2010–2019
Kol Chiya Rom
October 2012


Kol Chiya Rom

Mpaer ko fare kanawo’ ko priesthood ni ngam gel nigem mag gel nag e tabinaew rom. … Dam mu palog nigem ko tin nib mangil ban’en “Nop Am” e pi pow ni ke tay Got nga kanawo’ rodaed nge pi profet.

Nap’an ni kab fel’ yangreg, ma tabinaew rog e gamad ma yaen u caro nga Rocky Mountains nu Merikan ningad mada’nog e titaw nge tituw romaed. Ke tab’ab e kanawo’ nib k’ik’iy u boechi pa’an, me yan nib tolang ko e burey ni bay e gak’iy nib pine riy’, me yan ulane e gak’iy nib aspen nge milay’ ko burey nib tolang mag sapgad nib palog.

Machane ba yoyowol e biney e kanawo’. Kan toey e re kanawo’ nem ulane barba’ e burey nib tom’ar nib tolang. Ni fan e ayuw ko ta milekag, tatoey e kanawo’ kar fi’leged e guardrails mar tayed e pow ni ba ga’ar. “Ko Chiya’: Malong Be Puth.” Kug guyed gel fan ko re pow ney. Malong marib gaa’ kan puth nga lul’ utangin e kanawo’. Boech e yay, kug guyed e caro kan pilpil nga tangin e canyon, me pug erran ngodad marunga’gen e driver ke waer ko kol chiya’.

Tathum’ nge M’ag ko Priesthood

Pi walageg ni pumo’on, i gimed gubin ma kam, fa bayi rrin’, uned ko fare m’ag ko e Melchizedek Priesthood.1 Yang ko re m’ag nem ni bay e milekag nib ma’ang’ang nima tabab nap’an nikam thapeg e bin lichen nge bin tolang e priesthood, me yan udakaen e mugu’uliy fapi calling rom, me yaen nga tolang nga marib fel’ tawa’ath ku Got mada’ ko ngad athapeged gubin e tirok e Chitamangdad nu Tharmiy.2

E tatoey nib gel lowaen’ ko re kanawo ko tharmiy nem e kan yarmiy e pow nima ayuwegdad ko e milekag rodad. Fare thathum’ nge m’ag ko e priesthood me yog biney e kol chiya’ ku Got ma motochiyel nag daed marung’adaed.3

Mang fan Got ra motochiyel nag daed ningad kol chiya’ rodaed? Irmanang ni Satan i’ir e bee’4 nib riyul’ nge irma gay ninge miliydaed nib papay iyaen nga but’ nga infierno.5 Got ma nang ni ni bay e “fekyath”6 ulane e gidii’ ni bay e priesthood roraed “nima chuw ko Got.”7 Arfan, e pi profet nibe pinning dad ningad “niged pangin kakrom”8 ngad “ted Kristus”9 udakaen e mich, kalngaen’, gam’ning nima thapeg, nge paer ko yafas gubin erran.

Chuw ko Tin Kireb

Nap’an ngam man nga lane ko e kanawo’ ko priesthood, rayog demturug e pagal fa pou’mon ningan miliy nga but fa’anra dabi kol chiya’. Kam balyangaen’ fa kirebaen’ nap’an ke muluwaen’ ko mat’w e pagal nib fel’, e tamachib e ke fin sul, gel bugwaen e tapowiy’ ko priesthood, fa chongin e tabinaew rom nib runguy ngom?

E chep ko e Bin Kakrom e M’ag marung’agen David be pinning welthin marunga’gen e tagaen’ ko gelngin e priesthood. Arragon ke gelnog e Goliath nap’an be fel’ yangren me paer nib mat’aw ko bo’or i ragag e duw,10 aray e profet-pilune ke waer ko matangiy e ya’el rok. U ngiyal’ nib ga’fan nap’an ke guy Bathsheba marib pidorang ma muluk, dariy’ e ayuw ke sak’iy u poewchen ma tolul, “Kol chiya’, David, kam lily!” E waer rok11 ninge kol chiya’ me fol e ayuw ko fare Kan ni Thothup12 me fek ir ninge nag e tabinaew nib manemus rok. 13

Pi walageg, fa’anra David nib gel bugwaen rayog waer ko e kanawo’ exaltation, urrogon ningad chuwgaed ko tomur rok?

La’gruwi guardrails ko thiliyeg nga gospel nge e tabinaew nib gel ra ayuwegdad ko e kanawo’ ko tharmiy.

Irmanang pin’mey, Satan ma yin’ malong nga kanawo’ ko priesthood me gathaynog e thiliyeg nga gospel rodad nge kirebnag e tabinaew rodaed. Magaer, Yesus Kristus nge pi profet Rok kar tayed e pow ko “kol chiya’” u to’oben e kanawo’ romaed. I yaedma pinning koel chiya’ ngodaed ningad matangiyed ko tuftuf nib almarin14 nge denen nra kirednog e tabinaew i puwaen’, chugow, nge iling.

U kakrom, Moses ke fil, “Ma ngam guyed rogon nge dab mu paged talin Somoel.”15 Ulane fayleng rog ni ma yan nib papay, nge bo’or e n’en ni yibe rrin’ riy’, gidii’ ni yaed ma “pagtilin fare Somoel ni Got roraed, … rin’ e tin nib kireb, me wawliyey nga orel fare mo’oniyan’.”16

Gaa’ nag e Thiliyeg nge Gelnog e Tabinaew

Ningam kol ayuw ko e kanawo’ ko priesthood nap’an be puth a malong ko fek tiyaen’ nge male’eg thin, gubepogran nag dad nag nel’ likngin e fil nra gaa’ nag e thiliyeg nge gelnag e tabinaew.

Bin somm’on, e meybil e ra bing e maab ko ayuw u tharmiy ningad gelgad ku Satan.17 Urngin yay ni ke tiyaen’daed i Yesus ningad kol chiya’, bachan ni Satan e ba’adag ninge fitiru’dad, Ke weliy e meybil ira gelnog ko lumel.18 President Thomas  S. Monson ke fil: “Fa’anra demturug u fithik daed e ke sasigal ninge motoyil ko counsel ninge meybil gubin ngiyal’, dariy reb e awa nib fel’ ninge ta’bab ni chiney.19

Bin la’gruw, bi’eg fapi chep ni kakrom nge scripture ko tiney erran nira m’ag paa’dad ngak Got. En Somoel ni ke pinning ko ayuw nga chongin fare Galasia ningar kol chiya’ ko tay fan e profet richey ningar lemnog ke chi fan, me yib e pufthin ngoraed, mar mulgaed nga but’.20 Ningad chuw ko biney thin, thingar ni ngad bi’yeged nib ul’ul’ e chep nib thothup, nge babyoren magazine e Galasia nge fapi website nra ayuwegdaed ni ngad “feked ayuw ulane fel’ rogon ku [rok Somoel] profet nikan me’leg.”21

Bin Delip, ngad mat’awgaed nap’an ngam un e gam’ning ninge yog ngad feked fare Kan ni Thothup ko tapowiy’ rodaed.22 Nap’an en Tathapeg ke pinning kol chiya’ ere de yib baen ngom, ke micheg dani buch ngodaed fa’anra ngad piriy’eged e bin thabi fel’ e taw’ath ko fare Kan Thothup.23 Un e sacrament nib mat’awaen’daed gubin e wik nra pii’ mat’awon chongin ningar “ni nge yog ni paer fare Kan Thothup rok’ roraed ni gubin e ngiyal’.”24 Ko liyor ko temple rayog ningad athapeged polo’ fare Kan ni Thothup. 25

Bin Aningeg, ngam dag e t’ufeg nib riyul’ ni aray e likngin e thiliyeg ko gospel nge rogon ko tabinaew. Pilune Benjamin ke yoeg, “Kol ayuw gaed ya richey me sum e male’eg thin nga fithik’med.”26 Dam paged talin ni Satan i’ir e “chitamangin e togopluw”27 ma ba’adag fapi chonggin e tabinaew ra “cham nge feked thin” 28 Pi Walageg, fa’anra ngad cham thin ko thamtham, non, fa cham downgin nga reb chonggin e tabinaew rodad ngad mu’ e mat’awan e priesthood rodad.29 Chonggin e tabinaew ra athapeg e tawa’ath ko lingan, gathi e tugthin. Gadad ra ayuweg udakaen e minaen’ gumaen’, gol, munguy, t’ufeg nib riyul’, gol, nge t’ufeg.30

Bin nel, mfol e motochiyel ko tithing marib gaa’fan man likngin e mich nge fel’ rogon e tabinaew. Bachan Satan ma ngongoliy e marnog ko tin nib fel’ ninge fitiru’ e tabinaew ko kanawo’ ni celestial, Yesus nike fil, “Mu ayuwgad mi gimed guy rogomed rok urngin mit e chogow.”31 Ram ta’lege chogownog nap’an ngam ngongoliy salpiy nib fel’rogon, mag pii’ e tithe nib fel’ nge fal’ab e fast offering, budget nog e tin t’uf romed, chuw ko milfath, koel boech ko tin ni bay yib, mag manged ayuweg wa’atham. Got e micheg ngodaed, “Ere ngam gayed ko somm’on gil’ilungun Got nge gubin mat’awon, ma gubin e pinn’ey e bay ni pii’ ngomed.”32

Bin lal’, ngam paer nib polo’ ko e motochiyel ko mabgol nra pii’ gel lanin’num ningam paer u poewchen Got ko e fare Kan ni Thothup i’ir fagar rom ko manemus.33 Satan ba cham ko tin nib fel’ nge mabgol udakaen e yoko’ ko tin kireb. Nap’an en Somoel ke pinning e kol chiya’ ngak e gidii’ kar paer ko bee’ i gathi mabgol roraed ke yog ningar kalngaen’ nib papay, e fil Rok ke yaen nga lemaog e tin nib kireb me gathi kemus ko doweg u somm’on.34 Fapi profet nge apostle ko tiney erran ma yog bayay ma bayay marunga’gen e mar ko pornography. President Gordon  B. Hinckley ke fil: “[Pornography] iwoed e yoko’ nib almarin, nira gathay e gidii’ nge tabinaew, tay mogothgoth ko gidii’ ni kar mat’awgaed. … Keb e ngiyal’ ko e gidii’ ningad ayuweged ngad chibiyed bee’ ko gafgow.”35 Fa’anra kan yib e lumel ngoraed ningar tha’ab e motochiyel ko mabgol u demturug e rogon—ke “mil rok, nga waen.”36

Lal’ e likngin ney, ra ayuweg pumo’on ko priesthood ningar ul’ul’ nga tolang ko e kanawo’ ko tharmiy ningar motoyilgaed ko sign rok profet, posnog ko e malong ni lumel, nge yaen u lukngun e guardrail nib ya’el. Meybil, chep nib thothip, nge gam’ning nibe ayuweg e nike thil. Tu’feg, tithing, nge chastity gelnog e tabinaew. Pumo’on nib fel’ yangmed, fa’anra ngam folgad biney e likngin ram maroed palog ko kanawo’ ko priesthood nga m’ag ko temple, pigpig ko tamachib ni full-time, nge mabgol ko manemus. Figirniy nge Chitamangiy, mfolgaed ko fapi likngin ney ra pinning mat’awon med ningam suwey ko tabinaew romed ufithink e mat’aw, i gur e tapigpig ko tin ya’el ko tabinaew rom, i lengim e ta’abrogom.37

Kanawo’ ko Priesthood ni Ngam Paer Riy

Sul ngadakaen e birok nap’an kug fel’ yangreg, gube pug erran reb yay kug milegag ko Rocky Mountains. Tomuren kug thap e “Kol Chiya’: Be Aw E Malong” sign, e chitamag ni ke guy boechi malong malong u poewchmaed u kanawo’ Ke ta’leg fare karo nga sasigal’ me yib e malong woed basketball. Papa’ e ke soen nag ni nge tal e malong me yaen. Tiyaen’ e papa rog nge ngongol nib papay ke ayuweg e tabinaew rok ningaed taw gaed u tomur e milekag romaed.

Pi Walageg, Satan ba gay rogon ninge gathaynog fapi ya’el ko gidii’.38 Fa’anra ke malog e ya’el rom nga barba’ e burey ko ya’el, ta’leg e chiney ou’mon ngam puth, ngam fekem nga fel’ rogon bayay.39 Fa’anra gabe thamiy nike puth ma ke kireb e ya’el rom u tanggin e burey ma gathi nga dakaen e kanawo’ ko priesthood bachan dabkum motoyul ko pow ni “Kol chiya’” mag denen, Gube micheg ni udakaen e kalngaen’ nib riyul’ nge gelngin e bayul ku Yesus Kristus, rayog ningam chibiy nga lang mag un e kanawo’ ku tharmiy rok Got bayay. 40

Yesus ke fil, “Mu ayuweged gimed ko… is.”41 Fa’anra i gimed kam gilay’ ningam ngongoliy e priesthood, wenig ngom ningam mo’olung ko bishop rom, ra ayuwegem ningam kalngaen’. Fek gel bugwaen ni udakaen en Tathapeg ma yog, Kol chiya’ …, 42dam denen, Me micheg ngom, ni ir en Somoel, ra pii’ n’agfan ngom ere ngam man dam mu denen bayay.43

Gube pinning urngin e pagal nge pou’mon ninge paer u lukngun’ e kanawo’ ko priesthood udakaen e gaa’ nog e thiliyeg ko gospel nge gel nag e tabinaew. Meybil, chep ni thothup, nge gam’ning be awuyweg e thiliyeg. T’ufeg, tithing, nge chastity ayuweg e tabinaw. Chuw ko tin kireb nap’an ngam motoyil ko pow ni “Kol chiya’ ko ya’el ni kan yarmiy u kanawo’ rodad i Got nge fapi profet rok. Gay rogon ningam fol e susun nib manechubog ni ke tay Yesus Kristus, nike gafgow gubin e lumel machane de motoyil ngak.44

Gube micheg ni fa’anra fol e pumo’on ko m’ag ko priesthood ni ngan kol chiya rodaed45 ma gadad nge tabinaew rodaed ra nang nira tawgaed nib fel’ rogon u tharimiy ulane gil’lungun ni celestial. Gube micheg e pin’ney udakaen fithngan i Yesus Kristus, amen.