I Samol e Dawori Pagtilin Nem

Rok’ Linda  S. Reeves

Bin migid e Counselor u lane Relief Society ko General Presidency


 
Linda S. Reeves
Chitamangdad nu Tharmiy nge Tathapeg rodaed i, Yesus Kristus, e yow manang daed. … Rayog ni ngad thamiyed e tu'ufeg Rorow nge gelngin e runguy u fithik e magawon rodaed.

Napan ni gu mada’gad boch e bpin ni walagey u daken e fayleng, ma rigmad ba falfalan’ko gelngin e mich. Oran i gimed e bin somm’on fa bin migid e mfen ko chonggin Galasia. Yigo’ kad guyed oran e pi bpin ni walagey ni yad be machib fa maruwliy mam’en e thin ku Got, malekag nib nib n'uw yang ko gin ni bay e galasia riy, ma ku be athamgiliy e pi n’en ni i michmicheg u lane temple. Gamad be tay famed. Gimed gubin ni gimed girdi’en nge kanawo’en got ko tiney e rran!

Dawori n'uw napan ni gu warow e pumo’on rog, Mel, ma gomow mada' nag e cha'an nima powi'iyey napan nga ba museum u Australia. Ba ppin ni medlip i ragag e duw rok’ma kub gol, Ku nangew ni Mollie e dariy e bitir rok’ma kudawori mabgol. Kemus ni yigo’ir e bitir ko tabinaw rok’ma ke yim’e labthir rok’nike bukum e duw. L’agruw i cousin rok’ni niyow ba chugur ngak’e kiyow ma paer u reb e nam. Mug thamiy e kan ni Thothup nibe ga’ar ngog: “Mollie e gathi yigo’ir! Mollie e fakag nib ppin! I gag e chitamngin! Rib t’uf u lane tabinaw rog! Dariy bi'id ni yigo’ir ni ma paer!”!

Reb e yat nrigu ba’adag u napan ngil’an fare Tathapeg e mornga’agen Lazarus. Beyog e chep nib thothup ngodad ni “Ba tu'uf Martha ku Yesus, … nge walagen nib ppin i [Mary], nge [walagrow ni pumo’on] Lazarus.”1 Yaen e mulwol ngak Yesus ni ke m’ar Lazarus, machane dani yaen i Yesus i guy nib papay; I paer u palog ni l’agruw e rran, nibe tay ni “biney e m’ar e … milfan ku Got, ni Faak Got e kubay milfan ngak.”2

Napan ni runga’ag nibe yib Yesus, Martha “e yaeni mada’eg,”3 nibe yog ngak e n’en nike buch. Lazarus e “aningeg e rran nike paer u lane loew.”4 Mba yoer, me mil Martha nge sul ko tabinaw rok’ninge yog ku Mary nike yib Somoel.5 Mary, u fithik e tomalngin e kiribaen’, me mil ngak Yesus, me aw nga but’nga rifrifen ay Yesus, me yoer.6

Unog ni “napan ni guy Yesus [Mary] nibe yoer, … me yoer u fithik e kan thothup, nike kirbaen',” me fith e gin nikan k’eyag riy.

“Miyaed ga’ar ngak’, Somoel, moy ngam guy.”7

Me’ere magad bi’eg boch e thin nrib maengil, nrib sug ko tu'ufeg u lane chep nib thothup: “ke yoer Yesus .”8

Pi Apostle James E. Talmage e yoloy: “Rogon ya’an fagali ppin nikar kirbaen’… me un Yesus [ngorad] ko kiribaen’, ere yoer u fithik e kan thothup, nge kirbaen’.”9 Biney e dodow e be yog ngodad amthun, gelngin, nge tu'ufeg rok’fare Tathapeg, nge Chitamangdad nu Tharmiy ni ma thamiy ku be’nge be’ni gadad gubin ko ngiyal’ni gadad ma tomal, ko denen, kireb wa’athan, nge amith u lane yafas rodad.

Pi walageg nip bpin, Chitamangdad nu Tharmiy nge Tathapeg rodaed, i Yesus Kristus, e yow manang daed ma gadaed ba tu'uf rorow. Yow manang e ngiyal’nigad ma amith fa gafugow ndemturug. Gathi giyow be ga’ar, “kafal’nig gabe amith, ya bay ta'aboch me fel’rogon e gubin. Bay mu gol, fa bay pat e maruwel ko pumo’on rom, fa fare btir rom nike malog e bay ki sul.” Yow ma thamiy tom’aerngin e gafgow, ma kagad ra thamiy e adag nge kiribaen’rorow u fithik’e gafugow rodad.

Alma e micheg ni:

“Ma bay iyaen, ni begafgow ko pi amith nge kirbaen’nge lumel ni gubin mit; ma biney e aray rogon ni fan ko fare thin ni gomanga mugu'ul ni yoeg nra fek nda dakean e pi amith nge pi m’ar ko girdi’rok.

“Ma rafek nga dakean … e mo’owaer ko gidii’rok, ni nge ni sug lan ngorngoren ko murnguy, … ni nge yog ni nang … ko dagur u rogon ni ngeayuweg e gidii’rok’u rogon e pi mo'owaer roraed.”10

Napan ni bay ud tafineyed ko fa’anra manang daed fare Tathapeg rodaed nge Chitamangdad nu Tharmiy fa uw rogon gelngin ni Yow manang daed, ma sana ra yib ngan’daed e thin rok Somoel ngak’Oliver Cowdery:

Ke yoeg Somoel ngak Oliver ni fa’anra ba’adag ningki mich boch u wan’, ma nge leamnag fare nep ni yoer u laen gum’ircha’en ni nge nang mornga'agen e pin’ey nib riyul’.”11

U m’on me yog Somoel ngak’, “ ni dariy u bang ma kemus ni yigo’Got a manang e tafineay rom nge rogon gumircha’em.”12

Ke pugran Somoel ngak’Oliver ni manang gubin ban’en ni’i ning u lane meybil rok’— ma kumnang— e rea ngiyal’, nge rea nep’nni meybil.

U boch e duw nike yaen me yibi yim’e pumo’on rog u bmit e m’ar ni gathi rib garear. U napan nibe gel e m’ar ngak’, ma gube nang rog nibe ngolol i yaen. Dagog ku be’e magagawon nigube tay. Tabinaw romow e baga’, ni kayibtir nge tu'ufeg, mabgol nib manechubog romow , ma gura lemnag nra pagmad e pumo’on rog ma nggu chugliy fakmow ni yigo’gag me sug ngarngareg ko tawreng, malog, nge ku er ni domomuw. Gube tamra’ning gog nikug pii’ ker’ug ko Chitamag nu Tharmiy. Bo’or a rran nigu pag e meybil; Ug pag i t’og ban’en; Ug yor. Fin gub gu nang ko tafnay rog ndabiyog rog ni yigo’gag.

Urngin e pi rran nike yaen, mfin gub gu ragbug nga but’mug goeg e tin ni bay u lan gum’ircha’eg ngak e Chitmag nu Tharmiy, ni gube ning e wurngaen’rok ni kug pii’ker’ug Ngak, ma gube yog Ngak urngin ni gube thamiy mfin gub guy, ma fini gu yoer ni fa’anra ireray e n’en ni ba’adag ni nggu rin’, ma gura rin’. Ya sana bay e tunom Rok ko yafas rodaed.

Napan nikugube ragbug nigube yog e pin'en ni bay u lan gum’ircha’eg, mug thamiy e fel’, nrib gapas, nge fare adag nrib fel’nike yib nga dakenag. Ribod ni guwo kug gulgul ko adag nrib fel’. Ribod ni rigwo be ga’ar e Chitamngiy nu Tharmiy, “Kemus e pin’en nib t’uf ninggu nang.” Mug dugliy ko tafnay rog ndab kug pii’ker’ug Ngak’biyay. Ma’aram fini yibi buch nike ba’ud e pumo’on rog e ngebi gol.

Tomuren boch e duw ni ke yaen e ngara’riy makug ragbug gow e pumo’on rog nga t’obean fak mow nib ppin ni kag mow be athapeg e yafas rok. Ngiyal’ ney e dani buch nrogon, machane ta'ab amthun e tu'ufeg nge gapas e kagmow be thamiy, makug nangew ni ni fa’anra be pining fare chitamangidad nu tharmiy ni nge sul biyay nga ngak’, ma gubin ban’en ma rayibi aw nga rogon. Kugnangew fan nib t’uf ni nggu pagew fan malngin ngak Somoel, ninggu nangew ni ba’adag mow, ma kuma thamiy mow ko pi kiribaen’nge amith.

Rebe ban’en nrib mangil rok’e Papa’ngak’fak nib pagal u laen fare Babyor ku Mormon e Alma ni fa bin ni bitir e michmicheg ngak’Helaman ni faak. Alma e weliy mornga’agen e “tamdag ni dabiyog i weliy rogon” ni thamiy ni fa’an gomange ra buch u napan ni ra pufthin nag Got ko pi denen rok’. Tomuren ni’i thamiy malngin urngin e denen rok’u laen dalip e rran nge neap’, me kalngan’me nameag e runguy rok’Tathapeg. Maki weliy ngak’Helaman “fel’mab athibthib” ni “da’anki thamiy nang” e pi denen rok’.” Ere dani thamiy ni boed ni lemnag “tamdag ni dabiyog i weliy rogon” ni fa’an ra mada’eg Got u gil’, me guy Alma u malik’ay “Got nibe paer u Chiya rok’” me ga’ar, “ya’el rog e ribe athapegni gomanga bay u roem.”13

Gathi amarogon ni gadad ma thamiy, pi walageg nib ppin, gad ra kalngaen’ma gad gay rogon e tu'ufeg, murnguy, nge rogon ni thingar da thamiyed rok’e Chitamangdad nu Tharmiy nge fareTathapeg rodad ni—kagad “athapeg ni gadaed bay u roem,” ni bay kur bachiyew pa’Row ngodad nib sug ko tu'ufeg biyay?

Boed rogon ni micheg Somoel ngog ndawori pagtilin Mollie Lenthal ni fak nib ppin. Gube micheg ndawori pagtilinem! Demturug e denen fa mo’waer fa amith ni ba’rom fa magawon fa sikeng ni gabeyaen u fithik’, ma manang ma manang fan ni gubin. Gimed ba tu'uf Rok! Ma ra fekem u fithik e pi ngiyal’in’em, niboed ni rin’ku Mary nge Martha. Ke pi’pulwon ni nge yag ningki fek malgim. Mpii’malngim ngak’. Mog ko Chitamam nu Tharmiy rogom. Mog ngak’e pi amith rom nge lumel nibe yib ngom. Maen u fithik’e pi chep nib thothup ni gubin e rran. Ya kag ra pir’eg e ayuw nge tamilang u rom.

Tathapeg rodaed e fith:

“Ya rayog ni ba’bee’nib ppin ni nge pagtilin e bitir ni kuma unum e tuth, ma dabi runguy e bitir rok’ni diyen nag? Arragon, gomanga yaedra pagtilin, ma gag e dab gu pagtilmed. …

“… kug yoloey fithingmed nga lan pa'ag.”14

Kug chiyliy ni dariy bi gimed ni nge yaen ngab yang, ya kug chiyliy ni ngam baed ngog, ni nge yog ni ngam rin'ed ko gidii’u fayleng.”15

Ireram e bin thingar drin’ed. Thingar da thamiyed magad guy nga owchadad ni ngayog ningkud ayuweged pifak e Chitamangdad nu Tharmiy ni ngkur thamiyed miyaed guy miyaed nang fare Tathapeg rodaed e ke fek malngin ni gathi kemus ni yigo’denen rodad ma ku er rogon e amith nge gafugow nge lumel ni nge yog ni thamiy ma nang rogoni ba’udeg daed. Gube micheg ngomed u dakean fithngan Yesus Kristus, Amen.

Mostrar las referencias

    Notes

  1.  

    1.  John 11:5.

  2.  

    2.  John 11:4.

  3.  

    3.  John 11:20.

  4.  

    4.  John 11:17.

  5.  

    5. Muguy ko John 11:28.

  6.  

    6. Muguy ko John 11:32.

  7.  

    7.  John 11:33–34.

  8.  

    8.  John 11:35.

  9.  

    9. James E. Talmage, Jesus the Christ, 3rd ed. (1916), 493.

  10.  

    10.  Alma 7:11–12.

  11.  

    11. Muguy ko Doctrine and Covenants 6:22.

  12.  

    12. Muguy ko Doctrine and Covenants 6:16.

  13.  

    13. Muguy ko Alma 36:14–22; emphasis added.

  14.  

    14.  1 Nephi 21:15–16.

  15.  

    15.  3 Nephi 18:25; emphasis added.