Om Neni mi Pin

Seni Ann M. Dibb

Oruan Chon Aninis non ewe Presetensin ekkewe Fopun Unus


Ann M. Dibb
Ese nifinifin ika [neniom kewe mi pin] a wesen eu neni are eu fansoun, ra nono fengen pwe mi pin me ra tongeni apochokunok.

Seni Ann M. Dibb

Ach itenapen Chufengen non 2013 a feito seni ewe wanik me fisuen non puken Doctrine and Covenants. Ei Aurour a nom non Doctrine and Covenants fan unugat; Elletin ei aurour mi auchea. A awewe ifa ussun sipwe angei epet, pochokun, me kinamwe non fansoun osukosuk. Moekutun memef uta en non neni mi pin kosap mokutukut. 1

Autun ai ekipwichi ei itenap, ua eis, “Menni ekkewe neni mi pin Samach won Nang a kapas ussun?” Preseten Ezra Taft Benson a fonono, “neni mi pin, ach kewe tempel, fan, imwach kewe, o ekkewe Steikin Zion, ekkana neni mi pin… ‘pwe nenien epet, are su seni osukosuk.’”2 Ai pwisin nuku, mi pwan wor ekkoch neni. Eni sipwe ekieki pwe neni a chok wewe ngeni och fonu are imw sia nom non. Nge, eu neni mi pwan tongeni wewe ngeni “och nonnomen ach ekiek.”3 Ei a wewen pwe och neni mi pin mi pwan pachenong och autun—nupwen ewe Ngun mi fen a pwarata ngenikich, nupwen sa mefi an Semach won Nang tong, are sia angei ponuen ach iotek. Napenon, ua nuku pwe nupwen ka uta non tipe pochokun fan itan met mi ennet, akaewin are ese wor emon a tongeni fori, iwe ka fori neniom mi pin

Fan chommong non manauen Joseph Smith a wesewesen “[uta] non neni mi pin” o ese mokut. Nekukunun, a men osukosuk ren ekkewe chommong namanam non sopun o a mochen sinei menni mi ennet. Ekkewe ira nukun imwan a winiti eu neni mi pin nupwen a fotopukutiw o iotek. A ponueni an iotek o ikenai kich memper sia apasa pwe ekkei ira ra iteni ekkewe Ira mi Pin.

Fopun non unusen fonufan mi uta non neni mi pin Non Kampen Fopun. Ewe souemwen a tutunap usun Emon fopun mi patepateno a fiti ewe kamp o ese mochen fiti mokutukuten mwichefen. Mwirin eu ran a ereni emon ekkewe nouwis, “Ua men pwapwaiti ei activity, nge pwata sisene awesano ach kapasen ewe kapas annim, ua chok mochen kukuno.” Fiti chichiei pwan katon fetan pwan urumot!” Nge nupwen mwichen pwarata ar kapasen pwarata, ewe nengin a pwarata pwe a fakkun sani ewe activity o ese mochen niwiniti imwan. Ifa usun epwe or rei met wa fen mefi iei, ei ngunfel mi nom ren iteitan? Ewe nengin a kuna eu neni mi pin.

Pwan eu an Joseph Smith neni mi pin e nom non rumwan. Ei a weires ne nuku pwe usun chommong ami, I me pwin me feffinan kewe ra nom non eu chok rum, a winiti eu neni mi pin nupwe a iotek non nuku o tipekison. A awewei “mwirin upwe kokon non ai we pet ua poputa iotek o kapas ngeni Kot mi Manaman ren an omusano tipisi meinisin.”4 A fen unugat ier seni an Joseph kuna Kot nein ekkewe Ira mi Pin o rese mecheres. Non an engon me fisu ierin a fen nikitu ngeni chommong sokkun sosot o kirkiringau. Nge non na pwinin chon nang Moroni pwa ren ponuan an Josef siongaw non iotek. Joseph a angei mirit, o chip. Non na pwin rumwan a usun chok eu neni mi pin.

Nupwen ua katon eururun seni Mormon ngeni serofo ua kuna eu rumw a pwan eu neni mi pin. Ewe kachito a pwa Ingrid Delgado, emon fopun seni El Salvador, a pwarata mefian ussun tempel. A era, “A men och sipwe sinei pwe a wor neniach ach sipwe su seni mettochen fonufan o angei ekkewe efeioch mi pin ne anisi ekkewe resamo angei non ei manau.” Non ewe kachito a fich an Ingrid o anneani pukfel, ren ekkewe sassingen famini me tempel, wokisin, setifiketin fopun, mi pacheta non rumwan me ekkewe nios a men sani.5 Nge ese sinei nge a wor nenian mi pin an epwe kan tongeni su seni mettochen fonufan. Ua ekieki ika epwe fan fitu a anneani pukfel, mefi ewe Ngun mi Fel, o angei ponuen an iotek non nenian mi pin.

Pwan eu neni mi pin non manuan Josef Smith, ina ewe Kanapus itan Liberty. Elter Jeffrey R. Holland a kapas “Ese wor fansoun non manauan Joseph mi chou seni an nom non ewe kanapus minne mi uren oput, o fis pokitan an aramas mwaken.” Elter Holland a fen awewe pwe ewe imwen Kanupusen Libery mi ussun ei “kanupusen non-temple” pokitan Soufos Joseph Smith fen sapeseni a fen nom non.6

Ekkoch ami nengin mi mefi ar pwisin Kanapusen Liberty, eu neni mi uren oput, ese wor tong are kirikiroch, nge ka riaffou pokitan chon essit me turunufas ikamo rese efeingaua inisum. Ngeni kemi fopun use achemangenikemi kapasen Elter Holland “Ka tongeni mefi fansoun mi uren pwarata, pin, o kaeo, me ren ewe Samon non ekkewe fansoun mi uren riaffou non manauom…, Nupwen ka nikitu ngeni ekkewe sokkun mettoch mi unusungau o ka ungeni mettoch meinisin nap seni mettoch meinisin ka fen kuna.”7 Ussun chok soufos Joseph Smith, ka tongeni forata o uta non neni mi pin fansoun weires kosap tongeni monukano.

Emon fopun itan Kirsten a ereni ei an Kanapusen Liberty. High sukun ina an na imwen Kanupusen Liberty. Ewe rumwan practice musik a anisi. A apasa, “Nupwen ua tonong non ewe rum, ussun ua tonong non eu neni mi akinamwe. Ese wor kapas oput. Ese wor kapas mingau. Mi chok wor kapasen pesepes o tong. Sia kan och fengen . Eu neni mi apwapwa. Ewe rumwan practisin music a uren ewe Ngun mi Fel nupwen am aua practis music. Mi ina ussun pokitan noum we sensein musik. A nuku non Kot. High sukun a eu nenien apochokunaei. A men weires nge ua kaeo nikitu. Upwe unusun kinisou ren ewe neni mi pin, ewe rumwen musik.”8

Non ei pwinin ami mi ekieki neniemi mi pin? Ua fen tingorei chommong fopun pwe repwe ereniei ussun nenier kewe mi pin. Ese nifinifin ika neni are och fansoun mi nenneno chek amwararen apechekun pechekun. Ikkei ekkewe tiu ar ponueni.

  1. Eu: “Ua nom non pioing o kamwoch pwii mi chek monukon.”
  2. Ru: “Iteitan fansoun ua anneani ai efeiochun petriarkch, ua mefi tong seni Semei won Nang.”
  3. Unungat: “Ewe ran ua ier 12, ekkewe fopun non ewe wart ra eninga ai we asam ngeni niosin founupo.9 Ua kinisou me pwapwa!”
  4. Ruenu: “Nupwen ua anneani nei pukfel, eu wokisin a ku netipei ua kuna pounueni ai we iotek.”
  5. Nimu: “Ua fiti eu parri mi wor chon un sakau. Ewe Ngun mi Fel a ereni ei pwe upwe kun ua feinno neimw. Ua no neim inamo ika aramas repwe oput. Nge, non ena fansoun a apochokuna ei pwe upwe manaueni ewe kapas allim.
  6. Onu: “Autun sakrament, ua ekieki ussun ewe Achasefan. Ua essina pwe mi namwot ai upwe omsuano tipisin emon ua song ngeni. Ai finata pwe emusomus eu fofor mi annim epwe wato ewe Achasefan non manauei.”
  7. Fisu: “Mwirin ai fiti Mwichen Poputan fopun fiti inei, a kisini won sapei o a ereni ei pwe mi tongeiei. Ina akkauein ai rong an era.”
  8. Wanu: “Ppwe nei bishop mi sinei, ua sinei pwe pwon seni non pukfel mi ennet: ‘Ka anueparapar ren tipis, nge upwe ne nimetuk pwe kopwe nimenimoch ussun chok snow.’10 Ua mefi apinukunuk me ua sinei pwe ua tongeni poputa ne aier.”
  9. Nasinon: “Eu nekunionin, ua awora ai tipe pochokun ne pwarata mefiei ussun ewe kapas allim me Puken Mormon ren chichiei. Mwirin, feioch pwe ua fiti an paptais. Iei sia fiti fan fengen.”

Upwe erenikemi ussun eu neniei mi pin? Fan eu, ua niuokus, me apwangapwang. Non mosonoson ua iotek, “Semei won nang, use nipwakoch. Kose mochen anisiei!” Iwe ekkisano chok emon a feito rei a kapas pesepes ngeniei. Ina autun ua mefi kinamwe. Mettoch meinisin mi siwin. Preseten Spencer W. Kimball poraus a chemeto “Kot mi chechemeni kich, a tumunikich. Nge epwe anisikich ren emon a kuna ach osupwang.”11 Ei fansoun ei neni a pinino.

Ami fopun, mi tepetep ekkei neni mi pin ua mochen oupwe kaeo ussun ikenai. Nupwen oupwe niwiniti imwemi nepwiniei ua mochen oupwe makketiw ekkei neni aua essina pwan chechemeni. Mi fat ngeniei pwe chommong ami oua uta non neni mi pin. Ekkei neni mi awora epetum, pochokun pwan kinamwe non sonosonongawen fansoun. Ami kapasen pwarat mi marita o pochokuneno pokitan oua uta fan itan met mi ennet o wenecher non amwarar.

Ami, serafon ei Mwichefen, ua men ingeitikemi o tongeikemi. Ua mefi an Semach won Nang watten tong fan itemi, me ua pwarata ai kapasen pwarata pwe ewe Kapas allimen Jises Kraist mi ennet. I a witiwit monata ekiakemita nupwen oua “uta … non neni mi pin.” Ua tongei pwan etiwa Preseten Thomas S. Monson, nouch soufos mi ennet me pesepes.

Show References

    Esinesin

  1.  

    1. Doctrine and Covenants 87:8; nengeni pwan Doctrine and Covenants 45:32; 101:22.

  2.  

    2. Ezra Taft Benson, “Prepare Yourself for the Great Day of the Lord,” New Era, May 1982, 50; nengeni pwan Doctrine and Covenants 115:6.

  3.  

    3. Merriam-Webster Online, “place,” merriam-webster.com/dictionary/place.

  4.  

    4. Joseph Smith—History 1:29.

  5.  

    5. Nengeni “Practice, Celebration, Dedication: Temple Blessings in El Salvador,” lds.org/youth/video.

  6.  

    6. Jeffrey R. Holland, “Lessons from Liberty Jail,” Ensign, Sept. 2009, 26, 28.

  7.  

    7. Jeffrey R. Holland, “Lessons from Liberty Jail,” 28.

  8.  

    8. Pwisin kapas ren ewe chon mak.

  9.  

    9. Fan ekkoch non Merika ra iteni “heart attack.”

  10.  

    10. Isaiah 1:18.

  11.  

    11. Spencer W. Kimball, “The Abundant Life,” Ensign, July 1978, 4;Tambuli, June 1979, 3.