2010–2019
Parau Faaite na te Aupŭpŭ Hi‘opo‘a a te Ekalesia, 2010
Eperera 2011


Parau Faaite na te Aupŭpŭ Hi‘opo‘a a te Ekalesia, 2010

I te Peresideniraa Matamua no te Ekalesia a Iesu Mesia i te Feia Mo‘a i te Mau Mahana Hopea Nei

Mai tei faauehia mai na roto i te heheuraa i roto i te Tuhaa 120 o Te Parau Haapiiraa e Te Mau Parau Fafau, na te Apooraa Tiaau i te Tuhaa ahuru e haamana i te haamau‘araa i te faufaa moni a te Ekalesia. Te ti‘a nei i roto i teie apooraa, te Peresideniraa Matamua, te Pŭpŭ no te Tino Ahuru Ma Piti Aposetolo, e te Episekoporaa Faatere Rahi. Na teie apooraa e haamana i te mau tapura haamau‘araa a te mau aupŭpŭ o te Ekalesia, te mau tereraa ohipa e te mau moni e horo‘ahia i te mau ti‘ahapa o te Ekalesia. E haamau‘a te mau aupŭpŭ o te Ekalesia i te moni ia au i te tapura haamau‘araa i fariihia e ia au atoa i te mau ture e te mau arata‘iraa a te Ekalesia.

Ua horo‘ahia i te Aupŭpŭ Hi‘opo‘a a te Ekalesia ra te ti‘araa no te tomo i roto i te mau parau atoa e te mau faanahoraa atoa e titauhia no te faito i te ti‘araa o te mau hi‘opo‘araa o te mau parau peeraa o te mau moni, te mau haamau‘araa, e te paruru-maite-raa i te mau faufaa. E mea ti‘amâ te Aupŭpŭ Hi‘opo‘a a te Ekalesia i mua i te taatoaraa o te mau aupŭpŭ a te Ekalesia e i mua i te mau tereraa ohipa, e to’na mau rave ohipa, e mau ti‘a matutu tivira haamanahia ïa, e mau ti‘a hi‘opo‘a haamanahia, e mau ti‘a hi‘opo‘a faanahoraa haamaramaramaraa haamanahia, e te tahi atu feia toro‘a papû.

Ia au i te mau hi‘opo‘araa i ravehia, te feruri nei te Aupŭpŭ Hi‘opo‘a a te Ekalesia e, ua tapa‘o e ua faatere-maitai-hia te mau moni i fariihia, te mau haamau‘araa i ravehia, e te mau faufaa a te Ekalesia no te matahiti 2010, mai te au i te mau ture matuturaa faufaa, mai te au i te mau tapura haamau‘araa i haamanahia, e mai te au i te mau ture e te mau arata‘iraa a te Ekalesia.

Faataehia’tu ma te faatura,

Aupŭpŭ Hi‘opo‘a a te Ekalesia.

Robert W. Cantwell

Ti‘a Faatere Rahi