Kirel a Budech er a Blai

Ng betok el tekoi el ngar a beluulechad el de kiei er ngii a melekoi el me er kid el kmo ng kired el merikl er a rokui. Ng blechoel el betok a doruul e betok a kirel kedmekill. Engdi, se el kot el tmolch el ngar kid el rokui ak kmal kired el ngar ngii a deborngii e kede selbechakl el chelellakl me a budech a ngarngii, se el basio el sebeched el mo chelellakl e olenguul e mengetmokel er kid kirel a kuk merael mei el berraod.

A kmal lungil el basio el ngarngii a budech er ngii a blai, el Jesus Kristo a mo ngaruchei er a rokui.

A bebil er a telungalek e a chedam a ngar ngii el klikiid loba a klepriesthood el obengkel a dirrek el kmal klou a klaumerang er ngii el chedil el tir a dmak el mengetikaik el ngar a melemalt. Ng betok a kakerous el teletael er a chelsel a bek el telungalek. Ng di mo ultuil er a ta el telungalek, el ngii a sebechel el nguu a Rubak el Jesus Kristo el mo ngaruchei er a rokui el tekoi er a blai, le ngii a uchul a klaumerang me a budech el mei er tial el klengar.

Bom kerkikl er a bek el tekoi el omoruul, el ngii a tekingel a klechad malechub eng chedaol el tekoi el ultuil er a ikel soal a Osobel a bo mo meruul. Se bol Ngii a kot el ngaruchei er a telungalek er kau, eng morngii a budech e mo chelellakl. Ng morngii a ungil reng el me soiseb er a telungalek er kau, me ngii a mo sebechir tir ke el kiei el mo melchesuar er ngii el direk.

Ng diak el di el ta el chedam me a chedil a kirir el meruul e oltirakl er tia el llach, e uaisei el ngerchelir el mengedereder. A rengalek a kmal sebechir el olngeseu el nguu a Kristo el mo kot er a rokui er a chelsel a blai. Ng kmal klou a belkul el kirel a chedam me a chedil el osisecheklterir a rengalek el kmo ng uangera a ika el blekerdeled a de kiei er a blai el betok el chad. A rengalek el tir a mo medengei el kmo aike el louruul a bo lo ridm, a ble lungil lomeruul me a le mekngit, a mo mukeroul el doumerang er tir el chedal a rengedel a Dios.

Ak medengei el kmo ng kmal sebechem el metik a ungil el blekeradel me a teletael el telungalek er kau a mo ultuil er a Osobel. A osisechakl el mlengai er a ulaoch el mo meluluuch er a bek el sils el di kid me a nglunguuch er a telungalek, dmak el telungalek el mesuub er a chedaol llechukl er a bek el sils, me a ongdibel er a retelungalek a kmal klou a belkul el ngii a rullid e osisecheklid el nguu a Kristo el mo kot er a blid. A lak a ikang el omeruul eng kmal mo meringel er kid el metik er a budech e selbechakl er tial el beluulechad.

Bo moltirakl a ulaoch losisechakl el Kristo a soal a omoruul. Lak mo mekbeot a tekoi el oridii a ngarmedam el deuereng el mengedeb a kirem el meruul e bai bo moltirakel a doumerang el osisecheklel a ebangkelio. Bo modengei: a mekekerei a mekrolaou el mo er a meklou el tekoi. A omengited er a ikang a sebechel ngoikid el mo chobangel a meklou el ringel. Ea kot el klou a belkul, e beot, e blecheol ngarngii, lungil blekeradel a mekrolau el mo er sel klengar el ngii a mui er a klengeltengat.

Kemiu el ngalek er a Primary, kemiu el ngeasek el sechal me a redil el ngar tia el cheldebechel ra re ngeasek, me kemiu el kot el mesisiich a klaumera er kemiu el misionari el tir a mesiou er chelcha el taem el meruul a kmal betok el ngii a kmal lungil e sebechel mekedmokl el kuk lemuut lungil er sel taem er a kusiou. A klengar ruchei er tia el beluulechad e kau a mlocholt el mesisiich er a klaumerang, bekongesenges, e klikiid. Omngar sei, e kau a uluureor el melisiich er a kldachelbim me a ike el sebechem el meruul el mengedmokl er kau el mei er a beluulechad loba dechal a regnum, blekognesenges, odanges, e ungil er a tekoi el moruul.

Ng dimlak el meketekt e ke mlei er tia el klechad lolab aike el ngii a dachelbai me a ungil blekeradel me a klou el techall. Eng di ng kmal klou a cherarou me a mekngit el teletael el meliuekel er kau. Aike el meklou a ultutelel el sebechem el remuul a sebechel el mo olengesonges me a lechub eng metemall alsekum e ke msa techall a mekngit el ongetikaik er a diabelong el ngii a illiuekl er kau. Ng di, a Diablong a diak a klisichel er a Osobel. A klengar er a Diablong a delbodeb. Ng medengei el kmo ngii a mla momake, eng di ngii a kmal soal el melemall er tir ke el ngii a sebechel. Ng mo melasem el melemall er kau er a ike el ngii a ungil el blekerdelem lokiu a chelitechetum. Molemolem el bereked er a Rubak, e sei kid e kau a sebechem el di kats er a bek el taem.

Kau a kiei er tia el beluulechad el technology er ngii a beches e ungi. Ng meringel er kemam el telcheroll el lousbech. Ng di ultuil er a ulsbechel tia el technology, eng sebechel el mo klengeltengat el mei er kau malechub eng mo uchul a klengit. A technology, a kmal sebechel lungil al sekum e ke dungil medengelii e ousbech er ngii el meruul a ungil e mellemalt, eng diak bol temellid e bai mo sebechel klengeltengat er a chedaol tekoi.

Ng diua tiakid: ng betok er kid a ngar ngii a klokled el electronic el kmal sebechel tmuu er a boketenged. Ng meringel er kid el diak dousbech er ngii; kede blechoel ultuil er ngii er a bek el taem er a bek el sils. Ng diak lungil, le tia el klalo a kmal sebechel el mo mekngit a belkul er kid e nguu a klou el temed. Engdi, omousbech er ngii el ngar sel lungil teletael, e tia el technology a kmal sebechel el mo dongu er a klechad er kid er tia el klou el cherarou el beluu.

Ng techa sebechel medengei el diak el betok el rak er a mla memong ea mle mui el ureor me a klumech er a betok el rak er a general conferences a mlo sebechel soiseb er a chelsel a boketengem? Alsekum e ke kuk di olab el ngar er a chelsel a boketengem eng diak el sebechel sobecheklau, alsekum eng diak mosuub, molebedebek, me a lechub e korrengs er a chelellakl el taem er a bek el sils eng kmal sebechem el melchesuar er a Chedaol Reng el mer kau.

Bom kerkikl sel mousbech er tial technology. Mluches el meketakl aike el meklou a ultutelel el bades er a chelsel e bo blechoel lomes. Alsekum e kemiu el mekekere el chad a mo omtab e mesuub aika el bades er a chedaol llechukl er a bek el sils el betok el taem er a chomou tex, eng sebechemiu el mo medengei a betok er a dart el bades er a chelsel a chedaol llechukl. Aike el bades a kot el mo klou e melisiich e omekelomes e mengitikaiek er kau lokiu Chedaol Reng er sel taem el kau a kmal lousbech er ngii.

Omeruul el mor sel kot el tkul rebab el mengemedaol er a medemedemek, el ongitikaik er a Chedaol Reng el mera klengar er kid a klou a ultutelel el meruul er a rekeblid el Osobel a mo bdelul a telungalek er kid. Sel doltirakl e dolngesenges er a kekerei el ngor a mo lmuut el smisichid.

Ng klou el budech a merkau sel le blak a rengum e olengesenges el mesiou er tirke el kmeed er kau. Ng betok er a dersta er kid a omdasu el ngarngii a olengesonges er a kldachelbid engdi toba ngariou el reng e ousbech lolengeseu er tirke el iliuekl er tir. Bechechelingaol reng a risel a klengit. A omtok er ngika el mekngit a ulecholt er a klengar er a Osobel. Ngii ochotii er kid el kmo kede mekera e odersii a klengar kid el kirel omesiou el mora rebebil.

Ak kmal mla mesuub er a klemerang el kmal moungil meketeklii er a chelsel a klengar er ngak el kmo ng meral llach. Ng kmal lungil meketeklii a rolel a bekongesenges me a ungil lomesiou el lokiu a klisichel a Dios. Sel doltirakl a llechul a Dios e dosiou er a rengelekel loba blekokeuii el reng, e sel kot el klou el denguu a klisiich el ngara Dios—klisiich el ngii a sebechel remuul aike el ngii a diak el sebeched el remuul. Aike el ngar er a uldesued, me a keldachelbid, me a duch el reng a merael mo mesisiich le ngii el mengai er a klisichel a Dios. Ngii el klisichel a kmal dmolech el tara kmal sebechel rulii a blai el mo budech.

Me sei el mrelii a blim el mo Osobel a ngar ruchei, eng kmal moungil el omrotel el diak el di lebora telungalek er kau e lemerkong eng bai dirrek el mor tirke el sechelim el tir a kora klou a chetituokel er a telungal er tir. Te mo sorir sel reng el ngar er a blim. Mongemedaol er tir el sechelim el mera blim. Me te mo mukeroul er tia el blai el Kristo a klou a ultutelel er a chelsel. Bom sechelirir a resechelir a rengelkiu. E bom klikiid e mungil okesiu el mo er tir.

A ta er a kot el klou el klengeltengat el kid a sebeched el rulii el mora beluulechad a kmal di klisichel a Kristo er a telungalek el ebangkelio er ngii a mosisechakl, telbiil a moltirakl, e klou el beltik el reng a meliuekl er ngii.

Sesei el rak er a mla memong, er a ki moldingel er a mission, ea bechik, er a Jeanene, a uluchais er ngak el kirel a ta el elder lulengedecheduch er ngii. A Jeanene a uleker er ngii el kirel a telungalek er ngii. Ng kmal mlo mechas a rengul er a louchais el kmo ng dimlak a telungalek er ngii. Ng millemolem lochais el kmo sera le bechell, ea delal a ngiluu el mesterir a rechad er a government me tomekeroul er ngii. Meng klou el ulekerreuil a mlu keroul er a ta er a blai el mora tang. Ng mle ngeltengat er a le ngeasek el miltik er a ebangkelio. Ea kmal mle ungil e chubechubechad el telungalek er a ward a ngilsouir er a techall el mo mesiou el missionari.

A uriul ea Jeanene a uleker er a bechil a meeredel er a mission el kirel ngika el kmal lungil elder. Ng mlo medengei el sesei el buil ruriul el kmo ngka el elder a mlara blai er a mission el sesei el klebesei el smecher. Me tia el taem eng mlo obengterir el ngara ongdibel er a telungalek. A uchei er a lorael el muut el mo er a blirir a remissionari el mo mesiou eng ulelturk er a merredel er a mission me bol sebechel sel bochul merek el mesiou eng lemuut el me kiei el eru me a lechub eg edei el klebesei. Ng mle soual el mo ungil medengelii el kmo ng mekera a blai el lultuil er a Kristo a loureor. Ng mle soal mo mesuub el meruul er a telungalek er ngii el mo uai tir.

Bo er a ikel sebechem el rulii a blim el mo uaisei. Bo molngeseu er tir ke el meringel a delengcheklir. Bo meral sechelirir. Tiakid el teletael er a klausechelei a kmal ngosukid el melemolem e smisichid er a meringel klengar e rulii el kmal mo ungil merael. Ng diak el kirel techall er a skel a klungiaol lekor kau ng bai mo ta er a klungiaol el domerk er ngii. Mongemedaol er tir el mei er a blim tirke el lousbech omelisiich lokiu a Kristo.

Ak kmo olecholt a bebil er a ungil uldasu el mo er tirke el tir a betik a rengrir er a ta el chad er a telungalek el ngii a meruul a diak lungil lomeruul. Tia kmal sebechel losisecheklid er a klengariou el reng me a kellouelreng. Ng kmal kired el mo oumerang er a Dios me sel ngii a temel er aike el ngii a nglunguched el mo olengeseu a kmal sebechel mo merang. Ng kired el mora tkul rebab el sebeched el mesiou, e mo omekngeltengat, e mo kongei er a soal a Dios er a rokui el tekoi. Kede mo oba klaumerang e mo medengei el kmo ng kirel ngar ngii a bebil er a tekoi el debechei er chimal a Rubak. Ngii a mengemedaol er kid el mo ngmai aike el ngii a oberaod el ngar kid el msang. Ngokiu a klaumerang eng sebeched el medengei el kmo tirkel mla mo cheroid el betik er a rengud a diak el cheloit e bai kmal ngar er a ulekerreuil a oubeltik el reng el Osobel.

Bo momtab a ungil el blekeradel er a ta me a tang, e diak el bai le kngterir. A bebil er a taem ea cheisech a ousbech er a ungil teletael er a omesilek e ng sebechel mo beches, eng di bai molasem el lolengesu er tir er a ike el lungil blekeradel.

Sel momelchesiu el ngomeda urungulem, e tiang a diak el kekerei ng bai klou a belkul lomak er tia el deleuill, el di uai a klengar el mo sobecheklau e smisichau. Ng mo mengelaod er kau e sobecheklau er a dakt. Molemolem el kiei el klikiid e moterkeklii a klaumera er kau el mora Dios.

Ng kired el diak debo debekikl al sekum eng diak el sebeched el remuul er osisu el taem aike el Dios a mla kmu er kid me kede meruul. Ng dirrek el mengedecheduch el kmo a rokui el tekoi a kmal di ngar ngii a temel. El ngii a mo onger a nglunguched e mengetikaik er kid er a bek el dauch er a klengar er kid. Ng sebeched el mesuub, mukeroul, e mo uai ngii el ngar a ta el bakes er a ta el taem.

A kuchais er a olechotel a klaumera er ngak el kmo se el di le kiei el bekongsenges a klengar er kid, el delalem er a ebangkelio er a Jesus Kristo, eng sebechel ngosukid er a kmal klou el budech me a omerotel el me er a rekebelid. Ng mo betok a omelasem me a meringel er a uldesued, eng di sel dengar er a delongelel a meringel tekoi eng sebeched el melchesuar er a ungil budech me a deureng. A kuumerang el kmo a Tengakireng er a Jesus Kristo a roled el mo metik a berikt el budech loba ngklel a Jesus Kristo, amen.