2010–2019
Ewi Im̧ōn Kōppād Eo?
Oktoba 2012


Ewi Im̧ōn Kōppād Eo?

Im̧ōn kōppād eo āinwōt ebōk jipan̄ eo ekwojarjar me ejjab kwaļo̧k Anij ak ekkā an kwaļo̧k kōj. Anij ej jamin naaj tilekek, ak jet iien jej.

Ilo metak ko an ilo Liberty Jail, rikanaan Joseph Smith eaar kajjitōk ippān Irooj ewi E im ia eo Ej pād ie1 Elōn̄ iaad, ilo iien metak ko ad make, jej en̄jake bwe Anij ej ettoļo̧k jān kōj. Ak im̧ōn kōppād eo ejjab pinej kwojarjar eo an Anij; ijoke ekkā an pinej kōj. Anij ej jamin kitilek, ak jet iien jej, pinej im̧ōn kōppād eo kōn menin bun̄bun̄ ko me rej kōttoļo̧k kōj jān Anij im kōm̧m̧an bwe En ettoļo̧k im jab kile. Kōņaan eo ad make, ijjelo̧kin juon en̄jake an “en kiil Am̧”2 ejake en̄jake eo kōn im̧ōn kōppād eo ej pinej Anij. Anij ej aolep iien maron̄ in lo kōj im kōnono ippād, ak jemaron̄ in jab kōņaan in ron̄jake ak leļo̧k n̄an An kilaan im iien.

En̄jake ko kōn ad jepel jān Anij renaaj dikļo̧k ilo ad erom āinwōt ajri im̧aan Mejān. Menin ejjab pidodo ilo juon laļ ijo ļōmņak ko an armej ro jet remaron̄ in jelet eddōkļo̧k ko ad. Ak enaaj jipan̄ kōj kile m̧ool eo: Anij ej epaake kōj im jeļā kōj im jamin kitileek E jān ajri ro Nejin

Leddik eo jibū jilu an iiō, eaar kōmeļeļeik kajoor eo an ewānōk im ettā n̄an kepaake kōj n̄an Anij. Eaar etal ippān baam̧le eo an n̄an alooje kōppeļļo̧k eo an Brigham City Temple eo ilo Utah. Ilo juon iaan ruum̧ ko ilo tampeļ eo, leddik in eaar reito reitak im ba, “M̧am̧a ewi Jisōs?” Jinen eaar kōmeļeļeik leddik eo ke eban lo Jisōs ilo tampeļ eo, ak emaron̄ en̄jake im̧we eo An ilo būruwōn. Eliza eaar lukkuun ļōmņak kōn ta eo jinen eaar ba innām eaar errā. “Jisōs enaaj jipan̄ ro jet,” leddik in eaar ba.

Im̧ōn kōppād eo eaar jab pinej an Eliza meļeļe ak pinej m̧ool eo. Anij ej epaake e, im ej en̄jake an epaake E. Leddik in eaar jeļā bwe tampeļ eo ej m̧weo im̧ōn Irooj ak barāinwōt meļeļe bwe jerkakpeje im aiboojoj Jisōs Kraist ewōr juon ānbwinnin im emaron̄ in wōt pād ilo juon wōt iien3 Eļan̄n̄e Eban pād ilo m̧weo Im̧ōn, leddik in eaar jeļā bwe Emaron̄ in bar pād ilo juon jikin. Jān ta eo leddik in eaar jeļā kōn Rilo̧mo̧o̧r eo, leddik in eaar jeļā bwe E emaron̄ kōm̧m̧an jabdewōt jikin n̄an ajri ro nejin Jemen. Eaar alikar bwe leddik in ewōr an kōjatdikdik n̄an lo Jisōs, ejjab n̄an juon kabwilōn̄lōn̄ eo epen kōn jerbal eo An ak kōnke ej iakwe E.

Jetōb eo emaron̄ kwaļo̧k n̄an e ļōmņak in ajri im būruwōn kaenōm̧m̧an n̄an kōj aolep jen aikuj im kōņaan ko ad. Jisōs Kraist emour, ejeļā kōj, ej mije kōj, im kea kōn kōj. Ilo iien metak ko, ajimakeke, ak pok, jejjab aikuj in loe Jisōs bwe en jeļā bwe E ejeļā kōn jekjek ko ad im bwe mijen eo An ej n̄an kōjeram̧m̧an kōj.

Ijeļā jān mour eo aō make bwe en̄jake eo an Eliza emaron̄ in ad, ilo tōre eo jej etal jen mour in ajri. Ilo iiō in jerbal ko aō, eaar ļap aō jerbal n̄an bōk juon jo̧rtoklik ilo Standford University. Iaar ļōmņak iaar kōm̧m̧ane juon mour em̧m̧an n̄an eō make im n̄an baam̧le eo aō. Kōm̧ eaar jokwe epaake ro jinen im jemen kōrā eo ippa ilo aolep jekjek in inem̧m̧an. Kōn jon̄ak ko an laļ in, Iaar bōk juon tōprak eļap. Ak kar letok n̄an eō bwe in em̧akūt jen California im etal n̄an Rick College ilo Rexburg, Idaho. Kōttōpar ko aō ilo mour remaron̄ kar juon im̧ōn kōppād eo ej kōjepeļ eō jān juon Jema eo eiakwe eo ejeļā ļo̧k jen eō kōn ta ilju eo aō. Ak iaar jeram̧m̧an n̄an jeļā bwe jabdewōt tōprak ewōr ippa ilo jerbal eo aō im mour in baam̧le ej juon menin letok jān Anij. Im bwe, āinwōt juon ajri, Iaar būkwelōlō ilo jar n̄an kajjitōk ta eo ij aikuj kōm̧m̧ane. Iaar maron̄ in ron̄ juon aenikien ilo kōļmenļo̧kjeņ eo aō me eaar ba, “ej Aō jikuul in.” Eaar ejjeļo̧k im̧ōn kōppād kōtōrak eō jān Anij. Ilo tōmak im ettā, Iaar ajeļo̧k ankilaō n̄an E, im Iaar en̄jake An kōjparok im An epaake.

Iiō ko aō ilo Ricks College, tōre eo Iaar kajieon̄ in pukōt ankilaan Anij im kōm̧m̧ane, dāpij im̧ōn kōppād eo jān pinej eō ak jaje jerbal eo an Anij ilo mour eo aō. Ke iaar pukōt n̄an kōm̧m̧ane jerbal eo An, Iaar epaake ļo̧k E im en̄jake an kallim̧ur bwe E jeļā jekjek in mour eo aō im lukkuun kea kōn m̧ōņōņō eo aō. Ak ke rej pād ilo Standford, wujwan ko an mour in raar make waļo̧k. Kar kōpeļļo̧k juon jerbal, kaitokļo̧k ilo tōre eo Ij kadedeļo̧k laļem iiō āinwōt juon būreejtōn an Ricks College. Iaar ļōmņak kake im jar kake im em̧ool kōnono kake ippān Būreejtōnji eo Kein Kajuon. Raar uwaak kōn m̧ōņōņō im jidik kōjak ak ejjab lukkuun kōn kōņaan eļap. Būreejtōn Spencer  W. Kimball eaar ron̄jake ilo aō kōmeļeļe ki kajjitōk eo Iaar bōke jān juon doulul eļap im eaar ba; “Ekwe,Henry, āinwōt juon men eaiboojoj Im eļan̄n̄e kōm̧ij aikuji eok, kōm̧ jeļā ia eo n̄an pukōt eok.” Renaaj jeļā ia eo n̄an pukōt eō, ak ikdelel ko aō kōn tōprak ilo jerbal eo emaron̄ kar kōm̧m̧ane juon im̧ōn kōppād me emaron̄ kōm̧m̧an bwe en pen n̄an aō pukōt Anij im kapen būruwō n̄an ron̄jake kūr ko An.

Kōrā eo ippa, ejeļā menin, wōr juon en̄jake eļap ke kōm̧ij jab tin etal jān Rick College. Iaar ba, “Menin ebwe im em̧m̧an n̄an eō.” Ak eaar kōņaan, ilo jeļā, bwe Ij aikuj pukōt revelesōn eo aō make. Kōn menin Iaar bar jar. Ilo iien in iaar bōk juon tōl ealikar, ilo nememeen in juon aenikien ilo kōļmenļo̧kjeņ eo aō me eaar ba, “Ij kōm̧m̧an bwe en to̧ ļo̧k am pād ilo Rick College.” Kōņaan eo aō make emaron̄ kar po̧k kōn lo̧ļo̧kjeņ eo aō em̧ool im kōm̧m̧an bwe en pen n̄an eō n̄an bōk revelesōn.

Ālkin jiln̄uul raan ko iaar jeram̧m̧an kōn im̧we in kālet eo n̄an jab bōk jerbal eo raar kōpeļļo̧k e im pād wōt ilo Ricks College, depdep eo eaar jorrāān. Anij eaar jeļā bwe depdep eo enaaj jorrāān im bwe jibukwi in armej ro renaaj aikuj jipan̄. Eaar kōm̧m̧an bwe in pukōt kapilōk im bōk mālim eo An n̄an pād wōt ilo Ricks College. E wōt ejeļā un ko aolep bwe jerbal eo aō en maron̄ pād wōt āinwōt men eaorōk ilo college im ilo Rexburg. Iaar pād ijeņ n̄an kajjitōkin Jemedwōj Ilan̄ ilo jar emakijkij ta eo Ekōņaan bwe in kōm̧m̧ane n̄an ro me raar bōlen jorrāān. Iaar jolo̧k elōn̄ awa ko jerbal ippān ro jet n̄an joļo̧k pedkat im dān ko jān m̧ōko. Ikdelel eo aō n̄an jeļā im kōm̧anm̧an An kilaan eaar ļap ilo mour eo aō im letok n̄an eō n̄an pukot iien ko rem̧m̧an.

Kōmeļeļe in ej bar juon wāween jemaron̄ ejake juon oror n̄an jeļā ankilaan Anij ak en̄jake iakwe eo An n̄an kōj: jej jab maron̄ karōk adpepe n̄e Irooj ewōr an make. Iaar lōm̧ņak Iaar jolo̧k ebwe iien ilo ijjitōn̄ eo aō ilo Rexburg im kar ekairir n̄an etal. Jet iien iien ko ad rej pinej ad lo An kilaan n̄an kōj.

Ilo Liberty Jail, Rikanaan Joseph eaar kajjitōk ippān Irooj n̄an kaje ro rej kōjdāt membōr ro ilo Kabun̄ eo ilo Missouri. Jar eo an eaar n̄an lale im jolo̧k jum̧ae. Ak Irooj eaar uwaak iiō tok ālik4 Enaaj jerbal ippān rikōjdat ro an Kabun̄ in. Ilo eoon 24 in section 121st, Eaar ba:

Bwe E ar lo im jeļā jerbal ko aer aolep, im eaar wōr iien ekajet kar kepooj n̄e iien ekkar n̄an er aolep;

Ewōr juon iien kar karōke n̄an kajjojo armej n̄an ekajet, ekkar n̄an jerbal ko an (kajjojo armej)5.

Jej kōm̧akūt im̧ōn kōppād n̄e jej en̄jake im jar, “Ren kōm̧anm̧an ankiļ Am̧” im “ilo Karōk eo Am̧ make.” An iien ej aikuj in bwe n̄an kōj, ke jaar jeļā bwe E kōņaan wōt ta eo em̧m̧an tata.

Juon iaan leddik ro ippān ļōmaro nejū eaar jolo̧k elōn̄ iiō ko en̄jake bwe Anij eaar likūt juon im̧ōn kōppād ioon. Liin ej juon m̧am̧a eo edik kōn jilu ajri ro eto an kōņaan. Ālkin ruo iien bōroro̧ ko an eaar jar im akweļap kōn metak. Ilo an iiō ko eļļāļo̧k, liin eaar en̄jake illu. Ke eo nejin ej etal n̄an jikuul, lowan m̧weo im̧ōn eaar jab en̄jake aenōm̧m̧an kōn kālet eo an n̄an pedped wōt ioon juon m̧am̧a kōn menin eaar jab kōppopo im ilo m̧ool kar jab itolimo kōn bōroro̧. Eaar en̄jake āinwōt wujļepļo̧k im kwojarjar āinwōt Mary, eo eaar ba, “Lo n̄a ri karijeran Irooj.”6 Ak liin eaar kōnono kōn naan kein ilo būruwōn, liin eaar jab ron̄ jabdewōt uwaak.

Kōtmāne n̄an lōn̄aj jetōb ko an, ļeo ippān eaar bōk e ippān ļo̧k ilo juon paijinej n̄an California. Ke ļeo ej pād ilo kweilo̧k ko, liin eaar etetal ilo juon piij, eaiboojoj. Eaar jino rup būruwōn, liin eaar jar elaaj. Ilo jinoin, liin eaar jab kajjitōk kōn bar juon ajri ak juon wun ekwojarjar. Liin eaar ba, “Jemedwōj Ilan̄,” “Inaaj lewaj aolep aō iien; jouj im kwaļo̧k n̄an eō ewi wāween aō kanne.” Liin eaar kwaļo̧k an kōņaan n̄an bōk baam̧le eo an jabdewōt ijo renaaj ilo̧k ie ļo̧k. Jar eo eaar kwaļo̧k juon en̄jake in aenōm̧m̧an. Eaar jab kalikar ilo ļōmņak ko rekidelel kōn jet un, ak ilo jinoin ilo iiō ko, kar kaenōm̧m̧an būruwōn.

Jar eo eaar kōm̧akūt im̧ōn kōppād eo im kōpeļļo̧k wintō ko an lan̄. Ilowan ruo wiik ko liin eaar jeļā bwe ewōr juon ajri. Nin̄nin̄ eo edik eaar juon iiō rūtton ke juon kūr in mijen ej itok n̄an ļaddik eo nejū im kōrā eo ippān. Kar kallim̧ur n̄an kōm̧m̧an jabdewōt im n̄an etal jabdewōt jikin, liin ar likūt mijak itūrājet im bōk ajri ro nejin ipeļakin laļ in. Ilo mijen eo liin eaar bar wōt juon nejin ajri― ilo raan eo mijenede rej em̧akūt jen jikier.

Wūjļepļo̧k eļap n̄an ankilaan lan̄ ko, ilo an m̧am̧a in edik kar kōm̧m̧ane, ej aorōk n̄an kōm̧akūt im̧ōn kōppād ko an jetōb jet iien jej likūt iood. Ak ejjab kajju uwaak ko n̄an jar ko ad.

Būruwōn Abraham eaar bōlen jim̧we m̧okta jen an Sara kar keotak Aisek im m̧okta jen aer kar bōk ānen kallim̧ur. Lan̄ eaar wōr jet un ko n̄an kakūrm̧ooli m̧okta. Un kein eaar jab wōt kalōk tōmak eo an Abraham im Sara ak barāinwōt katakin er m̧ool ko indeeo bwe ren maron̄ kwaļo̧ki n̄an doon toon wōt aer pād, ba kajien āne eo kar kepooj n̄an er. Irooj eaar karum̧wiļo̧k aer pād; juon tōre ekadu. Ak raar aolep iien jeram̧m̧an. Raar jam̧in aikuj iien ajimakeke ak būrom̧ōj ak jatiljek.

Men̄e An iien ejjab aolep iien ad, jej lukkuun lale bwe Irooj ej dāpij kallim̧ur ko An. N̄an elōn̄ iami ro kiiō rej en̄jake bwe epen n̄an tōrpar E, Ij kam̧ool bwe raan eo enaaj itok n̄e jenaaj aolep lo Mejen. Āinwōt an ejjeļo̧k menin pinej E n̄an mije kōj, ejjam̧in wōr menin pinej kōj n̄an lo E. Jenaaj aolep jutak im̧aan Mejen, ilo armej. Āinwōt leddik eo jibū, jekōņaan lo Jisōs Kraist kiiō, ak iien ippān doon eo ad Ippān ilo ekajet eo naaj menin m̧ōņōņō eļap eļan̄n̄e jej m̧okta kōm̧m̧ane men ko ekōņaan bwe E en alikar n̄an kōj āinwōt n̄e jekar E. Ilo ad jerbal n̄an E, jej erom āinwōt E, im jej en̄jake epaake E ilo ad epaake raan en n̄e ejjeļo̧k men enaaj pinej loļo̧kjeņ eo ad.

Em̧akūt in n̄an Anij emaron̄ in etal wōt. “Komwin itok kom̧ ri m̧ōņōņō an Jema, kom̧win jolōt aelōn̄ eo ear pojak n̄an kom̧ jān jinoin laļ,”7 Rilo̧mo̧o̧r eo ar katakin. Innām eaar jiron̄ kōj ekōjkan:

“Bwe I ar kwōle im kom̧ ar naajdik Eō; I ar maro, im kom̧ ar kaidaak Eō; I ar ruwamāejet, im kom̧ ar kadeļo̧n̄ Eō:

“Ejjeļo̧k Aō nuknuk, im kom̧ ar kanuknuk Eō; I ar nan̄in mej, im kom̧ ar itōm lale Eō; I ar pād ilo kalbuuj, im kom̧ ar itok n̄an Ippa.

“Innām ro rem̧m̧an renaaj uwaak E im ba, ‘Irooj, n̄āāt kōm r lo Am̧ kwōle, im naajdik Eok?“N̄āāt kōm ar lo Am̧ ruwamāejet, im kadeļo̧n̄tok Eok? n̄āāt kōm ar lo Am̧ kwōle, im naajdik Eok? ak maro, im kaidaak Eok?

“N̄āāt eo kōm ar lo Am̧ ruwamāejet, im kadeļo̧n̄tok Eok? ak ejjeļo̧k Am̧ nuknuk, im kanuknuk Eok?

“Ak n̄āāt eo kōm ar lo Am̧ nan̄inmej, ak ilowan kalbuuj, im kom̧ ar iwōj n̄an Ipppam̧

“Im Kiin̄ eo enaaj uwaak im ba n̄an er, ‘Em̧ool Ij ba n̄an kom̧, ilo ami kōm̧m̧an jabdewōt n̄an juon iaan rein ro jatū ediktata, kom̧ ar kōm̧anm̧ane n̄an Eō.”8

Ilo ad kōm̧m̧ane ta eo E kōnaan bwe jen kōm̧m̧ane n̄an ajri ro Nejin Jemen, Irooj eaar letok jouj eo n̄an E, im jenaaj en̄jake ad epaake n̄an E ilo ad en̄jake iakwe eo An im An kōmālim. Ilo iien eo jenaaj erom āinwōt E im naaj ļōmņak kōn Raan in Ekajet eo ekalem̧ōņōņō.

Im̧ōn kōppād eo āinwōt epinej eok jān Anij emaron̄ kamijak armej ijeļo̧kin ikdelel in n̄an jerbal n̄an ro jet. Rilo̧mo̧o̧r eo wōt eaar ļōn̄aj n̄an jipan̄ armej. Elōn̄ iami, āinwōt kar n̄a, kar en̄jake mijak ilo tōpar ro jet me kom̧ kar kōmetak er ak kar kōmetak eok. Im aaet em̧ōj aō lo būruwōn medek eo an Irooj jen iien n̄an iien, ekoba ko aō make. Im ij barāinwōt rōjan̄ kom̧ bwe kom̧in loļo̧k ro jet ilo etan Irooj, joļo̧k aolep mijak ilo kom̧, n̄an leļo̧k iakwe im jeorļo̧k in bōd. Ij kallim̧uri eok bwe ilo am kōm̧m̧ane menin, kwonaaj en̄jake iakwe eo an Rilo̧mo̧o̧r kōn armej eo ej itok n̄an eok im An iakwe n̄an eok, im ejam̧in naaj itok n̄an eok kōn juon ettoļo̧k eļap. N̄an kom̧, emaron̄ in idajon̄jon̄ ilo juon baam̧le, emaron̄ in juon jukjuk in pād, ak emaron̄ peļaakin laļin.

Ak eļan̄n̄e kwoj etal kōn Irooj n̄an kōjeram̧m̧an ro jet, Enaaj lo im nōpar e. Eļan̄n̄e emakijkij am kōm̧m̧ane menin im ebwe, kwonaaj en̄jake juon oktak ilo likkuun paoktok eo am, kōn Pinmuur eo an Jisōs Kraist. Ejjab wōt kepaake e eok n̄an E, kwonaaj en̄jake eļapļo̧k im ļapļo̧k bwe kwoj kajieon̄ erom āinwōt E. Innām, n̄e kwoj kōm̧m̧an n̄an lo E, āinwōt kōjwōj naaj, enaaj n̄an eok āinwōt an Moronai, ke eaar ba: “Im kiiō ij ba n̄an aolep, bar iakwe. Ij ilo̧k ejjab to n̄an kakkije ilo paradise an Anij, m̧ae iien aō jetōb im ānbwinnū renaaj bar koba, im naan bōktok eō anjo̧ ilo mejatoto, n̄ān ioon kom̧ im̧aan jikin ekajet ejouj an Jeova Eļap, Ri Ekajet Indeeo an jim̧or ro re mour im ro re mej. Amen.”9

Eļan̄n̄e jenaaj jerbal kōn tōmak, ettā, im juon ikdelel n̄an kōm̧m̧an ankilan Anij, Ij kam̧ool bwe jikin ekajet an Jeova naaj menin m̧ōņōņō. Jenaaj lo Jemed eo eaiakwe im Nejin Jisōs ilo Aer lo kōj kiiō―kōn weppān ealikar im kōn iakwe eo eweppān. Ilo etan Jisōs Kraist, amen.