Anij Ippam̧ M̧ae Jen Bar Lo Doon

Ro jeiū im jatū, jej itok n̄an jem̧ļo̧k eo an bar juon kweilo̧k eo eļap eim̧we. N̄a make iaar m̧ōn̄ā ilo jetōb im kar im̧we im jeļā bwe kwar barāinwōt en̄jake jetōb eo ilo kweilo̧k in.

Kōm̧ij lewaj am kam̧oolol elap n̄an aolep ro raar bōk kūņaer ilo jabdewōt wāween. M̧ool ko an ko̧jpeļ in kar aiboojoj katakin im bar āliji. Ilo ad bōk enaan ko ilo raan ko ruo rem̧ootļo̧k ilo būruwōd im ilo mour ko ad, jenaaj jeram̧m̧an.

Āinwōt aolep iien, kadiwōjļo̧k ko an kweilo̧k in naaj pād ilo Ensign im Liaona makjiin ko. Ij rōjan̄ kom̧ n̄an riiti bar juon alen im kōļmenļo̧kjeņ kōn enaan ko ie. Em̧ōj aō kar loe ilo mour eo aō make bwe Iaar bōk em̧ool eļapļo̧k jen katak ko reim̧we n̄e Ij ekkatak jeni ilo m̧wilaļ eļap.

Jaar lo kadiwōjļo̧k eo an kweilo̧k eo ejej uwaan, tōpar aolepān laļ ko im lom̧aļo ko n̄an armej ro aolep jikin. Men̄e kōm̧ij pād ettoļo̧k jān kom̧, kōm̧ij en̄jake jetōb eo ami im lewaj am iakwe im kam̧oolol kom̧.

N̄an Em̧m̧aan ro raar kōtļo̧k ilo kweilo̧k in, imaron̄ ke kwaļo̧k kam̧oolol eo em̧ool jān kōm̧wōj aolep kōn jerbal in wūjļepļo̧k ko ami elōn̄ iiō ko. Elōn̄ ro me em̧ōj aer jeram̧m̧an jān jipan̄ ko ami n̄an jerbal eo an Irooj.

Ro jeiū im jatū, jem̧aanļo̧k iaar kememe 85th iiō in ļo̧tak eo aō, im Ij kam̧oolol kōn kajjojo iiō eo Irooj eaar letok n̄an eō. Ilo aō ememeļo̧k ioon en̄jake ko aō ilo mour, Ij kam̧oolol E kōn kōjeram̧m̧an ko An n̄an eō. Āinwōt aō kar ba ilo ennaan eo aō jibbon̄in, em̧ōj aō kar en̄jake An pein tōl kijejeto ko aō ilo aō kar kajieon̄ m̧ool in jerbal n̄an E im n̄an jerbal n̄an aolepāmi aolep.

Opiij eo an Būreejtōn eo an Kabun̄ in ej juon kūr eļap pedped ioon. Eļap aō kam̧oolol kōn rikakipilōklōk ro aō retiljek, ro rej jerbal ikōtaaō im ro iien otemjej kōņaan im elukkuun in kōmaron̄ron̄ n̄an jipan̄ ilo jerbal eo me ej itok n̄an Būreejtōnji eo Kein Kajuon. Ij kwaļo̧k aō kam̧oolol barāinwōt n̄an em̧m̧aan ro rettā me ejaake Doulul eo an Jon̄oulruo Rijilōk ro. Rejjab bōjrak aer jerbal ilo jerbal eo an M̧aajta eo, ippān ro uwaan Doulul ko an Jiljilimjuonn̄oul eo ej leļo̧k jipan̄ eo eim̧we n̄an er.

Ikōņaan barāinwōt nōbar kom̧, ro jeiū im jatū, jabdewōt jikin kom̧ij pād ie aolepān laļ in, kōn aolep men ko kom̧ij kōm̧m̧ane ilo ward im branch ko ami, stake im district ko ami. Ilo ami m̧ōņōņō in kakūrm̧ool kūr ko n̄e kajjjitōk ippami, kom̧ij jipan̄ kalōk aelōn̄ in kiin̄ eo an Anij ioon laļ in.

Kōm̧m̧an bwe jen mije doon, jipan̄ ilo iien aikuj. Kōm̧m̧an bwe jen jab ņotan im ekajete, ak kōm̧m̧an bwe jen meļeļe, aaet ļoor waanjon̄ak eo an Rilo̧mo̧o̧r eo kōn iakwe. Ilo wāween in, kōm̧m̧an bwe jen kōņaan jerbal n̄an doon. Kōm̧m̧an bwe jen jar kōn im̧we n̄an jeļā kōn aikuj ko ipeļaakid, innām kōm̧m̧an bwe jen etal wōt im leļo̧k jipan̄.

Kōm̧man bwe jen m̧ōņōņō ilo mour ko ad. Men̄e jej mour ilo iien ko reppen, Irooj ej iakwe kōj im ej ļōmņak kōn kōj. E ej aolep iien pād tūrājetid ilo ad kōm̧m̧ane ta eo ejim̧we. Enaaj jipan̄ kōj ilo iien aikuj. Apan̄ ko rej ieotok mour ko ad, būrabōļōm̧ ko jejjab keidi im jej jamin naaj kālōti. Ejjeļo̧k juon iaad ewāpen. Unin mour wabanban in ej n̄an ekkatak im n̄an eddōkļo̧k n̄an erom āinwōt Jemed, im ekkā ilo iien ko reppen me jej katak men eo eļap tokjeņ, āinwōt metak n̄e katak ko remaron̄ in. Mour ko ad remaron̄ barāinwōt obrak kōn lan̄lōn̄ ilo ad ļoor katak ko an ko̧jpeļ eo an Jisōs Kraist.

Irooj eaar rōjan̄, “kom̧win m̧ōņōņō; N̄a Iar bōk anjo̧ ioon laļ.”¹ Kōļmenļo̧kjeņ in eaikuj bōktok n̄an kōj m̧ōņōņō eļap. Eaar mour kōn kōj im Eaar mej kōn kōj. Eaar kōļļāik wōņāān jerawiwi ko ad. Kōm̧m̧an bwe jen ļoor waanjon̄ak eo An. Kōm̧m̧an bwe jej kwaļo̧k ad kam̧oolol eļap n̄an E ilo ad bōk en̄taan eo An im mour mour ko me renaaj kōkarbab kōj n̄an jepļaakļo̧k im juon raan pād Ippān.

Āinwōt aō kar ba ilo kweilo̧k ko m̧oktaļo̧k, Ij kam̧oolol kom̧ kōn jar ko ami ilo eta. Ij aikuji; Ij en̄jaki. Āinwōt Rutiej ro an Kabun̄ in barāinwōt kememej kom̧ aolep im jar n̄an Jemedwōj Ilan̄ kōn kōjeram̧m̧an ko kāleti ren pād ippāmi.

Kiiō, ro jeiū im jatū, jej bōjrak ium̧win jiljino allōn̄. Anij ippāmi m̧āe jen bar lo doon ilo iien en. Ilo etan Rilo̧mo̧o̧r im Ripinmuur, barāinwōt Irooj Jisōs Kraist, amen.