Ayuw ni Fan e nike M’owaer

U Boch e pul ni ke yaen kan puluw nag ko ga’nog e namba ko chongin e Galasia, ni yibe pinning gubin e gidii’ ni ba’adag ningar athepeg man fol ko fapi motochiyel nge gam’ing nge paer ko ri gel e thilyeg ko gum’racha’ woed kan weliy Alma (muguy Alma 5:14). Reb e rogon e pi kanawo’ nib mangil mab ga’fan ni ngan yo’ornog ulane Galasia e ngad ki’iyed pa’dad nge thapeg e gidii’ ni kar tawfe gad machane kar malog gaed, ma kar mo’waer gaed ko gubin e tow’ath nge gam’ing nibe thapeg. Dariy fan e calling rodad—cha’ nima yani nang salpen bee’ fa tafanow ko tabinaw, sensey ko Sikul ko Madnom, bisof, papa’, nina’, fa General Authority—gadad gubin ma rayog e ayuw ngak e thapeg ko fel’ rogon. Arame, pinning gubin e gidii’—e tabinaw rodad, picha’an nikar mo’owaer gaed, pitadenen—ngak Kristus ngeyog fapi gam’ing e pi pong nib thothup ni gadad gubin ma gadad ma weliy.

Reb e kadabul ko Madnom badake wugem e duw nike yaen, nap’an ni kug murwel ulane stake presidency, me col nagmad reb e bisof rodad nib yul’yul’. Ke weliy ni ke ga’nog nib papay e ward rok ma dabkiyog ni nge pii’ e muruwel nib fel’ ngak gubin e chongin nib mat’aw. Ke wenig ngomaed ni ngan fo’oed fare ward. Nap’an ni yibe soen nag ko mang e ngan noeg riy, kug me’leged ko e stake presidency ni ngug waroed nggu guyed fare ward man pinning gubin e pi walagey nib pinn nge mo’on nib gol, ngar manged boech e stake missionary.

Mornga’agen e bin dalip e cha’an ni kuguy e ba rugod nib student ko ba university. Napan ni kan non ni dani n’uw napan, mugoeg fare call ni nge serv nib tamachib. Dariy bee’ nibe non ni de n’uw napan. Me aram me ga’ar, “President, danum nang gub mo’waer ko Galasia?” Dariy bee’ nibe non ni de n’uw napan, me tabab i map lu’ u owchen.

De n’uw napan ni danug non, mug ga’ar, “Dangay, danug nang ni gab mo’owaer.”

Me fulweg, “Dakug ma un nga Galasia nike bukub e duw duw.” Me aram me ga’ar, “Danum nang ni napan ni gara mo’owaer, ma dani moem ningam sul?

Mug fulweg, “Dangay, danug nang. Ward rom ma tabab ko 9:00 am. Bay mub nga galasia, ma gabay romaed.”

Me fulweg, “Dangay, dani moem’. Gabe magar nag bukun ban’en. Kam magar nag fa’anra non bee’ ngom fa gara paer ni go’gur ni dabi poyem bee’ napan e mo’olung. Ma gabe magar nag mornga’agen ran adag dakeanem nge mini’ e ra mang e pi tafagar rom.”

Nibe map e lu’ u owcen, me ulul ni ga’ar, “Gu manang ni nina’ nge papa’ rog e yow ma meybil ni fag ni bukun e duw ninggu sul nga Galasia.” Napan ni ku dakriy bee’ nibe non, me ga’ar, “U lan dalip e pul ni ke yaen ni ku ug meybil ni nug pir’eg e athamgil, nge gelngig, nge kanawo’ ni nggu sul nga ko n’en ni yibe rrin’.” Me fith, “President, gaba lem nag ni ra call ney e fulweg ko meybil rog?” Gathi kemus nike feek fare call; ke mang e tamachib nib fel’. Ma gu manang ni gathi kemus nibe yib e falfalen’ ngak ma ngak e galabthir rok nge sana kuboech tabinaew rok.

Me sug owcheg ko lu’ mug ga’ar, “Mich u wan’nug ni Somoel e ke fulweg fapi meybil rom.”

Gathi kemus nike feek fare call; ke mang e tamachib nib fel’. Ma gu manang ni gathi kemus nibe yib e falfalen’ ngak machane ngak e galabthir rok nge sana kuboech tabinaew rok.

Bay boech e ban’en ni kug fil fa kug pugerran ko biney nge reb e mo’olung:

• Ku fil ni bo’or e picha’an nikar mo’owaergaed ni bay e gidii’ ni yaed ba t’uf roraed ni yaed bay u bugun raed ni gubin ngiyal’ ni yibe wenig ngak Somoel ni nge ayuweg e picha’an nib tu’uf roraed ni kar mo’owaer gaed.

• Ku fil ni gathi moem ku bee’ ni ke mo’owaer ni kemus ni nge sul nga Galasia. Ba tu’uf e ayuw roraed. Ba tu’uf ni ngan ayuweg raed. Ba tu’uf e tafagar ngoraed.

• Ku fil ni bay e gidii’ ni kar mo’owaer gaed ni yaedgay rogon miyad ba’adag ni ngar pir’eged ko kanawo’ ni ngan sul ko n’en ni yibe rrin’.

• Ku fil ni bo’or e gidii’ kar mo’owaergaed ni yaed ra feek e call fa’an ran fith ngoraed.

• Ku fil ni e picha’an ni kar mo’owaer gaed e ba tu’uf ningan tay nib ta’abrogon ma ngan sap ngoraed ni yaed fak nib mo’on fa ppin ku e Got ni yaed ba tu’uf Rok.

Bukun e duw ma guma lem nag ko urogon ni ra buch fa’anra gu non ngak nib memba ko Galasia nike mo’owaer. Nggu pag ngom nge mang gur e ngam leam nag ko mang e sana ra buch.

Pasig biyay e gubin ngiyal’ ma bang ko murwel rok Somoel nib ga’fan. Picha’an ni kar mo’owaer hgaed e ba mil fan ngak gubin e memba, picha’an ni be koel fare Aaronic nge Melchizedek Priesthood e ba mil fan ngoraed ni ngar gagyeg niged boech e gidii’ ko biney e murwel. Bachan, binem e ba mil fan ko priesthood—pinning e gidii’ ko fapi m’ag nib falel’; ma fek e gapas, faflaen’, gel puluwaen nga gubin e gidii’.

Ko fare Babyor ku Mormon ma ra pogran ngom nap’an Alma nib Wayin e ke pir’eg ni kan muluwaen’ fapi Zoramites ko fare Galasia, ke ta’er medliy e ulung ko toygang’ ko galasia ningar e gidii’. Nap’an kar tabab gaed ko murwel roraed, Alma ke wenig ngak Somoel ko pi thin ney:

“O Somoel, mu pii’ e ayuw ngomaed ni nge yog ni ngug sulweged yaed bayay ngom u dakean Kristus.

“Musap, O Somoel, ya’el roraed e rib ga’fan, mab yo’or i yaed e walagmaed; ere, mu pii’ ngomaed, O Somoel, e gelingin nge gonop ni nge yog nug feked e picha’aney, ni walagmaed, bayay iyib ngom” (Alma 31:34–35; bang nikan uneg ngay).

In e pul ni tomuren reb e mo’olung ni gamad e gidii’ ni kafin tawfe nag, nge picha’an ni kar mo’waer gaed nge picha’an nikar pasig gaed biyay, ba pumo’on nib chuchur yangren mow e yib ngog me ga’ar, “I gag e cha’ ni kug mo’owaer ni kari n’uw napan. Ku mul ko fare Galasia u napan ni kab fal’yangreg. Machane kug sul e chiney, ma guma murwel u lane temple ni gomow e ppin rog.”

Ni ngug n’anggin nge nang nib fel’ gubin ban’en, kug fulweg ng ga’ar: “Gubin ban’en nib mangil e ma mus nib mangil.”

Me fulweg ni ga’ar, “Dangay, gubin e dani fel’. Kug sul nga Galasia, machane dakriy e tabinaw rog. Dakriy e bitir rog nge bitir roraed rog. Ma gube sap e chiney ko malog ko bitir roraed rog—gubin kar paged fare Galasia. Gubin ma dani fel’.”

U lane tabinaw romad ma bay e gidii’ romad ni kakrom ni ri uned ko Galasia u Europe kabkafram u lane Galasia. Reb e pagal ni faak mow e mo’owaer. Sister Edgley nge gag kug gay rogonew ni nggu pir’eg new e gidii’ ko biney e cha’ ni kab kakrom.

Ir e ba Moem ko ppin rog nge gaag ni ngug warow ko ngiyal’ nem ni ra nel’ i yangar nge boech ni gomow be tafney nag, ma sana ba chuchugur ko 3,000 chonggin e tabinaw nikar malogaed. Tomuren la’gruw e mfen. Kug malog chuchgur ko 20,000 nga 30,000 e tir rok e Chitamangdad nu Tharmiy.

E muruwel ningad thapdad aray e kenngin e machib ko fare Galasia.

Ke yoeg fare Tathapeg ni thingar di tafneyed gadad ni gubin e ya’el e rib ga’fan ngak Got

Somoel ni Tabiyul rodaed e ke gafgow ni yim’ nib gidii’ nge fithik e amith ni fan gubin e gidii’ ni bachane ngeyog ni ngar kalngan’ gaed miyaed leak . …

“Fare Tathapeg e ke yoeg ni fa’anra gadaed ra murwel u lane yafas rodad ni gadaed be fil ngak boech e gidii’ e kalngan’, man feek ba dake ta’be’ Ngak, ma gadad e cha’an’em e gadad ra falfalen’ u lan gil’ilungun e Chitamangiy!” (muguy ko D&C 18:10–11, 15; bang nikan uneg ngay).

Kug muruwel mug thapeg boech e chongin ni kar mo’owaer gaed ulane yafas rog. Chiney nap’an guba ayuweg ta’ bea’ ni nge sul ko Galasia, dagur sap ngay nib ya’el nib ta’areb: guba guy nel’, medlip, fa bo’or e mfen—bukun biyu’ e ya’el. Mug lem nag ko fare chep nib thothup: “Ke yoeg fare Tathapeg ni fa’anra kemus ni ta’be’ ni ngam fek Ngak, ma gadad ra falfalen’” (muguy ko D&C 18:15).

Ngak fapi Apostel Rok, me ga’ar Somoel, “Woldug ni ngan kunuy ngan tay nga naun e ba ga’ ni ba ga’ yang, machane piin ngar muruwliyed nge thap nga naun e ba lich” (Matthew 9:37). Dani tu’uf ni nge boech’uw e gidii’ nima muruwel. Bay bukun e biyu’ e gidii’, ni yaed be koel fare priesthood nge bukun million e chonggin e Galasia u gubin yang u fayleng. Bay e ward council nibe yaen nib mangil rogon, ulung ko priesthood, Relief Society, nge reb e ulung e gidii’ nib fel’ ni bay e muruwel roraed ni ngar thapeg. Thapeg e ya’el e muruwel ni ke pinning en Tathapeg dad ni ngad rrin’ed.

U somm’on e thin rog kug weliy’ mornga’agen ba meybil ni ke tay Alma nge pi tafagar rok napan nikar chuwgaed ngar raned ri thapeged fapi Zoramites. Napan e World War II ma badke ko laal mira’ay e salthaw nu Mariken nge gidii’ ko binaw kan noen’ raed nga kalbus. Bachane e gafgow nge nge tin ni fan ngoraed, ma ba dake ta’areb mira’ay e Mariken e kar yoeg e kan me’leg ni ngar thapraed. Tomuren nikar mukun gaed nga ta’abang, e cha’an nib ga’ lungun e ga’ar ngoraed ni arraogon, “Biney e balayal’ e gimed ra mad’eg e toygang’ romed nib yul’yul’, maroed nga bugunmed, ngam michmicheged ngak Got ni chingiyal’ ni bay e pogofan ko yafas rom, ma dam mu pag ta’areb e pi mo’on nem ninge gafgow ni ta’ab nochingiyal’.” (Muguy Hampton Sides, Ghost Soldiers: The Forgotten Epic Story of World War II’s Most Dramatic Mission [2001], 28–29.) Biney e thapeg ni ke fek e gafgow ko e dowef nge ya’el. Ngad waer gaed e rayog rodaed ni ngad thapeged e gidii’ nibe gafgow ko ya’el nge e tin ku manemus? Ngad waer gaed ko e michaen’dad ngak Somoel?

Ko tomur, e michaen’dad ngak i gadad e chonggin e Galasia ku Kristus nib riyul’ ma bay, ma yib u likngin e riyul’ ni en Somoel ni ke gafgow ni fan ngodad ni gubin—e gidii’ ni gathi chonggin e galasia, e gidii’ ni kar mo’owaer gaed, arragon e tadenen, nge gubin e chonggin e tabinaw rodad. Rayog ni ngad gel niged e biney e muruwel ko thapeg nib ga’. Mich u wun’ug ni rayog ni ngad feked biyu’ iyib ko falfalen’, gapas, nge tin nib athubthub, bukun, nib bukun, nga mada’ ko gubin e gidii’ roraed. Ba mich u wan’ug ni rayog ni ngad gel niged ni bachane iraray e Galasia rok Somoel, nge tin mangil ko priesthood rodaed nge gaded ni gadaed e memba, Irma pinning dad ni ngad cheg gaed. Gube pii’e m’ag ngomed u dakaen fithngan Yesus Kristus, amen.