2010–2019
Bom Semeriar er a Urerel a Misionari
April 2013


Bom Semeriar er a Urerel a Misionari

A kureng a sulel a Dios me a Ngelekel, el Jesus Kristo, el kirel Oluut me a klisiich el uchul a mesisiich el klemerang me a llemalt a ngara beluulechad.

Rodam me a rodos, a kubengkel a President Thomas S. Monson me a rebebil e chemat er tirkel mla kongei er a okedongel a profet el kirel a lmuut el betok el klikiid el misionari.Chelechang ea chachisois el klemeriar reng el kirel a ureor er a misionari a mla oberk er a beluulechad. Sel chisel a President Monson er tial mlo merek el Ongeteruich el buil, ea retelael el elders, rodos, me a robekel a mla mokedong, ea lmuut el betok a mengedmokl er tir. 1E chelecha ete oker kemam, “Kede mekera er tirkal iidisir a remionari?”A nger a beot. Te mo meruul aikel bla loruul a remisionari. Te m o omerk er a ebangkelio!Te mo omekngeltengat er a rengelekel a Ngarbab el Dios!

Muut el betok el ngeasek el sechal me a redil a mo nguu tial klemeriar reng sel molasm el mengikiid er kemiu el mora mission. Ko mesa tia el berekel a klemera me a llemalt. Ko mesa techelliu el mo mui lolngeseu er a berekel tial klemerang me a llemalt.

Kemiu el ngeasek, moltirakl er sel beches el beldeklel osisechakl er kemiu e molisechakl er a ta me a tang el kirel a Jesus Kristo. Chelecha eng taem el mongedmokl er kemiu el mo olisechakl er a rebebil el kirel a klungiolel a Dios.

Rengeasek el sechal me a redil, a skuliu a klou a belkul—er kemam, me kau, me a Dios. A le sebechel, ea lsekum eng soam el mora daingak ruriul er a mission, ea ki mengelechel er kemiu el mora ikel skuul el ngii a somiu ruchei er a momuchel er a mission. Betok el daingak a msa techall a chad el mora skuul ruchei er a lolatk el mora mission er a chelsel a 18–30 buil. Tia uchul eng mo sebechiu a re elders me a rodos el mora mission e diak ko bekikl el kirel a uchelel a skuliu. Ng dmeu a rengud el kirel aikel daingak el tir a mengedmokl el kirel tial teletael!

Kemiu a rechedam me a rechedil, sensei, me a rebebil, bom semeriar el mengedmokl er a merael mei el telcheroll el mo klikiid el mo misionari. Osisiu el taem, a ungil okesiu er kemiu a mo uchul a klemeriar reng er a resechelimiu me a re tonari er kemiu. Bom kldmokl el mo onger el mo er tirkel loker kirel a klengar kemiu. Bom kldmokl louchais a uchul a urunguliu me a deureng el tir a mesa er kemiu.2Sel dubech aikal ker, e ko mlocha onger el kmo, “Doker er a remisionari! Tir a sebechir ngosukid! Ea lsoam, ea kubengkem sel lolisechakl er kau a remisionari.”

Kemiu el meklou el chad, bom semeriar el mengedmokl el kirel chedaol tekoi, bedengiu, me a udoud el kirel a misionari. Molcheuekl er a chimo el sens el kirel a misionari. Kemiu a rebechiil chad, mongedmokl el kirel a taem el bora mison. Ng kmal mo dmeu a rengmam el kirel omesiungiu. Sel mei sel taem, ea rebebil er kemiu a mo sebechiu lolngeseu er a udoud el kirel a mission el mo odars el mora General Missionary Fund, el lullekoi er ngii a President Monson.3

Betok el sechal me a rebecherir a mla mo semeriar el mla mokedong el mo oungerachel a mission er a Ikelesia. Chelsel tia lomesiou, e ngarngii a le rellii el kirel a telcheroll er chelechang me a merael mei. A remerreder a mission oba kiis er a ngerachel el kirel a ngeso, selbechakl, me a klungiolir a remisionari er tir. Uriul er a longedecheduch er a merreder er a stake me a district er a mission er ngii, ea dersta el merreder er a mission a omii er a remisionari el mo mesiou a stakes, wards, me a branch.

A remerreder a stakes me a rebisop a semeriar sel lechoit a betok el taem el mengedecheduch er a remengedmokl er tir el mora mission. Tirka loba priesthood a olab a kiis er a ngerachel el kirel a ureor er a misionari er a ikel unit er tir e mengelechel er a rechedal a ikelesia el mo meruul osisiu.

A rodam me a rodos er a bek el ward a omechela el semeriar er a urerel a misionari. A ngar tial council a oungerachel er a ward mission.4Ng soak el mengedecheduch el kiriru a roungerachel a ward mission. Ko mla mokedong er a bisop er kemiu el mo mengeteklel a ureor er a misionari er a ward er kemiu. Me kom teloi er a rebebil le ngara ward, e ko mosik er tirkel diak el mesisiich el chedal a ikelesia, tirkel di chimo el chad er a telungalek a chedal a ikelesia, me tirkel semeriar el tonari. Ko blechoel kaseues kemiu me a remecherrungel el missionary. Ko mo mekrael e olngeseu er a remisionari. Bom mngesuterir kirel a moktek er tir er a bek el sils el kirel a techall el mo olisechakl. Tiaikid a ngercheliu. A ngercheliu a klou a belkul el kirel a klungiolel tial ureor. Sel bom semerirar er a urerel a misionari loba klaumerang me a klmeriar reng, ea rebebil a mo meruul er a osisiu. Kemiu, el oungerachel a ward mission, a omak a deleuill er a rechedal a ikelesia me a remisionari er tial chedaol ureor er a siik er a rengelekel a Dios.5

A resechelid me a retonari er kid el diak el chedal a ikelesia er kid a dirrek el sebechir el mo semeriar er tial urerel a misionari. Kede mengelechel er tir loreked aikel ungil me a klemerang lolab er a klengar tir. A olengit er tir el muut el ngmai a bebil, oumesingd a klemrang lokiu a diak a ulebengelel moktek er a Dios, el telungalek a melemolem el mora ulebongel.6

Tial klemeriar er a klmerang me a llemalt a mengasireng! Ng diak el urerel a chad! Ng urerel a Rubak, el dilu el kmo, Ngii a mo orchedii a urerel er sel temel.”7Tial klemeriar a oba chedaol tekoi el mildung er a 193 el rak er a memong. Ng di olab a kleuid el tekoi: Ng Dios el ulecholt er a Betik er a rengul Ngelekel e dilu er a Joseph Smith me Rengesii!”8Meng tekingel a Ngarbab el Dios, e tial tekoi a mildung a mlo uchul ea ngeasek el Joseph Smith a milsa Rubak el Jesus Kristo. Aika el tekoi a mlo uchul Olutel ebangkelio er Ngii. E ngerang? Ele ngar el Dios a oubeltikelreng el Dios! Ng soal a rengelekel a bo lodengelii Ngii me a Jesus Kristo, el Ngii a uldureklii!9E dirrek el Ngii a soal a Rengelekel a bo lenguu a diak a ulebengelel klengar!10

Tiaikid el klebokel el moktek a uchul, ea remisionari olisechakl el kirel Oluut. Te medengei el kmo eru el telael el rak er a memong, ea Rubak a kildmeklii a Ikelesia er Ngii. Uriul er a Kodellel er a Kerus me a kodellir a Reapostol er Ngii, ea rechad a ngildechii a Ikelesia me a osisechakl er a chelsel. Ea, uriul er a betok el rak er a iilkolk, me a uaike el ulochir a reprofet, 11ea Chedam er a Babeluades me a Jesus Kristo a mle olutii a Ikelesia, me a osisechakl er a chelsel, me a ngerachel er a priesthood. Ngokiu tiaikid el Oluut, ea klemedengei me a meklou a belkul chedaol ruoll el kirel a mo suobel a luueta el morngii el mora rokui el chad.12Ea ngaruchei, ea mo suobel a uchul ea dersta er kid a mo kiei lobengkel a telungalek er kid er a rengedel a Dios me a Jesus Kristo el mo cherechar!

Ng diak el sebechek el mesaod er a Oluut el diak kuba klemeriar reng. Tial klemera el tekoi er a reksi a mengasireng! Ng klebokel! Ng mechas a rengud er ngii! Ng mechas a rengud el roderuchel er a babeluades a mlei lolab a ngerachel me a klisiich el kirel tial ureor?

A Diak a Ulebengelel Demad me a Jesus Kristo a mle betok a dmiir el mora Profet Joseph Smith.13Ngokiu a dereder er Tir, ea rebebil er a roderuchel a mlei, el lullab a moktek er a dertsa er tir. El uaia:

  • A anghel Moroni a ulechotii a Babier er a Mormon.14

  • A Johanes el Techolb a ulutii a Priesthood er a Aaron.15

  • A Petrus, Jakobus, me a Johanes a ulutii a Priesthood er a Melchizedek.16

  • A Moses a milecherei a kiis er a omengidb er a Israel.17

  • A Elias a milecherei kiis er a klemedengei el kirel a Abraham.18

  • A Elijah a ullutii a kiis er a klisiich el merenged.19

Osisiu, ea Oluut a dilchelii a klemedengei el Resanto a mle medengei er a ngaramong. A Rubak a milskid a beches el chedaol llechukl. Me a mlo dechelel a Chedaol Biblia e Ngii a dilchelii a Babier er a Mormon: Tiang a Dirrek Louchais el kirel a Jesus Kristo. Ngellechukl er ngii a ulochel me a osischekel a mla mekiis er a kodall el Rubak el mora rechad er a Beluu er a Merikel er a ngara mong el taem. Ng smodii a uldesuel a Dios el kirel a deureng 20—uldasu er a mo suobel.21A Babier er a Mormon a kmal kongei e oltirakl er a Biblia. Aika el eru el chedaol llechukl a oterkeklii a klemerang er a ebangkelio er a Jesus Kristo me a klou el ultutelel a Tngakireng er Ngii.22

A Oluut a otaut a betok el ulaoch el ngara biblia. El uaia, Isaia el ulemlaoch el kmo a blil a Rubak a mo dechor er a bebul a rois.23A tebedir a ruchelel a Mormon el mora ked er a dims er a Beluu er a Merikel a olchotel a ringel me a klaumerang. A Isaia dirrek el ulemlaoch el kmo a Dios a mo kudmeklii a “meang e mengasireng el ureor.”24Tia mla motaut lokiu a chedaol ureor er a iidisir a remisionari er kid.

A osisechakl er a Uodel Renged el kirel a ongeltacher a mla moluut.25Me te, betok el chad el melecha ongeltacher er tir a mukngeltengat el kirel a blekongesenges er tir. A tekoi el melutk el kirel a Melchizedek a mla mo bleketakl lokiu a chedaol llechukl er a Oluut.26A ulaoch el kirel a rechelel a Joseph (el Babier er a Mormon) me a rechelel a Judah (el Biblia) el mo chimo el ngara chimal a Dios a mla tmaut.27

A Oluut a dirrek el meketakl a bades er a Beches el Renged. A bades el melutk el kirel a techolbechelid el kirir a re mla mad a mla mo bleketakl.28A chedaol ruoll el kirir a re mla mad el beldeked a mla mekedmokl er a chelsel a 141 el temple er a beluulechad! Ng diak a ngodech el rael el uchul ea rebeldeked el mla mad a mo suobel alsekum eng diak a klemedengei er tir er a ebangkelio!29A ues er a Johanes Locholt el kirel a “tara anghel [subek] er a eanged, loba diak a ulebengelel ebangkelio el mo er tirkel kiei er a beluulechad,” a mle ulaoch el kirel a anghel Moroni me a Babier er a Mormon.30

A Babier er a Mormon a kmal klou a ultutelel er a Oluut. Ng milluches, mekereomel, e moiuid lokiu a dereder er a Rubak. Ng mloiuid “lokiu a sengk me a klisichel a Dios.”31A hong er a Doctrine and Covenants a olab a betok el ocholt el mlora Profet Joseph Smith. Ngokiu ngii, e kede mla ngmai a betok el chedaol llechukl er a ngii dil profet. Meng locha mle kora bekudasu, eng dilu er a Resanto er a Nauvoo, Illinois el kmo, “Ng dimlak kdu er kemiu el kmo ak klikiid; eng di ng diak a cheleuid er a ocholt el bla kulisechakl.”32

Me te dmak, a rechedal a ikelesia me a remisionari e siotai er a rokui el mo mesuub er a Dios, me a Jesus Kristo, me a ebangkelio er Ngii. A dersta el chad losiik a kirel blak a rengul losiik e meluluuch el mo medengei el kmo aikal tekoi a klemrang, A klemerang a mo mocholt lokiu a klisichel Chedaol Reng.33

A kureng a sulel a Dios me a Ngelekel, el Jesus Kristo, el kirel Oluut me a klisiich el uchul a mesisiich el klemerang me a llemalt a ngara beluulechad. Mei e bo de semeriar er a ureor er a misionari e bo dekedmeklii a tekingel a Rubak el mo ngu a ebangkelio el “mora bek el beluu, kebliil, omelekoi, me a rechad,”34A nglunguchek el ngara ngklel a Jesus Kristo, amen.