2010–2019
Napan ni Gadad ra Mukun Biyay nga Ta’abang
April 2012


Napan ni Gadad ra Mukun Biyay nga Ta’abang

Chitamangdad nu Tharmiy e ri ma leam nag dad nge tin nib tu’uf rodaed. Aygun sug gaed ko fare Kan Thothup Rok napan ni gadad be motoyil ko re conference ney.

Walageg ni bpin nge pumoon, kad mo’ulung gad ko re conference ko Galasia, ma gube pining e runguy rog ngomed. Gadad be madaa’ gubin ea n’el ea puul ngad pi’eed gelngin dad, pii gonop, faleg anum, min ufnguy ea mich. Boch gadad e keyib ni be gay e de’er ko fulweg u langin ea yafos rok. Boch be athamgil ko gafgow ara tin nike buch langin ea yafos rok. Re bee’ ma ra tomilang me chibiy me yiib falan rok Kan Thothup kan thamiy keyib rok Somoel.

Fa’an bay banen ngam thilyeg ko yafos, gube athapeg gara pireeg me yib gelngim ni ngam thilyeg napan kam motoyil ko thin yira weliy. Re bagdad me be’ech nag ea yafos ngad pired dabi buch ea rom riy faak pumo’on nge bpiin rok Chitamangdad nu Tharmiy. Ngad pired ngad chuweg mo’onyan ko gin bay riy.

Rib fal’eg wa’athraed ko ngiyal’ kanib nga donop—rib fel langin ea fayleng. Dabi yog ngad pired u tangin tareb ea piyuw ma mangil bochan gadad guy ko television, radio, cable, satellite keyib, nge internet—kuwad rogon keyib ko mobile devices. Kad baed nga ta’bang gadad tareb, nib bo’or e thin, bo’or e nam nikad baed riy, ma tareb e mich rodad, ma tareb falngin dad.

Napan bachig napan 182 e duw nike yan, makan thamiy falngin dad u fayleng i yan. Re murwel nib mangil nay ra mo’noog i yan ni be thil mabe yibliy yafos boed rogon. Dariy ba gelngin ra taleg murwel rok Got. Gamnang thin rok fare Prophet Joseph Smith: “Dariy paa bee’ rayog ni taleg re murwel ko mon’oog, ra un gafgow nag, ra tareb ea ulung ko kireb, ra molung ea armies, gathibthib ra gun’gun’ ma rriyul Got ra yan na mo’on nib tomilang gililingun nga madaa nike yan fidik gubin ea naam, madaa’ nag gubin yang, walgow gubin ea buut, min rung’aag, madaa falngin Got kemu’, ma Fare Jehovah e ra yog ni fare murwel e ke m’ay.”1

Bo’or banen nib momaa’ u fayleng chiney, walageg pumoon nge bpiin, ma kub bo’or banen nib mangil nibe chibiy dad ngalang. Napan ni gadad ra yoeg fapi ragag nge dalip e kenggin lik’ngin e mich Kan weliy u langin babyoor ko mich, Fa’an ra bay banen nib mangil, falilingun, gum’aen ngay, mangil fathngin, ma gadad be lekeg gubin.” Ngad athapeged ngan ri’in i yan.

Gube pining ea magar ngomed ko mich nge adag romed ko gospel. Pining magar ko runguy gabe dag ngak bee’. Pining magar ko murwel gabepii langin ea ward, pangin, stake nge district. Rib tuf murwel ya Samoel wawliy falngin u roy u fayleng.

Gube pining magar ko murnguy rom ngog ko gin kug won ngay. Pining magar ko meybil nikam pii’ fan ngog. Kug thamiy e pii mebil ma gube pining e magar ngom riy.

Eree chiney walageg bpiin nge pumoon kadbaed ni ngad filed. Bo’or thin ni yira weliy gali rran ney. Gube micheg ngomed pi pumo’on nge bpiin ni yaed ra welthin ngad rung’aag ged. Keyib be thogthog ngorad pinen nib tu’uf ni ngad rung’aag ged.

Chitamangindad nu Tharmiy e manang dad ko tin bat’uuf rodad. Aygun sug gaed ko fare Kan Thothup Rok napan ni gadad be motoyil ko re conference ney. Ir aray e meybil rog u dakean fithngan Somoel nge Tathapeg rodaed, Yesus Kristus, amen.

Notes

  1. Teachings of Presidents of the Church: Joseph Smith (2007), 444.