaab eaar jab ļap an ikkure āinwōt an kar kōjatdikdik enaaj kar. Tōļan ko im kapeel ko an eļaptata raar jab lukkuun baj men ko kumi eo eaar aikuji ilo jon̄ok eo an eddōkļo̧k eo aer ak an. Menin ej waļo̧k ilo ikkure, jej jelm̧ae menin aolep iien. Kōn men in, kōn aolep rejtake im kōketak ko an kooj ro an im rikkure ro m̧ōttan, in m̧ōtta edik eaar ilo̧k n̄an bar juon jikuuļ ijo eaar kōjatdikdik emaron̄ kar jipan̄ eļapļo̧k jidik.

Āinwōt an kar waļo̧k, men ko raar em̧m̧an ilo jikuuļ eo ekāāl, im eo m̧ōtta ejjab to eaar erom juon eo ej ijjino. Im kom̧ jeļā ta eaar waļo̧k? Jikejuuļ eo (kar kapene iiō ko m̧okta jān an m̧akūtkūt kein waļo̧k) kar kōm̧m̧an bwe likao in en bar rool tok n̄an ikkure ņae kumi eo an m̧okta ļo̧k ilo Salt Lake City ilo kar etan m̧okta Delta Center.

Ta eo eaar waļo̧k ilo ikkure eo eaar kabōņōņōik eō n̄an rainin, im ij kōjerbal iien in ilo tōre in kōnono in aō ijin n̄an kōnono kōn ta eo eaar kabōņōņōik eō. Kakkure in enana me rialooj ro raar lam̧ōj kake n̄an likao in bon̄ōn eo—juon Armej Ekwojarjar ilo Raan-ko Āliktata, mijenede ej kab rool, eo ej kab m̧are me eaar kōļļāik juon m̧ōttan jon̄oul eo an, jerbal ilo doulul eo an elder ro, kōm̧m̧ani jerbal in jipan̄ ko retenkwadik n̄an jodikdik ro ilo jukjukinpād eo an, im kar kōttar ilo laudin̄din̄ n̄an juon nin̄nin̄ enaaj ļotak n̄an e im lio pāleen—ta eo kar ba im kōm̧m̧ane im waļo̧k n̄an e bon̄ōn eo n̄an lio pāleen im ro jinen im jemen, rejjab aikuj kar en̄jake jān jabdewōt armej jabdewōt jikin, jabdewōt iien, jekdo̧o̧n ta ikkure eo an ak university eo an, ak jabdewōt jokālet ko an kar kōn juon iaer.

Bōtaab en̄in ej m̧ōttan eo enana. Kooj eo an kumi in eaar loļo̧k, eo eaar bun̄bun̄ kōn tōprak ko an ilo basketball, em̧ool eaar oktakļo̧k n̄an e ālkin juon kāām ekōbbaļbaļ im kar ba: “Ta in ej waļo̧k ijin? Kwoj ļaddik in ijin eo eaar kōm̧m̧an em̧m̧an.” “Rein rej armej ro am̧. Rein rej ro m̧ōttam̧,” eaar ba. Bōtaab nana eo eļap iaer, innām eaar ba ilo lukkuun pok, “Armej rein rejjab ke membōr in Kabun̄ eo am̧?”

Men eo kein karuo: Kar kūr ļo̧k eō n̄an kōnono n̄an juon nokon in jotan an rūm̧m̧an ded an juon stake—juon m̧akūtkūt me membōr ro raar bōk koņaer ie raar ejjeļo̧k rejtaer im 18 iiō im rūttoļo̧k, kōn wāween eo āinwōt jotenin. Ke iaar deļo̧n̄ ļo̧k ilo kōjām eo itulik in stake center eo, juon jiron̄ eo 30 jim̧a an iiō eaar deļo̧n̄ ļo̧k ilo m̧weo ilo ejja iien eo wōt. Jokkuun wōt juon ilo ikitōltōl in armej ro rej wōnm̧aanļo̧k n̄an jikin jar eo, eaar jab pen n̄an kile e. Āinwōt aō kememej, eaar wōr jet an eeo̧, diede ko ilo̧jilin̄in im bo̧tiin, eļo̧r bōran elōn̄ kōļār ko, juon likko eo eaar kanooj kadu, im juon jiln̄ūj ejjab karbōb.

Jilu kajjitōk ko raar itok n̄an ļōmņak eo aō: kōrā in eaar ke juon jetōb eo ejorrāān, ejjab jān kabun̄ in ad, eo kar tōl e—ak em̧ool em̧m̧anļo̧k, kar bōktok jān juon—n̄an nokon in jota in ium̧win tōl an Irooj ilo juon kōttōpar n̄an jipan̄ e lo aenōm̧m̧an eo im iaļ eo gospel eo enaaj kar aikuji ilo mour eo an? Bōlen bar juon wāween, eaar juon member me eaar jōbwābwe bōlen jidik jān jet iaan kōjatdikdik ko im jon̄ok ko me Kabun̄ in ej kōketak n̄an membōr ro an bōtaab wōn, kam̧m̧oolol, eaar jab lukkuun jeniknik im kar kālet n̄an koba tok ilo m̧akūtkūt in an Kabun̄ in joten eo? Juon ļōmņak kein kajilu eaar, “Eaar ke būreejtōn eo an Doulul eo an Kōrā an stake?” (Ilo juon jekjek iaar jab jeļā).

En̄in ej waanjon̄ok eo ak kein kajilu: Ke iaar bōk kuņaō ilo aje eo an Kansas City Tampeļ eo jet allōn̄ remootļo̧k, Sister Holland im n̄a kar jokwe ilo m̧weo im̧ōn Būratōr Isaac Freestone, juon police opija jerbal eo an im juon pris eutiej em̧m̧an ilo Liberty Mossouri Stake. Ilo bwebwenato ko am eaar jiron̄ kōm bwe ilo juon joteen kar kūr ļo̧k e n̄an etale juon jorrāān ilo jikin eo ekauwōtata ilo jikin kweilo̧k eo. Ilo ibulōn̄ kōjan̄jan̄ eo eļap ainikien im kōn nemen m̧aruwōna ilo mejatoto, eaar lo juon kōrā im jet em̧m̧aan ro rej idaak im kanejnej, aolepeer raar āinwōt lukkuun jab kea kōn ajri ro ļalem—dettaer jān ruo n̄an ralitōk iiō rūtto—kar ajel ippān doon ilo juon ruum̧, kajion̄in kiki ioon pedped eo etoonon ejjeļo̧k kein kiki, ejjeļo̧k mattress, ejjeļo̧k pet, ejjeļo̧k jabdewōt. Būratōr Freestone kar lali kobat ko ilo jikin kōmat eo im ilowaan refrigerator eo n̄an lale eļan̄n̄e emaron̄ kar lo juon kuwat ak katōn ak bo̧o̧k in jabdwōt kain m̧ōn̄ā—bōtaab em̧ool eaar jab maron̄ elolo jabdewōt. Eaar ba kidu eo eaar rurrur ilo itulik m̧weo elōn̄ ļo̧k kijen jān ajri ro.

Ilo ruum̧ in kiki eo an m̧am̧a eo eaar lo juon mattress ejjeļo̧k kilin, edeeo ilo m̧weo. Eaar etale m̧ae iien eaar lo jet kil in peet ko (eļan̄n̄e kom̧ maron̄ kar ņa etaer) likūti ioon mattress eo, im kadeļo̧n̄ aolep ajri ro ļalem n̄an peet eo ejepojak. Kōn kōmejaaļaļ ilo mejān innām eaar bukwelōlō, kōm̧m̧ane juon jar n̄an Jemedwōj Ilan̄ kōn kōjparok eo aer, im eaar ba good night.

Ke eaar jerkak im jibadōkļo̧k kōjām eo, juon iaan ajri ro, enan̄in jiljino iiō dettan, eaar kelo̧k jān peet eo, ettōr ļo̧k n̄an e, jibwe pein, im kajjitōk, “Kwonaaj ke jouj im kōkkajiriri n̄a?” Kōn elōn̄ ļo̧k kemejaaļal ko ilo mejān, ebar likūt ajri eo ilo peed eo, innām eaar lo m̧am̧a eo an eaae (em̧m̧aan ro etto wōt ke raar ko) im eaar ba n̄an lio: “Inaaj bar rool tok ilju, im ej aikuj wōr em̧manļo̧k ralikar ilo m̧win ilo iien eo ij deļo̧n̄ tok ilo kōjām in.” “Im enaaj wōr oktak ko ālkin.” eaar ba. “Ij kallim̧ur eok.”12

Ta eo m̧akūtkūt kein jilu rej eier wōt juon ie? Ejjab kanooj ilo m̧ool, ijello̧kin bwe raar waļo̧k n̄an Sister Holland im n̄a ilo iiō eo ļo̧k. Im bwe raar letok jilu waanjon̄ak ko an Babylon eddik, lukkuun oktak, lukkuun m̧ool in—juon aō make im waan āinwōt m̧wil lukkuun nana ilo juon ikkure in basketball, juon eļapļo̧k an kōņ m̧anit im ej kwaļo̧k an apan̄ ko ilo jon̄ak an kajjojo armej ippān ro me rej mour eoktak jān kōj, im juon men eļap im kanooj aorōk, kōn men ko jab kamoik im bwebwenato eo ekanooj in kaipokpok me enaaj āinwōt eļapļo̧k jān jabdewōt kajjojo armej juon iaad n̄an ņa mejļan.

Ilo kwaļo̧k apan̄ kein jilu, iaar jab tōn kōjerbal jekjek ko an jerawiwi an m̧ōm̧ an kanniōk ak kakkure an ānbwiin, ak an̄ūrlep an pija nana, em̧ool men̄e men ko eļapļo̧k aer epaake im̧ōko n̄an jet iaami jān waanjon̄ak ko iaar kōjerbali. Bōtaab ebwe ad meletlet n̄an kōjerbali pedped ko jab kwaļo̧ki.

Katak 1: Jab “Lale Kabun̄ eo Am̧ ilo Kōjam eo”

M̧oktata, jān kōjem̧ļo̧k kōnono eo kōn basketball eo. Raan eo ālkin ikkure eo, ke eaar wōr jet ekōnono jān jabdedwōt im juon kūr n̄an ukweļo̧k kōn men in, juon likao eaar ba, āinwōt jem̧ļo̧k eo: “Ron̄jake. Jej kōnono kōn basketball ijin, ejjab Jabōt Jikuuļ. Eļan̄n̄e kwojjab maron̄ jutak ņae elam̧ōjm̧ōj eo, innām jab ikkure. Kōmij kōļļā elōn̄ jāān ko n̄an lali ikkure ko. Kōm maron̄ kōm̧m̧an ta eo kōm̧ kōņaan. Kōmij door kabun̄ eo am itulik.”

Kōmij lale kabun̄ eo am ilo kōjam eo ”? Katak nōm̧ba juon n̄an ejaake eo an Zaion ilo epepen in kein 21st: Kom̧ij jamin “Kōmij lale kabun̄ eo am ilo kōjam eo.” Jab n̄an jidik.

Ro m̧ōtta reddik, kain rikaļoor in ejjab maron̄ waļo̧k—ejjab rikaļoor n̄an jidik. Āinwōt an rikanaan Alma kar katakin Doulul eo an Jiron̄ ro an Kabun̄ in n̄an kwaļo̧k aolep wiik theme eo an Doulul eo an Jiron̄ eo aer, jej aikuj”jutak āinwōt rikam̧ool ro an Anij aolep iien ko im ilo aolep men otemjeļo̧k, im ilo aolep jikin ko kom̧ maron̄ pād ie,”13ejjabitok wōt jet iien, ilo jet jikin, ak n̄e kumi in ikkure eo ad ej ļee m̧aan.

“Kōmij door kabun̄ eo am itulik”! Iaar ketak.

Katak 2: Kwaļo̧k Tūriam̧o, ak Kom̧in Kautiej Kien ko

Ak jān kōnono wōt jidik kōn menin. Jen pād ippān menin ium̧win jet minit kōnke epād katak eo kein karuo ej itok wōt. Katak nōm̧ba ruo ilo jibadbad eo joten in n̄an Zaion ej bwe ilo illu eo aō ejim̧we (āinwōt ad iien otemjeļo̧k ba ejim̧we) Iaar aikuj in lale bwe Ijjab kōm̧m̧ane ejjab men eo wōt ta eo rikan̄in̄i eo edik eaar kōm̧m̧ane—illu, m̧akūtkūt jajeļo̧kjeņ, ban dāpij en̄jake ko aō, kōnono kake, kōņaan door peiū ioon—n̄e emaron̄ ikōnwaan—m̧ae, kwojeļā ta? M̧okta Iaar jeļā men eo, Iaar door kabun̄ eo am itulik! Jaab, juon ilo mour, juon ilo 21st epepen, juon ilo aolepen jekjek kein eaar aikuj in mour ekkar n̄an kabun̄, ak e kōnke n̄e ejjab aolep men eo jej bōke juon jerbal edipieo ebwebwe āinwōt armej ro ejjab em̧m̧an jon̄ak ko aer.

Lale, epidodo n̄an erom jim̧we n̄e men ko būki im mour ej em̧m̧an im aolep men eo remeoeo.. Idajon̄jon̄ eo ej n̄e ewōr juon lukkuun mālijjon̄ ak kapo eo, n̄e ewōr inepata im m̧ōk, illu im mijak, ak maron̄ eo kōn lukkuun jerawiwi. Jemaron̄ ke tiljek iloiien in?En̄in ej kajjitōk eo kōnke Israel, Israel, Anij ej kūr. Kain jim̧we in ej, aaet, wōj eo eļaptata an “Jema, kwon joļo̧k ruwier; bwe re jaje ta eo rej kōm̧m̧ane”14—jim̧we n̄e jeorļo̧k bōd im meļeļe im tenkwadik kōn ridebwāāl ro ami ej men eo āliktata me jabdewōt edik an weppāān jān Rilo̧mo̧o̧r eo an laļ eo ej kōņaan kōm̧m̧ane. Ak em̧ōj ad kajion̄ erom: jekōņaan bwe jen kajoor. Jekdo̧o̧n jekjek rōt ak kapo ak jorrāān, ejjeļo̧k rikaļoor em̧ool an Kraist emaron̄ “door kabun̄ eo an itulik.”

Menin ebōkļo̧k eō n̄an kōrā eo ekōļarļar bōran im elōn̄ riin̄ ko ippān. Mekarta juon emaron̄ uwaak n̄an jiron̄ jab in, kakien eo indeeo ej bwe eaar aikuj in jelet tōmak ko an kabun̄ eo ad im kallim̧ur ko ad an gospel eo. Kōn menin, ekōjkan ad uwaak ilo jabdewōt jekjek eaar aikuj kōm̧m̧an ebwe men ko ren em̧m̧anļo̧k, ejjab nana. Jejjab maron̄ kōm̧m̧ane ak uwaak ilo juon kain jekjek me jej bōd kōn kōmetak eo eļapļo̧k jān jekjek in. Men eo ejjab meļeļe in bwe ejjeļo̧k ad ļōmņak ko, bwe ejjeļo̧k ad jon̄ak ko, bwe em̧ōj ad lukkuun joļo̧k kakien eo ekwojarjar “kwon” im “kwon jab” ilo mour. Bōtaab ejjab meļeļe in jej ilo jet wāween aikuj mour kōn jon̄ak kein im jutak ņae “kwon ko” im “kwon jab ko”ilo juon wāween ejim̧we, n̄an jon̄an eo em̧m̧an tata ippād, wāween eo Rilo̧mo̧o̧r eaar mour im jutak ņai. Im iien otemjeļo̧k E eaar kōm̧m̧ane ta eo ej aikuj kōm̧m̧an n̄an kōm̧m̧an bwe jekjek eo en em̧m̧anļo̧k—jān katakin m̧ool eo, n̄an jeorļo̧k an rijerawiwi ro bōd, n̄an karreoik tampeļ eo. Juon menin letok eļap, Ij kam̧ool n̄an kom̧, n̄an jeļā ekōjkan kōm̧m̧ane men kein ilo wāween in ejim̧we!

Kōn menin, kōn jekjek eo an jiron̄ eo me ejej uwaan kōn nuknuk im jon̄an in paotok eo an, jej ijjino eļaptata kōn kememej bwe e ej juon jiron̄ nejin Anij im kōn aorōk eo an indeeo. Jej ijjino kōn kememej bwe e ej leddik nejin juon armej ijin ioon laļ in im em̧m̧an emaron̄, pād ium̧win jekjek ko jet, neju leddik. Jej ijjino kōn kam̧oolol bwe ej pād ilo juon m̧akūtkūt an Kabun̄ in, jab joļo̧k juon. Ilo tukadu in, jej kajion̄ kōm̧m̧ane ijo em̧m̧an tata ippād ilo jekjek in ilo juon ikdelel n̄an jipan̄ e pād ijo em̧m̧an tata an. Jej baj jar wōt kake ilo ejjeļo̧k ainikien: Ta men eo ejim̧we n̄an kōm̧m̧ane im ba ijin? Im ta men eo ejim̧we n̄an ba? Ta men eo āliktata enaaj kōm̧m̧an bwe jekjek in an em̧m̧anļo̧k? Kajjitōk kajjitōk kein im lukkuun kajion̄ kōm̧m̧ane ta eo Rilo̧mo̧o̧r eo enaaj kar kōm̧m̧ane ej ta eo ij ļōmņak meļeļe in An ba ke Eaar ba, im ij kout, “Kom̧in jab ekajet kōn men eo ilikin, Kom̧in ekajete ekajet eo em̧ool.”18 Ekajet ekajet jim̧we.15

Āinwōt kar ba kake, ij kakememej kōj aolep bwe ilo ad pukōt ļo̧k im jipan̄ kōrooltok ro me raar rōjbwābwe, ewōr barāinwōt ad eddo eaorōk n̄an 99 eo me rejjab—im n̄an aikuj ko im ankilaan shephard eo. Ewōrjuonoror, im jej aikuj kar aolep pād ilowaan, men̄e jab ba kake kōjparok im kōjeram̧m̧an ko me rej itok n̄an kōj jān ad kōn pād ijeņ. Likao im jiron̄ ro m̧ōtta reddik, Kabun̄ in ejjab n̄an jidik “ukōtļo̧k” katak ko an n̄an ņa mejļan ikitōltōl ko rem̧m̧an ak pidodo bōk jān kien Ak jabdewōt un ko jet. Ej wōt juon men aorōk kōn m̧ool eo kwaļo̧k me ej letok n̄an kōj jabdewōt bun̄tōn me n̄an kotak bar juon eo emaron̄ en̄jake inepata ak kowaan. Jouj eo ad im iakwe eo ad—pedped eo an m̧wil ko im men ko aikuji an Christianity eo ad—aikuj jamin ukōte āinwōt kōm̧m̧an bwe kien ko ren jokkun wōt. Āinwōt an George MacDonald kar bar, ilo jekjek ko reinjuon, “jejjab lokjak n̄an ba aolep men ko jej [tōmak], bōtaab jej jab lokjaik em̧ool n̄an kalimjōk [kōņaan] ta eo jejjab [tōmak].”16

Ekajet Ekajet ko Rejim̧we

Ilo jekjek in—kūr in n̄an tenkwadik im ettā n̄an kien ko—ilo jet iien juon iien emaron̄ waļo̧k juon jab meļeļe, eļaptata ilubwilijin jodikdik ro bolen ro me remaron̄ ļōmņak jejjab aikuj ļōmņak kake n̄an ekajete jabdewōt, bwe jej jamin naaj n̄an jidik kōm̧m̧ane juon oktak ilo jabdewōt kain. Jej aikuj jipan̄ doon kōn menin kōnke Rilo̧mo̧o̧r eo eaar kalikkare bwe ilo jet jekjek ko jej aikujekajet, jej pād ium̧win eddo eo n̄an ekajet—āinwōt ke Eaar ba, “Kom̧in jab leļo̧k men eo ekwojarjar n̄an kidu rorror ko, im jab joļo̧k bōd ko ami im̧aan pig ko.”17 Menin ej āinwōt juon ekajet n̄an n̄a. Wāween eo juon ej n̄an leļo̧k im erom āinwōt laļ in rainin me ewōr an jon̄ak ko an mour rejorrāān me, kar iuun m̧aan tak, ej kwaļo̧k bwe āliktata ejjeļo̧k m̧ool indeeo ak eļaptata rekwojarjar, im kōn menin, ejjeļo̧k juon ļamļam ilo jabdewōt men ko kar litok raorōk ļo̧k n̄an jidik jān ko jet. Im menin ejej uwaan ejjab m̧ool.

Ilo jekjek in etale in, jab kūr kōj n̄an kajero jet, ak kar kūr kōj n̄an kōm̧m̧ani jokālet ko aolep raan me rej akjoketok ekajet—jej kōjatdikdik ekajet em̧m̧an. Elder Dallin H. Oaks juon iien eaar keidi kain jokālet kein āinwōt “ekajet ko rekadu kitier,” ko ekkā ad aikuj kōm̧m̧ani n̄an ineem̧m̧an eo ad make ak n̄an ineem̧m̧an eo an ro jet, eoktak jān ta eo eaar ņaetan “ekajet ko āliktata,” ko remaron̄ kōm̧m̧an wōt jān Anij im eo ejeļā aolep m̧ool ko.18 (Kememej, ilo eoon eo iaar kouti m̧oktaļo̧k, me Rilo̧mo̧o̧r eo eaar ba men kein rej aikuj “ekajet ko rejim̧we,” jabjim̧we-an juon make ekajet eo ekanooj in oktak.)

N̄an waanjon̄ak, ro jinen im jemen rej aikuj kōjerbal ekajet eo em̧m̧an ikkijien ineem̧m̧an im jeram̧m̧an eo an ajri ro nejier aolep kajjojo raan An mour ko aer. Ejjeļo̧k juon en jekpen ņae jabdewōt jinen ak jemen eo ej ba ajri ro rej aikuj m̧ōn̄ā vegetable ko kijier ak eo ej kapen an juon ajri ettōr ilo juon iaļ ebooļ kōn wa. Kōn menin etke juon jinen ak jemen ej aikuj jekpen ņae eo ej kea, ilo juon iiō tok ālik, jete awa ajri ro rej itok n̄an m̧weo ilo bon̄, ak ta jon̄ak an mour im m̧wil ko an ro m̧ōttaer, ak ilo iiō ta rej jerā, ak eļan̄n̄e ak jaab rej idajon̄jon̄e m̧ōm̧ an kanniōk ak uno ko rekkajoor ak pija nana? Jaab, jej aikuj kōm̧m̧ani jokālet ko im jutak im bar kapenļo̧k aorōk ko ad—ilo tukadu in, kōm̧m̧ane “ekajet ko ekadu kitier”—aolep iien, ak aaet jej aikuj.

Jet Unin Kōnono ko im Kakien ko Ewōr Uwaak ko Aer n̄an Indeeo

Kiiō, n̄e jej ioon kain jekjek kein ekoba kōnono ko rōkapokpok an ikitōltōl ilo juon jukjukinpād eanemkwoj, emaron̄ in kanooj apan̄ im, n̄an jet, kapokpok. Jodikdik ro remaron̄ kajjitōk, im kar kajjitōk, im kar kajjitōk ippa kōn jekjek kien in kar bōk ak kar kōm̧m̧an jān Kabun̄ in ba: “Ekwe, kōmij jab tōmak jej aikuj mour ak m̧akūtkūt ilo jim̧we ak ilo kain wāween in, ak etke jej aikuj kōm̧m̧an bwe ro jet ren kōm̧m̧ane ejja āinwōt in? Ejab wōr aer anemkwoj n̄an kālet ke? Ta jejim̧we ke im jeļā peļo̧kin ke, kiel tōmak ko ad ioon ro jet, kajjitōk bwe ren jerbal ilo jet wāween?” Ilo jekjek kein kom̧ naaj aikuj in jouj ilo kōmeļeļeik etke jetpepded rej bōbrae im jetjerawiwi rej jum̧ai, jabdewōt jikin rej loi iekōnke unin kōnono ko im kakien ko rekoba rej jabjelet wōt ikitōltōl ak kien ak ijello̧kin ewōr aer kaje ko indeeo. Im ilo jab kōņaan kōmetak ro me rej tōmak eoktakļo̧k jān kōj, jej em̧ool inepata n̄an jab kōmetak Anij, ak āinwōt an jeje ko rekwojarjar jiron̄ kōj bwe jej aikuj jab kōmetak [E], eo ej riletok kien eo ad”19—im n̄aij kōnono ijin kōn kakien ko reļļap an mour.

Ak n̄an kōm̧m̧ane jibadbad eo, in kōjerbale waanjon̄ak eo an juon kien edikļo̧k. Āinwōt juon armej edik, em̧m̧an dettan ej ba, “Kiiō ke imaron̄ kattōr, ijeļā ij aikuj in bōjrak ilo juon tōma būrōrō, ak jej ke aikuj lukkuun im kajion̄ in kōm̧m̧an jabdewōt en bōjrak ilo tōma ko rebūrōrōr? Aolep rej ke aikuj kōm̧m̧ane ta eo jej kōm̧m̧ane? Ejab ro jet ewōr aer anemkwoj? Rej aikuj in kōmanit barāinwōt kōj?” Em̧m̧an, innām kom̧ij aikuj kōmeļeļeik etke, aaet, jej ke kōjatdikdik bwe renaaj aolep bōjrak ilo juon tōma būrōrō. Im kom̧j aikuj ke kōm̧m̧ane menin ilo an ejjeļo̧kkōnanaik ro me rej jerawiwi ak ro rej tōmak eoktak ļo̧k jān ad tōmak kōnke, aaet, ewor aer anemkwoj ilo erreo.

Ro m̧ōtta reddik, elōn̄ kain tōmak ko ilo laļ in im ewōr anemkwoj ilo mour in n̄an aolep, ak ejjeļo̧k juon ej bōk mālim n̄an jerbal āinwōt eļan̄n̄e Anij ejjab ekōnono kōn unin kōnono kein ak āinwōt eļan̄n̄e kien ko rej aorōk wōt eļan̄n̄e ewōr errā ioer. Ilo 21st epepen jejjab maron̄ ko aitokļo̧k. Jej aikuj in ire kōn kien ko im jekjek ko im peļaak ko me rej kōtļo̧k anemkwoj eo an kabun̄ im ad kōtļo̧k ilo laļ in. En̄in ej juon iaan wāween ko jemaron̄ jutak ņae ad pād ilo Babļoon ak jab an.

Ijjab jeļā kōn juon bar maron̄ eaorōkļo̧k im ejjeļo̧k jim̧we eļapļo̧k jān kōj n̄an kwaļo̧k ilo juon laļ eo me jejjab maron̄ ko jān n̄an etetal ilo iaļ eo em̧m̧an—bōk juon jon̄an an mour ekkar n̄an ta eo Anij eaar kwaļo̧ke im kakien ko Eaar litok, ak kōm̧m̧ane ilo tenkwadik im kōn meļeļe im iakwe an Kraist eļap. Kōnono kōn juon men epen kōm̧m̧ane—n̄an kōjeno̧lo̧k ilo weppān ikōtaan jerawiwi im rijerawiwi. Ijeļā kōn jet oktak ko me repenļo̧k n̄an kōm̧m̧ani—ak aaet reppen ļo̧k n̄an ekōnono kaki—bōtaab jej aikuj iakwe kajion̄ kōm̧m̧ani jejjet in menin. Tōmak n̄a, ro jeiū im jatū, ilo laļ in me jej itok itak ie, enaaj aikuj in lōn̄ iien ko rem̧m̧an n̄an kaddōkļo̧k kain kajoor in, kwaļo̧k kain peran in, im kwaļo̧k kain tenkwadik in—aolep ilo juon wōt iien. Im ijjab kōnono kōn jekjek in m̧wijbar ko rōtōr jān jon̄aer im ak diede ko ilo botūmi.

Katak 3: Kōjerbal Aorōk ko an Gospel n̄an Kōjeram̧m̧an Jukjukinpād ko im Laļ ko.

Kiiō āliktata, bwebwenato eo epen jān Kansas City. Ejjab lōn̄ iaad renaaj erom police opija ro ak rijerbal ro an social service ak riekajet jerbal ilo jikin ekajet, ak aoleped rej aikuj kea kōn jeram̧m̧an eo an ro jet im ineem̧m̧an eo an mour an jukjukinpād eo ad. Elder Quentin L. Cook jen Doulul eo an Jon̄oulruo Rijilōk ro eaar wujlepļo̧k aolepen kōnono eo an ilo kweilo̧k eo eļap kōn unin kōnono in eļap ruo iiō ko remootļo̧k. Ilo kōnono kōn aikuj eo n̄an ad n̄an kareel jukjukinpād eļapļo̧k jān wall ko an im̧ōko im̧ōd make eaar ba:

“Ilo kakkobaba n̄an kōjparok baam̧le ko ad make, jej aikuj erom juon kein jipan̄ an meram eo ilo kōjparok jukjukinpād ko ad. Rilo̧mo̧o̧r eo eaar ba, ‘Āindein en romak ami meram im̧aan mejān armej, bwe ren lo ami jerbal ko rem̧m̧an, im nōbar Jememi i lan̄.’ [Matu 5:16.] …

“Ilo an ļapļo̧k nan ilo laļ in, ad ej aorōk bwe pedped ko reaorōk ilo tōmak an kabun̄ ko en m̧ōttan kōnono an lo̧bwilej. …

“Tōmak an kabun̄ ej juon unin meram, jeļāļo̧kjeņ, im meletlet im ej kōjeram̧m̧an jukjukin pād ilo juon wāween em̧m̧an.”20

Eļan̄n̄e jej jab bōk kōjeram̧m̧an ko an gospel eo n̄an jukjukinpād ko ad im laļ ko ad, m̧ool eo kōn aorōk eo ej ejjamin bwe policeman ro ad—ejamin naaj bwe Isaac Freestones—n̄an kōkajin̄en̄eik ļo̧k m̧wil ko an mour jekdo̧o̧n eļan̄n̄e raar kapeni. Im eaar jab. Ajri ro ilo m̧weo ejjeļo̧k kijier ak aer nuknuk rej ļaddik im leddik ro nejin Anij. M̧am̧a eo, eļapļo̧k an eddo kōnke erūtto im aikuj in bōk eddo, ej barāinwōt leddik nejin Anij. Kain jekjek kein remaron̄ aikuji iakwe epen ilo jejjet, em̧ool wāween ko kōmālim, bōtaab jej aikuj kajion̄ jipan̄ n̄e im ia eo jemaron̄e kōnke jejjab door kabun̄ eo ad itulik, em̧ool n̄e jej en̄jake ro jet rej jerbal ilo wāween ko rebūrom̧ōjm̧ōj ak jab kea.

Jejjab naaj ņa mejļan aolep jorrāān ko an juon make ak ikitōltōl ilo laļ in ijin joten in. N̄e jej ilo̧k joten in enaaj wōr wōt kwōle im kowaan im rubrubi, jeļo̧k jikin jerbal im kakkure, jorrāān im bōro metak ilo ijōko jikid im jikin kweilo̧k ko im laļ ko. Jaab, jejjab maron̄ kōm̧m̧an aolep men, bōtaab āinwōt jabōn kōnaan eo ej ba, jemaron̄ kōm̧m̧an jabdewōt men. Im ilo uwaake kūr eo an Anij, “Israel” rej er ro rej kōm̧m̧ane—jab ko jān Babylon ilo iien in ak n̄an luko̧rko̧re. Ilo jab kowaan āinwōt ajri ak jab itok limo kake, jemaron̄ mour kōn kabun̄ eo ad aolep jikin im peran wōt bwe jān lo aolep kain iien ko rem̧m̧an n̄an jipan̄ doon, jipan̄ baam̧le ko, kōjeram̧m̧an ro rūturiid, im kōjparok ro jet, ekoba diktak in epepen eo.

Mouri Mour eo Am̧ n̄an Kwaļo̧k Am̧ Iakwe n̄an Jisōs Kraist

Ijjan̄in kar kōnono kōn naan eomijinedeilo iien in bwe mijak enaaj kar m̧ōkaj ļōmņak kōn jōōt mouj ko im name tag ko. Jab bōbareik eō ilo men juon in. Pād wōt ippa ilo unin kōnono ko reļļap—aikuj eo eļap—n̄an kwaļo̧k gospel eo, āinwōt mijenede ro rej jerbal aolep raan, ak barāinwōt n̄e kwoj jab jerbal aolep raan. Armej ro Rekwojarjar ilo Raan-ko Āliktata rej kūr n̄an rikauwe ilo pilawe, salt eo me ejjab jako ej jamin jako nemen, meram eo likūt ioon juon pāt jamin aikuj likūt ium̧win jepe. Im doulul in iiō eo ami—80 n̄an 30 n̄an enan̄in m̧ōttan eo— n̄an 30 ilo enan̄in aolep m̧ōttan—ej iien eo ilo mour an juon armej n̄e jeļā kajien doon ko ami renan̄in n̄an bōk gospel eo eļan̄n̄e lewaj n̄an er. Jejeļā bwe Jabdewōt nōm̧ba in ekkatak ko kar jiron̄tok kōj rej pād ilo Kabun̄ in.

Kōn menin jino kwaļo̧ke! Eļan̄n̄e jej kōm̧m̧an jim̧we im kōnono jim̧we im pukōt ļo̧k ilo jouj kōn naan ko im jerbal ko ad, innām n̄e Rilo̧mo̧o̧r ej kōkadukļo̧k jerbal eo An ilo jim̧we, ej ba iien em̧ōj an itok ilo tōre in āliktata, eļap innām ej itok ilo aiboojoj eo An, Enaaj lo kōj—kwe im n̄a im aolpedwōj—kōm̧m̧ane ijo em̧m̧an tata ippād, kajion̄ mour kōn gospel eo, kajion̄ kōkōm̧anm̧anļo̧k mour ko ad im Kabun̄ eo ad im jukjukinpād eo ad ilo wāween eo em̧m̧an tata jemaron̄e. N̄e Ej itok Ij lukkuun in kōņaan bwe en lo aō mour kōn gospel eo. Ikōnaan bwe in ilbōk ilo aō jerbal in kadeded tōmak eo im kōm̧m̧an men ko rem̧m̧an eļan̄n̄e imaron̄ lukkuun kōņaan bwe Rilo̧mo̧o̧r eo en ba n̄an eō: “Jeffrey,”—kōnke E ejeļā etamiwōj aolep—“Ij kile eok ejjab kōn taitōļ eo am̧ ak kōn mour eo ami, wāween eo kwoj kajion̄ mour im jon̄ak ko kwoj kajion̄ in bōbrai. Ij lo m̧ool eo an būruwōm̧. Ijeļā kwar kajion̄ n̄an kōm̧m̧ani men ko rem̧m̧anļo̧k m̧okta im aorōk tata jān kōkōm̧anm̧anļo̧k kom̧ make im innām jān kwaļo̧k naan eo aō im bōbrae gospel eo aō n̄an ro jet ilo wāween eo etenkwadik tata komaron̄ e.”

“Ijeļā kwar jab iien otmjeļo̧k wejepedik.” Enaaj lukkuun ba, “kōn jerawiwi ko ami make ak jekjek ko an ro jet, bōtaab Ij tōmak kom̧ ar m̧ool in kajion̄. Ij tōmak ilo būruwōm̧ kom̧ij m̧ool in iakwe eō.

Ikōņaan barāinwōt bwe en juon men āinwōt in juon raan eļapļo̧k jān jabdewōt men ikōņaan ilo mour in. Im ikōņaan n̄an kom̧, . Ikōņaan men eo n̄an kōj aolep Israel, Israel, Anij ej kūr kōj—kūr kōj n̄an mour kōn gospel eo an Jisōs Kraist kom̧ make ilo wāwaeen ko reddik barāinwōt ilo men ko reļļap, im innām n̄an pukōt ļo̧k ro me remaron̄ jab āinwōt ak nuknuk ak mour āinwōt āinwōt kōj, innām (ijo kom maron̄) etal eļapļo̧k jān in n̄an jerbal ilo jukjukinpād eo edepakpak tata kom̧ maron̄ kareele.

N̄an jipan̄ kom̧ menin ij door ippami aō naan in kam̧ool juon kōjeram̧m̧an an rijilōk ioomi kajjojo jotenin. Ij kōjeram̧m̧an kom̧, jen kajoor eo an priesthood eo im wōņāān eo me Iaar bōke n̄an kōm̧m̧an bwe kom̧in jeļā bwe Anij iakwe kom̧, bwe E aikuji kom̧ ilo tōre in iien bōk eddo in eļap āliktata n̄e men otemjej rej em̧m̧akūt m̧ōkajļo̧k im eļapļo̧k kōtmene eo. Ij kōjeram̧m̧an kom̧, kōn mālim eo an rijilōk, bwe jar ko ami im wāppen renaaj uwaak, bwe mijak ko ami make renaaj dikļo̧k, bwe diiimi im aerami im būruwōmi renaaj kajoor n̄an eddo ko me rej likūt ioomi. Ij kōjeram̧man kom̧ ilo ami kajion̄ n̄an erreo ilo bōro, ajeļo̧k kom̧ make āinwōt juon kein jerbal ilo pein Anij n̄an ejaake Zaion eo ilo raan kein āliktata Jabdewōt jikin kom̧ij jutak ie Ij kōjeram̧m̧an kom̧ n̄an erom ro rem̧ool n̄an doon, im n̄an ro rej jab jān doulul eo ami me jej aikuj pukōt ļo̧k er. Ilōn̄ men kein, Ij kōjeram̧m̧an kom̧ n̄an erom ro m̧ōttan Rilo̧mo̧o̧r eo an laļ in, n̄an jeļā E kōn kom̧ make, im n̄an wōr lōke ilo jemerā eo An.

Ij iakwe Irooj Jisōs Kraist, kain rikarejar rot eo Ikōņaan erom. Im Ij iakwe Jemedwōj Ilan̄, eo ebwe an kea n̄an letok E n̄an kōj. Ijeļā bwe, ikkijien menin letok jab in, Anij ej kūr ilo raan kein āliktata im bwe E ej kōtmene kōj n̄an uwaak n̄an kūr im n̄an erom āinwōt Kraist n̄an erom ļapļo̧k kwojarjar jān ad kiiō ilo kijejeto eo ad n̄an mour kōn gospel eo im ejaake Zaion. Ij barāinwōt jeļā bwe Enaaj letok n̄an kōj jim̧or kajoorim kwojarjar n̄an erom rikaļoor ro rem̧ool eļan̄n̄e jej kajjitōk kake. Ij kam̧ool kōn kwojarjar eo an jerbal in, kōn iakwe eo im aiboojoj eo an Anij Ekajoor Pōtata, im Pinmuur eo ejjeļo̧k jem̧ļo̧kin an Irooj Jisōs Kraist laļtak n̄an eo ediktata iaad wōj. Ij kōjeram̧m̧an kom̧ kōn kōjatdikdik n̄an m̧ōnņōņō im ekwojarjar, jotenin im ilju im jekļaj im n̄an indeeo, ilo āt eo ekwojarjar etan Jisōs Kraist, amen.

© 2012 jen Intellectual Reserve, Inc. Aolep jim̧we rej pād ippān. Kōmālim ilo kajin Pālle: 5/12. Kōmālim Ukook eo: 5/12. Ukook eo an Israel, Israel, God Is Calling. Language. PD50039052 874

Show References

    Kakememej ko

  1.  

    1 “Ye Elders of Israel,” Al, nōm̧. 319.

  2.  

    2 “Israel, Israel, God is Calling,” Al, nōm̧. 7.

  3.  

    3 Lale Abraham 2:3.

  4.  

    4 Lale Exodus 1:7–14.

  5.  

    5 “Israel, Israel, God is Calling,” Al, nōm̧. 7.

  6.  

    6 Lale 1 Nipai 2:2.

  7.  

    7 Lale 1 Nipai 18:22–24.

  8.  

    8 Lale Ether 6:5–13.

  9.  

    9 Lale Perry Miller, Errand into the Wilderness (1984), 2–3.

  10.  

    10 “Come, Come, Ye Saints,” Al, nōm̧. 30.

  11.  

    11 Brigham Young, kar kout in James S. Brown, Life of a Pioneer (1971), 121.

  12.  

    12 Isaac Freestone, kwaļo̧k en̄jake ippān rijeje eo ilo Māe May 5, 2012.

  13.  

    13  Mosaia 18:9.

  14.  

    14  Luk 23:34.

  15.  

    15  Jon 7:24.

  16.  

    16 George MacDonald, The Unspoken Sermons (2011), 264.

  17.  

    17  Matu 7:6.

  18.  

    18 Lale Dallin H. Oaks, “‘Judge Not’ and Judging,” Ensign, Aug. 1999, 6–13.

  19.  

    19  Doctrine and Covenants 64:13.

  20.  

    20 Quentin L. Cook, “En Wōr Meram!” Ensign im Liaona, Oktoba. 2010, 14–15.