Ահարոնյան Քահանայության զորությունը

Վերջերս անցկացված Բարձրագույն Իշխանավորների ուսուցման նիստի ժամանակ, Նախագահ Թոմաս Ս. Մոնսոնը կրկին ընդգծեց Ահարոնյան Քահանայություն կրողների պարտականություններն ու հնարավորությունները.¹ Այս ուսուցման ոգով ես կխոսեմ ձեզ հետ, եղբայրներ:

Պատշաճ կատարվող պարտականությունը որոշիչ դեր ունի ժողովուրդների եւ ազգերի ճակատագրում: Պարտականության սկզբունքն այքան հիմնարար է, որ քահանայություն կրողներին հորդորվում է.«Ուստի, այժմ թող ամեն տղամարդ սովորի իր պարտականությունը և ողջ ջանասիրությամբ գործի այն պաշտոնում, որում նշանակված է».²

Նախագահ Մոնսոնը բացատրում է. «Պարտականության կանչը կարող է գալ աննկատ, մինչ մենք՝ քահանայություն կրողներս, արձագանքում ենք ստացած հանձնարարություններին».³ Նախագահ Մոնսոնը մեջբերել է Ջորջ Ալբերտ Սմիթին. «Ձեր պարտականությունն է՝ առաջին հերթին, իմանալ, թե ինչ է Տերը ցանկանում, և ապա Իր սուրբ Քահանայության իշխանությամբ եւ զորությամբ մեծարել ձեր կոչումը ձեր մերձավորների ներկայությամբ այնպես, որ մարդիկ ուրախ լինեն հետեւելու ձեզ».⁴

Խոսելով Իր պարտականության մասին, մեր Տերն ասել է. «Ես չեմ փնտրում իմ կամքը, այլ Հոր կամքը»:⁵ «Ես երկնքից իջայ ոչ թէ իմ կամքը կատարելու համար, այլ կամքը նրա, ով ինձ ուղարկեց»:⁶ Քանի որ Հիսուս Քրիստոսը կատարեց Իր պարտականությունը, «ողջ մարդկությունը կարող է փրկվել՝ հնազանդվելով Ավետարանի օրենքներին եւ արարողություններին».⁷ Եղբայրներ, սա է այն չափանիշը, որին պետք է հետեւենք:

Իմ փորձից ելնելով գիտեմ, որ դուք, որ ծառայում եք որպես սարկավագներ, ուսուցիչներ և քահանաներ, պատրաստակամ, վստահելի եւ ունակ եք կատարելու ձեր պարտականությունը, ինչպես ինքներդ եք ակնկալում: Մենք հիանում ենք ձեզանով: Ձեր կենսունակությունը վարակիչ է, ձեր կարողություններն՝ ապշեցուցիչ, ձեր ընկերությունը՝ ոգևորիչ: Ձեր կրած Ահարոնյան Քահանայության պաշտոնով դուք կարևոր դեր ունեք Իր զավակների հետ Երկնային Հոր աշխատանքը կատարելու և այս երկիրն Իր Սուրբ Որդու Երկրորդ Գալստյանը նախապատրաստելու գործում: Ձեր և ձեր պարտականության մասին մեր տեսլականը անցնում է ձեր տարիքից: Պողոսը խոսել է ձեր մասին, երբ ասել է. «Թող ոչ ոք չանարգի քո երիտասարդությունը. բայց դու օրինակ եղիր հավատացյալներին խոսքով, վարքով, գթությամբ, սիրով, հավատքով, սրբությունով».⁸

«Ահարոնյան Քահանայության զորությունն ու իշխանությունն է՝ կրել հրեշտակների սպասավորման բանալիները և սպասավորել արտաքին արարողությունները, ավետարանի գիրը, ապաշխարության մկրտությունը՝ մեղքերի թողության համար՝ համաձայն ուխտերի և պատվիրանների»:¹⁰ Նախագահ Բոյդ Ք. Փաքերը նկատել է. «Մենք շատ լավ բաշխել ենք քահանայության իշխանությունը Մենք քահանայության իշխանությունը սերմանել ենք գրեթե ամենուր … Սակայն քահանայության իշխանության տարածումը առաջ է անցել քահանայության զորության տարածումից»:¹¹ Աստծո զավակների հավերժական բարեկեցության համար, սա պետք է ուղղվի:

Մեր մարգարեն մեզ ասել է, թե ինչպես կարելի է դա անել: Մեջբերելով Ջորջ Ք. Քենոնին, Նախագահ Մոնսոնն ասել է. «Ես ուզում եմ տեսնել Քահանայության զորությունը ամրապնդվելիս … Ես ուզում եմ տեսնել, որ այս ուժն ու զորությունը սփռվում են բոլոր Քահանայություն կրողների միջոցով՝ ամենաբարձրից մինչեւ ամենացածրը … մինչև Եկեղեցու ամենափոքր եւ ամենահամեստ սարկավագը: Ամեն մարդ պետք է փնտրի եւ վայելի Աստծո հայտնությունները, իր հոգում փայլող երկնքի լույսը, որը նրան գիտելիքներ է տալիս իր պարտականությունների վերաբերյալ, աշխատանքի այն մասի համար, որը դրված է նրա վրա՝ իր Քահանայության շնորհիվ».¹²

Ի՞նչ կարող է անել սարկավագը, ուսուցիչը կամ քահանան, որպեսզի ստանա հայտնության հոգին եւ մեծարի իր կոչումը: Նա կարող է ապրել այնպես, որ վայելի Սուրբ Հոգու մաքրող, սրբագործող և լուսավորող ազդեցությունը:

Դրա կարևորությունը երևում է Ալմայի հետևյալ խոսքերում. «Արդ, ես ասում եմ ձեզ, որ սա է կարգը, ըստ որի ես կանչված եմ … քարոզելու. … աճող սերնդին … որ նրանք պետք է ապաշխարեն և վերստին ծնվեն»:¹³ Երբ մեկը վերստին ծնվում է, նրա սիրտը փոխվում է: Նա ոչ մի հակում չի ունենում չար կամ անմաքուր բան անելու: Նա խոր ու մնայուն սեր է զգում Աստծո հանդեպ: Նա ցանկանում է լավը լինել, ծառայել ուրիշներին եւ պահել պատվիրանները.¹⁴

Նախագահ Ջոզեֆ Ֆ. Սմիթը նկարագրել է այս հզոր փոփոխության իր փորձը. «Զգացումը, որ եկավ ինձ վրա, խաղաղության, սիրո եւ լույսի մաքուր զգացում էր: Ես զգացի իմ հոգում, որ եթե մեղք էի գործել, … այն ներվել էր ինձ. որ ես իսկապես մաքրվել էի մեղքից, իմ սիրտը հուզված էր, եւ ես զգում էի, որ չեմ վնասի իմ ոտքերի տակի ամենափոքր իսկ միջատին: Ես, կարծես, ցանկություն էի զգում բարիք անել ամենուր, բոլոր մարդկանց եւ ամեն արարածի: Ես զգում էի նոր կյանք, նոր ցանկության՝ անելու այն, ինչը ճիշտ էր: Իմ հոգում չէր մնացել չարի ցանկության անգամ մի մասնիկ: Ճիշտ է, ես պատանի էի, … սակայն ես զգում էի, որ նման մի ազդեցություն իջավ ինձ վրա, եւ ես գիտեմ, որ դա Աստծուց էր, եւ այն եղել է ու միշտ կլինի կենդանի վկայություն ինձ համար, որ Տերն ընդունել է ինձ».¹⁵

Այսպիսով, մենք կոչ ենք անում ձեզ՝ հրաշալի երիտասարդ եղբայրներ, որ ջանասիրաբար ձգտեք «վերստին ծնվել»:¹⁶ Աղոթեք այս հզոր փոփոխության համար ձեր կյանքում: Ուսումնասիրեք սուրբ գրությունները: Ամենից առավել, ցանկացեք ճանաչել Աստծուն եւ դառնալ Նրա սուրբ Որդու նման: Վայելեք ձեր երիտասարդությունը, բայց «մի կողմ դրեք երեխայական բաները»:¹⁷

Հեռու մնացեք անվայել ու անմիտ շատախոսությունից:

Փախչեք ամեն տեսակի չարիքից:

Խուսափեք հակառակությունից:

Երբ կարիք կա, ապաշխարեք:¹⁸

Սա կօգնի ձեզ բարձրանալ տղամարդու ձեր հասակի ողջ չափով: Քաջության, արժանահավատության, խոնարհության, հավատքի եւ բարության հատկանիշները ձերը կդառնան: Ընկերները կհիանան ձեզանով, ծնողները կգովաբանեն ձեզ, քահանայության եղբայրները կապավինեն ձեզ և երիտասարդ աղջիկները կպաշտեն ձեզ և ավելի լավը կդառնան ձեր շնորհիվ: Աստված կպատվի ձեզ և ձեր քահանայության ծառայությանը զորություն կտա ի վերուստ.

Մնացածս կանենք մեր մասը: Որպես ծնողներ եւ պապեր՝ մենք ձեզ ավելի խիզախ ծառայության կպատրաստենք Աստծո արքայությունում: Որպես ձեր եղբայրներ՝ մենք օրինակ կլինենք, որին կցանկանաք նմանվել: Մենք կավելացնենք ձեր քվորումների ուժը: Մենք կաջակցենք ձեր քվորումների նախագահություններին, մինչ նրանք գործադրում են իրենց նախագահողի բանալիները: Մենք ձեզ հնարավորություն կտրամադրենք լիովին ստանձնել Ահարոնյան Քահանայության պարտականությունները եւ մեծարել ձեր կոչումը:

Ձեր ծառայության միջոցով մեծ օրհնություններ կտրվեն Եկեղեցուն: «Հրեշտակները խոսում են Սուրբ Հոգու զորությամբ»:¹⁹ Դուք նույնպես կարող եք դա անել: Երբ խոսում եք Սուրբ Հոգու զորությամբ և սպասավորում եք սուրբ հաղորդության խորհրդանիշերը, տղամարդիկ և կանայք, տղաներն ու աղջիկները կձգտեն ապաշխարել, բարձրացնել իրենց հավատքն առ Քրիստոս և Սուրբ Հոգին միշտ իրենց հետ ունենալ:

Երբ ծոմ պահեք և հավաքեք ծոմի նվիրատվությունները, անդամների մոտ ցանկություն կառաջանա Փրկչին նմանվելու գործեր անել: Տերը հոգում էր աղքատների և ճնշվածների մասին և կոչ էր անում: «Եկեք, հետեւեք ինձ»:²⁰ Պակաս հաջողակ մարդկանց ծառայելը մեզ հնարավորություն է տալիս մասնակցել Նրա սուրբ աշխատանքին և օգնում է մեզ պահպանել մեր անցյալ մեղքերի ներումը:²¹

Երբ «այցելում եք յուրաքանչյուր անդամի տուն»,²² մի վախեցեք ոչ էլ ամաչեք: Ճիշտ պահին Սուրբ Հոգին ձեզ կհուշի ինչ խոսքեր խոսել, ինչ վկայություն բերել, ինչ ծառայություն մատուցել:

«Եկեղեցու վրա միշտ հսկելու»²³ ձեր ջանասեր ջանքերը կլինեն արգասաբեր: Ձեր պարկեշտ պահվածքը զինաթափ կանի ամենաանհավատ սիրտը և կթուլացնի հակառակորդի ազդեցությունը: Ձեզ հետ եկեղեցի գալու, հաղորդությունից ճաշակելու և ձեզ ծառայելու հրավերը կողջունվի և բալասան կդառնա ստվերում կորածների համար, որտեղ ավետարանի լույսը խամրած անթեղ է կամ ամենևին լույս չի տալիս:

Օ, իմ սիրելի երիտասարդ եղբայրներ, «մի անտեսեք ձեզանում եղած շնորհքը»,²⁴ որը դուք ստացել եք, երբ կարգվել եք և ձեզ շնորհվել է Ահարոնյան Քահանայություն:

«Աստված չտվեց մեզ երկչոտության ոգի, այլ զորութեան եւ սիրո եւ զգաստութեան:

Ուրեմն ամոթ մի համարիր մեր Տիրոջ վկայությունը … այլ վայելիր ավետարանը Աստծո զորության համեմատ.

Որ փրկեց մեզ և սուրբ կոչումով կանչեց … Քրիստոս Յիսուսում հավիտենական դարերից առաջ»:²⁵

Մեր սիրելի մարգարեն ձեզ կոչ է արել «կանգնել գույների ներքո»:²⁶ Մենք ողջունում ենք ձեզ, աղոթում ենք ձեզ համար, ուրախ ենք ձեզ հետ ծառայելու համար և Աստծուն գոհություն ենք հայտնում ձեր փրկարար ծառայության զորության համար:

Ես վկայություն եմ բերում, որ Աստված մեր Հավերժական Հայրն է, և բնակվում է երկինքներում: Հիսուս Քրիստոսը Աստծո վուրբ Որդին է՝ աշխարհի Քավիչը, և դուք՝ Ահարոնյան Քահանայություն կրողներդ, Նրա պատվիրակներն եք երկրի վրա է: Հիսուս Քրիստոսի անունով, ամեն: