Sikeng ko Mich Rom

Rok Elder Neil L. Andersen

Ko fare Ulung ko fare Ragag nge L’agruwi Apostle


Boed rogon gelngin e nifiy nima thilyeg e wasey nge gal’ e wasey nib gel, napan ni gadaed ra paer ni gadaed ba yul’yul’ napan e mich rodaed nibe magawon, ma ra gel gelngdaed.

Ragag e duw nga tomur ma ppin rog i, Kathy, nge gaag e ug pirew u São Paulo, Brazil, me President David Marriott e ir e be gagyeg nag fare Mission u Brazil São Paulo Interlagos. Ir nge ppin rok i, Neill, nge pifaak row ni pagal Will, Wesley, nge Trace e yaed ma paer nib chugur ngomow. Kar digeyed e tabinaew roraed, murwel roraed, nge bukun e tabinaew roraed ni yaed be rrin’ e n’en ni nge yoeg profet ningan yan ko mission.

I col nigeg President Marriott reb e misiw’. Ppin nib t’uf nge mataw’aen’ ni faak rowni raliw nge ta’areb e duw rok i, Georgia, ba senior nima fil mornga’agen e violin u Indiana University, e ke aw e karo ngak nibe yaen u dakean u raat rok iyib nga tabinaew napan nikan mu’ ko mo’olung u galasia. Bin somm’on e report, e be gol Georgia. Bukun e awa ko ta’aboech me gel e ubchiya’ rok.

Tabinaew nge tafagar e ri tabab gaed i baley nag e abich roraed nge meybil ni fan ku Georgia ninge fal’ rogon. Nina roke yib u Brazil napan ni kab nep. Bin migid e rran u Indiana me mada’ nag faak nib ppin nge bin ilal e bitir rok mar yoegew u fithik e yilu’ ni ku ur moeyew rok Georgia napan nike yim’.

Mug yaliy fare tabinaew ku Marriott ko binem e n’en nike buch ma lane bukun e pul nge duw ni yaen. Yaed be yoer, ma yaed be meybil, yaed be non marunga’gen Georgia, yaed be yim’ ko amith nge kirbaen’ machane daer tal e mich roraed. Biney e mo’olung ni kadbul, e kad rung’aged e mic nib falel’ nima paer u lane tabinaew ku Bowen nge Wilberger.1

Tawa’ath ko mich e ba tawa’ath ni dabyog ni ngam pir’eg u biyang. “Biney e ba yafas nib manechubog,” Yesus nibe meybil, “ya ngar nanged ni kemus ni gur e bin riyul’ e Got, nge Yesus Kristus, nikam pi’ ke yib.”2

Mich rodaed e bay ngak Got ni Chitamangdad nge Faak ni, Yesus Kristus, e Tathapeg nge Tabiyul rodaed. Gonop rodaed e be ayuw ni gubin e gospel e kan fulweg biyay nga fayleng; ma fare Babiyor ku Mormon e thin rok Got; ma pi profet nge pi apostle e daba’ e yaed be koel fapi kiy ko fare priesthood. Gadad be tay fan e mich rodaed, murwel ni ngad gel niged e mich rodaed, meybil ni fan ni nge ga’ nag e mich, ma gadad rrin’ gelngin ni rayog rodaed ni ngad ayuwegned e mich rodaed.

Ke yoeg fare Apostle i Peter ban’en nike yoeg e “sikeng ko mich rom” ngay. 3Ke buch rok. Tafney ko thin rok Yesus:

“Simon, … Satan ni nge sikeng nagmedni gimed gubin, ni bod rogon be’ ni girdi’en e woldug ni be chuweg fiteyru’ wom’ngin e wheat ni aram e pin’en ni yima ngongliy nge mang flowa:

“Machane kug yibilayem ngak Got, ni rogon nib michan’um ngak Got e dabi mul.”4

Be pi’ Peter e athamgil ngak boech e gidii’: “dab mu gin gad,” e ke yoeg, “nib gel ni yibe tay ngomed ni ba sikeng ngomed, ni gowa ban’en ni kam gin gad ngay.”5

Tiney e sikeng nib momaw’ e kan ngongliy ni nge n’angginem ni ngam gel, machane rayog ni nge mo’waer fa kireb nag e pagan’ rom ngak fare Faak Got me mo’waer nag rogon ni rayog ni ngam ngongliy ni ngam cha’ariy e pi m’ag rom Ngak. Pi sikeng ney e baga’ nib mith, nib momaw’ ni ngam poey. Ma tabab ko tin ni gadad ba mo’waer riy, tin mad’ad rodaed, thomthom rodaed, fa tin nib tu’uf rodaed. Ba sikeng nib riyul’ ma rayog riy ngak bee’ ma rayog nib momaw’ ngak bee’ nib thil.

Urogon ni rayog ni ngam “miyuluy ma dam worwar”6 napan e sikeng ko mich? Kam puw ngalang u lan e pin’en ni ra ayuweg nem ni ngam gel nag e mich rom—gabe gay rogon e mich rom ngak Kristus, gabe meybil, gabe leam nag fapi chep nib thothup, gabe kalngan’, ma gabe cha’ariy fapi motochiyel, mag pigpig ngak reb gidii’.

Napan ni gara yaen u fithik e sikeng ko mich—demtrug ko mang e gabe rrin’, ma dam palog nigem ko Galasia! Gur ni gabe palog nigem ko gililungun Got napan e sikeng ko mich e boed ni kam chuw ko gin ni be ayuwegnem ko yiko’ boed fare tornado nima m’ug.

Ke ga’ar Apostle Paul, “Ere gimed e pi’in gathi gimed piyu Israel e gathi kigimed girdi’en yugu boch e nam ara bogni nda nnang owcherad, ya chiney e kam manged boch e girdi’ rok Got ni kam manged girdi’en e tabinaw rok Got.”7 U lane Galasia ma gadad be ayuweg e mich rodaed. Gadad be mukun boech e gidii’ nga ta’abang nib mich u wan’ raed, gadad meybil nge piriy’eg e fulweg ko meybil rodad, mag liyoeraed udakaen e musik, ma ser nag e mich rodaed mornga’agen fare Tathapeg, gadad be pigpignogdad, mag thamiyed fare Kan Thothup rok Somoel. Gadama feked e sacrament, yag e pi tawa’ath ngodaed ko fare priesthood, ma yibe un nga temple. Ke yoeg Somoel ni fare gelngin Got e ma m’ug u lan fapi gam’ing.8 Nap’an bay yib e sikeng ko mich e napan ni gadad ra aw ngay—ma gadad ra paer nib fal’ rogdaed ko na’un rok Got. Gubin ngiyal’ ma bay bang ni fan ngom u roy. Dariy reb e sikeng ni rib ga’ ni dabyog ni ngad gel gaed ngay u ta’abang.9

President Thomas S. Monson ke yoeg: “E tin riyul’ ko compass ko gidii’ rodad [e bay yaen I fel’ rogon e papay]. Ngongol … kan lemnog … ni’ir tagaen’ nge kireb ba chiney … ni kan lemnog … nib fel’.”10

Bo’or e pilal’ u lane Galasia ni dariy e pumo’on fa ppin roraed napan ni kiyaed ba fal’ yangren. Demtrug nib thil e yafas roraed ko rogon ni yaed be athapeg, ma yaed be cha’ariy fare falan e dowef.11 Rayog nib sikeng ko mich roraed. Gube weliy u fithik e tay fan nge gelngin ni gube falfalen’ ko pi gachalpen ku Kristus nem.

“Ke yoeg Got ni fapi gelngiy nib thothup ko sunmeg e kemus ninge buch u thilin e pumo’on nge ppin, ni kar mabgol gow.”12 Fare Tathapeg u lane fare Bin Be’ech e M’ag e ke pi’ e n’en nib tu’uf ngak e pi gachalpen napan ni ga’ar, “Enra sap ngak’ bee’ nib ppin me dirngal nag e ke denen ni galong u lan gum’ircha’en.”13 Ke fil ngodaed ni dabdi gathibthib nag boech e gidii’, machane ngan non ni dariy e murus ni, “Man,” be non, “ma dabkum denen biyay.”14

Bay ba fagar ko tabinaew rog. Sana gimed manang bee’ ni ta’aborogon ngak, fa sana gaboed. Gubin ngiyal’ ma ba yul’yul’, ma kemus nima ayuw nib yul’yul’ u lane Galasia, yiba adag dakean, ba tu’uf ko tabinaew rok, ma napan nibe leam nag e mabgol nge bitir, ma ko go’ir. “Ku dugliy,” be non, “ni ngug tay e pagan’ rog ngak Yesus Kristus. Temple ni ngan yaen ngay ni gubin ngiyal’ e ma ayuweg neg ni ngug tiyan’ug. Ma pugran ngog ni gathi go’ gaag. Bay e mich rog … ni dariy … e tawa’ath ni ran tel … napan ni gura … paer ni gub yul’yul ko pi m’ag rog, mus ko fare falan e dowef.”15

Ku reb e fagar e yaen ko mission rok nib falel’, nike un ko ba training nib alamrin. Be athapeg e tabinaew. Sikeng ko mich rok: ba adag dakean bee’ ni kub pumo’on. Kafin ni yol ngog ni ga’ar: “Kan dugliy ngog u lane tawa’ath rog ko patriarchal ni rayog e tabinaew ngog. Demtrug ko ni ra m’ug u lane biney e yafas fa bin migid, dagnang. Machane n’en ni gu manang e dabug ni ngug rrin’ ban’en ni nge kireb nag e tawa’ath nike dugliy Got ngog nge pi gidii’ rog. … Cha’ariy fare [falan e dowef] e ba momaw’, machane gathi kad bad nga fayleng ni ngad dared u fithik e magawon man dag e tu’ufeg nge tay fan rodaed ngak Got ni fan Ngak ni ngan rrin’ e pi motochiyel Rok? Ke fal’ wa’athag ko dowef nib mangil, fare gospel, tabinaew nib mangil, nge tafagar nib yul’yul’. Fal’ an’ug ko bukun e tawa’ath rog.”15

Be togopluw e f’ayelng: “, mongfan ni gabe fith ni kaygi yo’or”? Gali gachalpen Kristus ney nge bukun e gidii’ ni ta’aborogn ngorow e kar thamiyed e tawa’ath rok fare Tathapeg: “Nggu pi’ e gapas rog ngomed:dab gu pi’ ngomed ni bod rogon nma rin’ w girdi’ nu faylng.”17

“Tafiney rog e gathi tafiney rom, ma ku gathi kanawo’ rog e kanawo’ rom. …

“Rogon feni tolang lanelang u puluwon e fayleng ngalang, e aram feni thil e tirog e kanawo’ nge leam rog ko tiromed, ma tafiney rog e tafiney rom.”17

Gali gachalpen Kristus ney nge bukun e gidii’ ni ta’aborogn ngorow e kar thamiyed e tawa’ath rok fare Tathapeg: “Nggu pi’ e gapas rog ngomed:dab gu pi’ ngomed ni bod rogon nma rin’ w girdi’ nu fayleng. Dabi magafan’med ma dabi wagagey.”18

Ku ba’aray reb e sikeng. Gubin ngiyal’ ma bay in e picha’an ni ba adag ni nge dariy fan nag e Galasia me kireb nag fare mich. Yaed ma murwel ko internet e daba’.

Boechh e ban’en ni mornga’agen e Galasia, demtrug rogon nib wagagay rogon, ma dani riyul’. U lane 1985, ma ku gu manang bee’ ni yib nga lane ofis rog u Florida. Ma bay e ba thin ko Time magazin rok nibe ga’ar “Challenging Mormonism’s Roots” [Riyul’ nib Tagan e Mormon]. Be weliy mornga’agen ba letter nikan pir’eg, ni sana ke yoloey Martin Harris, nike wagay nag rogon mornga’agen Joseph Smith nike pir’eg fapi plet ni fare Babiyor ku Mormon.19

Be fith e cha’an ni gomow ma murwel u ta’abang fa’anra biney e thin e ra kireb nag e Galasia ko Mormon. Fare buguthin e be weliy mornga’agen ba pumo’on nike digey e Galasia ni bachan fare thin. Ta’aboch riy, me chuw boech e gidii’ ko fare Galasia.20 Mich u wun’ug ni ba sikeng ko mich roraed.

In e pul nike yaen, me pir’eg be nib cheg nag (me weliy e cha’an nibe baen) ni fare letter e ban’en ni go’baen. Kugu manang ni ri gube athapeg ni picha’an nike digey e Galasia ni bachane biney e ban’en ni yaed ra sul biyay.

In e gidii’ e fith mornga’agen e mich roraed napan ni kar pir’eg ned ta’aboch riy’ e thin ni ke ngongliy toygang’ ko Galasia ni dani mangil ko machib rodaed. Bay ban’en nib ga’fan nima weliy mornga’agen fare machib ko fare Galasia. Ragag nge laal e member ko fare Bin Somm’on e Presidency nge Ulung ko fare Ragag nge L’agruw e kar filed fare machib. Dani mith u fitl’hik e yol u lan ta’areb e thin. Pi kenggin e yilen nib ga’fan nib riyul’ e bo’or e gidii’ ni kar filed ni gubin ngiyal’. Machib rodaed e dani momaw’ ni ngan pir’eg.

Pi toygang’ ko fare Galasia e yad ba yul’yul’ machane gathi ri yaed mangil. Tafneyem ko thin rok Moroni: “Dab mu gathibthib niged gag ko mo’owaer rog, ara chitamag …; ya ngam oged e magaer ngak’ Got ni ke dag ngomed e pi mo’owaer romaed, ni nge yog ni ngam gonop gaed boech romaed.”21

Ke ga’ar Joseph Smith, “Dariy biyay ni ku goeg ngomed ni ru gub fal’ ngay—machane dariy e kireb ko yi’iy22. Fare ma’ang’ang ku pa’angin Got u tin kakrom nge e tin ni bay yib ko Fare Galasia ku Yesus Kristus ni Fan ko Gidii’en Got ko Tin Tomur e Rran e ba ni ngan nang fan u fithik e tamilang ni yibe gay. Ke ga’ar President Ezra Taft Benson, “Gubin e [be’] e ba dake ma yan nga tomur nga downgin e rungrung ko mich, ma urom ma ngari cham.” Damu lemnog dani buch ngom!23

Baga’ ni, pi sikeng e ba momaw’. Bay e amith, dan nang fan, nep ni daryog ni ngan mol, nge guyul nibe garda’ ni bachane yilu’. Machane sikeng rodaed e dani tu’uf ni ngari momaw’. Dani tu’uf ni ngar n ‘anggined gadaed ni ngad palog gaed ko m’ag rodaed fa na’un rok Got.

“Mu tayew u wun’mew … ni fare war ni Tabiyul rodaed, ni’ir Kristus, ni facha’ ni Fak Got, e thingar mu ufungew e dayif romew nga dakean; ya nap’an ni fare mo’oniyan’ e nge pii’ e nifeng rok’ nib gel, arragon, nifngin e yoko’ rok’, arragon, nap’an ni gubin e n’uw ni ays nge yoko’ rok’ nib gel e nge aw ngomew, ma dariy gelingin ni nge miliymew iyaen nga but’ ko fare dodow ko gafgow ni dariy n’umngin i napan, ni bachan fare malang ni kam dumow gow nga dakean, ni’ir ba dayif nib miyuluy, nib dayif ni fa’anra toey e gidii’ e na’un nga dakean ma dabi puth nga but’.24

Boed ba nifiy nibe daramram nib almarin ni thilyeg e wasey nge mang e sayden, napan ni gadaed ra paer ni gadaed ba yul’yul’ napan fare sikeng ko mich rodaednib alamrin, ma ma buch ban’en nib mangil ma gelngdaed e ra gel.

Elder D. Todd Christofferson e weliy e n’en ni ke fil ko birok e sikeng: “Mus ni gube magawon kafram, ma gura sap nga tomur e chiney, ma gub falfalen’ ni dariy ban’en nima pithig e magawon rog. Binem nikan n’anggin neg ni ngug chel ngak Got ko ayuw ni chugur ni gubin e rran nge duw ni ku fil gelngin rogon ni ngug meybil me buch e meybil rog me fil ngog e kanawo’ ni ngeyog e mich rog ngak Got. Kugub nang e Tathapeg rog nge Chitamag nu Tharmiy nge taw nga biyang ni badke susun e dabi buch fa sana ke n’uw napan ni nge buch. … Ku fil ni ngug pagan’ ngak Somoel u lan gumircha’eg. Ku fil ni ngug un Ngak ni gubin e rran nge rran.”25

Ke weliy Peter e pi n’ey nibe buch ni “rib falel’ ko … gol.”26 Moroni e yoeg ni pow riy e be un u foen ko fare “sikeng ko mich romed.”27

Kug tabab ko e chep marunga’gen fare tabinaew ku Marriott. Fare wik nike yaen mu gomow un Kathy ngoraed u taliw ku Georgia. Ragag e duw nike thimur. Fare tabinaew nge pi tafagar e yaed be weliy e tu’ufeg nge pin’en ni ku yaed manang ni mornga’agen Georgia. Bayi bo’olungi balul nikan pag e gas ngay ni ngan falfalen’ ko yafas rok. Yilu’, me non e nina’ rok Georgia ni mornga’agen e mich nike gel nge n’en nike nang fan riy, me yoeg e papa’ u chig laman rok Georgia ngog ko fare m’ag “pow” nike yib ngak.

Ko mich, ma yib e sikeng ko mich, nima gel nag e michE gapas kan pi’ Somoel ngak fare Prophet Joseph Smith I’ir e ta’abrogon e micheg Irma fi’leg ngomedu fithik e sikeng ko mich romed ni ngam athamgil ma dam rus ya ra paer Got rom nib manemus.28 Ko biney ma gube yoeg e micheg rog u dakean fithngan Yesus Kristus, amen.

Show References

  1.  

    1. Muguy ko Shayne M. Bowen, “Because I Live, Ye Shall Live Also,” and Ann M. Dibb, “I Know It. I Live It. I Love It,” u lane mo’olung ko Sabado ko October 2012 general conference.

  2.  

    2.  John 17:3.

  3.  

    3.  1 Peter 1:7.

  4.  

    4.  Luke 22:31–32.

  5.  

    5.  1 Peter 4:12; tin nib ga’fan nikan uneg ngay.

  6.  

    6.  Alma 1:25.

  7.  

    7.  Efesus 2:19.

  8.  

    8. Muguy ko Doctrine and Covenants 84:20.

  9.  

    9. Muguy ko Mosiah 18:8–10.

  10.  

    10. Thomas S. Monson, (“Stand in Holy Places,” Liahonange Ensign,Nov. 2011, 82).

  11.  

    11. Mu guy ko Ezra Taft Benson, “The Law of Chastity,” New Era, Jan. 1988, 4–7; “The Law of Chastity” inBrigham Young University 1987–88 Speeches (1988), 1–5, speeches.byu.edu; ngam guy Gospel Principles (2009), 224–32.

  12.  

    12.12. “The Family: A Proclamation to the World,” Liahonange Ensign, Nov. 2010, 129.

  13.  

    13.  Matthew 5:28.

  14.  

    14.  John 8:11.

  15.  

    15. Personal correspondence, 2012.

  16.  

    16. Personal correspondence, 2012.

  17.  

    17.  Isaiah 55:8–9.

  18.  

    18.  John 14:27.

  19.  

    19. Muguy ko Richard N. Ostling, “Challenging Mormonism’s Roots,” Time,May 20, 1985, 44.

  20.  

    20. Muguy ko Gordon B. Hinckley, “Lord, Increase Our Faith,” Ensign, Nov. 1987, 52.

  21.  

    21.  Mormon 9:31.

  22.  

    22.  Teachings of Presidents of the Church: Joseph Smith (2007), 522.

  23.  

    23. Ezra Taft Benson, “The Book of Mormon Is the Word of God,” Tambuli,May 1988, 6; Ensign,May 1975, 65.

  24.  

    24.  Helaman 5:12.

  25.  

    25. D. Todd Christofferson, “Give Us This Day Our Daily Bread” (Church Educational System fireside, Jan. 9, 2011), lds.org/broadcasts.

  26.  

    26.  1 Peter 1:7; kumguy ko 1 Peter 4:13.

  27.  

    27.  Ether 12:6.

  28.  

    28. Muguy ko D&C 122:9; ke ga’ar President George Q. Cannon: “Demtrug gelngin rogon nib momaw’ fare sikeng, rogon nib magawon, rogon e gafgow, [Got] e ri dabi digey daed. Dariy biyay nike rrin’, ma ri dabi rrin’. Dabyog ni nge rrin’. Gathi aram rogon. Bee’ ni darma thil; ta’abrogon ko fowap, ta’aborogon e daba’, ma ra paer ni aram rogon nib ta’aborogon nib manechubog. Kad nanged ni Got e darma thil. Kad tayed ni fagar rodaed, ni gadaed be fol ko Gospel Rok; ma ra ayuweg daed. Gadaed ra yaen u fithik e nifiy nibe daramram nib alamrin; gadaed ra yaen u fithik e raen nib tom’aer; machane dabdi magawon gaed fa di aw gaed nga but’. Gadaed ra far u fithik gubin e pi sikeng ney nge pin’ey nib momaw’ napan ni ra mangil e gidii’ ma be moem fapi sikeng ngoraed, fa’anra kemus ni gadaed be pagan’ ngak Got ma gadaed be cha’ariy e pi motochiyel Rok” (“Freedom of the Saints,” in Brian  H. Stuy, comp., Collected Discourses Delivered by President Wilford Woodruff, His Two Counselors, the Twelve Apostles, and Others, 5 vols. [1987–92], 2:185); see also Jeffrey  R. Holland, “Come unto Me,” Ensign, Apr. 1998, 16–23.