Olsobel el kirel a Mera el Ulekeroul

A ika el mla mo merek el buil e ng mlo er ngii a odbechel a kedmeklel a “mera el ulekeroul” er a Ikelesia, el mo melai er tirkel sorir el moltirakl a oltirakl a telbiil me a ruoll er a olsobel e kiei loba mla obult el reng el uai omsodel a Alma (Mesa Alma 5:14). Sel kot el klou a ultutelel rael el mo mengedmokl er a meral ulekeroul er a Ikelesia a mo olngeseu er tirke el mla metecholb e ng di te diak el ngar a ikelesia, meng diak lolai a klengeltengat me a ruoll er a mo suobel. Ng diak el ior er a okedong el omngarngii—ke oldingel a telungalek me a lechub e ke oldingel e olsisechakl, sensei er a Sandei Skuul, bisob, chedam, chedil, malechub e ke General Authority—ke de rokui el ngar er tia el ureror. E le se el mong me ngulebongel, e se el ngoititerir el rokui—el telungalek, diak el chad er a ikelesia, diak lomais el ngara ikelesia, ngar er a klengit—el mo er a Kristo el mo melai er a ruoll er a mo suobel a kot el ngarbab el ngerachel el me er kid el rokui.

A ta er a tutau er a Sandei er a bekord okede el rak er a mla memong, se er a kusiou el ngara omerredel er a stake, e a ki ngiluu a dengua el mla er a ta er a blak a rengul bishop. Ng milsaod el kmo a ward er ngii a kmal mereched el mla mo mui meng dikea el sebechel el mesterir a meklou a ultutelel okedong el mo er tir ka el klikiid el chad er a ikelesia. A ongtil el me er kemam a kmo ki bo momii a ika el ward. Me se er a ki mongiil er a kengei, e a ki tilbir el merredel er a stake el mo oldingel er tia el ward el momekedong er tir ka el rokui lungil, e mekedung el rodam me a rodos el mo misionari er tia el stake.

Ng locha ongedei el chad el blo kuldingel er ngii a mle ngeasek el dil el mla er a daingak. A uriul er a ki mchadecheduch, e ak mlo msang okedong el mo misionari. Ng liluk el telkib. E dulang, “President, kau ng diak modengei el kmo ngak a diak kumais el ngar a Ikelesia?”

Me ak liluk el telkib e kmo, “Ng diak, ng dimlak kudengei.”

Me ng dulang, “Ng kmal meketeketa el rak el diak ngar a Ikelesia.” Ng liluut el melekoi, “Kau ng diak modengei el kmo sel diakom ngara ikelesia el meketeket el taem, e ng kot el meringel er kau el lmuut el mong?”

Me ak dilu, “Ng diak. A ward er kau omuchel er a 9:00 er a tutau. Ke mei er a ikelesia, e kau obengkemam.”

Meng dilu el kmo, “Ng diak, ng diak el beot. E le ke simbai er a betok. Ke simbai el kmo ngar er ngii a mo outkeu er kau, a da ke dengchokl e diak a kmo kau. Ke dirrek el simbai el kmo te mo sorir kau me a lechub e te rua techa mo beches el sechelim.”

M e a chiuosech er a medal a robetang, e ng millemolem, “Ak medengei el kmo a delak me a demak a meluluuch el kirek el mla mo betok el rak me bo el sebechek el lmuut el me er a Ikelesia.” Ng liluut el molmuk el teklib el taem, e dulang, “A ika el mla mo merek el edei el buil e ak miluluuch el sebechek el mo diak medakt, e mo er ngii a klisichek, el metik er a rolek el muut el me er a ikelesia.” Nguleker, “President, omomdasu e tia el okedong ng locha nger el mo er a ike el nglunguuch?”

Ng mo a mui a chiuosech er a medak er a kunger, “A kuumerang el kmo a Rubak a mla onger a nglunguchem.”

Ng dimlak el di el kengei er a okedong; ng ka a kmal mlo ungil el misionari. E ak kmal medengei a deureng a diak el di el blo er ngii ng dirrek el mlo er a delal me a demal me a locha rebebil el ngar er a telungalek er ngii.

Ng ngar er ngii a bebil tekoi el ngak a siluub malechub e ak mlo dobedebek er lokiu tiang me a dirrek el kuk bebil er a osisiu el ongdibel:

• Ak mlo medengei el kmo tir ka el diak el blechoel ngar er a ikelesia a ngar er ngii a rebetik er a rengrir el outubuach er a bek el sils lolengit er a Rubak er a ngesou el mo melai er tir ka el betik er a rengrir.

• Ak mla mo medengei el kmo ng diak el sal beot er tirka el diak el blechoel ngara ikelesia el di merael el me soiseb el mei er a Ikelesia. Te ousbech a ngesou. Te ousbech odubech. Te ousbech er a re sechelei.

• Ak dirrek el mlo medengei el kmo te ngar ngii a diak el blechoel el ngara ikelesia el melasem e kongei el osiik a rolir el muut el mei.

• Ak mlo medengei el kmo te betok el diak el blechoel el ngara ikelesia a mo ng mai okedong alsekum te mokedong.

• Ak mlo medengei el kmo a diak el blechoel ngar er a ikelesia a kirel a omeruul el mo er tir el tabesul el ngelekel a Dios el sechal me a lechub e ng redil.

A ika el betok el rak e ak millebedebek el kmo ng kol locha mlo uangera tia el ongdibel alsekum me ak ulemes er ngii el chedal a Ikelesia e diak el ngar er a ikelesia e bai diak kumdasu el kmo ngomais el ngar er a ikelesia. Ak mecherei me kau a mo merritel el kirel.

A moluut el mei er a ikelesia a di mla kot el klou el tebechedel a urerel a Rubak. Me a olengeseu er tia el ureror a ngerchelel a rebek el chedal a ikelesia, a rurekodel er a Aaronic me a Melkizedek Priesthood a ngar er ngii a ngerchelir el omekrael er tia el ureror. E le, tia ikid se el moktek er a omesiou el ngar er a priesthood—el olekik er a rechad el mo er a telbiil er a Rubak; lomerk er a budech, deureng, me a ultuteled.

Me ng ngar er a Babier er a Mormon, e kemedengelii er se er a Kekerei el Alma er a bolodengei el kmo a re Zoramite a mla mo diak el ngar er a Ikelesia, e ng mlo kudmeklii a chelechad el molngeseu er tir el muut el mei er a ikelesia. Me se er a bo a loureor, e a Alma ullengit er a Rubak el okiu a ika el tekoi:

A Alma a milluluuch el mo er a Rubak me lebesterir a klisiich el mo ngititerir el lmuut el mei er a Dios el okiu a Kristo.

“Ng millekoi er a Rubak el kmo a reng er tir a mekreos eulengit er Ngii me bol; besterir a klisiich me a llomes me bolsebechir el ngoititerir tir ka el odam er tir el lmuut el mo er Ngii” (Alma 31:34–35; smisichii a belkul).

A bebil buil er a mla memong ruriul ta er a miting lobengkel a beches el mlo chedal a ikelesia me a diak el blechoel el ngar er a ikelesia me a dirk liluut el mei er a ikelesia, e a ta er a chad el kmeed el ua rekik a mle er ngak e kmo, “Ngak a ta er a diak ngar a ikelesia. Ak mlo diak ngar a Ikelesia er a kmeed luchelel a klengar er ngak. Eng di ak mla lmuut el mei, e oureor ngak me a bechik er a templo.”

Ng mlo soak a bolodengei el kmo a rokui a di ungil besul me ak millekoi ua tiakid: “A rokui a ungil sel bo lungil ruriul.”

Meng dilu, “Ng diak, a rokui a diak lungil. Ak mla lmuut el mei er a Ikelesia, e ng di ak mla orideterir a rokui el ngelekekl me a rengeleklel a rengelekek. E chelecha e ak sioning er a riid er a rengelekir a rengelekir a rengelekek— tir rokui el diak el chad er a Ikelesia, meng diak sel telbiil el merenged er kemam el mo tmak el telungalek. A rokui a diak el di lungil.”

A chelsel a telunglek er kemam e ng ngar ngii a uchelam el mle chad er a Ikelesia er a Europe er se er a le dirk uchelel a Ikelesia. Ngak me a Sister Edgley a millasem el osiik er tir ka el diak el ngar er a ikelesia el rengelekel ng ka el uchelam.

Ng mle beot er a bechik me ngak el kmo a ika el mla mo merek el elolem el telecheroll el okiu a a ungil omelangch, e ng locha sebeched el kmo ngar er ngii a mla remiid el kmeed el edei el telael el chad er a telungalek. E chelechang e ke domes el ual ngar ngii a eru el telcheroll. Me a klungel a mla remiid e ng sebeched el omes er a ngara lluich el telael el mo er a okedei el telael el ngelekel a Demad er a Babeluades.

A ngerachel el mo olsobel a ultuil er a imo er a kot el beot el osisechakl er a Ikelesia.

“Molbedebek el kmo a rokui el delbengel a chad a klou a ultuteltel er a Dios;

A Rubak el Osobel a mlo er a kodall me a ringel el kirel a rokui el chad me bo el sebecherir a rokui el chad, el mo ouchel a rengrir er a kngterir e bo loltirakl er Ngii. …

A Osobel a dilu el kmo alsekum me ke de oureor er a kelngar er kid el olsisechakl er a ouchel reng el mo er a rebebil e nguu a kmal di imo el chad el mo re Ngii, e ke de mo nguu a klou el deureng el obengkel ngii el chad er a rengedel a Chedam (mesa D&C 18:10–11, 15; smisichii a belkul).

Ng mlo techellek el mlo osobelterir a rebebil er a diak el ngar a ikelesia er a klengar ngak. Elechang e se el kngesuir a ta el chad el me er a omeruul er a Ikelesia, eng diak di kumes er a chimol delbengel—ak mes elolem, euid, me a betok el telcheroll—retelael el delbengir. E ak momdesuii chedaol llechukl: A Osobel a mla kmu el kmo alsekum me ke nguu a kmal di imong el chad el mo er Ngii, e ke mo nguu a klou el dureng (mesa D&C 18:15 ).

A Rubak a millekoi er a re Apostol er Ngii el kmo, “A sim a klou, e ng di rechad er a ureor a di mekesai” (Mateus 9:37). A rureor a diak a belkul di le mekesai. Kid a ngar ngii a retelael el sebechir, e klikiid el olab a priesthood me a re milion el blak a rengrir el chad er a Ikelesia er a bek el beluu ra belulechad. Ngar ngii a oureor el chelechad el ward council, chelechad er a priesthood, Relief Society, me a rebebil er a chelechad el rokui loba ngerachel el mo olsobel. Olsobel a delbengir a rechad a ureror el Osobel a mla mekedongid el rokui el mo meruul er ngii.

A uchelel a tekingek e ak milsaod er sel nglunguchel a Alma el luldersii ngii me tirkel ulebengkel er sera bolomuchel molsobel er a re Zoramite. Sera Ongerul Mekemad eng kmeed el eim el dart el soldau er a Merikel me a rulngeseu el chad ra beluu a mlo kelebus. E le te mlo bekikl er a ringel me a ulekereuir, e a resorir lolngeseu el soldau er a Merikel el kmeed el ngara dart a le ngiltiterir el mo olsobel er tirkal kelebus. A uriul er a lmechudel, e a merredel er tir a mlo mengedereder er tir, “Elecha el kesus e kemiu el sechal bo mesa oungerachel er a klechelid er kemiu, e bo moutubaruach, em yaksok er a Dios el kmo dil merko le ngar ngii a telim el medechel, e kele becherei a ta er tirkal chad mel ngar a ringel el telkib el taem.” (Mesa Hampton Sides, Ghost Soldiers: The Forgotten Epic Story of World War II’s Most Dramatic Mission [2001], 28–29.) Tial mlo ungil besul el ureor a mle olsobel er a bedengel a chad me a ringel er a bedengel. Kid ng kired el mo diak de sal blak a rengud er a urered el mo olsobel er tirkel mochu er a ringel er a reng me aikel ngii a mo duubech el mor tir el mo cherchar? Kid ng kired el diak desal mo blak a rengud el mo er a Rubak?

Se el mong me ngulebongel, e se el blak el reng er kid el chedal a mera el Ikelesia er a Kristo a mengai er a klemerang el kmo a Rubak a mlo chouarm el kirel a tang me a ta er kid—me a re diak el chedal a ikelesia, re diak el blechoel ngar er a ikelesia, me a dirrek el ngara klengit, me a rokui el ngar er a telungalek er kid. A kuumerang el kmo ng sebeched el ngoititerir a retelael er a el mo er a deureng, budech, me a klungiolel a evangkelio, me a re dark, retelael, me a dirrek el betok er ameliol el telcheroll. A kuumerang el kmo ng sebeched el remuul aikang e le tia a Ikelesia er a Rubak, e okiu a ungil lomeruul er a priesthood me kid el chedal a ikelesia, e ke de mla mokedong el mo mesisiich er tia el ureror. Me tiang ak sioning er ngii el oba ngklel a Jesus Kristo, amen.