Bada Din ki Sachchi Kushi

Mere priye bhaaiyon aur bahanon, mere liye khushi ki baat hai ki hum sab saath hai is shaam ko jab hum, shabdon aur geeton ke zariye, hamare Uddhaarkarta aur Muktidaata ka janam manate hai—haan Prabhu, Ishu Masih hi ka.

Bada Din saal ka vishaal mausam hai. Yeh hum mein se zyaada logon ke liye vyast samay bhi hai. Main aasha aur prarthna karta hoon ki hum is avsar ke chahal pahal mein itne vyast na ho jaaye ki hum galat cheezon mein apna dhyaan laga dein aur Bethlehem ke Pavitra Bachche ke janam diwas manane ke saadharan khushi ko na dekh paaye.

Bada Din ki sachchi khushi nahin milti bhaag daud aur chahal pahal mein zyaada karne se. Hum Bada Din ki sachchi khushi paate hai jab hum Uddhaarkarta ko is mausam ka kendra banate hai.

Astable mein paeda hua, charni mein jhula jhulaa, Woh aaya swarg se dharti par maranshil aadmi ki tarah jeene aur Parmeshwar ke raajye ko sthaapit karne. Uska vishaal susamachaar ne duniya ke soch ko badal diya. Woh hamare liye jiya, aur Woh hamare liye mara. Hum badle mein, Use kya de sakte hai?

Mujhe Angrezi shaayar Christina Rossetti ke likhe shabd pasand hai:

Bada Din ka hamara utsav Uddhaarkarta ke sikhlaaye prem aur niswaarthipan ka swarup hona chahiye. Dena, na ki lena, Bada Din ke aatma ko purn rup se ubhaarta hai. Hum aur daya ke saath ek dusre ko samajhte hai. Hum prem ke saath un kam saobhaagye paaye logon ki madad karte hai. Hamare hriday narm hote hai. Dushmanon ko maaf kiya jaata hai, doston ko yaad kiya jaata hai, aur Parmeshwar ki aagya maani jaati hai. Bada Din ka aatma hum kis tarah duniya ko dekhte hai ka nazariya badalta hai, aur hum duniya ke vyast jiwan ko dekhte hai aur uske cheezon se zyaada logon mein dilchaspi dikhate hai. Bada Din ke aatma ke sachche matlab ko samajhne ke liye, hamein sirf aakhri akshar ko hatana hai, aur woh Masih ka Aatma ban jaata hai.

Pradhaan David O. McKay ne kaha: “Sachchi khushiyaali sirf dusron ko khush karne se milti hai—vaastavik niwaaran Uddhaarkarta ke siddhaant ka apna jiwan khone ka use paane ke liye par. Saral mein, Bada Din ka aatma Masih ka aatma hai, jo hamare hridayon ko ujwal banata hai bhaaipan ke prem mein aur dosti mein aur hamein uksaata hai dayalu sewa ke kaarye karne mein.

“Ishu Masih ke susamachaar ki hi aatma hai, jiske prati aagyakaarita ‘dharti par shaanti’ laaegi, kyunki uska matlab hai—sabhi manushyon ke prati sadbhaaona ho.” ²

Hamein Uddhaarkarta ke tarah dena chahiye. Apne aap se dena ek pavitra uphaar hai. Hum us yaad mein dete hai jaise Uddhaarkarta ne diya tha. Hamein bhi waise uphaar dene chahiye jiska anant mol ho, un uphaaron ke saath jo toot gaye hai ya bhulaaye jaate hai. Duniya kitna aur behtar hota agar hum sab samajhne aur dekhbhaal, sewa aur dosti, dayaluta aur komalta ke uphaar dein.

Jaise jaise Bada Din ka mausam kareeb aata hai apne pure mahima ke saath, aao hum, Budhimaan Vyaktiyon ki tarah, us ujwal, pratiek taare ki khoj karein hamein Uddhaarkarta ke janam samaroh ki or maargdarshaane mein. Hum sab Bethlehem tak ka safar aatma mein tay karein, apne saath ek komal, parwaah waala hriday le jaaye Uddhaarkarta ke uphaar ke liye.

Mere bhaaiyon aur bahanon, main aasha karta hoon ki sab ko khushaal Bada Din praapt ho. Yeh hai mera aasha aur mera prarthna, hamare Uddhaarkarta, Ishu Masih ke pavitra naam se, amen.