Re Dayif nib Ayal

U October 17, 1987, napan kug drove nag nga tabinaw rog tomuren e muruwel, kugub nga reb e stoplight u Market nge Beale Streets ulane San Francisco, California. Caro rog e rur, nge kug lemnag, “Sana ke kireb e tire rog.” Napan Caro rog e rur biyay, kugsap nga e bus ni ke yaen chuchgur ngog, nge kug lemnag, “Biney e bus ke kaen ngog!” Ere caro rog e rur bayay nib gel, nge kug lemnag, “Ke kireb annigeg e tire rog!” Machane, dariey e tire fa bus nib kireb—ba’ e durru’ nib baga’! Napan kug taleg ko stoplight nib rorow, ke yib e but’ udaken e Market Street boed n’ew u mada. Kugsap e na’un nib baga’ e rur nib gel, nge pi malang ke thig ko na’un nib kakrom napan e but’ e rur.

Fare durru’ ko Loma Prieta ke yib nga fare San Francisco Bay Area u 5:04 p.m. biney e rran nge nge ke kireb nag e tibnaw rorad 12,000 gidii.

Biney e durru’ ke kireb nag e San Francisco Bay Area, nib bo’or ufithik e but’ nib kireb u San Francisco nge Oakland. Ulane San Francisco, fare Marina District ke par “udaken e but’ ko yan’ u maday nge pi malang ba’achig…, nge ba bo’or e raen u fithik e but’. Boch biney e but’ e malang ba’achig ni gidii kar pii’ed nga fare San Francisco Bay tomoren e durru’ ko San Francisco u 1906, machine bo’or e bu’ e yan’ u maday.” ¹

Ulane 1915, gidii kar fal’eged pi na’un udaken biney e bu’. Ulane durru’ ko 1989, biney e bu’ ko yan’ u maday ke thil nga boed e raen, nge pi na’un kar thiged nga but’. Biney e pi na’un dawor ra dumow gaed nga dakean e dayif nib fel’.

Fare Lome Prieta durru’ ke thiliyeg bo’or e pi yafos, nge yafas rog. Napan kug lemnag mornga’agen beney e rran, kugsap u lane tafney rog nge gumircha’eg ni fa’anra gadad ba’adag ni ngad togopluw gad e pi nifeng, durru’, nge gafgow u yafos rodad, e thingar mu ufungew e dayif nib fel’ romew nga dakean.

Helaman ni reb e Nephite profet ke machib ngodad ni thingar mu ufungew e yafos rodad nga dakean e dayif nib fel’ romew, ere e dayif ko Yesus Kristus: “Ere chiney, gal fakag, mu tayew u wun’mew, mu tayew u wun’mew ni fare war ni Tabiyul rodaed, ni’ir Kristus, ni facha’ ni Fak Got, e thingar mu ufungew e dayif romew nga dakean; ya nap’an ni fare mo’oniyan’ e nge pii’ e nifeng rok’ nib gel, arragon, nifngin e yoko’ rok’, arragon, u nap’an ni gubin e n’uw ni ays nge yoko’ rok’ nib gel e nge aw ngomew, ma dariy gelingin ni nge miliymew iyaen nga but’ ko fare dodow ko gafgow ni dariy n’umngin i nap’an, ni bachan fare malang ni kam dumow gow nga dakean, ni’ir ba dayif nib miyuluy, nib dayif ni fa’anra toey e gidii’ e na’un nga dakean ma dabi puth nga but’” (Helaman 5:12).

Napan gidii yad ma fal’eg e temple chiney, yad ma lemnag nib gel morga’agen urogon ni ngar toy’ed ma tin ni ngar faleged riy’. Yad ma sikang nag min sap nib gel e but’ ko dayif ni ngar toy’ed e temple nga daken. Yad ma sikang e nifeng nge n’uw nge rogon riy’ ko am ni nge sak’iy nib milfan e temple riy u fithik pi yoko ko am, ma ku errogon f’anre bay yib e durru’, nifeng nib gel, n’uw nib gel, nge gubin e gafgow ko fayleng dowriy lemnag riy. Ulane bo’or e temple, boech i yang ko dayif e kan fal’eg ko wasey ni nge m’ag nga but’.

Boed e gidii ni yad ma fal’eg e pin’en chiney, Chitamangdad u Tharimy ni ba’adagdad nge Fak kar fal’egew e kanawo’ ni fan ngodad ni ngad use niged ni ngad fal’eged e yafas rodad ni be gel nge de rur. Biney e kanawo fare wo’en e thap, fare wo’en e fal’flan nib baga’. Biney e kanawo ra dag ngodad bin sumon’ nge bin tomur e ngiyal’, gubin e guruy, nge gubin e michmicheg bt’uf rodad ni ngad sul’oed nga par chuchugar ngak Got ko gubin ngiyal’.

Mich, kalngaen’, taufe, nge fare ta’awath ko Kan Thothup, nge athamgil ko bin tomur biney e guruy ko kanawo’ ko yafos. Yad ma ayuweg dad ni ngar fal’eged e yafos rodad boed e yiluy nga fare bayul rok’ Kristus. Yad ma fal’eg e pin’en nib fel’ ulane yafos rok bee’. Ere, boed pi kanawo’ urongon ni ngar toeyed e temple udaken e guruy nib fel’, meybil, be’eg e babyor nib thothup, fek e sacrament, nge fek e michmicheg rok’ priesthood yad ma guruy nib fel’ ulane yafos rodad.

E bu’u fini buch in ngam rin’ed biney e pi guruy nib th’abi fan. Ere, napan e bee’ fal’eg e simen, ba’ reb e rogon ni nge ma’athuk e yan’ u maday, nge malang, nge simen, nge raen ni fan ni nge fal’eg e simen nib th’abi gel. Fa’anra bee’ ra toey yo’or fa buch’uw e guruy, bee’ ra fal’eg e simen nib mo’owaer nge biney e simen de rin’ e murruwel nib fel’.

Boed rogon biney, fa’anra gadad ma meybil, nge bieg e babyor nib thothup, fek e sacrament gubin e wik, nge thapeg e ta’awath ko priesthood ere michmicheg ko temple, yo’or nib yo’or fa buch’uw nib buch’uw, ni ngad fal’eged e yafos nib mo’owaer.

Paul, ulane babyor nga gidii u Ephesus, ke yoloy biney e thin mornga’agen urogon ni ngad fal’eged e yafos: “Fa’anra ni ngam toeyed e na’un nib fel, ni nge mang nga temple nib thothup rok fare Somol” (Efesus 2:21).

Meybil e guruy ko mich nge yafos rodad nib th’abi baga’ fan. Udaken e meybil, gadad rayog ni ngad yogdad e magar, nge tu’feg, nge liyor ngak Got. Udaken e meybil, gadad rayog ni ngad fol e tafney Rok’ nge Ir ra gel nag e yafos rodad udaken e machib Rok’. Udaken e meybil, gadad rayog ni ngad fek’ed e yi’iy ulane yafos rodad.

Alma ke machibnag ni: “Ngam mogow puruy’ ngak’ Somoel u fithik’ gubin e pin’en ni gama rin’, ma ra powi’iyem ko gin ni ra fel’ rogom riy; arragon, nap’an ni bay mu thig nga but’ ni nep’ mag thig nga but’ ni bay Somoel u wun’um, ni nge yog ni matangiyem u nap’an ni gabe mol; ma nap’an ni bay mu’od ni kakadbul mag oge magaer ngak’ Got; ma fa’an gara rin’ e pinn’ey, ma yira chibiyem ngalang ko bin tomur e rran” (Alma 37:37).

Ba fel’ fa’anra ni ngad manged e meybil ko tafney rodad ngak Got nib fel’ nga th’abi baga’ fan boed rogon nifeng nge ggan nib th’abi baga’ fan ngodad.

Napan gadad ma be’eg e babyor nib thothup gubin e rran, biney ra gel nag e mich nge yafos rodad. Boed rogon e ggan ra gel nag e dowef rodad, e thin rok’ Kristus ulane e yoloy rorad pi profet ra gel nag e ya’el rodad. Nephi ke machib, “Mu duruw’iyed gimed ko thin rok’ Kristus; ya musap gaed, pi thin rok’ Kristus e ra yoeg ngomed rogon gubin e pin’en ni ngam rin’ed” (2 Nephi 32:3).

Ere bi’eg e babyor nib thothup ba fel’, machane dabda nanged gubin e machib rok’ Kristus fa’anra kemus gadad ma bi’eg. Napan gadad ma lemnag nib gel morga’agen nge rin’ e thin rok’ Kristus ni ke machib ulane babyor ni thothup, bay yib e gonop nge llowean’ nib baga’ ngodad ni ra gel nag e tafney rodad nge ya’el rodad ulane yafas rodad.

Reb e rogon ni ngad gel niged e yafos rodad nge ni ngad pired udaken e dayif rok’ fare Somol ni napan gadad ma thapeg e sacrament gubin e wik. Fare sacrament ra pi’ gubin e chon e galasia e ngiyal’ ni yad ma lemnag morga’agen e yafos rorad nge muruwel ni yad ma rin’ fa dabra rin’ed ni thingar ra kalgadngan’rad, nge tomuren thapeg e flowa nge raen me yib uran ngorad doewngin nge racha’en Fakam, e m’ag ko biyul Rok’. Fa’anra gadad ma rin’ biney udaken e liyor nib fel’, gadad ma michmicheg bayay, gadad ma thapeg e kalngan’, nge gadad ma fek e ta’awath ni nge yog ni paer fare Kan ni Thothup rok’ rodad ni gubin e ngiyal’. Fare Kan Thothup boed e simen, ni ra bi’ech nagdad ma nge gubin e ngiyal’ me yib uran ngodad nge machib ngodad mornag’agen Yesus Kristus bayay nge bayay. Napan ni gadad ma thapeg e sacrament, biney ra gel nag e dayif rodad udaken e Yesus Kristus.

Napan fare Tathapeg ke machib u fayleng, ke machib udaken e tu’feg morga’agen e muruwel rodad ni ra gel nag e yafos rodad. U bin tomor e machib ko Mount, ke yog:

“Ere, enra rung’ag e pi thin rog ney me rin’, e gura ta’areb nag ngak’ bee’ nib mo’on nib gonop, ni toey e na’un rok’ nga dakean e war—

“Ma nap’an ni ra awe n’uw, me yib e yulu’, me thow e nifeng, nge aw ko fare na’un; ma dabi puth, ya kan dayif nag nga dakean e war.

“Ma gubin e pi’in ni yaedra rung’ag e pi thin rog ney ma dab rrin’ed, e yaed boed bee’ nib mo’on nib meechiyang, ni toey e na’un rok’ nga dakean e yan’—

“Ma nap’an nra awe n’uw, me yib e yulu’, me thow e nifeng, nge aw ko fare na’un; me puth, ma rib almarin e puth nra tay. (3 Nephi 14:24–27; mu guy Matthew 7:24–27).

Pi walgeg ni pu’mon nge piin, dariy bee’ ra toey e tabinaw rok’, tafen ko muruwel, fa galasia nib thothup udaken e yan’ fa fa’anra dariey e kanawo’ fa guruy ko na’un. Ni ngar thapeg e thin rok’ fare Tathapeg ni ngad yaen gad ngak Ir. Ni ngad toeyed e yafos rodad udaken e dayif nib fel’ nge gel.

Gube yog ni napan ni ngad toeyed e yafos rodad udaken e Yesus Kristus nge biyul Rok’ nge nagpan ni ngad foled e kanawo’ Rok ni fan falflan’ rodad, udaken e meybil gubin e rran, nge thapeged e sacrament gubin e wik, biney ra gel nagdad, nge gadad rayog ni ngad togopluw gad e nifeng nib gel, nge durru’ ulane yafos rodad; Bay yib e falflan’ ngodad, nge ngad nanged ni kad toeyed e yafos rodad udaken e dayif nib fel’—nib dayif ni fa’anra toey e gidii’ e na’un nga dakean ma dabi puth nga but. Udaken e fithingan nib thothup rok Yesus Kristus, amen.