Dam Mit Mit!

Rok Elaine S. Dalton

Young Women General President


 
Sak’iy nib gel. Ngam athamgil. “Sak’iy nifan tin riyul’ ma mat’aw.” Sak’iy ngam m’ag. Ngam mang e ayuw ko fayleng. Sak’iy u tafen nib thothup.

U balay yal’ ney nap’an guba sakiy’ ko e gi nib thothup ngadakaen e tafen e non ney ufithik e profet, ta yi’yi nge tathogthog nge bitir nib pinn ko fare pilune Got. Ba ngiyal’ ney marib ma’ang’ang ningam paer ngadakaen e fayleng i gur e chi ppin nib rugod. Gimed gubin e bitir nib ppin ni kan tay fan en Chitamangdad nu Tharmiy. Gube athapeg gamedba nang e rogmed ma urogon e t’ufeg rok en Chitamangdad nu Tharmiy be pii’ ngomed. Ir ba’adag med ni gimed gubin woed Gag.

Nga dakaen e desk u office rog, Bay e sculpture ba wasey nib brass ni ya’an e ppin nib fel’ yangren i fithingan Kristina. Fare bin somm’on e sculpture nib ga’ woed Kristina ni bay dapilay’ e tafen e fitay’ u Copenhagen, Denmark, ni kan tay ere rayog ninge sap nga day nga Zion. Me’leg rok ninge un fare Galasia me chuw ko tabinaew rog gathi mom’, me rin’ e tin ni irmanang nib mat’aw. E bitir ko bitir rok kar tayed fare scultpture nga dakaen fare tafen e fitay’ ning ngan pinning liyoer ngak Kristina, bachan e me’leg rok nap’an re rran nem ke gay tin nib fel’ ko urngin e mfen rok ni bay yub.

Fanag fare sculpture ko Kristina bay yip fan gimed gubin. Woed Kristina, gamed ba sakiy’ nap’an dapil’ay ningam me’leg e tin nib ga’fan mag me’leg gubin rran, boech e ba mom’, nira gay ga’ wengan ko pi rran rom nge e tin nira yib ko bitir ma mfen rom. Gimed gubin e bay e nifeng nibe thoy nib alamrin i yoko’ ko tugthin, to’ogor, kireb laniyaen’ ko fagar, nge tagaen’ ko tin mat’aw. Machane gamed ba sakiy’ ma dabi mitmitgad mu paered ko fare gospel u poewchen e yoko’ nib almarin ulanging e gidii’ rodad. Woed Kristina, ba powiy’nogmed fare Kan ni Thothup. Gimed ba me’leg nib riyul’. Gimed ba ta’abang med ma bitir ko pilune.

Dabiyog ningu pug erran reb e fanow nib ga’fan ko e Chitamangdad u Tharmiy ni ba’adag ko e fanow Rok ngomed gamed gubin nigam sakiy’gad ulangin e tafen nib thothup mdarma mitmitgad. 1 Irba yoeg: Sakiy’ nib gel.2 Ngam pagaen’um.3 Sakiy’ ni fan e tin riyul’ nge mat’aw.4 Sakiy’ ko m’ag. Ngam gel tagil’ ko fayleng. Sakiy’ u tafen nib thothup.7 Ere e milwol ngomed i’ir mom’dam mitmit.8

Dam mitmit u me’leg rom ko tin mat’aw. U tiney tin tomur rran, dariy e me’leg nib achigchig. E me’leg ni gaba tayed chiney marib ga’fan. I’ir e yang ko fare kanawo’ ko faflaen’ guy nge Gag kug me’legew ninguw matangiyew nap’an e yafas u fayleng. Rrin’ e yafas rom u rogon ningam motoyil ma rung’ag fare Kan ni Thothup Nge ayuwegem ningam me’leg e mat’aw. Nib riyul’, Ira non ngom “gubin e pin'en ni ngam rin'ed.”5

Boechi duw ke yan Kug sulweg nga high skul rog ko bin somm’on yay u nu’w nap’an. Kug waen nga stake conference ni ba mo’olung ulangin e auditorium ko fare skul. Nap’an kug waen u fithik e hall, ke yib mug pug erran bo’or e lem nga tafney rog. Rayog ningu thamiy ta’abrogon ko ngiyal’ nap’an ba fel’ yangreg—tatamra’, waer bugwaeg, rus, marib, rib ga’fan ningu un fagar rog. Kug waen nga auditorium. Bayay ke yib nga tafnay rog bo’or e pug erran. Gumanang urngin e tin ko fare auditorium. Kemus ta’areb e ban’en ke thilyeg—gag.

Fare rran nem bay rogon ninguy sakiy’ u poewchen nga stage woed kug rin’ nap’an gag i student tiyugang’ u high skul. Arragon Kug guy boeche classmates rog ufithik fare mo’olung—boech i kug datenog! Machane chiney, dabkug powiy’ ko assembly, Kug thapeg e taw’ath—ulangin e high skul auditorium rog—ningu pii’ mich”6 nge pii’ e michaen’ug ko fare Tathapeg rodad i Yesus Kristus.

Ppin ni fel’ yangmed, mu pos nogmed ni e tha’ romed ngak reb e gidii’ ra mang fel’ ere tomuren 40 e duw, dam mu minowgad. Dariy’ kireb gelngin e fagar, fa bugwaen i’ir fel’ puluwon ko ren’ney. E gelnginmed ko e pou’mon nib fel’ yangren ra ayuwegread ningar paered nib mat’aw ko gelngin e priesthood roraed, ko m’ag u tample nge pigpig ko mission. Nge mini’ ba nang? Tomuren Ragag i Aningeg e duw, sna reb e mo’on ra yib ngom, ulangin e high skul auditorium, ma pinning magaer ngom ni kam awyuweg ngak ninge paer nib mat’aw ningar mugu’ul muruweliy priesthood rok mar pigpiggad nib mat’aw ko mission. Nge mini’ ba nang? Sna gara thapeg e babyor ko reb e le’engin ko e pou’mon nem, ma pinning magaer ngom ko e ayuw kam pii’ ngak e figirngin fa reb e chongin tabinaew rok, nap’an e ngiyal’ rom u high skul. E me’leg rom e ba ga’fan. E me’leg rom ra gay tin nga dakaenem, nge reb e gidii’. Yaed ba yul’yul’ ko manemus. Damu mitmit!

Dam mu mitmit u tafnay rom nge mafol ningam paer nib machaelboeg ma chuw ko denen ni galong. Tayfan machaelboeg. E mat’awaem ko machaelboeg i’ir reb e bin thabi’ rogon e geling’im. Nap’an kam mub nga fayleng kam thapeg e taw’ath nib ga’ puluwon i’ir e dowem. Dowem i’ir e talin ko e tafnay rom nge e taw’ath nu tharmiy ningam ngongoliy e gelingim me’leg. Aray e taw’ath dabki pii’ ngak Satan. Aram fan irma togopluw ngom ngak e dowem. Irba’adag ninge dabum, ngongoliy nib kireb, nge gechignog e dowem. Kireb rogon ko mad, pornography, denen ni galong, tattoo nge kruf ko luwael, drugs, nge addictions i yaed urngin mit e rayog rok ninge fek ko fana’ biney e taw’ath nib thabi fel’ nge dibchaynigem ningam ngongoliy e gelingim rayog rom. Paul ba fith: “Bmuduwgil ni gimed manang ni gimed a naun Got, ni be paer fare Kan Nthothup rok Got ufithik’ i dowmed?”7

E dowem i’ir e temple. Mang fan? Bachane bay gelingin riy’ ninge matangiy gathi kemus e ya’el nib manemus rom machane reb e ya’el nira yib nga fayleng ko reb e gidii’ mar uned e tabinaew rom u manemus. Elder Dalin H. Oaks ke fil, “E gelingin ningam sunmiy e yafas i’ir [e] tay fan gilingin.”8 Got ba pagaen’ nib thothup ngom! E muruwel rom i’ir e muruwel nu tharmiy. Gamedba taermedliy ningam mang e chitamangin e mfen ni bay yib. Mu matangiymed ningam machaelboeg nge mat’aw mu matangiymed ni “en'en ni th'abi fel' mab tawa'ath u fithik' gubin ban'en”—e machalboeg nge motochiyel ko galong rom. 9 I gimed e Fak nib ppin ku Got ni Chitamandad nu Tharmiy ni kan me’leg nge tay fan, e lowaen’ rok ngom ningam maen u but u fithik e kanawo’ nib mat’aw u Poewchen. 10

Machaelboeg i’ir fare key nib gold ko temple. Ere dam mu mitmit u mang mat’aw ningam fi’leg ma fol e michmicheg nib thothup. Fare michmicheg gara fi’leg ko tawfe ra mon’ognigm ko e kanawo’ ko machalboeg nge faflaen’ nap’an gara fi’leg bayay urngin e wik nap’an mu fek e sacrament. Nap’an mu fol e michmicheg ko tawfe, ra thilyeg ya’am, chuw mad nib thil, ma tay ngongol nib thil ko fayleng. E mafol ko biney e michmicheg ra bing wo’en ngom ningam thapeg e powiy’ ko fare Kan nib Thothup. Sakiy’ u gi nib thothup, mdamu maen nga tafen, fa musik, fa media, fa fagar ni fekem ngam n’ag ayuw ko fare Kan nib Thothup.11 Ma nap’an mu fol fapi michmicheg rom, ram manged mat’aw ma taermedliyem ningam maen ulangin fapi temple nib Thothup rok en Somoel.

Bin Tomur, dam mitmit ko e nang fan rom ko e Bayul ni ke tay en Tathapeg. Fare Bayul ni kan fi’leg ni fanam nge fanag. I’ir e gelngin nima pii’ rayog rom ma bayuliyem. Fa’anra dabmu thamiy mat’aw ningam sakiy’ u tafen nib thothup, dam fek e tomal ta’areb e rran, u yafas ney gadad gubin ra oloboech. Gapas u laniyaen’num fare Tathapeg ba’adagem nib ga’ ni Irra bing wo’en ngom ningam thiliyeg ma kalngaen’um fa’anra kam oloboch. Satan irba’adag ni ngam lemnog dabiyog ningam thiliyeg.12 Irra gay rogon ninge thiliyeg e lem rom ni gara lemnog kam malog. Aray e baen. Rayog ningam sul. Rayog ningam kalngaen’. Rayog ningam mang machalboeg ma thothup bachae fare Baylul nib manemus ku en Tathapeg.

Nge chiney ba guy ning ko e bin thabi fel’ e yaat ko t’ufeg ni kan non. Sna gaba fith, “Mang fan e yaat ko t’ufeg i’ir ga’ fan ko sakiy’ u tafen nib thothup?” Gubin e fan ko e sakiy’ u tafen nib thothup. Aray fare yaat’ ko e ppin nib fel’ yangren ni fithingan Rebekah.13

Nap’an ba tab’ab a yaat net, Abraham ke ning chilen ngak e tapigpig rok ninge pirey’eg e ppin ni fel yangren nib mat’aw ninge mang le’engin e fak ni Isaac. Thingar ninge mang mat’aw ko e michmicheg ko mabgol—fol motochiyel ko galong ma machaelbog ma mat’aw. Ere ke pii’ tapigpig ko e milekag nib palog ma yoyowol nga tafen ni kanoeg Nahor. E fan thingar ninge yaen aram nib machaelboeg—mo’on nib thothup ba t’uf e ppin nib thothup nira sakiy’ u to’oben. Nap’an fare tapigpig ke yib nga binaw ko Haran, ke tal ko tafen e rran ninge duruwiy fapi camel rok maki meybil nira powiy’ ngak fare bin mat’aw e ppin nge irra nang nap’an irra pii’ e rran ngak ir nge 10 camel rok. Ere Kug waen u camel, ma gumanang—camel ba un’um bo’or e rran!

U Genesis gamadba bi’ieg ni Rebekah gathi kemus ni ke waen u nga tafen e rran me fek e rran, machane ke “papay,”14 fa papaynog ninge mugu’ul e muruwel nem. Fare tapigpig ni ke tay e bachael nge luwae ngak Rebekah me fith fa’anra bay tagil’ u na’un chitamangin ninge paer riy’. Gube lemnog ke ayuweg e bachael! Fare scripture ba ga’ar , “Me mil fare rugod i yan nga tafen e chitangin nga weliy ngak urngin ban’en nike rin’.” 15 Rebekah i’ir e tamil!

Fare tapigpig ke non ngak tabinaew Rebekah e fan e milekag nib palog rok ma Rebekah ke yoeg nira mang le’engin Isaac Fare tapigpig irba’adag ninge yaen u bin magid erran ko Rebekah, machane e tabinaew rok ke fith ninge soen ko reb ragag erran. Me buch i karfithed Rebekah mang irba’adag ninge rin’, ma fulweg rok ni mom’ “Bay gu waen.” 16 E fulweg nem ta’ab lingan ko e fulweg nima pii’ reb biyu’, “Bay gu waen, bay Gu rin’”17 nap’an fare pofet ke yoeg e mo’on nge ppin ni fel’ yangren ningar ronoed mar pigpiggad ko mission?

Chiney e tungun nge fan ko biney e yaat ni t’ufeg. Kan taermedliy Rebekah maki mat’aw ninge fil’eg mafol e m’ag nib thothup ninge mang e le’enging nib micheg ko Isaac. Dabki soen ma taermedliy. Ou’mon ke chuw ko tabinaew rok, ke thapeg e taw’ath nge fapi thin riy’ be gay thamtham rog, bachan ke micheg ngak nira mang “Chitangin bo’or i biyu’ e gidii’.”18 Machane e bin thabi fel’ e yang ko yaatney ko t’ufeg i’ir nap’an e bin somm’on e yay ke guy Isaac nge ke guy ir. Dabi ga’ar ulangin e Bible, machane Guba lemnog i’ir e adag u somm’on e guy! Bachane machaelboeg ba’adag e machaelboeg nge e magal ba’adag e magal.19 Nap’an Isaac ke chuw ninge mada’nog e tamilekag, Rebekah “Me yib udakaen e kamel [rok] nga but”20 Ma ba ga’ar “me irba’adag.”21 Guruy nap’an gube sigh!

Ko Rebekah nge Kristina sakiy’row u tafen nib thothup i’ir gathi mom’. Dar mitmitgow i’ir gathi mom’. Ke thoy e nifeng nib almarin, ke tomal erran ko fare well, nge e chuw ko e tabinaew nge yafas i yowmanang i’ir mom’aw. Machane kar me’legew nib mat’aw. Ke powiy’row fare Kan nib Thothup. Kar mat’awgod, ma kar taermedliyrow ningar fi’legew e m’ag nib thothup. Ke Gargelen en Tathapeg u gidii’ ko Rebecca. Irma nang biney ra buch ko ngiyal’ nem? Danga’! E me’leg chiney e be ga’fan? Arragon!

Ppin ni fel’ yangren, chiney e ba ngiyal’ rom. Bo’or e tin nib fel’u poewchem. Mfen nira t’uf e machalboeg rom, mafol rom, nge yafas rom nib mat’aw. Ya michuwun’nug ni ta’areb e ppin nib fel’ yangren i machaelboeg, nibe powiy’ en Ya’el ngak, rayog ninge thiliyeg e fayleng!

Gube micheg nibe fas fare Tathapeg! Irra paer rom. Irra bing wo’en ngom. Nge ufithik e ngiyal’ nib mom’aw, pi Angel Rok ra ulungi em, nge ayuwegem.”22 Udakaen e fithingan Yesus Kristus, amen.

Show References

    Kaboch marngagaen

  1.  

    1. Mu guy Doctrine and Covenants 87:8.

  2.  

    2. Mu guy Mosiah 5:15.

  3.  

    3. Young Women motto, u Young Women Personal Progress (booklet, 2009), 2.

  4.  

    4. Mu guy Mosiah 18:9.

  5.  

    5. 2 Nephi 32:5.

  6.  

    6. Mu guy Mosiah 18:9.

  7.  

    7. 1 Korinth 3:16.

  8.  

    8. Dallin H. Oaks, “The Great Plan of Happiness,” Ensign, Nov. 1993, 74.

  9.  

    9. Moroni 9:9.

  10.  

    10. Mu guyDoctrine and Covenants 25:2.

  11.  

    11. Mu guy 1 Korinth 6:9; 1 Thessalonika 5:22; 2 Timothy 2:22; Doctrine and Covenants 9:13.

  12.  

    12. Mu guy For the Strength of Youth (booklet, 2011), 28–29.

  13.  

    13. Mu guy Genesis 24.

  14.  

    14. Genesis 24:20.

  15.  

    15. Genesis 24:28.

  16.  

    16. Genesis 24:58.

  17.  

    17. Mu guy 1 Nephi 3:7.

  18.  

    18. Genesis 24:60.

  19.  

    19. Mu guyDoctrine and Covenants 88:40.

  20.  

    20. Genesis 24:64.

  21.  

    21. Genesis 24:67.

  22.  

    22. Mu guy Doctrine and Covenants 84:88.