Bin Somm ‘on e Motochiyel ni Tha ‘abi Mangil

Chugur ni dariy reb e ulung ni kakrom ni ru gub ba adag ko fapi ragag nge ta ‘arebi Apostle ni ke magay napan nike yim ‘ fare Tathapeg ko Fayleng. Gube leam nag ni gadaed ma pagtilin rogon ni darn nanged ban ‘en nge rogon ni yaed ma pagan ‘ ngak Yesus ni gubin ngiyal ‘. Ngoraed me ga ‘ar, “Ke n ‘uw napan ni kug par romed ni gimed gubin, ere ka dawor mu nangeg …?”¹

Machane, aram rogon, yaed roraed ma dawori paer roraed nib n ‘uw napan. Dalip e duw e dani n ‘uw napan ni ngan pining gubin fare Ulung ko fare Ragag nge L ‘agruwi Apostle ko bukun e gidii ‘ nike thil, tamilang nag rogon e kanawo ‘ ni kafram nib kireb, man fil ngoraed e pi falel ‘ ko fare gospel rok Yesus Kristus, ma aram man pag raed ni ngar feked iyan fare murwel nge mada ‘ ko ngiyal ‘ ni kar m ‘ad. Ba falel ‘ rogon ko fare ulung ni kafin ri manged e elder.

Baga ‘ ni bang ni mornga ‘agen ni kan digey. Yesus e sul u dakean ni ban ni nge yoeg ngoraed ni dabi paer roraed nib gidii ‘, machane dariy bag yaed ni ba adag ni nge leam nag e binem e tafiney nib kirbaen ‘. Ke yoley Mark ni:

“En ni Fak e Girdi ‘ e bay ni pi ‘ nga pa ‘ e girdi ‘, ma bay ra li ‘ed ngem ‘; ma fa ‘an bay nli ‘ ngem ‘ ma dalip e rran nga tomuren min faseg ko yam ‘.

“Ma dar nanged fan e re bugithin nem ni yog ngorad machane ra tamdagad ni ngar fithed ngak.”²

Me arame, napan nike ngoch e ngiyal ‘ ni ngan fil ma kub ngoch e ngiyal ‘ ni ngan fal ‘eg rogoy, me buch ban ‘en ni rib falel ‘, n ‘en ni yibe leam nag ni dabyog e ba riyul ‘. Somoel nge Masta roraed, Counselor nge Pilung, e kan li ‘ kem ‘. Machib rok e ke m ‘ay, ma fare Galasia nib achig nike ngongliy nibe magawon e yibe og tharan ma ngan li ‘ raed ngar m ‘ad. Pi Apostle rok e kar guyed napan nike foskoyam ‘, machane binem e kemus nike balyang nag raed. Napan ni sana kari tafiney niged ni, “Mang e ngad rrin ‘ed e chiney?” mar cheal gaed ngak Peter ni nge fulweg, ni ir e senior Apostle.

Iraray e gin ni ngug fith mornga ‘agen rogom ni ngug feek boech e thin ni dariy u lane cheo nib thothup ko rogon ni gube tafiney nag ko biney. N ‘en ni buch, me ga ‘ar Peter ngak e picha ‘an ni giyad: “Pi walageg ni pumo ‘on, ke yaen dalip e rran ni rib falel ‘. Dariy bagdad ni rayog ni nge leam nag in e pul nike thimur ko fapi n ‘en nike buch ni kad guyed nge thothup ni kad falfalen ‘ gaed ngay.Kad non gaed, kad meybil gaed, kad uned ko fare Faak Got ni gadaed be murwel. Kad uned Ngak ma kad uned ngak ko miyoer, nge fare nep ni rib kirbaen ‘, dariy bee ‘ nike yoeg nib alamrin ni boed gaag. Machane ke m ‘ay. Ke mu ‘ nag e murwel Rok ma Ke foskoyam ‘. Ke ngongliiy rogon e wo ‘en nge wo ‘en daed. Ere mag fith, ‘Mang e ngaed rrin ‘ed e chiney? ‘ Dagnang ko mang e nggog ngom ma ngam sul ko rogon e paer rom kafram, ni ngam falfalen ‘. Nggu ‘wan ko fitaq ‘. ‘” Nel ‘ e ko fare ragag nike magayi Apostle e ri uned ngak, “Nggu uned ngom.” John, ni ka bag yaed, e yoley ni ga ‘ar, “Ma aram miyad yan ngar afgad ngalan e bowoch.”³

Machane,arrogon, fare fitaq e dani mangil. Bin somm ‘on e nep ni kar suloed u lan fare lake, dariy ban ‘en ni kar koeled—dariy ba nig. U lane bin somm ‘on e rran, mar suloed nga dap e l ‘ay ni kar kirbaen ‘ gaed, kiyad palog mar guyed bee ‘ nibe non ngoraed, “Pi bitir, kam koeled ban ‘en?” Fapi Apostle ni kar suloed kar manged e gidii ‘an e fitaq ni kar kirbaen ‘ gaed mar fulweged e duwer rok ni dabun raed ni ngar yoeged. “Dariy ban ‘en ni ku koeled,” ni yaed be non, ma kar puwan ‘ gaed, ni kan pining e “bitir” ngoraed”⁴

“Mon ‘ed e nug romed nga maran u ba ni mat ‘aw ko bowoch, mi gimed kol e nig”⁵ e be yoeg facha ‘ ngoraed—nge pi thin nib moem, ni kar na ‘ab gaed. U lan dalip e duw nga tomur ma be fitaw e pi pumo ‘on ney u lane ra daey ney. Ko ra rran nem ma yead e kar “ka fowngan ni gu fita ‘gad ke rran, ma da [gu] koled ban ‘en,”⁶ rogon nike yoeg fare chep nib thothup. Machane facha ‘ nib Galilean u dakeane dap e l ‘aey nibe non ngoraed ni ngar paged e nug roraed nga but, mar koeled “e nig ni pire ‘ ni pire ‘,”⁷ni gusthuy e nug roraed, mar suguyed l ‘agruw e booch ni kari tomal me tabab ko ligil.

Chiney e be buch e biney biyay. Pi “bitir,” ney ni rogon ni kan pining raed, e ri paged e nug roraed, ma “dakiyag ni ngar girngiyed ngalan e bowoch, ya ke sugnag e nig.” ⁸ Ke ga ‘ar John: “I Somoel e cha ‘nem.” ⁹ U mir chalen fare booch, me og Peter nga but.

Napan nikan mukun nga ta ‘abang ni kan falfalen ‘ ku Yesus nike fos ko yam ‘, me non Peter nge fare Tathapeg ni gube leam nag ni ngiyal ‘ ni kari thil rogon e murwel ko fare spostle ma baga ‘ ni Peter, ni kari thil rogon e yafas rok ke mang bee ‘ nib ta ‘ murwel nib yul ‘yul ‘ nib mangil. Mar sap gaed ko nochi booch roraed, nge nug roraed, nge nig nib gaman 153, me ga ‘ar fare Tathapeg ngak e cha ‘an pilal ‘ ko fapi Apostle, “Peter, gub ri gub tu ‘uf rom ko gubin e tiney?” Me ga ‘ar Peter, “Er rogon, Somoel, ga manang ni gab t ‘uf rog.”¹⁰

Me fulweg fare Tathapeg machane me sap nga lan owchen fare gachalpen me ga ‘ar, “Peter, gub tu ‘uf rom?” Ke balyang e tafiney rok ko rogon fare duwer, me fulweg fare cha ‘ nib cheg ko fitaq ni bin l ‘agruw yay, “Er rogon, Somoel, ga manang ni gab t ‘uf rog.”¹¹

The Savior again gives a brief response, but with relentless scrutiny He asks for the third time, Fare Tathapeg e fulweg, machane me fith bin dalip yay, “Peter, gub t ‘uf rom?” Ngiyal ‘ e kari kikireb rogon Peter. Sana bay u gumircha ‘en ri in e rran nga tomur ni kan fith ta ‘ab duwer ngak ni dalip yay me fulweg ni ta ‘aborogon—machane dani mangil rogon. Fa sana ke tabab i leam nag fa ‘anra be nang fan e duwer ko fare Masta ko Tafanow. Fa sana be sap nag u lan gumircha ‘en, ni be gay e bin riyul ‘ ni nge fulweg, nib papey. Demtrug rogon e thomthom rok, me fulweg Peter ni ga ‘ar, “Somoel, … ga manag ni gab tu ‘uf rog.”¹²

N ‘en nike fulweg Yesus (ma uroy e ngug uneg e girog ngay ni dariy u lane chep nib thothup), sana ban ‘en ni ararogon: “Ere Peter, mongfan ni ga bay u roy? Mongfan ni kad sulod ko ta ‘ab l ‘aey, ko ta ‘ab nug, ni godow be sul u dakean ta ‘ab thin? Dar m ‘ug kafram ma dar m ‘ug e chiney ni fa ‘anra gu ba adag ni ngug fitaq, ma rayog ni ngug fitaq? N ‘en nib tu ‘uf rog, o Peter, e pi gachalpeg—yaed ba tu ‘uf rog nib manemus. Ba tu ‘uf bee ‘ rog ni nge duruw ‘iy e saaf rog me ayuweg e saaf rog. Ba tu ‘uf bee ‘ rog ni nge machib nag e gospel rog me paer nib riyul ‘ ko mich rog. Ba tu ‘uf bee ‘ rog nib gub tu ‘uf rog, riyul ‘, ni riyul ‘ ni gub tu ‘uf rok, ma ba adag e n ‘en nike yoeg e Chitamangdad nu Tharmiy ni ngug rrin ‘. Gathi ba mulwol nib mo ‘owaer. Gathi ba murwel nib ngoch. Dani kireb; gathi ba athap ni dariy; gathi nge m ‘ay nga biyang. Murwel ko fare Got ni Gubin ma Rayog Rok, ni nge thilyeg e fayleng. Ere, Peter, bin migid yay nge bin tomug yay, gube yoeg ngom ni ngam digey gubin e tiney ma yaen ngam machib mag micheg, mag murwel mag pigpig nib yul ‘yul ‘ nge taw ko ngiyal ‘ ni yaed ra rrin ‘ ta ‘ab ban ‘en ni kar rrin ‘ed ngog.”

Ere, me chel ko gubin fapi Apostle, sana ke yoeg ban ‘en ni badke arogon: “Gimed boed fapi gidii ‘ ni gidii ‘ nib tagan nge pi Pharisee? Boed Herod nge Pilate? Kam, ni boed giyad, e kam tafiney nag ni ra m ‘ay e biney e murwel ni ngan li ‘eg nggum ‘. Kam, ni boed giyad, e kam leam nag ni kuruth nge pi richib nge tigil ‘ e yam ‘ e tomur ko gubin ma rayog ni ngam sul ko rogon ni um moey karfam? Bitir, tu ‘ufeg rog nge yafas rog e dani aw nge lane gumircha ‘med nib alamrin ko tiney?”

Pi walageg ni pumo ‘on nge ppin, dagnang rogon e n ‘en ni ra buch rodaednapan fare Rran ko Pufthin, machane ri gub falfalen ‘ ngay fa ‘anran taw ko binem e numon, ri dabi fith dad Got ni ta ‘ab ban ‘en nike fith Kristus ngak Peter: “Gub t ‘uf rom?” Gube leam nag ni ba adag ni nge nang fa ‘anra napan ni gadaed ba gidii ‘, nib magawon, ma boech ngiyal ‘ e gadaed boed e bitir, kad nang faned ta ‘areb e motochiyel, ni bin somm ‘on nge bin tha ‘abi mangil e motochiyel u fithik gubin—“Thangari t ‘uf rom Somol ni ir e Got rom u polo ‘ i gumircha ‘em, ngu polo ‘ i lanin ‘um, ngu polo ‘ i gelngim, ngu polo ‘ i leam rom.”¹³ Ma fa ‘anra ngiyal nem ni rayog ni ngad ga ‘ar gaed, “Er rogon, Somoel, ga mang ni gab t ‘uf rog,” me pogran ngodaed ni tu ‘ufeg e gubin ngiyal ‘ ma ba yul ‘yul ‘.

“Fa ‘an gu ra t ‘uf romed, ma gimed ra fol ko tin kug ta ‘chiylen ngomed,”¹⁴ e ke yoeg Yeus. Ere bay e pi cha ‘an u baen ‘ yoror rodaed ni ngad fal ‘eged wa ‘athan raed, bitir ni ngad ayuweged, gidii ‘ nib gafgow ni ngan chubiy ngalang, nge n ‘en nib riyul ‘ ni ngan ayuweg. Bay e tagagn rodaed ni ngad mangil niged, tin riyul ‘ ni ngad ser niged, nge mangil ni ngan rrin ‘. Ngoch nag, bay e yafas rodaed ni gachalpen ni ngad daged e tu ‘ufeg rodaed rok Somoel. Dabyog ni ngad paged ngad suled nga tomur. Napan ni kan mu ‘ i mad ‘eg fare Faak Got nib fas, dakriy ban ‘en ni ra boed kafram. Kuruth Nag, Bayul, nge Foskoyam ‘ ni tay Yesus Kristus e somm ‘on ko yafas ko Kristiano, ma dariy e tomur riy. Iraray e riyul ‘, nib riyul ‘, ni pag e pi pumo ‘on nu Galilee nibta fitaq ngar suled ngar manged e Apostle ni dariy e “na ‘un fa sayden”¹⁵ni kar digeyed e pi nug nem ni bin l ‘agruw yay mar ranoed ngar ngongliyed rogon e fayleng ni kakrom ni gadaed be paer riy e chiney.

Gube micheg u lan gumircha ‘eg, u gelngig, ngak gubin e picha ‘an ni rayog ni nge rung ‘ag lumag ni pi kiy nem ko apostle e kan fulweg biyay nga fayleng, ma ran pir ‘eg u lan Fare Galasia ku Yesus Kristus ni Fan ko Gidii ‘en Got ko Tin Tomur e Rran. Ko picha ‘an ni dawori un ngomed u lane biney e n ‘en nike buch rok Kristus, gamad be ga ‘ar, “Wenig mbaed.” Ko picha ‘an ni kui imoy romaed ma ke chuw, nibe leam nag ni nge un boech ko hors d ‘oeuvres ko fare Sulyarmen nikan thilyeg rogon me digey gubin ni kabay, gube yoeg ni gube magar nag ni gara aw nga fithik bukun e lumor nge nug ni dariy ban ‘en riy. Biney e pong ni ngan sul, mag paer ni gab yul ‘yul ‘, me tu ‘uf Gor rom, mag pi ‘ e ayuw. Gube uneg e re murwel nem ngay ni ngak gubin e pi tamachib nib yul ‘yul ‘ nike sul nike sak ‘iy u muraen ko tawfe nibe tingiy pa ‘ ngalang me ga ‘ar, “Ke pi ‘ Yesus Kristus mat ‘wog.”¹⁶ Re mat ‘woy nem e ke thilyeg e cha ‘an nikam tawfe nag nib manemus, machane susun e ngki thilyeg nigem nib manemus. Ngak gubin e pi fal ‘ yangren ko Galasua ni nge pilal ‘ ni nge yan ko mission nge temple nge mabgol, gamad be ga ‘ar: “Nge tu ‘uf Got rom mag paer ni gad bi ‘ech ko fare racha ‘ nge denen ko biney e yangar. Bay e murwel ni ngam rrin ‘, ni kan falfalen ‘ ko binem e thin nike yoeg Thomas S. Monson fowap ni kadbul. Chitamangim nnu Tharmiy e be athapegem ni ngam yul ‘yul ‘ nge tu ‘ufeg rom u lane yafas rom.

Ngak gubin e picha ‘an ni be runga ‘ag lamag, u laman Kristus nibe yib nibe, nibe fith daed napan ni kabay ngiyal ‘ riy, “Gub tu ‘uf rom?” Ma fan ngak orngini gadaed, nggu fulweg u fithike sobutaen ‘ nge yul ‘yul ‘ rog, “Er rogon, Somoel, gab tu ‘f romaed.” Ma kad ted “pa ‘ daed nga dakean e plough,” ¹⁷ ma ri dabin sap gaed nga tomur nge taw ko ngiyal nike m ‘ay e biney e murwel ma fare tu ‘ufeg rok Got nge baen yoror e ra gagyeg nag e fayleng. U dakean fithngan Yesus Kristus, amen.