2010–2019 թթ․
Մարգարեների տեսիլքը Սփոփող Միության մասին` հավատք, ընտանիք, սփոփանք
Ապրիլ 2012


Մարգարեների տեսիլքը Սփոփող Միության մասին՝ հավատք, ընտանիք, սփոփանք

Հավատք, ընտանիք և սփոփանք՝ այս երեք պարզ բառերը արտահայտում են մարգարեների տեսիլքը Եկեղեցու քույրերի մասին:

Վերջին տարիներին ես զգում եմ, որ ավելին պետք է խոսեմ Սփոփող Միության մասին՝ դրա նպատակների և հատկանիշների,1 պատմության արժեքի,2 աշխատանքի և եպիսկոպոսների և Մելքիսեդեկյան Քահանայության քվորումների հետ համագործակցության մասին:3 Այժմ կարևոր է դառնում ուշադրությունը կենտրոնացնել Սփոփող Միության մասին մարգարեների տեսիլքներին:4

Ճիշտ ինչպես Տիրոջ մարգարեները շարունակ ուսուցանել են երեցներին և քահանայապետերին նրանց նպատակների և պարտականությունների մասին, նրանք կիսվել են իրենց տեսիլքով Սփոփող Միության քույրերի մասին: Նրանց խորհրդից պարզ է դառնում, որ Սփոփող Միության նպատակներն են՝ մեծացնել հավատքը և անձնական արդարակեցությունը, ամրացնել ընտանիքները և տները և փնտրել ու օգնել կարիքավորներին: Հավատք, ընտանիք, և սփոփանք՝ այս երեք պարզ բառերը արտահայտում են մարգարեների տեսիլքը Եկեղեցու քույրերի մասին:

Վերականգնման օրից ի վեր մարգարեները կիսվել են իրենց տեսիլքով ամուր, հավատարիմ և նպատակասլաց կանանց մասին, ովքեր հասկանում են իրենց հավերժական արժեքը և նպատակը: Երբ Մարգարե Ջոզեֆ Սմիթը հիմնեց Սփոփող Միությունը, նա դրա առաջին նախագահին հրահանգեց՝ նախագահել այդ կազմակերպությունում, հոգ տանելով աղքատների համար՝ բավարարելով նրանց կարիքները, և իրականացնելով այդ կազմակեպության տարբեր գործերը:5 Նա տեսնում էր այս կազմակերպությունը որպես ընտրյալ հասարակություն, առանձնացված աշխարհի չարիքներից:6

Բրիգամ Յանգը՝ Եկեղեցու երկրորդ Նախագահը, իր խորհրդականներին և Տասներկու Առաքյալների Քվորումին պատվիրեց հրահանգել եպիսկոպոսներին թույլ տալ, որ քույրերը կազմակերպեին Կանանց Սփոփող Միություններ տարբեր ծխերում: Նա ասաց. «Ոմանք կարող են մտածել, թե դա աննշան բան է, սակայն դա այդպես չէ:7

Ավելի ուշ Նախագահ Ջոզեֆ Ֆ. Սմիթն ասել է, որ ի տարբերություն աշխարհիկ կազմակերպությունների, որոնք ստեղծել են տղամարդիկ կամ կանայք, Սփոփող Միությունը աստվածայնորեն պատրաստված, աստվածայնորեն լիազորված, աստվածայնորեն կազմակերպված, աստվածայնորեն կարգված է Աստծո կողմից:8 Նախագահ Ջոզեֆ Ֆիլդինգ Սմիթը քույրերին ասել է, որ իրենց տրվել է զորություն և իշխանություն կատարելու մեծ բաներ:9 Նա ասել է. «Դուք աշխարհում կանանց այս մեծագույն կազմակերպության անդամներն եք, կազմակերպություն, որը կենսական դեր ունի երկրի վրա Աստծո արքայությունում և որը կառուցվել և գործում է, որպեսզի օգնի իր հավատարիմ անդամներին ձեռք բերել հավերժական կյանք մեր Հոր արքայությունում»:10

Ազդեցության մեծ գոտի

Ամեն տարի հարյուր հազարավոր կանայք և երիտասարդ աղջիկներ դառնում են քույրերի անընդմեջ աճող այս շրջանակի մասը:11 Այսուհետև, որտեղ էլ որ քույրն ապրի կամ ծառայի, նա պահպանում է Սփոփող Միության իր անդամությունը և կապը:12 Սփոփող Միության կարևոր նպատակներն են պատճառը, որ Առաջին Նախագահությունը ցանկություն է հայտնել, որ երիտասարդ կանայք սկսեն պատրաստվել միանալու Սփոփող Միությանը իրենց 18 տարեկանը լրանալուց շատ առաջ:13

Սփոփող Միությունը ծրագիր չէ: Այն Տիրոջ Եկեղեցու պաշտոնական մասն է, որը «աստվածայնորեն կարգված է Աստծո կողմից»՝ ուսուցանելու, ամրացնելու և ոգեշնչելու քույրերին հավատքի, ընտանիքի և սփոփանքի իրենց նպատակներին հասնելու գործում: Վերջին օրերի սրբերի կանանց համար Սփոփող Միությունը ապրելաձև է, և դրա ազդեցությունը տարածվում է կիրակնօրյա դասարանից կամ սոցիալական հավաքներից դուրս: Այն ընդօրինակում է աշակերտ կանանց, որոնք ծառայում էին Տեր Հիսուս Քրիստոսի և Նրա Առաքյալների հետ Նրա հին Եկեղեցում:14 Մեզ ուսուցանել են, որ պարտադիր է կնոջ համար իր կյանք բերել արժեքներ, որոնք սնուցվում են Սփոփող Միության կողմից, ինչպես պարտադիր է, որ տղամարդիկ կառուցեն իրենց կյանքը քահանայությամբ սնվող բնավորության գծերի վրա:15

Երբ Մարգարե Ջոզեֆ Սմիթը կազմակերպեց Սփոփող Միությունը, նա քույրերին ուսուցանեց, որ նրանք պետք է «օգնեին աղքատներին» և «փրկեին հոգիներ»:16 «Հոգիներ փրկելու» իրենց աշխատանքի մեջ քույրերը լիազորված էին կազմակերպելու և ընդգրկվելու գործունեության լայն շրջանակում: Սփոփող Միության առաջին նախագահը ձեռնադրվեց, որպեսզի մեկնաբանի սուրբ գրությունները, և Սփոփող Միությունը դեռևս կրում է Տիրոջ Եկեղեցում ուսուցանելու հիմնական պատասխանատվությունը: Երբ Ջոզեֆ Սմիթը քույրերին ասաց, որ Սփոփող Միության կազմակերպումը կօգնի նրանց պատրաստվել «Քահանայության արտոնություններին, օրհնություններին և պարգևներին»,17 Տիրոջ փրկության աշխատանքը բացվեց նրանց առաջ: Հոգիներ փրկելը ներառում է ավետարանով կիսվելը և միսիոներական աշխատանքին մասնակցելը: Այն ներառում է տաճարային և ընտանեկան պատմության աշխատանքին մասնակցելը: Այն ներառում է՝ անել հնարավոր ամեն ինչ հոգևոր և նյութական առումով ինքնուրույն դառնալու համար:

Երեց Ջոն Ա. Վիդսոուն հայտարարել է, որ Սփոփող Միությունը առաջարկում է՝ «ազատում աղքատությունից, ազատում հիվանդությունից, ազատում կասկածներից, ազատում տգիտությունից՝ ազատում այն ամենից, ինչը խանգարում է կնոջ ուրախությանը և զարգացմանը: Ինչպիսի հրաշալի կոչում»:18

Նախագահ Բոյդ Կ. Փաքերը Սփոփող Միությանը նմանեցրել է «պաշտպանող պատի»:19 Քույրերին և նրանց ընտանիքները պաշտպանելու պատասխանատվությունը մեծացնում է այցելող ուսուցիչների հսկողության և սպասավորման ծառայությունների կարևորությունը, և դա ցույց է տալիս Տիրոջ հետ մեր կապած ուխտերը հիշելու մեր ցանկությունը: Կարիքավորներին և տուժվածներին ծառայելիս մենք ներդաշնակության մեջ ենք աշխատում եպիսկոպոսների հետ Սրբերի հոգևոր և նյութական կարիքները հոգալու համար:20

Նախագահ Սպենսեր Վ. Քիմբալն ասել է. «Շատ քույրեր կան, որ ապրում են ցնցոտիներում՝ հոգևոր ցնցոտիներում: Նրանք արժանի են շքեղ զգեստ կրելու՝ հոգևոր զգեստ: … Ձեր արտոնությունն է գնալ տներով և ցնցոտիները փոխարինել զգեստով»:21 Նախագահ Հարոլդ Բ. Լին կիսվել է իր տեսիլքով. «Չե՞ք տեսնում, թե ինչու է Տերը հանձնարարել … Սփոփող Միությանը այցելել տները: Որովհետև, Վարդապետից հետո, ոչ ոք Եկեղեցում չունի այդ անձանց սրտերի և կյանքերի հանդեպ ավելի սիրալիր վերաբերմունք, ավելի լիարժեք հասկացողություն»:22

Նախագահ Ջոզեֆ Ֆ. Սմիթը զգուշացրել է Սփոփող Միության քույրերին և նրանց ղեկավարներին, ասելով, որ նա չի ուզում տեսնել այնպիսի ժամանակ, երբ մեր Սփոփող Միությունները հետևեն կանանց կողմից ստեղծված կազմակերպություններին, կամ կորցնեն իրենց ինքնությունը, հարելով այդ կազմակերպություններին»: Նա ակնկալում էր, որ քույրերը «տանեն իրենց ետևից աշխարհը և … հատկապես աշխարհի կանանց դեպի այն ամենը, ինչը գովեստի արժանի է, Աստվածանման է, ոգեշնչող և մաքրող մարդկանց զավակների համար»:23 Նրա խորհուրդը շեշտում է պատասխանատվությունը՝ տարհանել ավանդույթներ, թեմաներ, քմահաճույքներ և ընհանուր ուղղություններ, և ընդգրկել սովորություններ, որոնք համապատասխանում են Սփոփող Միության նպատակներին:

Ղեկավարները, ովքեր փնտրում են հայտնություն, կարող են հետևել, որ ցանկացած Սփոփող Միության հավաք, դաս, միջոցառում և ջանք ուղղված լինի այն նպատակների իրականացմանը, որոնց համար այն ստեղծվել է: Մեր ցանկալի շփումները, ընկերությունը և միությունը կլինեն Տիրոջ հետ Նրա աշխատանքում միասին ծառայելու քաղցր արդյունքները:

Մարգարեների տեսիլքի իրականացումը

Նախագահ Թոմաս Ս. Մոնսոնը և նրա խորհրդականները վերջերս վկայել են, որ «Տերը վերականգնել է ավետարանի լրիավությունը Մարգարե Ջոզեֆ Սմիթի միջոցով, և որ Սփոփող Միությունը այդ վերականգնման կարևոր մասն է հանդիսանում»: Որպես Սփոփող Միության «փառավոր ժառանգություն» պահպանելու ցանկության վկայություն, Առաջին Նախագահությունը վերջերս հրատարակեց և աշխարհով տարածեց Իմ արքայության դուստրերը. Սփոփող Միության պատմությունը և աշխատանքը գրքույկը: Այդ գրքի էջերում մենք կարող ենք գտնել սովորույթներ և օրինակներ, որ պատկանում են քույրերին և եղբայրներին, որոնք միասին աշխատում են ընտանիքներում և Եկեղեցում, և մենք կարող ենք սովորել սկզբունքներ այն մասին, թե ով ենք մենք, ինչին ենք հավատում և ինչը պետք է պաշտպանենք: Առաջին Նախագահությունը մեզ խրախուսում է ուսումնասիրել այս կարևոր գիրքը և «թույլ տալ, որ դրա հարատև ճշմարտությունները և ոգեշնչող օրինակները փոխեն մեր կյանքը»:24

Երբ քույրերը ավելի ու ավելի են հետևում Սփոփող Միության նպատակներին, մարգարեների տեսիքլը իրականանում է: Նախագահ Քիմբալն ասել է. «Այս կազմակերպության մեջ զորություն կա, որը դեռևս լիովին չի օգտագործվել ամրացնելու Սիոնի տները և կառուցելու Աստծո արքայությունը, և չի օգտագործվի լիարժեք մինչև և քույրերը և քահանայությունը չըմբռնեն Սփոփող Միության տեսիլքը»:25 Նա մարգարեացել է, որ «վերջին օրերին Եկեղեցու աճի մեծ մասը պայմանավորված կլինի աշխարհի այն լավ կանանցով (որոնք ունեն հոգևորության ներքին զգացում), որոնք մեծ թվերով կմիանան Եկեղեցուն: Սա տեղի կունենա այն աստիճան, որ Եկեղեցու կանայք … կառանձնանան և կտարբերվեն՝ լավ իմաստով, աշխարհի կանանցից»:26

Ես շնորհակալ եմ Սփոփող Միության վերաբերյալ մարգարեների տեսիլքի համար: Նախագահ Գորդոն Բ. Հինքլիի նման, ես «համոզված եմ, որ ոչ մի տեղ չկա մեկ այլ կազմակերպություն, որը կհամեմատվի այս Եկեղեցու Սփոփող Միության հետ»:27 Մեր պարտականությունն է այժմ ապրել Սփոփող Միության վերաբերյալ մարգարեների տեսիլքի համաձայն՝ ձգտելով մեծացնել հավատքը, ամրացնել ընտանիքները և օգնություն տրամադրել:

Ես ավարտում եմ Նախագահ Լորենզո Սնոույի խոսքերով. «Սփոփող Միության ապագան լի է խոստումով: Եկեղեցու աճի հետ մեկտեղ դրա գործունեության դաշտը համապատասխանաբար կլայնանա: Մեր պատասխանատվությունն է համապատասխանեցնել մեզ Սփոփող Միության վերաբերյալ մարգարեների տեսիլքին, և այն կլինի էլ ավելի ունակ բարիք գործելու, քան եղել է անցյալում»:28 Քույրերին, ովքեր օգնում են առաջ տանել Աստծո արքայությունը, նա ասել է. «Քանզի դուք կիսել եք այդ ջանքերը, դուք անշուշտ կկիսեք աշխատանքի հաղթանակը և վեհացումն ու փառքը, որ Տերը կտա Իր հավատարիմ զավակներին»:29 Այս տեսիլքի մասին ես նույնպես բերում եմ վկայություն, Հիսուս Քրիստոսի անունով, ամեն:

Հղումներ

  1. Տես Ջուլի Բ. Բեք, «Կատարենք Սփոփող Միության նպատակները», Լիահոնա, նոյ. 2008, 108–11:

  2. Տես Julie B. Beck, BYU Women’s Conference address (Apr. 29, 2011), http://ce.byu.edu/cw/womensconference/archive/2011/pdf/JulieB_openingS.pdf; «Ինչ ես հույս ունեմ, որ կհասկանան իմ թոռները Սփոփող Միության մասին», Լիահոնա, նոյ. 2011, 109–13; “Relief Society: A Sacred Work,” Liahona, Nov. 2009, 110–14.

  3. See Julie B. Beck, “Why We Are Organized into Quorums and Relief Societies” (Brigham devotional address, Jan. 17, 2012), speeches.byu.edu.

  4. This message is not a comprehensive review of all prophetic statements regarding Relief Society. It is only a sample of their vision and direction. Daughters in My Kingdom: The History and Work of Relief Society, conference reports, and other Church publications contain more teaching on this subject.

  5. Joseph Smith, in Daughters in My Kingdom: The History and Work of Relief Society (2011), 13.

  6. Joseph Smith, in Daughters in My Kingdom, 15.

  7. Brigham Young, in Daughters in My Kingdom, 41.

  8. Joseph F. Smith, in Daughters in My Kingdom, 65–66.

  9. Joseph Fielding Smith, in Daughters in My Kingdom, 142.

  10. Joseph Fielding Smith, in Daughters in My Kingdom, 97.

  11. Boyd K. Packer, in Daughters in My Kingdom, 85.

  12. See Boyd K. Packer, “The Circle of Sisters,” Ensign, Nov. 1980, 110.

  13. See First Presidency letters, Mar. 19, 2003, and Feb. 23, 2007.

  14. See Daughters in My Kingdom, 3–6.

  15. Boyd K. Packer, in Daughters in My Kingdom, 16.

  16. Joseph Smith, in Daughters in My Kingdom, 17.

  17. Joseph Smith, in History of the Church, 4:602.

  18. John A. Widtsoe, in Daughters in My Kingdom, 25.

  19. Boyd K. Packer, Ensign, Nov. 1980, 110.

  20. Joseph Fielding Smith, in Daughters in My Kingdom, 142.

  21. Spencer W. Kimball, in Daughters in My Kingdom, 117.

  22. Harold B. Lee, “The Place of Relief Society in the Welfare Plan,” Relief Society Magazine, Dec. 1946, 842.

  23. Joseph F. Smith, in Daughters in My Kingdom, 66.

  24. The First Presidency, in Daughters in My Kingdom, ix.

  25. Spencer W. Kimball, in Daughters in My Kingdom, 142.

  26. Spencer W. Kimball, in Daughters in My Kingdom, 95.

  27. Gordon B. Hinckley, in Daughters in My Kingdom, 160.

  28. Lorenzo Snow, in Daughters in My Kingdom, 19.

  29. Lorenzo Snow, in Daughters in My Kingdom, 7.