Piyac Fahsuc Sac?

Ke loaliyen elyah lal ke Yen in Kaclpous Liberty ac, Mwet Pahluh Joseph Smith el siyuck sin God lac El oasr oyac ac piyac yen in wihkwihk lal uh?”¹ Puhs sesr, ke pacl in elyah lasr uh, puhla lah God el loessuhlah nuh yohrohsr. Fahsuc ma luhman kosraclah kahsruh muhtahl uh tiac kosraclah God tuhsruhktuh kuhtuh pacl uh e kosrwe kuhtlac. God el tiac wi wihkwihk uh, tuh kuhtuh pacl uh kuht wihklac, kohsrkohsrlah ke sie lwac lohm in moklweyuck ma moklwe kuhtlac liki God ac oruh Elan atacn loessuhlah ac tiac kuh in kahsruh. Kena lasr sifacna, liki na puhla ke “Enenuh lom fah oreklac,”² orwaclah puhla luhn fahsuc in kohsraclah God. God el kuh in liye kuht ac sramsram nuh sesr in pacl nuh kwewa, tuhsruhk kuht kuh in tiac insese in lohng sang ke luhngse Lal ac pacl Lal uh.

Puhla lasr ke fahsrwelihk liki God uh fah srihkweni ke kuht ac ohiyen tuhlihk kuhtuh nuh Sel uh. Tiac fihsracsr ke facluh se ma nuhnak luhn mwet sahyac uh kuh in akihlenyac ke oruh lasr uh. Tuhsruhk e kahsrwe kuht akihlen ma pwacye se inge: God el fototo nuh yohrohsr ac etwe kuht ac tiac wi wihklac liki tuhlihk luhlahlfongi kuh Nahtuhl uh.

Tuhlihk muhtwacn matwac yac tolu se nuhtin tuhlihk muhtwacn se nuhtihk ac ahkkahlwemye kuh luhn nwacsnwacs ac puhsisacl in kapsrwe kuhti nuh sin God. El wi sucu lal ah nuh ke liyeyacn Tempuhl Brigham City fin acn Utah. Lun sie rum ke lohm luhlahp kahto sac, el ngwetngwet liye ac siyuck, “Ninac, layac Jisus?” Ninac kiyacl ah fahk lah el ac tiac kuh in liyacl Jisus lun tempuhl, tuhsruhk el ac kuh in puhla ohiyacl lun insiyacl. Eliza el nuhnkuh ahkwoyac top se luhn ninac kiyacl ah na luhman falkihn ac fahk, “Oh, Jisus el som kahsruh sie mwet,” El sulaclah.

Wacngihn fahsuc lusrohnglah etuh lal Eliza ah kuh kohsrahlah liye se lal ke ma pwacye uh. God el fototo nuh yohrohl, ac el puhla fototo nuh Yohrohl. El etuh lah tempuhl pa lohm sin Leum tuhsruhk oacyacpac etuh lah Jisus Kraist moulyak ac wolacna se oasr mahno ac el kuh in muhta ke acn sefanna ke pacl se.³ El fin wacngihn ke lohm Sel uh, el akihlen lah El enenuh in oasr ke sie acn sahyac. Ac ke ma el etuh ke Mwet Lahngo, el etuh lah El enenuh in som nuh yen orekma wo nuh sin tuhlihk nuhtin Pahpah Tuhmwacl. Kahlwem lah el finsrak in liye Jisus in tiac ahkkweye usrnguck Lal tuhsruhk ke srihpen el luhngse El.

Nguhn uh kuh in ahkkahlwemye nuh sin nuhnak ac insiyen ohiyen tuhlihk lal ahkwoye ma kuht nuh kwewa enenuh ac luhngse. Jisus Kraist el moul, etwe kuht, liye kuhtyang, ac elyah sesr. Ke pacl in ngal uh, muhkahimtacl, kuh fohsack, kuht tiac enenuh in liye Jisus Kraist in etuh lah El etuh ohiyac sikyak nuh sesr uh ac lah misin Lal uh pa in ahkinsewowoye.

Nga etuh ke moul luhk sifacna lah puhlakihn lal Eliza kuh in lasr sifacna pacl loeloes tukun kuht tuhlihk. Ke muhtwacwacack luhn orekma luhk uh, nga orekma upac in eis sie akwucki luhn mwet luti ke Stanford University. Nga pahngon nga orwaclah moul na wowo se nuh sihk sifacna ac nuh sin sucu luhk uh. Kuht muhta fototo nuh yurin pahpah ninac kiyacn muhtwacn kiyuck uh ke sie walihl wowo. Ke oruh luhn facluh uh, nga orwaclah wo. Tuhsruhk Alu uh use nuh sihk pacl wo se in som liki acn Califonia ac som nuh Ricks College fin acn Rexburg, Idaho. Akiyac ke orekma luhk uh kuh in oruh fahsuc se ma sreyuclac liki Pahpah pahkotwen se ma etuh wo liki yuc ohiyen pacl fahsruh luhk uh. Tuhsruhk nga ahkinsewowoyeyuck in etuh lah kuhtwena orwaclah wo luhk ke orekma luhk uh ac moul luhn sucu luhk uh ne ke pacl sacn pa mwe sang se sin God. Ac oruh in oacna sie tuhlihk, nga sikuck muhtuhnte pruhe in siyuck ma nga enenuh in oruh uh. Nga kuh in lohng sie puhsra ke nuhnak luhk ma fahk, “Lutlut se luhk ah.”Wacngihn fahsuc kosrweyuclah liki God. Ke luhlahlfongi ac puhsisacl, nga sang uli luhk nuh ke uli Lal ac puhla karihngihn ac fototo me Lal.

Yac nga orekma Ricks College ah, suc ke pacl sac nga srihke ngan suk kena luhn God ac oruh ah, oruh fahsuc sac in tiac sunyucwi kuh kohsraclah kunohkohn nga oruh luhn God ke moul luhk uh. Ke nga suk in oruh orekma Lal uh, nga puhla fototo luhk nuh Yohrohl ac luhlahlfongi lah El etuh ke ohiyac luhk ac elyah yohk ke mwe engan luhk uh. Tuhsruhk ke ma oasr Stanford ah, orekma wowo utuckuh nuh sihk we. Sie pa orekma na wowo se ma utuckuh nuh sihk ke nga tuhfahna ahksahfyelah yac ahklimekohsr in oruh prestuhn luhn Rick’s College. Nga nuhnkuh orekma sac ac pruhe kac ac sramsramkihn pac nuh sin Prestuhnsi Se Met. Elos topuk wo ac luhman tahfuhn kahskihn tuhsruhk tiac ke kuhtwena kahsruh. Prestuhn Spencer W.Kimball el lihpsreyuc ke nga ahkuhtweyac orekma se ituck nuh sihk ke sie u in orekma na luhlahp ac fahk, “Kacl, Henry, puhsra na wowo se pa ngwacn! Ac kuht fin ac enenwekom, kuht ac etuh lah kuht ac suk komyak oyac.” Elos ac kuh in sukyucyak, tuhsruhk kena luhk nuh ke orwaclah wo luhn orekma luhk uh kuh in orwaclah sie fahsuc ma e oruh in upac nuh sihk in sokwack God ac upaci nuh sihk in lihpsre kac ac ukwe mwe suli Lal.

Muhtwacn kiyuck ac puhla ohiyac se inge, puhla na pwacye lah kuht in tiac mukwi liki Ricks College. Nga fahk, “nga falkihn.” Tuhsruhk el kwacfe, ke suhmahtiyac, tuh ngan eis fwackyuck luhk sifacna. Ac oruh nga sifil pa pruhe. Pacl se inge nga eis srihsrsrihsr, ke sie atacn puhsra ke nuhnak luhk ma fahk, “Ngwac oruh kom in muhta Ricks College in paht kuhtuh.” Siklac wo luhk uh luhkuhnna ahkfohsyeack liye luhk ke ma pwacye ac ahkupacyelah in eis fwackyuck.

Lwen tolngoul tukun nga ahkinsewowoyeyuck ke sulaclah moklweyuck in fohlohkihn orekma se ma utuckuh nuh sihk ac muhta Ricks College ah, Dam Luhlahp sac muhsahllah apkuhran nuh we. God el etuh lah dam sac e muhsahllah ac lah mwet puhkantwen ah e enenuh kahsruh. El lwelah ngan suk kahs in kahsruh ac eis luhngse Lal in muhta Ricks College. El etuh nohfohn srihpac luhk lah kuhlwacnsap luhk uh kuh in srackna yohk srihpac nuh ke college ac nuh Rexburg. Oruh nga oasr we in sikalweni in siyuck sel Pahpah Lucng ke pruhe lah El ac use ngan oruh ma e kuh in kahsruh mwet suc ma lohm se ac ma lalos ac moul lalos muhsahllah. Nga orekma wi mwet sahyac ke ao puhs in eislah fohk fuhrahrrahr ac kof liki lun lohm selos. Kena luhk in etuh ac oruh luhngse Lal uh use nuh sihk pacl wowo in nuhnkuh ke moul luhk sifacna.

Oruh sac ahkkuhtweyac sie ohiyac sahyac kuht kuh in orwaclah sie mwe kohsrkohsr in etuh ke luhnge luhn God kuh puhla luhngse Lal nuh sesr: kuht tiac kuh in ukweyacn oruh lasr uh ke oasr luhn Leum sifacna uh. Nga pahngon muh nga sislah fal pacl luhk ke kuhlwacnsap Rexburg ac elyahlac som liki. Kuhtuh pacl uh lusronglah lasr in sifacna muhkwi fal nuh ke pacl lasr kuh in tulohkihnyac luhngse Lal nuh sesr uh.

Lun Kaclpous Liberty, ac Mwet Pahluh Joseph el siyuck sin Leum in kalyei mwet suc ahkosye mempucr ke Alu uh fin acn Missouri. Pruhe lal ah pwacye ac fohlohk sahk. Tuhsruhk Leum el topuk lah ke pacl fototome. ⁴ El ac kalyei mwe lokoalok luhn Alu uh. Ke fuhs 24 ac 25 ke ip ahk 121 ke Doctrine and Covenants, El fahk:

El fahk lah El liye ac etuh orekma nuh kwewa lalos, ac El ahkolah nuhnuhnkuh na sa ke pacl uh fal nuh selos nuh kwewa uh.

Oasr pacl oreklac nuh sin mwet nuh kwewa in fah nuhnuhnkweyuck, fal nuh ke orekma luhn kais sie.⁵

Kuht eslah fahsuc se ke kuht puhla ac pruhe uh, “Luhngse Lom fah oreklac” ac “ke pacl Lom sifacna.” Pacl Lal e fah sa nuh sesr ke kuht etuh lah El luhngse muhkwena ma wo uh.

Sie sin tuhlihk muhtwacn kiyacn nuhtihk sislah yac pucspucs puhla lah God el fihli fahsuc se facl. El ninac fuhsr se nahtuh tuhlihk tolu suc ke nahtuh tuhlihk puhs liki. Tukun muhsahllah luhn pihtuctuc luo lal ah, pruhe in nguhsr lal kweoki. Ke yac puhs el tiac kuh in orek tuhlihk ac, el puhla srihfeyuck lal in kasrkasrak. Ke tuhlihk srihsrihk se nahtuhl ah welah lutlut ac, pihsaclah luhn lohm sel ah oruh el koluk ikoacl ke sulaclah lal in lohacng in oruh sie ninac—el sruhngwaclah pac tilac plwacni lacn pihtuctuc. El puhla oacna Mary, suc fahk, “Nga mwet kuhlwacnsap luhn Leum God.”⁶ Tuhsruhk el ne fahk ke kahs inge ke insiyacl, el tiac kuh in lihpsre kuhtwena ma tohpohkohl.

Finsrak in ahkpwacyaclwack, mukul tuhmwacl ah solwacl lacn weluhl ke sie forfor lal ke ip luhn orekma ah nuh California. Ke mukul tuhmwacl ah wi miting ac, el fahsr siskacn lihk kahto, pihsaclah se. Insiyacl ahkolah in fokwelihk, el pruhe in yohk. Ke pacl se emet, el tiac siyuck ke sie tuhlihk tuhsruhk nuh ke sie srihpac muhtahl. “Pahpah Lucng,” el tuhng, “ngwac usot pacl luhk nuh kwewa; nuhnak muhnahs ahkkahlwemye lah ngac nwacklah fuhkah.” El ahkkahlwemye insese lal in us sucu lal ah nuh ke yen nuh kwewa elos enenuh in som nuh we. Pruhe soko ah orwaclah puhla mihs tiac motkweyuck se. Tiac ahkwoyelah kena luhn nuhnak lal nuh ke oasr, tuhsruhk ke pacl se emet ke yac puhs, ohiyac se ahkmihsye insiyacl.

Pruhe uh eslah fahsuc uh ac ikacslah winto inkuhsrao. Ke wik luo tohkoh el etweack lah el pihtuctuc. Ahwowo sasuc sac tuhfahna yac se lac ke pahng in misin se tuhkuh nuh yurin tuhlihk mukul se nuhtihk ac muhtwacn kiyacl. El olwelah in som ac oruh ma nuh kwewa, yen nuh kwewa, el fihliyac sahngweng lal ac us tuhlihk nahtuhl som nuh sahyac. Ke misin lalos el sulpac isuslac—ke lwen in mukwi luhn misin.

Sang nohfohn nuh ke luhngse luhn inkuhsrao, oa nina fuhsr se inge oruh ah, pa yohk srihpac in eslah fahsuc nguhnnguhn uh ma kuhtuh pacl uh kuht sang afihnyac sifacsr uh. Tuhsruhk tiac kuh in olwelah top sa nuh ke pruhe lasr uh.

Insiyacl Abraham luhman suwohswohs met liki na Sarah el pihtuctuc kacl Isaac ah ac met liki elos eis acn uliyuck nuh selos ah. Oasr srihpac sahyac luhn inkuhsrao in ahkfalye met. Srihpac ingacn weacng in tiac muhsahi muhkwena luhlahlfongi lal Abraham ac Sarah tuhsruhk lotwelos pac ma pwacye ma pahtpaht ma elos akacsruhi nuh sin mwet sahyac ke inkacnek kuhruhruh loeloes lalos nuh ke acn ahkoeyucklac nuh selos. Fosyackuhnlah luhn Leum uh kwacna paht; kuhtuh pacl na loeloes. Tuhsruhk foslac uh kotaiyucki pacl nuh kwewa in ahkinsewowoyeyuck. Foslac uh tiac enenuh in pacl in muhkahintacl ac ahsor se kuh tiac muhtweng.

Tuhsruhktuh pacl Lal uh tiac pacl nuh kwewa pacl lasr, kuht kuh in etuh na pwacye lah Leum el karihngihn olwelah Lal. Nuh suwos suc inge puhla upac in sramsram nuh Sel, nga fahkwack lah lwen sac e tuhkuh ma kuht nuh kwewa e kais sie angwetwacni nuh Sel. Oacna ke wacngihn ma ingena in lusrong liye Lal nuh sesr uh, e fah wacngihn ma e lusrong liye lasr nuh Sel uh. Kuht nuh kwewa ac fah tulac ye muhtahl. Oacna tuhlihk muhtwacn se nuhtin nuhtihk ac, kuht ke liyacl Jisus Kraist ingena, tuhsruhk tuhkweni pwacye lasr nuh Sel ke lwen in nuhnuhnkuh fah pwacr liki na kuht fin oruh met ma ma e oruh Elan etwe kuht oacna ke etwacl uh. Ke kuht kuhlwacnsap nuh Sel uh, kuht oruh oacna El, ac kuht puhla fototo lasr nuh Sel ke kuht apkuhran nuh ke lwen sac ke wacngihn ma e okanlah liye lasr uh.

Mukwikwi nuh yurin God se inge kuh in tiac tui, “Fahsruh, kowos suc ahkinsewowoyeyuck sin Pahpah tuhmuhk, Fahsruh ac usrui tohkohsrahi se suh nuhnuh ahkoeyucklac oe ke muhtwacweyen oreklac facluh,”⁷ Mwet Lahngo el luti. Na el fahk nuh sesr ohiyac uh:

“Mweyen Nga tuh masrinsracl ac kowos kihteyuc mongo: Nga maluh ac kowos se ma nimuck: Nga sie mwet sac ac kowos suliyuc nuh in lohm suwos:

“Wacngihn nuknuk luhk ac kowos use nuknuk luhk: Nga mas ac kowos kahsrweyuc: Nga muhta in presin ac kowos liyeyucme.

“Na mwet suwohswohs elos fah fahk nuh sel, Leum, ngac kuht liye kom masrinsracl ac kuht sot manom, kuh maluh ac kuht sot ma nimom?

“Ngac kuht liye kom sie mwet sac ac kuht sulikomyak nuh in lohm sesr? “Kuh wacngihn nuknuk lom ac kuht sot nuknuk lom?

“Kuh ngac kuht liye kom mas, kuh muhta in presin ac kuht tuhkuh nuh yurum?

“Na Tohkohsrah el ac fahk, ‘Pwacyena Nga fahk nuh suwos ke kowos oruh ma inge nuh sin sie suc srihk liki nuh kwewa sin mwet lik, kowos oruh nuh sihk.”⁸

Ke kuht oruh ma el ac use kuht in oruh nuh sin tuhlihk nuhtin Pahpah Tuhmwacl uh, Leum el nuhnkuh kac muh ma kuhlwacng se nuh Sel, ac kuht ac puhla fototo lasr nuh Sel ke kuht puhla luhngse Lal ac ahkkweyaclah Lal. Ke kuht oruh uh kuht ac oruh oacna El ac fah nuhnkuh ke Lwen in Nuhnuhnkuh sac ke tapnweyacn engan.

Fahsuc se ma luhman ukunkowos lac liki God uh kuh in pa sahngweng sin mwet uh liki na kena se in kuhlwacnsap uh mwet sahyac. Oruh sefanna luhn Mwet Lahngo pa in kuhlwacnsapuh mwet uh. Puhs suwos oacna nga oruh ah, puhla sahngweng in apkuhranyang nuh sin mwet se ma kowos ahktoasrye kuh suc kowos ahkngalye. Ac inge nga liye ke Leum el ahkfihsracsrye insiyac uh ke fihlfihl in pacl, weacng oruh luhk sifacna. Na oruh nga ke kowos in srihke som kuhnlah Leum nuh yurin sie mwet, macnsiskuhnlah sahngweng ma oasr yurum an, in tahfwelah luhngse ac nuhnak muhnahs. Nga olweoht nuh suwos lah ke kowos ac oruh uh, kowos ac puhla luhngse luhn Mwet Lahngo sin mwet sac tuhkuh nuh yuruwos ac luhngse Lal nuh suwos, ac e tiac atacn tuhkuh ke acn loeloes. Nuh suwos, srihke sacn kuh in orek ke sie sucu, e kuh in orek ke sie mura, kuh e kuh in orek ke muhtuhnfacl nuh kwewa.

Tuhsruhk kowos fin som ke Leum in ahkinsewowoye mwet sahyac, El ac etuh ac opiiyac. Kowos fin kwacna oruh ac paht kuhtuh ma inge, kowos ac puhla eklac ke ohiyowos ke Iwaclah luhn Jisus Kraist. Kowos ac tiac puhla fototoyang nuh yohrohl muhkwena, kowos ac kwacna puhla lah kowos oruh oacna El. Na, ke kowos ac liyaclwack uh, suc kuht nuh kwewa fah liyaclwack, e fah ma nuh suwos oa nuh sel Moroni ke el fahk: Ke el wihlkacs nuh sin mwet nuh kwewa ac fahk lah e tiac paht el ac som in monglac ke pacruhtais luhn God, ne ke nguhnal ac mahnol fah sifil ohsun, ac el ac fah utuckuh nuh lucng yen engyeng uh, in sonohlos ke yen engan luhn Jehovah fuhlwactlacna, Mwet Nuhnuhnkuh Ma Pahtpaht ke kwewana mwet moul ac misac.⁹

Kuht fin kuhlwacnsap ke luhlahlfongi, puhsisacl, ac kena in oruh luhngse luhn God, nga fahkwack lah yen in nuhnuhnkuh luhn Jehovah fuhlwactlacna fah enganwack. Kuht ac liye Pahpah pahkotwen ac Wen Nahtuhl oa ke Elos liye kuht inge na—ke luhngse pwacye wo ac ke luhngse wowo. Ke inen Jisus Kraist, amen.