2010–2019
Mured, Gubin e pi Bitir ni Pu’mon ku Got
April 2013


Mured, Gubin e pi Bitir ni Pu’mon ku Got

Gadad gubin ra piriyeg ulane fapi scripture ko e gumaen’, ma yarmiy e yafas ko fan, fil e tin nib riyul’ ufithik e mich, mag pigpiggaed ngak en Somoel ufithik e t’ufeg.

La’grow e yay ko urngin e duw biney Tafen e Mo’olung nibe yog ngodaed, u daken e laman nib gel’, “Mured, gubin e pi bitir nib pu’mon ku Got ni bay e priesthood romed.”1 Bay e nangaen’ nib thil nibe powiy fare mo’olung ko fare priesthood ko fare Galasia.

Biney e bliyal bay bochi biyu’ i gadad ulongeb e fayleng ni yaed be pigpig ngak fare Somoel, ni yaed e pi tamachib Rok. Boed ni kug gog ko milwol u kakadabul ney, bay chuchugor ko 63,000 e pi missionary ni yaed be pigpig, ni kubay bukum i biyu’ niyad be soen ni ngan yan ko gin niyma skul nag e pi tamachib riy niybe falag e babyor rorad. Bay e tu’feg romad ni fan bee’ ni ba’adag ni ngar pigpig gaed.

Dariy reb e thin u lane scripture nib thothup nib ba’gafan ko ngiyal ney, dariy reb ni bay e muruwel nib manimus riy’, nge dariy reb e pin’en nib moem ni ngam nang fan ko motochiyel’ ni ke pii’ fare Somoel nike fas ko yam’ nap’an e ngiyal ni Ke m’ag ngak e ragag nge ta’areb e gachalpen Rok u Galilee. Ke yog:

“En e pi nam u gubin yang ngam pingeged yad ngar manged pi gachalpeg, me gimed tawfe nagrad nga fithingan e chitamangiy nge Fak nge fare Kan ni Thothup:

“Mi gimed fil ngorad rogon ni ngu’’ur folgad u gubin e tin kugog ngomed ni ngu’’um rin’’ed. Ma dab paged talin ni gubin ngiyal’’ ma gu bay romed, nge yan i mada’’ nga tomuren e fayleng.”2

Biney e motochiyel nib ba’ga’fan ke yib ko tharmiy, nge micheg ni ke yib riy’, ire kanawo’ rodad daba’ boed e ngiyal nu kakrom nem nib thilin ko gubin e ngiyal’. Muruwel ko missionary ire bin’en nira poy ngodad ko fapi chongin ko Fare Galasia ku Yesus Kristus ni fan ko Gidii’en Got ko Tin Tomur e Rran. Ir biney e rogon ko gubin e ngiyal’; nge ko gubin e ngiyal mada’ ko manemus. Boed fare Profet Yosef Smith ni ke yog, “Tomuren gubin e pin’en nira yog, fare bin thabi ga’fan e muruwel ir fare machib ko fare Gospel.”3

Ko la’grow e duw nib bachigchig, gubin e pi missionary nibe pigpig nib gubin e ngiyal’ ko fare Salthaw Rok Got e chiney nira mu’ ko muruwel rorad, nge ra sulod nga tabinaew rorad. Ko fapi elder, bay e mo’olung e gidii nira ul’ul ko fare muruwel ney, ni bay ulangin e mo’olung ko fare Aaronic Priesthood ko fare Galasia. Pum’on nib yangren, kam ready ni ngam sulweg gaed? Gabe ba’dag ni ngam muruwel gaed? Gabe a’dag ni ngam pigpig gaed?

Ko bin’en nib thabi ga’, fare muruwel ko missionary ni ra thilyeg e yafos ko bee’. Ba t’uf ni nge pii’ fapi awa nib nuw nge tu’feg nib ga’, maligach nge meybil nib gel. Bachan e pin’ey, pigpig ko missionary nira fuluweg e bin’en ko falflaen nib manemus’, nge nira yib ko yafas ney nge ko manemus.

Fare muruwel rodad ir bin’ey, ni ngad manged e tapigpig nib fel’ ulangin fare tafen e muruwel Rok Somoel. Demutrug e duw rodad, nge gathi kemus ngak e gidii ni ta’ermedliy ni fan e mission ko gubin e ngiyal’, gadad gubin ba’ t’uf ni ngad share niged fare gospel ku Kristus.

Rayog ni nggu pii’ e rogon nira gel’ e muruwel rodad: bin’so’mon, mu pir’yeg e bin’en ulanginn fapi chep nib thothup ko gubin e ngiyal’; bin la’agruw, mu tunomiy nag yafos rom u dakean e fan (nge, tunomiy e yafos rom demutrug e duw rom,); bin delip, mu machib fa pin’en nib riyul’ u dakean e mich rom; nge bin aningeg, mu pigpig ngak fare Somoel u dakean e t’ufeg.

Ngad lemniged ni mornga’agen gubin e pi yuyang ko biney e rogon.

Bin’ so’mon, pirieg bochi bin’en u langin fapi chep nib thothup ko gubin e ngiyal’.

Fapi chep nib thothup nima micheg ku Got nge bay e thin ko manemus riy. Yaed be mang fare dayif ko milwol rodad.

Fare bin’en nib ba’gafan ko Galasia i’ir fapi scripture nib thothup, ni yaed ba fe’leg u dakean e rogon ko muruwel. Ba’t’uf ni ngad filed, arragon, nge study nag fapi scripture gubin e rran u fithink e tabinaew rodad, nge u fithik daed.

Bay gu dag kemus ta’areb e rogon ngomed rayog ni ngad fol’gaed e chiney u yafos rodad. U fare Babyor ku Mormon, u fare guruy ni 17 ko Alma, gadad be bi’eg ni mornga’agen e falflaen’ rok Alma na’pan e ngiyal ni ke guy fapi fak ku Mosiah, nge ni ke nang ni kar ul’ul gaed ko fa pin’en nib riyul’. Fare chepin nibe yog ngomad, “kar gel e llowaen’ roraed nga fithik’ e tin riyul’;ya kar manged bogi pumo’on nib tamilang laniyaen’raed ma kar filed u fithik’ e l’agaen’ fapi chep nib thothup, ni nge yog ni ngar nanged fare thin ku Got.”

“Machane gathi kemus aray; ya kur m’ing gaed ko meybil, nge balay nag e abich’ ere bay fare nangaen’ ko prophecy, nge fare nangaen’ ko yi’iy roraed, ma nap’an ni yaedra machib nag iyaen, ma yaed be machib u gelingin nge mat’awon ni yib rok’ Got.”4

Pi walegeg nib pumo’on, mu pirieg nib gel’ e pin’en u langinn fapi scriptures.

Bin la’agrow ko formula: mu plan gaed e yafos romed u dakean nibay fan.

Sana dariy reb e gidii ko gubin e gidii ko feyleng, ni bay bochi pi me’leg nib mo’maw, ni boed e bitir nib fel’ yangren ko daba’ nibe t’uf ni ngar togopluw gaed ngak. Ba’ t’uf ni ngar ta’ermedliy gaed ni fan e school, mission, nge mabgol. Bochi gidii, nira plan nag ni fan e pigpig ko military.

Fare rogon ni mu ta’ermedliy ni fan e mission nira tabab ni papay. Makab un boch e falag rogoy nib thothup, fare galibthir nib s’ug ko lo’waen ea be pi kanawo’en fak nib fel’ yangren ni ngayog nge tabab ni nge tay bochi salpay ko mission rok. Sana bochi duw ta’boch nira ba’adag ni nge fil reb e thin, ere, fa’anra ba’t’uf, rayog ni nge use nag e ta’waath rok ko thin. Rayan I buch ni bay e rran nib rib fel’ nap’an e bisof nge president ku stake nibe nonew ngak fare pu’mon nem nib fel’ yangren. Bay e rogon ni be pufthine muruwel; nge ni ke mu’ e pi babyor ni ra yog e cha’nem rayog ni nge yaen nga mission.

Dariy reb e ngiyal e tabinaew nibe son nib rus bu’chuw ni fan e bee’ nibe pii’ e fapi babyor fa mailman, nge fapi babyor nem ni bay e address nga dakean boed 47 East South Temple, Salt Lake City, Utah. Be yib fare babyor nem; ba gel’ e rus’ riy; nge fare call nibe bi’eg bee’. Bochingiyal’, fare tafen pigpig ir rib palog ko tabinaew. Dariy fan e bu’uw, machane, fare gidii ni kar ta’ermedliy gaed, nge kar folgaed ko pi motochiyel ko missionary, ni yaed be yog, “Bay gu pigpig gaed.”

Fapi gidii nira ta’ermedliy ni fan e ngiyal ni yaed ra yaen. Pumo’on nib fel’ yangren, gube athapeg ni gabe pinning e magar ngak e pi maligach ko pi galibthir niyad be rin’ ni ngayog rom ni ngam pigpig. Fare muruwel rorad ni ra ayuwegem, fare mich rorad nira pii’ e falflaen ngom, nge fapi meybil rorad nira gel nigem. Gubin e pi chongin e tabinaew nibe ayuw ko mission. Fa’anra bay yo’or e binaw fa maday uthilin med, fapi gumircha’ nibe ta’abrogon.

Waleg nib pumo’on, nap’an ni ngam gonopiyed e yafos romed u dakean e fan, mu pug uran gaed rayog ni ngam rin’ed e muruwel ko missionary gubin e ngiyal’. Ngak e gidii nibe pigpig ko fare military, biney e ngiyal ni rayog ni nge mang e ngiyal nib fel’ nira ayugem. Gubin e duw, e pi pu’mon rodad nib fel’ e yangren ni bay e maed rorad ko military, ni be ayuweg bochi gidii ni ngar un’ed ko fare Gil’ilingun Got niybe tay’fan e priesthood rorad, nibe folgaed ko pi motochiyel ku Got, nge yaed be machib ngak reb e gidii ko fapi thin ku Somoel nib thothup.

Dam mu patiling e ta’awaath romed ni ngam rin’ed e pigpig ko missionary nap’an ni ngam feked e school romed. E pow rom ni gidii ra guy u dakean e susun romed, gur e chongin ko Galasia, nge bochngiyal’ yaedra fol e susun romed.

Waleg nib pu’mon, demutrug e duw rom, demutrug e pin’en ko yafos rom, gube a’dag fa’anra gamed ra gonopiyed e yafos romed ni bay e fan riy.

Ere chiney ko bin dalip e murwel ea: Mmu fil’ fare pin’en nib riyul’ u dakean e mich rom.

Fol ko fare machib ko fare Gachalpen Peter, nap’an ni ke yog, “Mu fal’’eged rogomed ni gubin ngiyal’’ ni ngam pi’’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.”5 Mu chibiy e lamam ngalang, nge pii’ e mich rom ni mornga’agen fapi yang nib riyul’ ni mornga’agen fare Godhead. Mu pii e m’ag ko fare Babyor ku Mormon. Mu yog e bin’en nib riyul’ riy ko fare kanawo’ ko manemus.

Nap’an e ngiyal ni kug pigpig ko president ko mission u Canada nib to’lang ko 50 e duw kafram, ta’areb e missionary nib fel’ yangren, ni bay e tabinaew rok nib bachichig, ni ke chachngar ngak e ga’ ko Toronto. Ke bachichig ko dowef rok, machane ni ke ga’ ko mich rok’. Tomuren ni ke yib, ir nge companion rok, kar pinningew ngak e tabinaew rok Elmer Pollard u Oshawa, Ontario, Canada. Fa pum’on ni ke su’g ko sirow ngak e pi pu’mon nem, bachan ni yow be yaen u wuru’ e na’un u langin e yoko’ ku snow, nge yow be yaen ngak gubin e na’un aram, Mr. Pollard ni ke yog ngak e fapi missionary rayog ni ngar runow nga langin e tabinaew rok. Kar pii’ew e milwol ngak. De thamiy fa koel fare kan ni thothup. Nge tomuren bochingiyal’ ke fith ngak fapi missionary fa’anra ni dar suleow nga tabinaew rok. Bin tomur e thin ni ke yog ngak e pi elder na’pan e time ni kar ranow ni be yog u dakean e po’wan: “Dabiyog ni ngam mog ngog, bay e mich u wan’ num Yosef Smith ire profet ku Got!”

Fare mab ni ke ning. Fapi elder ni kar ranow nga dakean e kanawo’. E cha’nem ni bay e binaw rok nib bachigchig ni ke yog ngak e companion rok: “Elder, dab ku fuluweg ngak e Mr. Pollard. Ke yog dariy e mich rodad ni Yosef Smith ire e profet nib riyul’. Ngad sulod nge pii’ed e mich rodad ngak.” Ko bin’so’mon, fare missionary nib kakrom ko fare cha’nem ni ke rus’ boch, machane tomuren bochingiyal ni ke un e companion rok’. Fapi gumircha’row ni kar sug gow ko rus na’pan e ngiyal ni kar sulow nib chuchugor nga tafen nem. Kar pugew e m’ab, yogew ngak Mr. Pollard, pirew u fithik e ngiyal nib fel’ ko bochi pi minute, nge u dakean e gelgnin ni ke pii’ fare Kan ni Thothup, e missionary nib fel’ yangren ni ke yog: “Mr Pollard, kam mog ni dariy e mich romow ni Yosef Smith ire e profet ku Got. Gube micheg ngom ni Yosef ire e profet.Ke piliyeg fare Babyor ku Mormon. Ke guy Got fare Chitimangiy nge Yesus fare Fak. Guma nang e binem.”

Bochingiyal’ ta’boch, Mr. Pollard, chiney e kanoeg “Walageg Pollard” ni ke sa’kiy ulane mo’olung ko priesthood, ni ke yog: “Binem e nap, dabiyog ni kug mol. Ulane tilig kug rungag fapi thin bayay nge bayay: Yosef Smith ir e profet ku Got. Guma nang e binem. Guma nang e binem. Guma nang e binem. Fare bin magid e rran, kug call nag e fapi missionary nem ko telephone, ma kug fith ngorow ni ngar soluw. E milwol rorow, nge pi mich rorow, ke thilyeg e yafos rog nge fare yafos rok e tabinaew rog.” Waleg nib pu’mon, machib e bin’en nib riyul’ nga dakean e mich rom.

Fare bin tomur ko fare murwel e ngan pigpig ngak fare Somoel u dakean e t’ufeg. Dariy reb e bin’en boed e t’ufeg. E pi missionary nibe rin e muruwel nib fel’ ni bay e t’ufeg rorad ni fan e companion rorad, nge pi ta’powiy ko mission rorad, nge fapi gidii nib gol’ ni yaed ba machib ngak. U langin e bin aningeg e guruy ko fare Doctrine nge Covenents, fare Somoel ni ke pii’ e bin’en nira rin u’mon ni nge un ko muruwel nib thothup. Ngad leminged ni mornga’agen bochi pi guruy:

“O bee’ ni be tabab ni nge pigpig ku Got, mu pigpig e dakean e polo’ e gumircha’, gelinigin ko tafnaey, tafaney, nge gelingin e dowem, ere rayog ni ngam sa’kiy nib bi’ech ngak Got ko bin tomur e rran. …

“Nge mich, athap, tu’feg nib gel, nge tu’feg, u dakean e owchen ni yow be gu’ kemus e thothup ku Got’, nibe ayuweg ir ni fan e muruwel.

“Mu pug uran e mich, pin’en nib riyul’, lo’wan, wurengaen’, gu’maen’, tu’feg u fithik e waleg, e pi rogon Got, tu’feg nib gel, so’butaen’, athamgil.”6

Ere, gamed gubin ni rayog ni ngam rungaged e lamag, mu fithed ngomed biney e duwer, “ Daba, kug gel nag e mich rog, u dakean e n’en nib riyul’, u lo’waen, u pi rogon Rok Got’, ko t’ufeg?

U dakean e gelingmed nib mangil ko tabinaew romed fa reb e tafen, e pi nangaen’ ni gabe ayuweg ni fan e athapeg ni ra mang e gidii ni ba’dag nib thabi gel.

Bo’or e duw kafram e bochi pi fagar rog nib tu’feg riy, Craig Sudbury nge nina rok, fithingan Pearl, kar bow nge singil ko pigpig rog u Galasia bangiyal ni Craig ni ra yaen nga Australia Melbourne Mission. Fred Sudbury, e papa’ rok Craig, dabi yib. Lagruwi ragag nge lal e duw kafrom, e nina rok Craig ni ke mabgol ngak Fred, ni dariy e tu’f rok ngak fare Galasia, nge gathi ire chongnin.

Craig ni ke yog ngog ni mornga’agen e tu’feg rok nib gel’ ngak e galibthir rok, nge athap rok u dakean bochi rogon, e papa rok nira thamiyfare Kan ni Thothup, nge bing e gumircha’en ko fare gospel ku Yesus Kristus. Kug meybil ni fan e urogon e pin’em ra buch. Ke yib e thogthog, ma kug gog ngak Craig, “Mu suguy gumircha’em ko pigpig ngak fare Somoel. Mu fol ko pi motochiyel ko muruwel rom nib thothup. Urngin e week mu yoloey e babyor ngak e galibthir rom; nge bochi ngiyal’, yoloey ngak e Papa rom, mag yog ngak ni mornga’agen e tu’feg rom ngak, mag pinning e magar ngak bachan gur e fak.” Ke pinning e magar ngog me ir nge nina rok ni kar chuwgow u singil rog ni fan e pigpig rog ko Galasia.

Dab gu gu’ e nina rok Craig ni ragag nge meruk e pul, nap’an e ngiyal ni ke yib nge singel rog ko pigpig rog u Galasia, nge u fithik e pi lu’ rok ni ke yog e pi thin ney ngog, “Nibe chuchugor ko la’agrow e duw ni ke yaen nap’an e ngiyal ni ke yaen Craig ko mission rok. Dawriy te’leg ni nge yoloey e babyor ngomow gubin e week. Bochi ngiyal kafrom, e pu’mon rog, Fred, ni ke sa’kiy ko bin’somon e ngiyal ulane mo’olung ko pii’ e mich ni ke ginang’eg nge gubin e gidii urom, nap’an ni ke weliy ni ke me’leg ni ra mang e chongin ko fare Galasia. Ke weliy ir nge Gag nira yaen nga Australia nge mada’nag e Craig ko bin tomur ko mission rok ere Fred ni ra mang e bin tomur e bee’ ni ra tawfe nag Craig ko mission rok.”

Dariy e missionary ni ke sa’kiy nib gel’ e tolang boed Craig Sudbury nap’an e ngiyal ni ke paer nib palog u Australia, nge ni ke pii’ e ayuw ngak e papa rok nga langinn fare raen, nge be yip e pa’ ngalang ni ke yog e thin nib thothup ney: “Frederick Charles Sudbury, matawog ni ke pii’ Yesus Kristus, e nggu tawfe nigem riy u fithingan e Chitamangiy, nge Fak, nge fare Kan ni Thothup.”

Tu’feg ni ke gel nag. Mu pigpig ngak fare Somoel udakean e tu’feg.

Waleg nib pu’mon, mu pirieg e bin’en u langin fapi scripture, mu plan e yafos ni bay e fan riy, mu machib e pin’en nib riyul’ u dakean e mich, nge mu pigpig ngak fare Somoel u dakean e tu’feg.

Fare Tachugol nib machalbog ko fapi nangaen’, fare missionary ni ke bayul ni fan e gubin e mite gidii, ni ke pii ngodad e micheg Rok’:

“Fa’anra mu muruwel gubin e rran rom ni ngam yoer nag e kalngaen’ ngak e gidii ney, nge pii’, kemus ta’areb e ya’el Ngog, urogon ni ra gel’ e falflaen rom ulane Gil’ilingun ko Chitamag!

“Nge chiney, fa’anra nira gel e falflaen rom bachan ta’areb e ya’el nem ni kam pii ngak e gil’ilignun ko Chitamag, urogon ra gel’ e falflaen rom fa’anra ni ngam pii’ e ya’el nib yo’or ngog!”7

Gube pii’ e m’ag rog ko Cha’ ni ke yog e pi thin nem: Ire Fak ku Got, e Tabiyul rodad, nge Tathapeg rodad.

Gube meybil ni gadad ra fulweg ngak e pin’en ni ke pii’ ngomed, “Mu laked Gag.”8 Fithingan nib thothup—e fithingan ku Yesus Kristus fare Somoel—amen.