Parau faaite a te Tuhaa faatere hi‘opo‘a faufaa a te Ekalesia, matahiti 2012
I te Peresideniraa Matamua o Te Ekalesia a Iesu Mesia i te Feia Mo‘a i te Mau Mahana Hopea Nei
E te mau taea‘e here : Ia au i te heheuraa i roto i te tuhaa 120 o te Parau Haapiiraa e te Mau Parau Fafau, na te Apooraa haapa‘o i te mau tuhaa ahuru e haamana i te mau haamau‘araa a te Ekalesia. Teie te mau melo no taua apooraa ra, te Peresideniraa Matamua, te Pŭpŭ no te Tino Ahuru Ma Piti Aposetolo e te Episekoporaa Faatere Rahi.
Na teie apooraa e faati‘a i te moni afata no te mau tuhaa faatere a te Ekalesia, te mau tereraa faufaa, na reira atoa no te moni tatuhaa a te mau amuiraa. E faaohipa te mau faanahoraa a te Ekalesia i te moni ia au i te moni afata tei faataahia e te mau ture arata‘i a te Ekalesia.
Ua horo‘ahia i te Tuhaa faatere hi‘opo‘a faufaa a te Ekalesia te parau faati‘a no te hi‘opo‘a i te mau parau faataaraa atoa e te mau faanahoraa no te haapapû e, ua nahonaho maitai te mau ohipa i roto i te fariiraa i te mau haamau‘araa o te mau faufaa a te Ekalesia e te parururaa i te reira mau faufaa. E mea taa ê te Tuhaa faatere hi‘opo‘a faufaa a te Ekalesia i te tahi atu mau tuhaa faatere a te Ekalesia e te mau tereraa faufaa, e i roto i te reira pŭpŭ, e feia aravihi roa ïa e parau tu‘ite ta ratou no te mau ohipa hi‘opo‘a faufaa moni, te feia hi‘opo‘a faufaa i haamanahia, te feia hi‘opo‘a i te mau faanahoraa, e te tahi atu mau taata aravihi no te mau ohipa moni.
Ia au i te mau hi‘opo‘araa i ravehia, ua ite te Tuhaa faatere hi‘opo‘a faufaa a te Ekalesia e, i roto i te mau ohipa materia atoa, te fariiraa i te mau ô, te mau haamau‘araa e te mau faufaa o te Ekalesia i roto i te matahiti 2012, ua tapa‘opa‘ohia te reira e ua faaohipahia ia au i te mau arata‘iraa no te pae moni, te mau afata moni i haamanahia, e te mau ture arata‘i a te Ekalesia.
Ma te faatura,
Te tuhaa faatere hi‘opo‘a faufaa a te Ekalesia
Robert W. Cantwell
Upoo faatere