O tausaga taitasi, e faia ai se fonotaga ua ta’ua o le Sauniuniga mo le Malumalu ma le Perisitua mo alii ma teneiti tuufaatasi e tai 11 tausaga le matutua. E valaauliaina ai foi o latou matua. O le faamoemoega ina ia fesoasoani i nei fanau ia malamalama i faamanuiaga o galuega o le malumalu, galuega a le perisitua, ma le osia ma le tausia o feagaiga paia. O autu e ono i ai mo le fonotaga e aofia ai faamoemoega o le perisitua, tiutetauave, sauniga, ma faamanuiaga; fesoasoani i tamaiti e faamalosia la latou tautinoga e saunia ina ia maua le perisitua; fesoasoani i tamaiti ma teneiti ia malamalama i o latou avanoa e auai ai i le galuega o le faaolataga; ma uunaia le fanau ia saunia ina ia maua se pepa faataga o le malumalu e faatapulaa le faaaogaina pe a aulia lo latou tai 12 tausaga ma ia auai ma le agavaa i papatisoga fai ma sui pe a faataga e o latou tulaga.
O nisi nei o punaoa ma taiala e fesoasoani ia te oe i le fuafuaina o le fonotaga.
Punaoa
- Mosaea 18:8–11 (feagaiga)
- Mataupu Faavae ma Feagaiga 20:38–59 (tiute o e umia le perisitua)
- Thomas S. Monson, “O Le Malumalu Paia—o se Sulu Taiala i le Lalolagi,” Ensign po o le Liahona, Me 2011, 90–94
- Thomas S. Monson, “O Faamanuiaga o le MalumaluEnsignpo o le Liahona,Me 2015, 91-93
- Dallin H. Oaks, “O Ki ma le Pule o le Perisitua,” Ensign po o le Liahona, Me 2014, 49–52
- Quentin L. Cook, “O A’a ma LalaEnsignpo o le Liahona,Me 2014, 44–48
- “The Priesthood Can Bless Our Lives,” lesona 47 i le Primary 5
- “Temple Challenge” (vitio, 2:08)
Taiala
- O le au peresitene o le Peraimeri e fuafuaina le fonotaga i lalo o le taitaiga a le au epikopo.
- O se tasi o le au epikopo e faatautaia le fonotaga, ma a itiiti ia tasi se sui o le au peresitene o le Peraimeri e auai.
- O isi taitai e mafai foi ona auai, e aofia ai sui o le au peresitene o le korama a tiakono, au peresitene o le vasega Ofagapi, ma le au peresitene o Alii ma Tamaitai Talavou.
- Afai e toalaiti ni tamaiti e ta’i 11 tausaga le matutua i se uarota, e mafai ona faia le fonotaga, i lalo o le taitaiga a le au peresitene o le siteki, faatasi ma isi uarota po o le siteki atoa foi.
- E tusa ai ma manaoga faalelotoifale, e mafai ona faia le fonotaga i se afiafi o se Aso Sa, e avea o se vaega o le sauniga a le Peraimeri i le Aso Sa, po o se isi taimi.
