Matag tuig, usa ka miting nga gitawag og Pagpangandam alang sa Templo ug sa Priesthood buhaton para sa mga lalaki ug mga babaye nga nag-edad og 11. Dapiton usab ang ilang mga ginikanan. Ang katuyoan mao ang pagtabang niining mga bataa nga makasabut sa mga panalangin sa pagserbisyo sa templo, pagserbisyo sa priesthood, ug sa paghimo ug pagtuman sa sagradong mga pakigsaad. Ang posibling mga hisgutanan sa miting maglakip sa mga katuyoan, mga responsibilidad, mga ordinansa, ug mga panalangin sa priesthood; pagtabang sa batang mga lalaki nga malig-on ang ilang pasalig aron maandam sa pagdawat sa priesthood; pagtabang nga masabtan sa batang mga lalaki ug babaye ang ilang mga oportunidad nga makaapil sa buhat sa kaluwasan; ug pag-awhag sa mga bata aron maandam sa pagdawat og limited-use nga rekomend sa templo kon mag-12 anyos na sila ug takus nga moapil sa mga proxy nga bunyag kon itugot sa ilang mga kahimtang.
Sa ubos mao ang pipila ka mga kapanguhaan ug patakaran aron matabangan kamo sa pagplano sa miting.
Mga Kapanguhaan
- Mosiah 18:8–11 (mga pakigsaad)
- Doktrina ug mga Pakigsaad 20:38–60 (mga katungdanan sa mga naghupot sa priesthood)
- Thomas S. Monson, “Ang Balaan nga Templo—ang Suga sa Kalibutan,” Liahona, Mayo 2011, 90–94
- Thomas S. Monson, “Ang mga Panalangin sa Templo,” Liahona, Mayo 2015, 91–93
- Dallin H. Oaks, “Ang mga Yawe ug Awtoridad sa Priesthood,” Liahona, Mayo 2014, 49–52
- Quentin L. Cook, “Mga Gamut ug mga Sanga,” Liahona, Mayo 2014, 44–48
- “Ang Priesthood Makapanalangin sa Atong mga Kinabuhi,” leksyon 47 sa Primary 5
Mga Patakaran
- Ang presidency sa Primary moplano sa miting ubos sa direksyon sa bishopric.
- Usa ka sakop sa bishopric ang mo-conduct sa miting, ug pinakaminos usa ka sakop sa presidency sa Primary ang motambong.
- Ang ubang lider, lakip sa mga sakop sa presidency sa korum sa mga deacon, sa presidency sa Beehive class, ug mga presidency sa Young Men ug Young Women, motambong usab.
- Kon diyutay ra kaayo ang nag-edad og 11 sa ward, ang miting pweding himoon, ubos sa direksyon sa stake presidency, kauban sa ubang ward o sa tibuok stake.
- Mag-agad sa lokal nga panginahanglan, ang miting pweding himoon sa adlaw nga Dominggo, isip kabahin sa miting sa Primary sa Dominggo, o sa lahi nga oras.
