Sa Tu Oqo na iVolatolu Vou Vakaviti
Sa mai kacivaka na Mataveiliutaki Taumada na kena sa tabaki e dua na tolu ena dua ni ivolanikalou Vakaviti.
“Keitou sa vakauqeti kemuni kina na lewenilotu mo ni rawata na nomuni ilavelave ni ivolanikalou ka vakayagataka ena vuli yadua kei na matavuvale e veigauna ena veisoqoni vaka-Lotu kei na ilesilesi. Ni ra vuli ka veivakavulici ena masumasu mai na ivolanikalou na lewenilotu, ena tubucake na nodra ivakadinadina ka ra na ciqoma na veidusimaki cecere ena nodra bula e veisiga.” —Na Mataveiliutaki Taumada
iSema Veivolekati
Ena kena sa kadre tiko na kosipeli ena kedra maliwa na iTaukei kei Viti yadudua e vuravura raraba, sa mai kacivaka kina na Mataveiliutaki Taumada na ivolatolu vou ni ivolanikalou ena kena Vakaviti e tiko ena iVolanikalou.ChurchofJesusChrist.org vakakina ena Gospel Library mobile app.
Sa na tekivu tabaki tiko na kena ilavelave vou oqo ena 30 ni Tiseba, 2016.
“Ni da wilika ka vakananuma vakatitobu na ivolanikalou, eda na vakila na vakasolokakana kamica ni Yalotabu ki na lomada. E rawa ni da kunea na isau ni noda taro,” a kaya o Peresitedi Thomas S. Monson ena nona vosa ena koniferedi raraba ni 2013. “Eda vulica na veivakalougatataki e dau yaco mai noda dau rokova tiko na ivakaro ni Kalou. Eda na rawata e dua na ivakadinadina tudei me baleta na Tamada Vakalomalagi kei na noda iVakabula, o Jisu Karisito, kei na Nodrau loloma ena vukuda. Ni vakaduavatataki na vuli ivolanikalou kei na noda masu, eda rawa ni kila vakaidina ni dina na kosipeli i Jisu Karisito” (“Eda Sega ni Lako Duadua Voli”).
