Ամեն տարի 11-տարեկան տղաների և աղջիկների համար անց է կացվում համատեղ հանդիպում, որը կոչվում է Տաճարային և քահանայության նախապատրաստություն։ Ծնողները նույնպես հրավիրվում են մասնակցելու։ Այդ հանդիպման նպատակն է օգնել երեխաներին հասկանալ տաճարային ծառայության, քահանայության ծառայության և սուրբ ուխտերը կապելու ու պահելու օրհնությունները։ Հանդիպման հնարավոր թեմաները կընդգրկեն քահանայության նպատակները, պարտականությունները, արարողությունները և օրհնությունները, ինչպես օգնել տղաներին ամրացնել իրենց պարտավորվածությունը՝ պատրաստվելու քահանայություն ստանալուն, ինչպես օգնել տղաներին և աղջիկներին հասկանալ փրկության աշխատանքին մասնակցելու իրենց հնարավորությունները, և խրախուսելու երեխաներին պատրաստվել ստանալ սահմանափակ օգտագործման տաճարային երաշխավորագիր 12 տարեկան դառնալուց հետո ու արժանավոր կերպով մասնակցել որպես փոխարինողներ, մկրտություններին, եթե նրանց հանգամանքները թույլ են տալիս։
Ստորև տրվում են նյութեր և ուղեցույցներ, որոնք կօգնեն այդ հանդիպումը ծրագրելիս։
Նյութեր
- Մոսիա 18․8–11 (ուխտեր)
- Վարդապետություն և Ուխտեր 20.38-60 (քահանայություն կրողների պարտականությունները)
- Թոմաս Ս․ Մոնսոն. «Սուրբ տաճար՝ փարոս աշխարհին», Ensign կամ Լիահոնա, մայիս 2011, 90–94
- Թոմաս Ս. Մոնսոն, «Տաճարի օրհնությունները», Ensign կամ Լիահոնա, մայիս 2015, 91
- Դալլին Հ. Օուքս, «Քահանայության բանալիները և իշխանությունը», Ensign կամ Լիահոնա, մայիս 2014, 49-52:
- Քվենթին Լ․ Քուք. «Արմատներ ու ճյուղեր», Ensign կամ Լիահոնա, մայիս 2014, 44–48
- The Priesthood Can Bless Our Lives, lesson 47 in Primary 5
Ուղեցույցներ
- Երեխաների Միության նախագահությունը ծրագրում է այս հանդիպումը եպիսկոպոսության ղեկավարության ներքո:
- Եպիսկոպոսության անդամը վարում է հանդիպումը, որին ներկա է Երեխաների Միության նախագահության առնվազն մեկ անդամ։
- Կարող են ներկա գտնվել նաև այլ ղեկավարներ, այդ թվում՝ սարկավագների քվորումի նախագահության, Փեթակի դասարանի նախագահության և Երիտասարդ Տղամարդկանց և Երիտասարդ Կանանց նախագահությունների անդամները։
- Եթե ծխում 11 տարեկան երեխաների թիվը շատ փոքր է, այդ հանդիպումը կարող է անցկացվել այլ ծխերի հետ համատեղ կամ ամբողջ ցցի համար՝ ցցի նախագահության ղեկավարության ներքո։
- Կախված տեղի կարիքներից, հանդիպումը կարող է անցկացվել կիրակի երեկոյան՝ որպես Երեխաների Միության հանդիպման մաս, կամ որևէ այլ ժամանակ։