Haan, Aao, Hum Unse Prem Karein—aur Yojna se!
Aap ki tarah, mere pyaare pati, Craig, aur mai Badadin sangeet se bahut pyaar karte hai. Agar hamein apne manpasand geeton ko likhna pade, usmein to “Oh, Come, All Ye Faithful” zaroor hota. Uske khushaal aur vijayi bol hamein bulate hai aao, dekho, aur pyaar karo hamare Uddhaarkarta, Ishu Maseeh se—jo swargduton ka Raaja hai.1 Mujhe yakeen hai ki, is jiwan se pehle uddhaar ki yojna seekhte samay, jab Usne khud Apne aap ko duniya ka Uddhaarkarta banne ki swikriti di humne woh sab na sirf dekha aur pasand kiya par khushi se chillaye bhi.2 Unke jaane maane paanch shabdon mein, Usne komalta se kaha, ki woh jaaega (aur hamara Uddhaarkarta banega).3
Devdut Peter ke saath saath, Pradhaan Monson ne aksar hamein chetaoni di “[hamare] andar ki aasha ki vajah … dene ke liye hamesha tayaar rehna. ”4 Abhi mai ek Badadin ki yaad bataunga apne jiwan se, mai aasha karta hoon tumhe vajah pata hai kyun meri aasha Uddhaarkarta mein hai, “Parmeshwar [hamare Anant Pita, jisne] duniya se itna pyaar kiya mein hai, ki usne apna iklauta Putra diya,”5 aur Pita aur khushiyaali ki yojna mein sampurn ho jaaye.
Nambar 1 Badadin ki Yaadein
Jab mai 14 saal ka tha, hamara parivaar New Zealand mein tha. Mere pita ek jawaan aadmi tha apne 30 ke umra mein aur use wahan ek mission adhyaksh ki sewa ke liye niyukt kiya tha.
Badadin aaya, aur mere paanch bhaai bahan aur mai ab bhi naye jagha ke naye ghar mein shaamil ho rahe the. Yeh mere liye ek chunaoti tha—ek naadaan yuvak—ghar, doston, aur parivaar se dur rehna. Mai hamesha shikayat karta tha, Badadin ke jaane maane drishye, aawaaz, aur manoranjan ki yaad aane ke baare mein—woh sangeet, battiyaan, Badadin ka ped, barf, aur khaaskar parivaar. Mujhe priye bhaai, bahan, fua, aur fufa ki yaad aati thi jo aaja Kjar’s ke ghar par ikattha the us samay Salt Lake Shahar mein Kjar parivaar ke vaarshik Badadin manane ke liye.
Woh 1966 mein Badadin ka Eve tha. Hum mission home mein us raat kam dilchaspi ke saath apne parivaar aur prachaarakon se mile ek parivaarik gharelu shaamsabha ke liye, yeh mujhe lagta tha ki yeh milan behtar rup se, us parivaarik party ki jagah par tha jiske liye mai betaab tha. Mai achchi tarah se nahin yaad karta ki kis chan mein phone ki ghanti baji, par us phone call ne turant mere yuva dil mein badlaao laaya, jisse mujh mein apne priye pita ke liye daya utpann hua aur khud par pachtawa ki kyun mai apne hi baare mein soch raha tha.
Mere uncle Joe ne call kiya tha, hamein batlaane ke liye ki hamare priye, swaarth-heen, mehnati, vachan-badh Aaja Kjar abhi hi bhaari lakwa ka shikaar huwa tha aur ab aspataal mein behosh pada tha. Mere mann mein kayi yaadein aayi is photo utaarne waale, sangeetkaar, tamasha karte hue kulpati ke jinse hum itna prem karte the! Pitaji jo vichlit the phone par baat karke magar usne khud ko sambhaal liya, kandhe sidhe kiye, aur Pita ke yojna ki gawahi di aur Uddhaarkarta mein apne vishwaas ki bhumika ki usmein. Uska gawahi mere peedit dil ko chu gaya.
Bahut dukh hua, ki Aaja theek nahin huwe. Woh dusre hi din guzar gaye. New Zealand mein to Badadin ka Din tha magar Salt Lake Shahar mein Badadin se pehle waala din tha(Christmas Eve), jo Aaja ka pasandida din tha. Unka dehaant mera pehle anubhav tha apne kareebi kisi ko khone ka. Bhale hi maine uske jaane par shok manaya, mujhe khushiyaali ki yojna ke gyaan se ashirvaad aur sahanubhuti mila. Mujhe yakeen tha mai Aaja ko phir dekhunga agar mai unki tarah jiyun. Mai us waqt puri tarah se nahin samajhta tha us samay, ki Uddhaarkarta ke zariye aur Unke praeshchit ke dwara hi mai kisi din apne priyejan se mil paaungi. Par mujhe utna pata tha ki mai yojna ka anand le sakun. Mujhe utna pata tha ki Unse pyaar karun jiska janam din manaya jaa raha tha.
Us kayi saal pehle ke Badadin se aaj tak, maine Udhaarkarta, Ishu Maseeh ke baare mein bahut seekha hai. Pradhaan Harold B. Lee ne sikhlaya: “Parmeshwar ka Putra … yahan aaya Eklaute Putra ke rup mein ek mission pura karne ke liye, ki woh ek Memna ki tarah ho jo duniya ki buniyaad se pehle mara gaya ho, taaki manushye jaati ko uddhaar mile. Apna jiwan dekar Usne dwaar khola … aur sikhlaya kaise hamein anant jiwan mil sakta hai. … Wohi to Ishu tha Apne sampurn mahaanta mein.”6
Nambar 2 Badadin ki Yaadein
Ek aur Badadin yaad dil jhanjhorne waale hai 1984 ki, jisse mera abhaar Uddhaarkarta aur uske mahaan yojna ke liye aur zyaada badh gaya. Mai 32 varsh ki thi, apne priye, wafadaar pati se viwahit, aur chaar dulare bachchon ki maa thi, jo teen se lekar das saal ke the. Badadin se che hafte pehle, hamein suchna mila daactar se jisse hamare jiwan mein bahut badlaao aaya “cancer” ki khabar sunkar. Craig aur mai ek dusre ko avishwaas se dekhte reh gaye, aankh se aansoo behte hue, yeh sochkar ki bhavishye kaisa hoga. Uske baad hi ka ehsaas tha, woh meetha “shaanti … jo sabhi samajh se pare tha”7 Ishu Maseeh mein aur Pita ki yojna mein hamare vishwaas ke kaaran.
Bhale hi Craig us samay hamare ward ka bishop tha, hum woh khabar sirf apne parivaar waalon se baatna chahate the taaki hamare chote bachche bahut ghabraae nahin. Badadin se pehle ke un che hafton mein, mai har din barf mein se gaadi chalate gayi aspataal mein ilaaj karwaane ke liye—jabki hamare madadgaar maaen aur bahanein baari baari se ghar ka khyaal rakhne mein madad karte the. Yeh ek kathin samay tha, magar mai us Badadin ke baare mein sochta hoon jiski abhaar batlaane ke liye mere paas paryaapt shabd nahin hai hamare Uddhaarkarta, Ishu Maseeh ke praeshchit ke balidaan ke liye, aur “mahaan Rachiyata ka dayalu yojna.”8
Ab shaayad maine jaana ki jiwan kitna naazuk tha, Swarg ke Pita ka khushiyaali ka yojna ab pehle se bhi niji ho gaya tha. Us saal Badadin bilkul alag tha. Mai jitna Badadin ke baare mein sab kuch pasand karta hoon, ab to sabse mahatvapurn cheez reh gaya tha mera anant vivaah, mera parivaar, aur Swarg ke Pita, Ishu Maseeh aur yojna ka mera vishwaas aur gawahi.
Ek din jab mai ghar par vishraam kar rahi thi, apne chaar chote bachchon ka bhavishye sochkar, mai Friend megazine ke panno ko ulatti rahi jab maine ek geet dekha. Mai piano par baethi, aur gaate gaate mai royi bhi aur sandesh ko mehsoos kiya apne dil ki gehraai mein. Mai jaan gayi mujhe is geet ko mere ek sao Praathmik ke bachchon ko hi nahin sikhana hai, jahan mai Praathmik ki sangeet waahak thi, par hamare ghar mein rehne waale anmol chaar bachchon ko bhi.
Kaise Pita duniya ko pyaar aur komalta ke baare mein batlaaye?
Usne apne Putra ko bheja, ek navjaat shishu, shaanti aur pavitrata se.
Kaise Pita duniya ko dikhlaaye kaun sa raasta hamein chalna hai?
Usne apne Putra ko bheja manushye ke saath dharti par chalne ke liye, taaki hum jaane.
Kaise Pita duniya ko balidaan, mrityu ke baare mein batlaaye?
Usne apne Putra ko bheja hamare liye marne aur ji uthne ke liye.
Pita humse kya chahata hai? Dharamshaastra kya batlaate hai?
Vishwaas rakho, aasha rakho, uske Putra ki tarah jiyo, auro ki madad karo.
Woh humse kya maangta hai? Unke Putra ki tarah jiyo. 9
Yeh prerit geet se mujhe samajh mein aayakaise mai apne Swarg ke Pita ko apna abhaar dikhaau Unke Putra aur Uske yojna ke liye. Mujhe laga ki bhale hi mai apne bachchon ko bade hote na dekh paaun, agar woh is saadharan geet mein paaye siddhaant ko samajh aur jaan aur ji sake, woh Ishu Maseeh ke sachche chelein ban sakenge.
Us saal hamare ghar par ek khaas maahol tha, jisse hum ek dusre ke prati shaanti aur pyaar ka ashirvaad paa sakein jo mai kabhi nahin bhulungi. Mujhe laga ki hamare bachchon ko pavitrata ka anubhav hua tha. Pehle kabhi unhonne nativity ka naatak it shradha, aadar, aur prem se kiya tha ki lagta tha woh bahut bade ho gaye the. Apne paristhitiyon mein duk jhelte huwe, humne aatmik prabhaao aur gehraai se mehsoos kiye jab humne apne Uddhaarkarta, Ishu Maseeh ke uphaar, aur apne Swarg ke Pita ke mahaan uddhaar ke yojna ke liye abhaar prakat kiya.
Maine aksar socha hai kaise log bina uddhaar ki yojna aur Uddhaarkarta ke Praeshchit ki bhumika ko us yojna mein samajh ke ji sakte hai. Mai kritigyata se apna gawahi jodta hoon hamare priye bhavishyevakta, Pradhaan Thomas S. Monson ke saath, jo shaktishaali rup se gawahi deta hai: “Unke baare mein jisne hamein sab samay ke mrityu se bachaya hai, jo Ishu Maseeh hai, mai gawahi deta hoon ki Woh sachchaai ka sikhshak hai—par Woh ek shikshak se badhkar hai. Woh sampurn jiwan ka Uddharak hai—magar Woh uddharak se badhkar hai. Woh Mahaan Chikitsak hai—magar Woh chikitsak se badhkar hai. Woh jisne manushye ke ‘khoye huwe sena’ chudaya woh hi duniya ka Uddhaarkarta hai, Parmeshwar ka Putra, Shaanti ka Raajkumar, Israel ka Pavitrata Putra—ji utha Prabhu bhi—jisne ghoshna kiya, ‘Mai hi pehlauta aur aakhri hoon; mai woh hoon jo jiwit rahunga, mai woh hoon jise maara gaya; mai Pita ke saath tumhara madhyashth hoon.’[D&C 110:4].”10
Jab hum Unke hamare liye aseem balidaan ki sochte hai, sach mein Uddhaarkarta ke paanch sabse uddaas kahe gaye shabd rahe hai: “Kya tum bhi chale jaaoge?”11 Jab samay kathin hota hai, hum Unse dur jaane ka chunaao kar sakte hai aur apne sangharsh mein akele chalenge, ya hum Unki or aur Pita ki yojna ki or jaane ka chunao kar sakte hai, yeh jaan paaenge ki hum “kisi bhi tarah ka dukh na paaenge, sirf woh Maseeh ki khushi mein kho jaaye.”12 Mera prarthna hai hum sab ke liye ki hum pavitra Badadin ke geet ke amantran ko swikaar karein “aao, hum unse prem kare” aur hamare Swarg ke Pita ko Unke badhiya aur sahi yojna ko! Ishu Maseeh ke naam se, amen.