Rajlal chihab’, taawanq jun ch’utam, li kawresink-ib’ choq’ re li santil ochoch ut li tijonelil nayeeman re, choq’ reheb’ li al ut ixqa’al li junlaju chihab’ wan reheb’. B’oqb’ileb’ ajwi’ lix na’ xyuwa’. Li rajb’al li ch’utam, a’an re xtenq’ankileb’ li kok’al chixtawb’al ru li osob’tesink re li k’anjelak sa’ li santil ochoch, li k’anjelak sa’ li tijonelil, ut xk’uulankileb’ ut xpaab’ankileb’ loq’laj sumwank. Junjunq na’leb’ naru te’k’utmanq sa’ li ch’utam a’in a’aneb’ a’in: li rajb’al, lix teneb’ahom, lix k’ojob’anb’il k’anjel, ut li rosob’tesihom li tijonelil; xtenq’ankileb’ li al chixkawob’resinkileb’ lix teneb’ahom re xkawresinkileb’ rib’ re xk’ulb’al li tijonelil; xtenq’ankileb’ li al ut ixqa’al chixtawb’al ru naq te’ruuq chi okenk sa’ xb’aanunkil li k’anjel re li kolb’a-ib’; ut xwaklesinkileb’ xch’ool li kok’al re te’xkawresi rib’ re xk’ulb’al xhuhil re ok sa’ santil ochoch naq 12 chihab’ wanq reheb’ ut re xb’aanunkil chi tiikeb’ xch’ool li k’uub’iha’ choq’ reheb’ li kamenaq wi naru chiruheb’.
Arin wan junjunq li k’anjeleb’aal ut na’leb’ aj k’amol b’e li tate’xtenq’a chixkawresinkil li ch’utam.
Tenq’anel hu
- Mosiah 18:8–11(sumwank)
- Tzol’leb’ ut Sumwank 20:38–60 (li k’a’ru teneb’anb’il chiruheb’ aj k’amol re li tijonelil)
- Thomas S. Monson, “El Santo Templo: Un faro para el mundo,” Liahona, mayo 2011, 90–94
- Thomas S. Monson, “Li osob’tesink re li santil ochoch,” Jolomil Ch'utub'aj-ib', abril 2015
- Dallin H. Oaks, “Eb’ li laaw ut wankilal re li tijonelil,” Jolomil Ch'utub'aj-ib', abril 2014
- Quentin L. Cook, “Xxe’ ut ruq’,” Jolomil Ch'utub'aj-ib', abril 2014
- “The Priesthood Can Bless Our Lives,” tzol'leb' 47 sa'Primary 5
- “Temple Challenge” (video, 2:08)
Eb’ li na’leb’ aj k’amol b’e
- Li awa’b’ejil re li Tzoleb’aal reheb’ li Kok’al neke’xkawresi li ch’utam rub’el lix b’eresinkil li obispil.
- Jun komon re li obispil naxjolomi li ch’utam, ut na’oken ajwi’ jun malaj xkomon chik komon re li awa’b’ejil re li Tzoleb’aal reheb’ li Kok’al.
- Naru te’okenq ajwi’ jalaneb’ aj jolominel, jo’eb’ li komon re li awa’b’ejil reheb’ laj tenq’anel sa’ li tijonelil, li awa’b’ejil re li Abejita, ut li awa’b’ejiil reheb’ li Saaj Winq ut Saaj Ixq.
- Wi moko k’iheb’ ta li kok’al aj junlaju chihab’ xyu’ameb’ sa’ li teep, naru naq te’xch’utub’ rib’ rik’in junjunq chik li teep malaj chixjunil li oqech sa’ jun ch’utam b’eresinb’il xb’aan li awa’b’ejil re li oqech.
- A’ yaal jo’ chanru na’ajman sa’ li na’ajej wankat wi’, li ch’utam naru taawanq sa’ domingo ewu, malaj sa’ xhoonal li Tzoleb’aal reheb’ li Kok’al sa’ domingo, malaj sa’ jalan chik hoonal.
