O Aoaoga i le Ekalesia


Ina ua ou maua le tofiga e lauga atu i le Ekalesia e uiga i le mataupu o le aoao atu, sa ou lagonaina le lotomaualalo tele ma tatalo faatauanau e uiga i lenei tofiga. Ua toetoe lava 70 tausaga talu ai, sa ou nofo ai i luga o se tofē i se tamai motu laitiiti lava i le Pasefika, e tu ese mai le motu o Okinawa. Sa faatoa maea lava le taua ma sa ou sao mai ai. Sa ou mafaufau po o le a sa’u mea a fai. Sa matou faatalitali mo vaa e o atu ma aumai i matou i le fale. Sa ou mafaufau loloto po o le a sa’u mea a fai i lo’u olaga. O le a se mea na ou manao e fai? O ai na ou manao ou te avea ai? Sa iu ina tonu ia te au ou te fia avea ma se faiaoga. Ma o lenei la, toeitiiti 70 tausaga mulimuli ane, o loo i ai pea lea manaoga e tasi, le naunautaiga e tasi, i le tele ai o mea ua aoaoina, ae e anoanoai lava mea e lei aoaoina.

O isi mea uma, pe a iloiloina mulimuli, o le taunuuga lava e tau i le aoaoina. Ma tatou te aoao mai ina ia aoao atu. O mataupu faavae nei e mafai ona tatou aoaoina e iloilo ai ma e faatasi ai ma na mea, masalo o le mea e tasi e aupito sili ona faigata ona aoaoina, o le ola lea ina ia le mafai ona e faalagolago ia te oe lava ma le mafai ona faitau mai se tusi, ae tau na o le faalagolago i le Agaga.

Ou te momoo maimau pe ana i ai se ala e folafola atu ai ia te outou afai tou te suesue ma le naunautai ma le manatu mamafa i ai o le a outou lelei atili ai. O le a outou le tiga ai. Ae o le a e le lelei atili ai, e tusa lava pe lelei pe afai e te faalagolago i le Alii ma faalagolago i le Agaga ona aoao atu lea. E le avea ai ma se natura lona lua ae i le taimi e tatau ai, e te aoao ai e faalagolago i le Agaga, o le a i ai o ia iina. E tele taimi ou te tu ai i le pulelaa ma tau mafaufau po o le a se mea e tau atu, tau leiloa se mea ae na iloa lava sa i ai se tiutetauave tele, ae e oo mai lava upu e tatau ona tau atu. E oo mai pe a e amata ona aoao atu. E te amata loa ona amata foi lea ona solo mai faaaliga. O le togi tatou te manaomia mai mea uma e itiiti lava mo i tatou lava, ona o le Agaga na te faagaoioia le mana.

Ua ou iloaina o tagata uma o se faiaoga. I le Ekalesia tatou te talanoa e uiga i le valaauina i tofiga ma le vaetofiaina e faiaoga i le Aoga Sa po o isi ausilali faaleperisitua. O nisi taimi e faamaualuga ai le au perisitua faapea ua ia i latou le mana e fai ai aoaoga. Latou te le taitai lava latalata i le mana ua tuuina atu i se tina. O aoaoga aupito silisili i le Ekalesia e faia e tina.

O le mea lea, ia te outou o loo faiaoga i le Ekalesia, pe o se galuega totogi po o se isi tulaga, e te iloaina o se aoaoga paia ma o le tele o na aoaoga e faia i fafo atu o le potuaoga, e oo lava i fafo atu o tapenaga lea e te faitauina ai ia lesona, suesue, ona mafaufau loloto lea ona o lena faaupuga i totonu o tusitusiga paia---“na tulei mai le siufofoga o le Alii i lou mafaufau.” O lena “upu” e le faatoilaloina lava pe a e agai i luma ma usiusitai. I le autalavou, o le usiusitai e pei o se upu faanoanoa ia i latou. Tatou te le otometi lava ona usiusitai. O matua, aemaise lava tina, e aoaoina a latou fanau laiti ia usiusitai. E nafa foi i tatou lava ma lena mea pe a tatou matutua ma o nisi taimi e i ai a tatou lava tamai taua i totonu o i tatou lava. O loo i ai se upu, salamo. O le a le uiga o le upu “re” o loo i ai i le repent? O lona uiga o le toe fai---toe fai soo le salamo. Ona ao lea ona e toefoi i le ala i se tulaga lea sa e alu ese ai mai le ala ma agai i luma ma le saoloto mai luitau sa i ai ma oe. O le Togiola o le faamalolo silisili lea---e togiola mo agasala. O e iloaina ea le ofoofogia o le mafai ona e faaaogaina o le Togiola? Na faataunuuina e le Alii le togiola mo lo tatou lelei. Ma e leai ma se mea e le mafai ona e le salamo mai ai ma e mafai ona laveaiina ai oe pe a e salamo ma naunau e faia ia faaiuga. O lea, o la’u fautuaga e faigofie lava. Tau lava o le filifili e fai le mea sao, filifili ia lelei atili, filifili e faalagolago i tusitusiga paia, ma a e faia faapea, o le a e tuputupu ae ma o luitau e te oo i ai e mo lou lava lelei.

O nei tausaga e 70 talu ai pe ā ua tele mea ua ou aoaoina ai. Ae o loo tele foi nisi mea e ao ona ou aoaoina. Ou te leiloa po o le a le umi o le a ou aoao ai ae a mavae lenei olaga o le a ou alu atu i le malo fou ma amata ai se aoga fou. O lea ou te faailoa atu ai lau molimau ia te outou o loo soifua le Alii, e moni le Toefuataiga, lea sa puleaina ma fuafuaina e le Alii i talaatu o le veli mo lo tatou manuia. O loo soifua le Alii. Ou te iloa o loo soifua le Alii ma ou te iloaina le Alii. I le suafa o Iesu Keriso, amene.