E a Kekerei el Ngalek a Omekrael er Tir

Sesei el rak er a memong el mle klebesei e mekelekolt e ak mlara basio er a kzia er a Siabal, e rirngesii a melechotech er a mado er tia el kbad er ngii. Ng dilechor a medei er a kerrasm el buik loubail er a ko er a ulech me a dechudech el mamed el llechotel er tia el oburk el omellel. A bdelul a di mle mui er a terechel. Ng ulerreked er a chemert el beached me a oliich, el olengchelel a diak a blil. Tia er a kulasm el omok er a mado el omsa udoud, ea kzia merolang.

Ng diak kubes er ngika el songerenger el buik el dechor er a kelekolt, el urrekodel er a bechachau el beached. E dirrek el diak kubes el uai a le mlak el sebechek el ngoseuir e le kzia a merolang e ngii a dechor tia el le bla er ngii.

Sesei el rak ruriul er a beluu er a Cusco, el beluu el ngara Andes er a Peru, e a Elder A. Theodore Tuttle me ngak a uleba miting er a sakrament er a chelsel a kemanget, e meteu el delmerab el chemau a rael. Ng mle klebesei, e tia er a longedecheduch a Elder Tuttle, ea kekerei el buik, el locha elolem a rekil, a dilum er a medal a tuangel. Ng ulebail er a teletat el bail el kemanget el me er a bkul ochil.

A ngara katur kemam a tebel el mla er ngii a blauang er a sakrament. Ngika el diak a delengcheklel ngalek a milsa tia el blauang e milkekokil merael er a tkul a kboub el bedul ngii. Ng kmeda er tia el tebel e a ta er a redil a milsang. Meng silmengii a bdelul bedul ngii, el odikii el tuobed el mo er a rael. Ak ko er a ulengoll a renguk.

A uriul e ngika el kekerei el buik a liluut el mei. Ng ultetelamet er a tkul a kboub, el merorm a medal er tia ell blauang er ngak. Tia er a luueta el kmeda er ngika el redil, e a kuldersii a chimak, meng rurta el me er ngak. Ak mildengcheklii er ochik.

Me ng, uai a le ko er a olangch, e ak mildengcheklii er a kingelel a Elder Tuttle. A bol merek a nglunguuch e ngika el songerenger el buik a mla tuobed el merael er a klebesei.

A bocha krei, e a kuluchais er a President Spencer  W. Kimball er tia el teletael. Ng kmal ko er a mlo chelellakl e dula el kmo, “Kau a ulerreked er a beluu er ochim.” Ng mle betok lomelekel el me er ngak el kmo, “Tia el teletael a kmal klou a belkul el bo modengelii ruriul.”

Me a chelsel aika el kmeed el dart el bisek loldingel er a Latin America, e a kusiik er ngika el kekerei el buik er a delongelir a rechad. Chelecha e ak mla mo medengelii a belkul a tekingel a President Kimball.

Ak dirrek el milsa ta el di omritel er a kerasm el buik er a rael er a Salt Lake City. Ng mle osoi er a ta el kmal mekelekolt el kesus. Ng temel a belsoil er a Kurismas e kemam a merola el tobeda er a hoter. E tir a mo chacherodech a kmeed el telolem te teai el buik er a rael. Tir rokui el kirir el ngara rekeblirir el cheroid er a kelekeolt.

A ta el buik a dimlak a bilel er a kerasem. Ng di mererdekekl me lak el sal mekelekolt. Ng mirael metengel er a rael el mo dibus, el kuumerang el kmo ng kiei er a locha kekerei, el mechetechut el lengiil blai e locha bad er a dusall el diak a berul el kmeldii.

Sel klebesei, e knguu a beruk el dokedekak, e a kudersii a nglunguuch el kirir tirkel diak a dusall el le bo er ngii.

Ak mla er a Osaka, er a Siabal, er a bol merek a Ongeru  el Mekemad. Tia el beluu a di mle berriid, e a rael a di berberrid a blaks er ngii, komi, me a tebtebil a dub. Me ng betok el kerrekar a miltemall, e ng di bebil er ngii a dirk dilechor el di telemall a rechelel me a chelchedal eng di ng dirk mesisiich el loldubech a mekekerei el rechelel me a llel.

A kekerei el ngalek el redil el di ou sandals e bleiull er a teletat, el kimono a mlengudel a llel a kerrekar el meruul er a bung. Ngika el ngalek a ko er a dimlak el sal omtab er a telmellel tia el basio el meliuekl er ngii er a lomechederiib aika el komi el meruu a llel a kerrekar el mo bngal. Ng mla metik er a chimol klebekelel a beluulechad le ngar er ngii. Ng locha bai kirek el kmo ngii a mle klebekelel a beluulechd le ngar er ngii. Sel kulbedebek er ngii e ng uaia le sisichii a klaumerang er ngak. Ng mla er ngii a omeletkel.

A Mormon a ulsisechakl “a remekekerei el ngalek a ngar er a Kristo”¹ e diak el ousbech er a ngbetel a klengit.

A kuk uchelel tia el mlo merek el taem, e a reteru el misionari a ulereor er a dimes er a Beluu er a Merikel. A ta er a klebesei, er bebul a ked, e te milsterir a rechad el kldibel e riou. Tirka el misionari a dimlak a betok el chad el lolisechakl er tir, me te mocha merael metengela el mo riou.

A kekerei el buik a riros, me ng mocha temel a kemeldiil. A rechad er a blil a mla olengit er a mesiungel a klechelid me bo “longedecheduch” el kirel a ngelekir. Tirka el misionari a dilechor ruriul e ngika el mesiungel a klechelid a chemau tirka el nga er a klengit el reng el chedam me a chedil e mocha mengedecheduch. Tirka el chedam me a chedil omko te ulsingch el mo ngmai ongelaod er ngika el chad me a teletelel aika el bilel, e te locha mlo mekngit a rengrir.

Ng mlo meringel el chokelterir el kirel ngika el buik el dirkak el metecholb. Te milcherei el bebil er a tekoi a mle uchul, e chelecha e ng dikea cheldechulel. Ng kmal di mle bleketakl el kmu er tir el kmo ngika el ngelekir a mla mo er a beluu er a ngau. Ng kengterir. Tir a uchul a diak a ulebengelel ringel el mor ngika el buik.

Uriul er a bol merek a cheldecheduch el medakl a kahol, e tirka el elders a mocha mengedecheduch er tirka el nga er a klengit el reng el obekel. “Kemam a mesiungel a Rubak,” te millekoi er ngika el chedil, “e oba klumech el mei er kau.” Tirka el medidelangel lobekel er a lorrenges, e tirka el teru el elders a mlenguiu ocholt e ulechais a klaumerang er tir el kirel olutel a kiis er a osebelir a re dirk ngar ma re mla mad.

Ak chubur ngkel mesiungel a klechelid. Ng miruul er sel kot el ungil sebechel rulii lokiu a llomes el lulebang. Eng di ng mla er ngii a lmuut el mle sebechel remuul. Ngar er ngii a cherrengelel ebangkelio.

Tirka el elders a mlei el me mengelaod, sensei, e mesiungel a Rubak, el loba ngerachel el mesiungel a ebangkelio er a Jesus Kristo.

Tirka el ngalek el kungedecheduch el kirir a omtechei er a rokui el ngelekel a Demad er a Babeluades. “A rengalek a sengk el mla er a Rubak: e … ungil a rengul a chad el ngar er ngii er ngii.”²

A blebelel a klengar a klou el ngerachel er a rebechiil el obekel. Me ng ringel er tia el klengar sel sekum e kede mo klikiid e bekongerachel el chedam me a chedil. Ng diak el sebechel di tal sechal malechub el dil ta el redil e lomechell er a rengalek. Ng kirir a rengalek el ngar er ngii a re teru el chad er a blirir—el chedam me a chedil. Ng diak a ngii dil teletael malechub el rael el mtechir tiang.

Ng meketeketang e a ta el redil a lilangel e ulechais er ngak el kmo se er a le ngar er a daingak eng rirebet er a klengit ngii me a sechelil sechal. Ng ka el sechal a mle soal a bo lolecheb er a ngalek. A uriul e te tilobed er a skuul e mlo kaubuch e mlo er ngii a rengelekir. Ng ulechais el kmo ng kmal ngar er a klengit el reng er chelechang sel lomes er a telungalek er ngii, tirka el klebokel el ngelekel, e mesa er a uldesuel a basio, el bechachau er chelechang, el ngike el chimol ngalek a dibus.

Omko tirka el obekel a medengelii e oltirakl er a Tngakireng, e te mo medengei el kmo aike el teletael dilubech me a ringel lobengkel a sebechel mesuld. Ng diak a ringel el di melemolem el mo er a ulebongel. Ng diak el beot, e ng di a klengar a dimlak el kirel di mo beot malechub el tabesul. A ouchel reng me sel omelatk el kirel a klausubes a blechoel el klou a le relii.

A kuk teru el ngeasek el obekel a lilangel e ulechais er ngak el kmo te dirk ulemes er a toktang el silbedeterir el kmo ng diak a techellir el mo oungalek. Te kmal mlo mekngit a rengrir er tia el tekoi. Ng mlo mechas a rengrir er a kdu er tir el kmo te bai ko er a ngeltengat. Ng mlo rrau a rengrir el kmo ngera uchul me ak mengedecheduch el uaisei. Ak dilu er tir el kmo a teletael el tir a nga er a chelsel a kuk ungil er a rebebil er a robekel el tir a sebecherir el mo oungalek e ng di diak el sorir me a chechelingaol reng a uchul e te mengeroid er tir er tia el ngerachel.

Ak dilu er tir el kmo, “Ngungil me ng somiu a rengalek, e le tia el klemeriar reng er tir a mo meringel er a klengar kemiu e le ng uchul a tabesul teletael er a klechad me a reng. Me sel domes er ngii, e ng bai ungil e le ng kmal somiu a rengalek e diak el sebechemiu el mo oungalek, er tirkel tir a kuk sebecherir el oungalek e ng di diak el sorir.”

E a kuk rebebil er a robekel a melemolem el kaubuch e diak el oungalek. A rebebil, el diak el sebechir el mekera er a teletael el tir a ngara chelsel, a omekeroul er a rengalek el di omekbitang el chedil malechub e te chedam. Aika di kedeb el taem. Chelsel a diak a ulebengelel teletael—el diak el sal teletael er a beluulechad—e tirkel melemalt el oureng e mengiil a mo ngmai.

“Alsekum e kede oumerang er a Kristo el di kirel tia el beluulechad e merekong, e kede kot el chebuul er a rokui el chad.”³

Sel kot el tkul rebab er a rokui el omeruul er a Ikelesia a mesterir a robekel me a rengelekir el ngar er a deureng er a blai, el ucheliu er a osisechakl me a llach er a ebangkelio, el ulak er a chelsel a telbiil er a diak a ulebengelel priesthood. A robekel a kirir medengei el kmo a kot el ngerchelir—el ngii a diak el mengubet—er ngii a mo er a tang me a tang me a rengelekir.

A ta er a klemerang el kirel a klengelakel a kmo ke de kmal mo ungil suub aikel meklou a belkul er a rengeleked er a bai ikel de siluub er a rechad er a blid. Ke de mo mtebengir a klemerang er a ulochel a Isaia el kmo a”kekerei el ngalek a mo omekrael er tir.”⁴

Chelsel a Jerusalem, “e a Jesus a ulemekedong er a kekerei el ngalek, e mildengcheklii er a delongelir,

“E dula el kmo, Oi Ak kmal kmu er kemiu el kmo, A lak mobult, el mo uai a kekerei el ngalek, e ng diak bom siseb er a rengedel a babelaudes.

“Maleuaisei e ngike el mo ngariou a rengul el uaia ng kal kekerei el ngalek, a ngii a kot el ngarbab er a rengedel a babelaudes.”⁵

“A Jesus a dilu el kmo, Bechiteterir a remekekerei el ngalek, e lak molkebai er tir, me le mei er ngak: e le tir a oba rengedel a babeluades.

“E ulemor a chimal er tir, e sola merael.”⁶

Ke de menguiu er a Babier er a Mormon a odngelel a Jesus Kristo el mo er a Beches el Beluulechad. Ng ulemekungil e ulemekngeltengat er a rechad e dilu me lengiteterir a rengelekir el mor Ngii.

A Mormon a meluches, “Me te ngilteterir a remekekrei el ngelekir el mo dengchokl er a chutem el meliuekl er ngii, e a Jesus a dilechor er a delongelir; e a seked a ulebii me te mlei er ngii el rokui.”⁷

E Ngii a dula er a rechad me bo loutubaruach. Me a rengalek a mle iiliuekl er Ngii, e a Osobel a mocha outubaruach e meluluuch el mo er a Demad er a Babelaudes. Uriul er a nglunguuch, e a Osobel a lilangel, “e ngilteterir tirka el ngalek, el loudersta er tir, e ulemekngeltengat er tir, e milluluuch el mo er a Chedam el kirir.

“E a le mereko e ng liluut el mangel.”⁸

Ng sebechek el mtebengii sel lulmelchesiu er ngii Osobel el kirir a rengalek. Ng kmal klou a desubii sel doltirakl er a Okesiul el mo meluluuch, omekngeltengat, e olisechakl er “tirka el mekekerei.”⁹

Ngak a ongeteruich er a chelsir a reteruich me a ta el ngalek. A klemedengei er ngak, e a delak me a demak a dimlak a ngarbab el ngerachel el le ngar er ngii er a Ikelesia.

A demmam me a delemam a mle blak a rengrir el mesiou er sel kot el ngarbab el ngerchelir— el chedam me a chedil. A demam a ulemekrael er a telungalek er a llemalt, el dimlak a ngasechereng me a dakt. E a mesisiich el okesiul a demam a milchisois er a medemdemek el tekingel a delemam. A ebangkelio a mesisiich el ongetikaik er a klengar er a re dersta er kemam el telungalek er a Packer me a telcheroll el merael mei me a merael mei me a merael mei, el ki bla mesang.

A kuureng el mo meteriter el ungil chad el uai a demak. Uchei er a bok renges aika el tekoi el kmo “ngungiang” er a Demak er a Babelaudes, e a kuureng el remenges er a demak er tia el beluulechad.

Betok el taem e ng rrau a renguk el kmo ngera uchul me ak mlokedong el mo Apostol e Merredel er a Chelechad er a Teruich me a Terung sel kudengei el kmo ak mla er a telungalek el demak a sebeched el kmo ng dimlak el sal mesisiich er a ikelesia. Ng diak el dil ngak el tang el chedal a Teruich me a terung a soiseb er tia el teletael.

Ak mla mo medengei el kmo ng locha chelsel tiaikid el teletael el ki bla er ngii a uchul e ak mlokedong. E mla mo medengei el kmo ngera uchul me a ike el rokui el doruul er a Ikelesia, e kid el oungerachel a kired el mesterir a techall, a rechedam me a rechedil me a rengalek el mo dmak el telungalek. A roungerachel er a priesthood a mo kerekikl el rulii a Ikelesia me ng uai a le sechelei el telungalek.

Ng betok aike el doruul er a chelsel a ebangkelio er a Jesus Kristo el diak mokesiu er a ike el ulecherangel malechub el ngakl el doluches. Ke de mechesang el kirel omekedecheraol me a udoud me a prokuram me a teletael er a tekoi. Me sel doruul, eng sebeched el obes er sel ngii a kmal reng er a ebangkelio er a Jeusu Kristo.

Ng blechoel ngar er ngii a chad el mei er ngak e kmo, “President Packer, ng locha ko er a ungil a … ?”

Ak blechoel tomer tir e kmo ng diak e le kumdasu el kmo ng locha kuk melekoi er a beches el omeruul malechub a prokuram el ngii a kuk dochelii a berraod er a taem me a udoud er a telungalek.

A taem er a telungalek a chedaol taem e kirel mucheliu e mekeluolou. Aki orrimel er a rechedal a ikelesia el mo blak a rengir er a telungalek er tir.

Aki mkot el mo kaubuch, e a bechik me ngak a kilengei er a rengalek el tir a ki bo momechell er tir e nguu a ngerachel el kirel a kedmeklir me a ulekerulir. Ng dimlak el meketeket e ng kuk mla mor ngii a telungalek er tir.

Ng eru el taem er a chelsel a chebechiielam, er a taem er a cherellir a reteru er a rengelekam el sechal, e a toktang a kmo, “A kumdasu e ng locha diak bo mobang.”

Me a ika el eru el taem e a ki onger el kmo aki mo odersii a klengar kemam alsekum e ngika el kekerei el ngelekam a orkedii a klengar ngii. Chelsel tia el teletael, e a ki mlo medengei el kmo tia el osisiu el blak el reng a kmal di osisiu ngii me sel lomelchesiu er ngii a Demad er a Babeluades el mei er kid. Ng kol kmal ngarbab el uldasu.

Chelecha el kebesengei a sils er kemam, e a Sister Packer me ngak a medengei e mla nguu a sioning el kmo a telungalek er kemam a sebechel mo er a ulebongel. Me sel ki molngesenges a llach e mui el oltirakl er a ebangkelio, e a ki mo selbechakl e mukngeltengat. Me te ngelekam me a rengelekir a rengelekam me a rengelekir a rengelekir a rengelekam, e a nglungucham a kmo a dersta el chad er a tia el obdois el telungalek bol ngar er ngii a osisiu el blak el reng el kirir a remekreos el mekekerei.

Rechedam me a rechedil, a taem el kau a mengeskes er a tolechoi er chimam, e ng sebechem el mesa ongasireng me a moktek er a klengar. Ke mo ungil medengei el kmo ngera uchul me a Ikelsia a nga er sel le ngar er ngii e ngera uchul me a telungalek a klou a belkul chelechad er chelechal taem me a diak a ulebengelel. A kuuchais el kmo a ebangkelio er a Jesus Kristo a klemerang, e a uldasu er a diak a ulebengelel klengar, el ngii a domekedong er ngii el uldasu er a deureng, a uldasu el kirel a telungalek. Ak meluluuch el mo er a Rubak me a telungalek er a Ikelesia bol mukngeltengat, a rechedam me a rechedil me a rengalek, me tia el ureor lorael el mo ruchei er sel moktek er a Rubak. Aika ak sioniong el ngara ngklel a Jesus Kristo, amen.