2010–2019
Kien eo Eļap im M̧oktata
Oktoba 2012


Kien eo Eļap im M̧oktata

Ewōr juon ad mour in rikaļoor eo ewijlepļo̧k n̄an ad kwaļo̧k ad iakwe Irooj.

Eļap ļo̧k aō meļeļe kōn jon̄ouljuon rijilōk ro raar pād wōt ālkin mej eo an Rilo̧mo̧o̧r an laļ me eļap aō jeļā jen jabdewōt doulul in em̧m̧aan ro rej mour. Ij ļōmņak jet iien jej melo̧klo̧k kar en̄jake eo aer im ewi jon̄an aer kar pedped ioon Jisōs. Eaar ba n̄an er, “E nan̄in etto Aō pād ippemi, im kwō jaje N̄a ke?…1

Ak, ilo m̧ool, raar jab ļōmņak Eaar jab to an pād ippāer. Jilu iiō eaar jab aetok n̄an kūr juon Doulul an Jon̄oulruo Rijilōk ro jān pein rioktak ro rekāāl, karreoik er jān iaļen bōd, katakin er ko̧jpeļ eo an Jisōs Kraist, im ilo̧k jān er n̄an wōnm̧aanļo̧k kōn jerbal in m̧ae raar aolep mej. Raar, juon doulul in elder ro ej kab m̧ōj aer ekkapit.

Enaaj kar lukkuun pen n̄an aer make ļo̧k iaer. Jisōs eaar jiron̄ er E ej jabmaron̄ pād wōt ippāer ilo kanniek, ak remaron̄ kar jab ak maron̄ keidi n̄an juon ļōmņak ekainepata. Mark eaar je:

“Bwe Ej katakin ro rū kaļoran im ba n̄an er, “Rej ketak Nejin armej n̄an pein armej ro, im renaaj m̧an E; im ālkin aer m̧an E, E naaj jerkakpeje ilo raan eo kein ka jilu.

“A re jab meļeļe naan eo, im re mijak in kajjitōk Ippān kake.”2

Innām, ālkin jidik iien n̄an jeļā im bōlen edik iien n̄an kōppopo, jet men raar waļok ke raar jab tōmak enaaj kar waļo̧k. Aer Irooj im M̧ajta, aer Ripepe im Kiin̄ eaar debwāāl. Jerbal in kwalo̧k eo An eaar jem̧ļo̧k, im raar jidik apan̄ kōn Kabun̄ eo Eaar kajutak im kajirere eaar bōk jikin kōn jerbal eo. Rijilōk ro raar kam̧ool E ilo jekakpeje eo An, ak eaar wōr wōt kakobaba kōn tarpok eo aer. Ilo aer aikuj kar ļap aer jeļā, “Ta eo jen kōm̧m̧ane kiiō?” raar o̧ktalik ļo̧k n̄an Piter, senior Rijilōk eo.

Kiiō Inaaj kajjitōkin kom̧ n̄an kōtļo̧k bwe in anemkwoj n̄an kōmeļeļeik naan ko rejako ilo jeje ko rekwojarjar me rej jipan̄ doon. Piter eaar ba n̄an ro m̧ōttan: “Ro jeiū im jatū, em̧ōj an m̧ootļo̧k de jilu iiō. Ejjeļo̧k juon iaad emaron̄ in anto̧o̧ne allōn̄ ko rekadu kōn kabwilōn̄lōn̄ ko jaar loi im kar en̄jaki. Jaar kōnono ippān, jar ippān, im kar jerbal ippān Nejin Anij Make. Jaar etetal Ippān im jaar jan̄ Ippān, im ke bon̄on eo epaak, ejjeļo̧k juon eaar ļap an jan̄ jen eō. Ak ejem̧ļo̧k. Eaar kadedeļo̧k jerbal eo An im jerkak jen lōb. Eaar jerbal e lo̧mo̧o̧r eo An im ad. Rijilōk ro jon̄oul raar kajjitōk, ‘Ta eo jen kōm̧m̧ane kiiō?’ Ijaje ta eo eļapļo̧k n̄an ba ijeļo̧kin wōt bar jepļaak n̄an mour eo am m̧okta, elem̧ōņōņō. Ij kajieon̄ in kōm̧m̧ane men eo ‘ilen eo̧n̄ōd.’” Im jiljino iaan Rijilōk ro raar errā, “Barāinwōt kōmij uwe ippam̧.” Jon, eo eaar juon iaer, eaar je, “Rej ilo̧k, im uwe ioon wa.”3

Ak, ejerata, eaar lukkuun nana eo̧n̄ōd. Bon̄on eo aer jinoin eaar joda, eaar ejjeļo̧k kuņaer― ejjeļo̧k juon ek. Ilo joran tak, eaar nana aer mour kōn aer epake parijet, ijo raar lo juon armej ettoļo̧k ej kūr er, “Ajri raņ, ewor ke kijemi?” Rijilōk rein raar būrom̧ōj ke rej jepļaak kōn ejjeļo̧k ta eo rieo̧n̄ōd ren kar leļo̧k, “Ejjeļo̧k kuņaam.” Raar aln̄urn̄ur, im n̄an bwilōn̄ kōn an kūr er “ajri.”4

“Kom̧win door ok i anmooņōn, im kom̧ naaj lo,”5 ruwaimejet eo eaar ikkūrļo̧k—im kōn wōt naan kein, eaar m̧ōkaj aer kile wōn eo ej kōnono. Jilu iiō m̧okta ļo̧k ejja em̧m̧aan rein wōt raar eo̧n̄ōd ilo ejja parijet in. Ilo bar jet tōre raar “eo̧n̄ōd aolepen bon̄, im [ejjeļo̧k] kuņaam,”6 jeje ko rej ba. Ak juon m̧ōttaer riGalili ilo parijet eaar ikkūrļo̧k n̄an er bwe ren door laļļo̧k ok ko aer, ke raar door laļļo̧k “kōpooļi elōn̄ ek,”7 ok ko aer renan̄in rup, raar kanne wa ko ruo kōn innām re jino douj.

Kiiō ebar jino waļo̧k. “Ajri” rein, ke kar kūr er, kijooror in door ok ne ami, im re ban tōbwe, bwe elōn̄ ek.”8 Jon eaar ba, “E ej Irooj.”9 Im ilo tum̧anin wa eo, Piter eaar kālo̧k lo̧jet.

Ālkin juon iien m̧ōņōņō ippān jerkakpeje Jisōs, Piter eaar kōnono ippān Rilo̧mo̧o̧r bwe en Ij ļōmņak ej oktak eo eaorōk kōn jerbal in rijilōk im n̄an Piter make, kōm̧akūt dekā in ejm̧aan n̄an juon jerbal wujļepļo̧k pōtata im tōl. Lale wa ko waer, ok ko aer, im juon ae in 153 ke, Jisōs eaar ba n̄an senior Rijilōk eo An, “Piter, kwōj yokwe Eō eļap jān rein ke?” Piter eba, “Aet, Irooj; kwō jeļā Ij yokwe Eok.”10

Im Rilo̧mo̧o̧r eaar dāpij wōt uwaak eo, eaar kalimjōk wōt mejen rijilōk eo An im eaar bar ba, “Piter, kwōj yokwe Eō ke?” Rieo̧n̄ōd eo em̧m̧an, eo eaar lukkuun pok kōn kajjitōk eo, uwaak ko alen karuo, “Aet, Irooj; kwō jeļā Ij yokwe Eok.”11

Rilo̧mo̧o̧r eaar jino leļo̧k juon meļeļe ekadu, ak kōn akweļap Eaar bar kajjitōk jilu alen, “Piter Kwōj yokwe Eō ke?” Kiiō Piter ejino lukkuun nana an mour. Bōlen būruwōn em̧em̧ļo̧kjeņ kōn wōt jet raan ko ke kar kajjitōkin alen jilu im eaar uwaaki—jab. Ak bōlen eaar jino in kōļmenļo̧kjeņ eļan̄n̄e eaar jab meļeļe kajjitōk eo an Rūkaki in M̧aajta eo. Ak bōlen eaar lale būruwōn, pukot m̧ool in uwaak eo eaar kajju waļo̧k, jidik waļo̧k. Mekarta en̄jake ko an, Piter eaar ba jilu alen, “Irooj, Kwō jeļā Ij yokwe Eok.”12

Ilo an Jisōs uwaak (im kakobaba kein aō rejjab waļo̧k ilo jeje ko rekwojarjar) bōlen eaar ba jen men āinwōt in, “Piter, etke kwoj pād ijin? Etke jebar ro̧o̧l tok n̄an ejja parijet in, kōn ejja ok kein, ejja kōnono kein wōt? Ejjab ke alikar im ejjab ke alikar kiiō ke n̄e Ikōņaan eo̧n̄ōd, Imaron̄ eo̧n̄ōd? Ta eo Ij aikuji ej rikaļoor—im Ij aikuji er n̄an indeeo. Ij aikuj juon eo n̄an najdik sip ko aō im lo̧mo̧ren lam ko aō. Ij aikuji juon eo n̄an kwalo̧k ko̧jpeļ eo aō im jurake tōmak eo aō. Ij aikuji juon eo ej iakwe eō, lukkuun iakwe eō, im iakwe ta eo Jemed ilo Lan̄ ej kōmālim eō n̄an kōm̧m̧ane. Ennaan eo ad ejjab ennan bajjōk ak juon jerbal bajjōk. Ejjab jejtokjeņ ak ejjeļo̧k kōjatdikdik ak juon menin bwebwenato. Ej jerbal eo an Ekajoor Bōtata, im ej ukōt laļ in. Kōn ruo ak alen eo āliktata, Piter, Ij kajjitōk ippam̧ n̄an etal jen men kein aolep, n̄an kwalo̧k im kam̧ool, jerbal ilo ettā m̧ae raan eo renaaj kōm̧m̧an n̄an eok ejja āinwōt ta eo raar kōm̧m̧ane n̄an eō.”

Innām oktaļo̧k, n̄an aolep Rijilōk ro, E maron̄ kar kajjitōk, “Kom̧ij ke bwebwe āinwōt scribe ro im an kar Pharisee ro? Āinwōt Herod im Pilate? Kom̧ij ke, āinwōt er, ļōmņak ke bwe jerbal in en kar jako ilo aer kar m̧an eō? Kwom̧ij ke, āinwōt er, ļōmņak kōn dōbwāāl eo im dila ko im lōb eo ren kar aolep jem̧ļo̧k im kajjojo ren kar jepļaak n̄an ijo komij itok jān e m̧okta? Ajri raņ, mour eo aō eaar ke im aō iakwe eaar ke jibwe būruwōmi eļapļo̧k jen in?”

Ro jeiū im jatū, ij jab lukkuun jeļā kain rot naaj en̄jake eo ad ilo Raan in Ekajet eo, ak ijeļā inaaj lukkuun bwilōn̄ eļan̄n̄e ilo jet wun in ekōnono in, Anij enaaj kajjitōk ippād ta eo Kraist eaar kajjitōk ippān Paul: “Kwoj ke iakwe eō?” Ij ļōmņak bwe Enaaj kōņaan in jeļā eļan̄n̄e ilo aolepān ad mour, ilo aolep ad likjab, im jet iien jab ekkeke im ium̧ n̄an jabdewōt men, jej ke meļeļe juon kien, kien eo m̧oktata im eļap iaan aolepāer—“Kwōn yokwe Irooj am̧ Anij kōn aolepen būruōm̧ im kōn aolepen am̧, im kōn am̧ ļōmņak otemjej, im kōn aolep am kajoor otemjej.”13 Im eļan̄n̄e ilo tōre en jemaron̄ jutak, “Aaet, Iroj, kwō jeļā Ij yokwe eok,” innām E maron̄ kakememej kōj kōn piktokin iakwe ej aolep iien kautiej.

“Eļan̄n̄e kom̧ij yokwe Eō, kom̧ naaj kōjparok kien ko Aō,”14 Jisōs eaar ba. Kōn menin ewōr ro riturid n̄an kōjeram̧m̧an er, ajri ro n̄an kejparok er, rijeramōl n̄an kotak er, im jutak kōn m̧ool eo. Ewōr bōd ko n̄an kajim̧we, m̧ool ko n̄an kwalo̧ki, im kōm̧m̧an em̧m̧an. N̄an kōmeļeļeik, ewōr juon mour in wūjlepļo̧k an rikaļoor n̄an leļo̧k ilo kwalo̧k ad iakwe eo Ekwojarjar. Jejab maron̄ kōttar im jejab maron̄ jenliktak. Ālkin ad lo mour eo an Nejin Anij emour, ejamin naaj bar waļo̧k im āinwōt kar m̧okta. Debwāāl eo, Pinmuur eo, im Jerkakpeje eo an Jisōs ej kōkkalein jinoin mour an juon rikūrijin, ejjab jem̧ļo̧k eo in. Eaar m̧ool in, en̄in m̧ool eo, me eaar kōtļo̧k pein juon rieon̄od in Galili ippān Rijilōk ro ro raar ejjeļo̧k aer jikin kweilo̧k ak jāje ”15 raar bar likūt ok ko aer bar juon alen im jeme bwebwenato eo an laļ in me jej mour ie.

Naan in kam̧ool eo aō n̄an aolep ej bwe kii ko an rijilōk ro emōj aer bar jepļaaktok n̄an lal in im maron̄ loi ilo Kabun̄ eo an Jisōs Kraist im Armej ro Rekwojarjar ilo Raan˗ko Āliktata. N̄an aolep ro me rejjan̄in de kobatok ippam ilo jerbal in āliktata an Kraist, kōm̧ij ba, “Jouj im itok.” N̄an ro raar pād ippam juon katton ak rejako, kar bōk im kālet jet manit jān leen Jepļaaktok eo im jolo̧k ilo kejota eo, Ij ba, “Kom̧ij pād ilo juon bon̄ eaitok im ok ko ejjeļo̧k kobaer.” Kūr in ej n̄an dim wōt, iakwe Anij, im jipan̄ kalōk aelōn̄ in kiin̄ eo. Ij kobaik kūr in n̄an jerbale tiljek eo ippān aolep elder ro ej kab mōj aer ro̧o̧l ro rej jutak ilo jikin peptaij eo im pein en jekjek in jukaea im ba, “Bwe em̧ōj kōmālim eō kōn Jisōs Kraist.”16 Kōmālim in eaar n̄an ukōt rioktak eo n̄an ideeo, ak eaar kōm̧m̧an bwe en ukōt eok indeeo barāinwōt. N̄an jodikdik ro an Kabun̄ im renaaj etal tampeļ ko im n̄an mijen ko, im m̧are, kōm̧ij ba, “Iakwe Anij im pād wōt ilo erreeo jān bōtōktōk im jerawiwi ko an epepen in. Ewōr juon am jerbal n̄an kōm̧m̧ane, jen enaan eo ekwbwilōn̄lōn̄ Būreejtōn Thomas  S. Monson eaar kōm̧m̧an inne ej jibbon̄” Jemedwōj Ilan̄ ej aikuji iakwe eo ad im ettā ilo aolepen mour ko ad.

Ij ba n̄an ro aolep rej ron̄jake enaan in aō, aenikien Kriast ej ajeeded ilo aolep tōre, im kajjitōkin kōjwōj ke ejja wōr iien, “Kwoj iakwe eō ke?” N̄an kōj aolep, Ij uwaak kōn aolep aō kajoor, “Aaet, Irooj, kōm̧ij iakwe eok.” Im kōn ad kar likūt “peid ilo jerbal eo,”17 jejjamin naaj bar reilikļo̧k m̧ae iien jerbal eo ej dedeļo̧k im iakwe eo em̧ool an Anij im ro rutūriid ej peek laļ in. Ilo etan Jisōs Kraist, amen.