2010–2019
Rijerbal ro ilo Jikin Kallib eo
Eprōļ 2012


Rijerbal ro ilo Jikin Kallib eo

Jouj im ron̄jake im̧we eo an Jetōb Kwojarjar ej jiron̄ eok kiiō, iien in wōt, bwe kwoj aikuj bōk menin letok an pinmuur eo an Irooj Jisōs Kraist

Kōnono kōn kūr ko im kōtļo̧k ko Būreejtōnji eo Kein Kajuon ej kab mōj an kōjeļā kaki, Imaron̄ ke kōnono n̄an aoleped wōj ilo ba jenaaj kememej im iakwe ro raar jerbal ilo tiljek iien otemjej ippām, ej āinwōt an m̧ōkaj ad iakwe im karuwaineneik ro kiiō em̧ōj kūr er n̄an jerbal ilo kajjojo jerbal ko. Būruwōn kam̧m̧oolol ko am n̄an kajjojo iami.

Ij kōņaan kōnono rainin kōn būrabōl eo an Rilo̧mo̧o̧r eo kōn juon irooj “eaar diwōjļo̧k ilo jibbon̄ tata n̄an kappok an rijerbal.” Ālkin an kōjerbal kumi eo im̧aan tata ilo 6:00 ilo jibbon̄, eaar ro̧o̧l ilo 9:00 a.m., ilo 12:00 rālep, im ilo 3:00 ilo ālkin rālep, n̄an kōjerbal elōn̄ ļo̧k rijerbal ro ke ļapļo̧k an menin ekairir n̄an aintok leen ko. Jeje ko rej ba eaar itok ilo iien eo āliktata, “emaron̄ jon̄ouljuon awa” (enan̄in 5:00 p.m.), im kōjerbal juon oran eo āliktata. Innām juon awa tok ālik, aolep rijerbal ro raar kuk ippān doon n̄an bōk kōļļā ko aer n̄an raan eo. Ekailbōkbōk, aolep raar kōļļā jon̄an wōt juon jekdo̧o̧n kōn awa in jerbal ko roktak. Ilo iien eo em̧ōkaj tata, ro raar m̧o̧ktata jerbal raar illu, ba, “Rein āliktata raar jerbal juon wōt awa, im āin am̧ ņa oņān n̄an er wōt kom̧, ro raar niknik in jerbal ium̧win dāt ilo raan.”1 N̄e riiti būrabōļ in, bōlen kwe, barāinwōt rijerbal rein, kar en̄jake bwe ewōr jab jim̧we kar kōm̧m̧ane ijin. In kōnono kōn n̄ūrbōktak jab in.

M̧okta jen men otemjej eaorōk n̄an kememej bwe ejjeļok juon eaar kōm̧m̧an men eo nana n̄ane ijin. Rijerbal ro m̧okta raar errā jon̄an kōļļā an raan eo im bōke. Eļapļo̧k, rekar, Imaron̄ wōt kejokļo̧kjeņ kake, lukkuun m̧ōņōņō n̄an bōk jerbal eo. Ilo iien eo an Rilo̧mo̧o̧r eo, juon em̧m̧aan im baam̧le eo an rejjab maron̄ kōm̧m̧an eļapļo̧k jen mour kōn ta rej bōk raan eo. Eļān̄n̄e kom̧ij jab jerbal ak ekkat, ak eon̄o̧d, ak wia kake, kom̧ maron̄ jab m̧ōn̄ā. Kōn an lōn̄ļo̧k rijerbal ro jen jerbal ko, em̧m̧aan rein m̧okta kālet rekar ļap aer kammoolol ilubwilijin kumi in rijerbal ro jibbon̄en eo.

Ilo m̧ool, eļan̄n̄e jej aikuj en̄jake jabdewōt meanwōd, ej aikuj in m̧oktata n̄an em̧m̧aan ro kar jab kālet me raar barāinwōt wōr aer baam̧le n̄an kake aikuj ko aer. Jeram̧m̧an ejjāmin kar āinwōt jab pād ippān jet iaer. Kōn kajjojo loļo̧k an rijerbal eo ilo aolepen raan eo, raar iien otemjeļo̧k lo bar juon kar kālet.

Ak ilo jem̧ļo̧k in raan eo, irooj eo ej bar ro̧o̧l alen ļalem ilo jab jeļā kake kōn juon awa eo-kein kajon̄ouljuon n̄an leļo̧k! Rijerbal rein āliktata im ebbwer tata, ron̄jake wōt bwe renaaj kōm̧m̧an n̄an er ilo jokkun wōt juon, bōk jerbal eo ilo ejjeļo̧k jeļā kōn oņāān eo, jeļā bwe jabdewōt men naaj em̧m̧anļo̧k jān ejjeļo̧k, eo ej ta eaar wōr ippāer. Innām ilo aer aiin doon n̄an kōļļā eo aer, raar bwilōn̄ n̄an bōk ejja jon̄an eo an aolep ro rej! Ewi jon̄an bwilōn̄ eo aer naaj kar im ewi jon̄an lukkuun kam̧m̧oolol eo! Eaar āinwōt ejjeļo̧k jouj kar en̄jake ilo aolep raan ko raar jerbal.

Kōn meļeļe jab eo an bwebwenato eo kōn matōrtōr eo an rijerbal ro m̧oktata . Ilo an irooj eo ilo būrabōļ eo jiron̄ er (im Ij ba ilo kōkadudu jidik wōt): “Ro m̧ōtta, ejjab jejjet aō kōm̧m̧an n̄an kwe. Kwar errā kōn oņāān eo n̄an raan eo, juon oņāān em̧m̧an. Kwar lukkuun in m̧ōņōņō n̄an bōk jerbal eo, im Ij lukkuun m̧ōņōņō kōn wāween am kar jerbal. Kar jejjet kōļļāik eok. Bōk kōļļā eo am̧ im lem̧ōņōņō kōn kōjeram̧m̧an eo. Āinwōt ro jet, em̧ool Ij deeor n̄an kōm̧m̧ane ta eo Ij kōņaan kōn jāān eo aō make.” Innām kajjitōk in ekkan̄ n̄an jabdewōt m̧okta ak kiiō eo ej aikuj in ron̄jajke: “Etke kwoj aikuj in ebanban kōnke Ij kālet n̄an jouj ke?”

Ro jeiū im jatū, enaaj wōr iien ko ilo mour ko ad n̄e bar jet rej bōk juon kōjeram̧m̧an jab kōtmene kake ak bōk jet kile ko renejo̧lo̧k. Imaron̄ ke akweļap ippād n̄an jab būrom̧ōj—im aaet jab en̄jake ebanban—n̄e kōjeram̧m̧an ko rem̧m̧an rej itok n̄an ro jet? Jejjab mejukin ļo̧k n̄e bar jet rej leļo̧k eļapļo̧k. Jejjab pād ilo juon iaikoj ņae doon n̄an lo wōn eo em̧weie ļo̧k ak eļapļo̧k an kapeel ak eļapļo̧k an aiboojoj ak jeram̧manļo̧k. Iaekoj eo jej lukkuun in pād ie ej iaekoj eo ņae jerawiwi, im em̧ool ebanban ej juon iaan men eo eļap. Barāinwōt, ebanban ej juon bōd me ejjab bōjrak.

Eļapļo̧k, ebanban ej juon bōd eo me wonmaanlok nan an lelok.Ealikkar jej en̄taan jidik n̄e jet jorrāān ko rej waļo̧k n̄an kōj, bōtaab ebanban ej kōm̧m̧an bwe jān en̄taan kōnke kōn aolep jeram̧m̧an em̧m̧an rej waļo̧k n̄an aolep jejeļā! Menin ejjab letok kōjatdikdik emeram n̄an tokālik—erom jab lukkuun m̧ōņōņō aolep iien jet ro ipeļaakid re m̧ōņōņō! N̄an ba ejjeļo̧k kōn inepata eo ilo jem̧ļo̧k in, n̄e jej lo bwe Anij elukkuun in jim̧or jm̧we im tiriam̧o kake, leļo̧k n̄an aolep ro rej jutak Ippān “men otemjej men ko an,”2 āinwōt an jeje ko rekwojarjar ba. Kōn menin katak nōm̧ba juon jān vineyard eo an Irooj: arōk, em̧ōļkaro, ak pukōt n̄an kainepataik juon ejjab kōkōm̧anm̧anļo̧kpiktokūm, ak ej kajook bar jet ej kōkōm̧anm̧anļo̧k nememe eo am̧. Kōn menin jouj, im kam̧m̧oolol bwe Anij ej jouj. Ej wāween eo em̧ōņōņō n̄an mour.

Unin kōnono eo eaorōk Ikōņaan bōk jān būrabōļ in ej bōd eo ekabūrom̧ōjm̧ōj jet remaron̄ kōm̧m̧ane eļan̄n̄e ren kar bōjrak jān bōk kōļļā ko aer ilo jem̧ļo̧k in raan eo kōnke raar inepata kōn men ko raar ļōmņak raar jorrāān ko ilo jino in raan eo. Ejjab ba ilo eoon in bwe jabdewōt eaar jab kad mejān irooj eo kōn jāān dekā eo an im ilo̧k kōn illu kōn ejjeļo̧k juon jāān, bōtaab Ij ļōmņak emaron̄ wōr eaar.

Ro jeiū im jatū rejitōnbōro, ta eo eaar waļo̧k ilo 9:00 ak rālep ak 3:00 ejjab aorōk n̄e keidi n̄an kōļļā eo ekabwilōn̄lōn̄, etenkwadik kar leļo̧k n̄an rijerbal ro ilo jem̧ļo̧k in raan eo. Jon̄ak eo kōn eddōkļo̧k an tōmak ej wōnm̧aaņļo̧k wōt, kanooj lale bwe ej dedeļo̧k, im kōm̧m̧an bwe inepata ko an awa ko im̧aan tata—men̄e em̧ool ak anto̧o̧neļo̧k—makunļo̧k ilo aorōk n̄e keidi n̄an lutōk leplep eo an jinikjej eo āliktata. Jab ļōmņak kōņ men ko etto ak jekpen ņae—ejjab kōn kwe make ak eo iturum̧ ak jabdewōt, Imaron̄ kobaik tok, kōn Kabun̄ in emour em̧ool. Aorōk eo an mour eo am̧, mour eo an eo iturum̧, im an ko̧jpeļ eo an Jisōs Kraist naaj kwaļo̧k ilo raan eo āliktata, em̧ool eļan̄n̄e aorōk rōt in jab kile jān jabdewōt ilo kōm̧m̧an eo aer m̧oktata. Kōn menin jab inepata kōn jabdewōt me eaar waļo̧k ilo 9:00 ilo jibbon̄ n̄e jouj eo an Anij ej kajieon̄ lewaj jinikjej eo ilo 6:00 ilo jota—jekdo̧o̧n ta ijjitōn̄ in jerbal eo kar am̧ aolepen raan eo.

Jej kōļapļo̧k kain en̄jake eaorōk in im kajoor ilo jetōb ekididep an jako n̄an ememļo̧k eo an juon noot in al jaar kōjan̄e ke jaar juon ajri wōt ilo iien kōjan̄jan̄ piano, ak juon men eo pāleed eaar ba ak kōm̧m̧ane 20 iiō ko remootļo̧k me jej jokālet n̄an kōm̧m̧an bwe en kememej wōt n̄an bar 20 iiō, ak juon jorrāān ilo bwebwenato an Kabun̄ in me ej kwaļo̧k bwe armej ro renaaj iien otemjej kakkōt n̄an kōm̧m̧an bwe ren em̧m̧an n̄an kōjatdikdik ko ilo mour eo tok juon kar likūt im̧aer. Em̧ool kōn ellotaan ko rejjab waļo̧k ilo kwe, emaron̄ in jem̧ļo̧k ippam̧. Im enaaj wōr juon jinikjej eļap me leļo̧k n̄e Irooj an jikin kallib eo ej kalimjōk mejam̧ im aolep jerawiwi em̧ōj kōļļāik ilo jem̧ļo̧k in tōre in am̧ mour ilo laļ in.

Eo ej tōl eō n̄an kein kajilu im unin kōnono eo āliktata. Būrabōl in―āinwōt aolep būrabōl ko― ejjab lukkuun kōn rijerbal ko ak wōņāān ko reļapļo̧k jen būrabōl ko jet rej kōn jeep im kout ko, . Menin ej bwebwenato kōn em̧m̧an an Anij, An kijenmej im jeorļok bōd, im Pinmuur eo an Irooj Jisōs Kraist. Ej juon bwebwenato kōn jouj im tiriamo. Ej juon bwebwenato kōn kōmmanwa. Ej kwaļo̧k kōlmenļo̧kjeņ eo Iaar ron̄ elōn̄ iiō ko remootļo̧k bwe men eo Anij ej lem̧ōņōņō kake eļaptata ej n̄an erom tiriam̧okake, eļaptata n̄an ro rejjab kōtmāne im makijkij en̄jake bwe rejōkar n̄an bōke.

Ijjab jeļā wōn ilo jarlepju in eļap rainin emaron̄ aikuj in ron̄jake ennaan eo an jeorļo̧k bōd eo juon lukkuun in m̧ōttan būrabōļ in, ak jekdo̧o̧n ewi jon̄an an rum̧wij am̧ ļōmņak, jekdo̧o̧n ewi lōn̄ in iien ko kwoj ļōmņak kwar likjab, jekdo̧o̧ņ ewi lōn̄ in bōd ko kwoj en̄jake kwar kōm̧m̧ani ak tōļan ko kwoj ļōmņak ejjeļo̧k am̧, ak ettoļo̧kūm̧ in jān kapijuknen ak baam̧le eo am̧ ak Anij eo kwoj en̄jake eaar itok itak, Ij kam̧ool bwe kwoj jan̄in itok itak eļapļo̧k jān iakwe eo ekwojarjar maron̄ tōpare. Ejjab pidodo n̄an kwe n̄an rūm̧ļo̧k jān meram indeeo an Pinmuur eo an Kraist maron̄ tōpare.

Men̄e kwojjab jen kabun̄ in am ak kar pād ippām juon kōttan im kar jab pād wōt ippām, ejjeļo̧k men kwaar kadedeikļo̧k me ejjab maron̄ bar dedeļo̧k. Ejjeļo̧k apan̄ me komaron̄ eļļā jāne. Ejjeļo̧k ettōn̄ak me emootļo̧k an iien im indeeo jab maron̄ bōk. Barāinwōt n̄e kwoj en̄jake bwe kwojōbwābwe im āliktata rijerbal an jon̄oul ruo awa, Irooj eo an vain eo jutak ‟jen peran im kepaak [n̄an] tūroon in jouj”3 im bun̄ im̧aan neen eo Ekwojarjar an Israel. Itok im kwojkwoj ‟ejjeļo̧k m̧ani im ejjeļo̧k oņeen.”4 ilo tepōl an Irooj.

Ij eļaptata kōm̧m̧ane juon akweļap n̄an ļōm̧aro pālele im baba ro, rikabwijer priesthood ro ak ro repojak in rikabwijer priesthood eo, n̄an, āinwōt an Liai kar ba, “Kwoj ruj! Im jerkak jān bwin̄aln̄al, … im kom̧in em̧m̧an.”5 Ejjab iien otemjej ak emakijkij ej em̧m̧aan ro me rej kālet n̄an jab uwaake kūr eo n̄an “koba ippān jerbal ko.”6 Kōrā im ajri ro ekutkut aer kōņaan. M̧aan ro, iien jerbal. Kōm̧m̧ane n̄an em̧m̧an eo am̧. Kōm̧m̧ane n̄an em̧m̧an eo ro me rej iakwe eok im rej jar kwonaaj uwaak. Kōm̧m̧ane n̄an em̧m̧an eo an Irooj Jisōs Kraist, eo eaar kōļļāik wōņāān eo pen meļeļe kake n̄an tok ālik eo Ekōņaan bwe kwon bōke.

Ro jeiū im jatū rejitenbōro, n̄an kom ro me kar jeram̧m̧an kōn ko̧jpel eo n̄an eļōn̄ iiō ko kōnke kwaar bōk ebwe m̧weik n̄an m̧ōkajin lo, n̄an kom ro rekar itok n̄an ko̧jpeļ eo jidik ļo̧k jidik ilo juon iien tokāļik, im n̄an kom―membōr ro ak ro rejjan̄in membōr―ro me rejjan̄in kobatok, n̄an kom kajjojo, juon im aolep, Ij kamool kōn kōkāāl kajoor in iakwe an Anij im bwilōn̄ kōn An tiriamo. E ej ineptata kōn tōmak eo kwonaaj bōke, ejjab n̄an awa an raan eo wōt me kwoj bōk tōmak eo.

Kōn menin n̄e kwar kōm̧m̧ane bujen ko, kōjparoki. Eļan̄n̄e kwojjan̄in kōm̧m̧ani, kōm̧m̧ani. Eļān̄n̄e kwaar kōm̧m̧ani im kakkuri, ukweļo̧k im kōkāāli. Eban im ba ejjeļo̧k iien āinwōt an M̧aaj ta eo an jikin kallib eo ba ewōr iien. Jouj im ron̄jake im̧we eo an Jetōb Kwojarjar ej jiron̄ eok kiiō, iien in wōt, bwe kwoj aikuj bōk menin letok an pinmuur eo an Irooj Jisōs Kraist im lem̧ōņōņō kōn jemjerā eo an jerbal eo An. Jab karum̧wij ļo̧k. Ebon̄ ļo̧k. Ilo etan Jisōs Kraist, amen.